Дүкөндүн терезелерин жаап жаткан Нью-Йорк шаарынын тургундары

АКШдагы шайлоо: митингден корккон ишкерлер дүкөндөрдүн эшик-терезесин бекитүүдө

130
(жаңыланган 13:29 03.11.2020)
Нью-Йорктогу Trump Tower имаратынын айланасын эки катар темир тосмо менен курчап, кире беришинде куралчан полиция кызматкерлери нөөмөттө турат.

БИШКЕК, 3-ноя. — Sputnik. АКШнын ири шаарларында президенттик шайлоодон кийинки элдик толкундоолордон корккон ишкерлер дүкөндөрдүн жана коммерциялык ишканалардын эшик-терезелерин тактай менен бекитип жатышат. Бул тууралуу CNN маалымдады.

​Өзгөчө Вашингтон шаарындагы Ак үйдүн аймагында жана Нью-Йорктун борбордук көчөлөрүндөгү кафе-ресторандар, дүкөндөр жана сулуулук салондору "даярдык" көрүүдө.

АКШга кандай президенттин келгени Россияга пайдалуу?

"Президенттик шайлоодон кийинки толкундоолордон коркуп ушунчалык бекинип алган имараттарды көрөм деп эч качан ойлогон эмесмин. Азыр Вашингтон, Нью-Йорк, Лос-Анджелес жана башка шаарларда ушундай көрүнүш. Жүрөк ооруйт", — деп өзүнүн Twitter баракчасына журналист Вольф Блитцер жазды.

​Нью-Йорктогу Trump Tower имаратынын тегерек четин эки катар темир менен тосуп, кире беришинде куралчан полиция кызматкерлери нөөмөттө турат.

Эске салсак, бүгүн, 3-ноябрда, АКШда президенттик шайлоо болуп жатат. Негизги таймаш учурдагы президент Дональд Трамп менен мурдагы вице-президент Жо Байдендин ортосунда болууда.

130
Белгилер:
сактануу, дүкөн, бизнес, шайлоо, президент, АКШ
Тема боюнча
Молдовадагы президенттик шайлоо: атаандашы азыркы президент Додонду басып өттү
ВТБ банкынын президенти Андрей Костин. Архив

Россиялык банкир интеграциянын мыкты мисалдарын атады. Бири КРге байланыштуу

14
(жаңыланган 17:04 04.12.2020)
Андрей Костин алгачкы Евразия конгрессинде сүйлөп жатып банктар экономика менен интеграциянын локомотиви боло аларын белгиледи.

БИШКЕК, 4-дек. — Sputnik. Экономикалык интеграциянын эки мисалын "ВТБ банкынын" президенти Андрей Костин атады.

Алгачкы Евразия конгрессинде сүйлөп жатып, ал банктар экономика менен интеграциянын локомотиви боло аларын белгиледи.

"Биздин банк Казакстандагы ири тоо-кен металлургия тармагындагы топ менен кызматташат. Биз каражат менен гана камсыздабастан, андан чопо сатып алып Тажикстанга жөнөтөбүз. Ошондой эле алюминий өндүргөн компанияны каржылап, ордуна даяр продукция алабыз. Товарды дүйнөлүк рынокко чыгарабыз", — деди Костин.

Мындай жол менен ал Россия, Казакстан жана Тажикстан өлкөлөрүнүн ортосунда интеграция жүргүзүп жатканын айтты. Бул финансылык түзүмдөр ишке ашыра ала турган интеграциялык кызматташтыктын бир мисалы экенин кошумчалады.

"Ошондой эле биз Кыргызстандагы ири алтын кенине инвестор жана кредитор болуп бердик. Кеп "Жерүй" долбоору жөнүндө болуп жатат. Бул дагы финансылык институттар экономикалык өнүгүүсүнө салым кошо аларын көрсөткөн экинчи далил", — деди банк жетекчиси.

Буга чейин адистер ЕАЭБди мындан ары өнүктүрүү үчүн эмне кылуу керектигин айтышкан эле.

14
Белгилер:
банк, экономика, интеграция, Евразиялык экономикалык биримдик, Кыргызстан, Россия
Тема боюнча
Адис ЕАЭБди мындан ары өнүктүрүү үчүн эмне кылуу керектигин айтты
Евразия өнүктүрүү банкы "Манас" аэропорту жана Темир жол долбоорун карап жатат
Казакстандын Улуттук банкынын мурдагы төрагасы, учурда Евразия өнүктүрүү банкынын башкармалыгынын жетекчисинин кеңешчиси Григорий Марченко. Архивдик сүрөт

Адис ЕАЭБди мындан ары өнүктүрүү үчүн эмне кылуу керектигин айтты

29
(жаңыланган 15:07 04.12.2020)
Григорий Марченко Биринчи Евразия конгрессинде сүйлөп жатып, ЕАЭБде негизи багыттар жумушчу күч, товар, кызмат көрсөтүү жана капитал экенин кошумчалады.

БИШКЕК, 4-дек. — Sputnik. ЕАЭБ мамлекеттеринин мындан ары өнүгүшү үчүн кызмат көрсөтүү жана капиталды өнүктүрүү жаатында кызматташуу керек. Бул тууралуу Казакстандын Улуттук банкынын мурдагы төрагасы, учурда Евразия өнүктүрүү банкынын башкармалыгынын жетекчисинин кеңешчиси Григорий Марченко билдирди.

Ал Биринчи Евразия конгрессинде сүйлөп жатып, ЕАЭБде негизи багыттар жумушчу күч, товар, кызмат көрсөтүү жана капитал экенин кошумчалады.

"Баамдап көрсөк, ЕАЭБде жумушчу күч менен эмгек 70 пайызга, кызмат көрсөтүүлөр 46 пайызга, капитал 40 пайызга либералдашты. Мындан ары өнүгүү жолунда болуу үчүн кызмат көрсөтүү жана капиталды өнүктүрүү жаатында кызматташуу керек", — деди Марченко.

Ошондой эле ал учурда ЕАЭБ 2001-жылы Биримдикти негиздөөчүлөр ойлогондон башкачараак нукта иштеп жатканын айтты. Бирок евразиялык интеграция жакшы жыйынтык берип жатканын танууга болбой турганын кошумчалады.

29
Белгилер:
кызматташуу, экономика, Евразиялык экономикалык биримдик
Тема:
ЕАЭБдеги Кыргызстан
Тема боюнча
ЕАЭБ өсүмдүк майынын зыяндуулугун азайтуу үчүн атайын норма иштеп чыгат
ЕАЭБ жана Кытай бажы ташуулары боюнча маалымат алмашууну баштайт
ЕАЭБ аймагында "COVID жок саякаттайм" тиркемеси ишке кирет. Артыкчылыгы
Бишкекте жарандын ишенимине кирүү менен 100 миң долларын алып из жашырган киши кармалды.

Батирин сатымыш болуп аялдын 100 миң долларын алып койгон. Шектүү кармалды

0
(жаңыланган 17:13 04.12.2020)
Шектүүнүн башка дагы ушундай кылмыштарга тийиштиги бар-жогу текшерилип жатат. Бул адамдан жабыркагандар милицияга кайрылса болот.

БИШКЕК, 4-дек. — Sputnik. Бишкекте жарандын ишенимине кирүү менен 100 миң долларын алып из жашырган киши кармалды. Бул тууралуу шаардык милициядан кабарлашты.

Маалыматка караганда, үстүбүздөгү жылдын 1-декабрында Октябрь райондук милициясына З.Е. аттуу аял арыз менен кайрылган. Ал март айында О.Т. аттуу жаран борбор калаадагы Каралаев көчөсүндө жайгашкан көп кабаттуу үйдөгү батирлердин бирин сатам деп, ошол эле жерден андан 100 миң 150 долларын алып калганын айткан. Кийин шектүү убадасын аткарбастан из жашырып кеткен.

Факты Кылмыш жана жоруктардын бирдиктүү реестрине Кылмыш-жаза кодексинин 204-беренеси ("Алдамчылык") боюнча каттоого алынган.

"Ыкчам издөө иш-аракеттеринин негизинде 33 жаштагы О.Т. аттуу шектүү кармалды. Ал Жукеев-Пудовкин көчөсүндөгү ижарага алынган батиринде жашап жүргөн. Шектүү Бишкек шаардык милициясынын убактылуу кармоочу жайына киргизилди", — деп айтылат маалыматта.

Учурда анын башка дагы ушундай кылмыштарга тийиштиги бар-жогу текшерилип жатат. Бул адамдан жабыркагандар болсо 0(772) 33-32-01, 0(707) 81-44-44 же 102 номерлерине кайрылууга болот.

0
Белгилер:
шектүү, батир, милиция, Бишкек
Тема боюнча
Бишкектин чок ортосунан 18 жаштагы куралчан жаран кармалды. Сүрөт