Сторонники грузинской оппозиции на митинге в центре Тбилиси. 8 ноября 2020 года

Грузияда оппозициянын масштабдуу митинги өтүп жатат. Видео

122
(жаңыланган 23:55 08.11.2020)
Митингдер ири делген Тбилиси жана Батуми шаарларында өтүп жатат. Батумиде чогулгандар бийликке таптакыр баш ийбей турганын жар салышкан.

БИШКЕК, 8-ноя. — Sputnik. Грузияда парламенттик шайлоонун жыйынтыгы бурмаланган деген оппозициянын масштабдуу митинги өтүп жатат. Бул тууралуу Sputnik Грузия жазды.

Акция ири делген Тбилиси жана Батуми шаарларында өтүүдө. Митингчилер жаңы шайлоо өткөрүүнү жана Борбордук шайлоо комиссиясын таратууну талап кылып жатышат.

31-октябрда Грузияда парламенттик шайлоо өткөн. Анын жыйынтыгы менен мыйзам чыгаруу органында "Грузинская мечта" башкаруучу партия көп мандат алып, өзү жалгыз өкмөттү түзө алат. Оппозиция шайлоонун алдын ала жыйынтыгы чыгары менен эле мыйзам бузуулар болгонун айтып, митингге чыгууга даяр экенин билдирген.

Учурда баш калаада 6 миңден 20 миңге чейин адам митингге чыкты. Тбилисиде чогулгандар бийликке катуу талап койду. Алар БШК башчысы Тамар Жваниянын кызматынан алынышын талап кылып, бул сүйлөшүүнүн башталышы экенин айтышкан. Парламенттин алдына чоң таймер орнотулган. Талапты аткаруунун мөөнөтү саат 20:00гө чейин белгиленген.

Трамптын тарапташтары каршылык акциясын уюштурушууда

"Мен Бидзина Иванишвилиге кайрылам: бурмалоочу Жванияны кечки саат сегизге чейин кызматтан кетирүүнү суранам, андан кийин биз, оппозициянын өкүлдөрү, элдин атынан жаңы шайлоону дайындоо боюнча сүйлөшүүлөргө, жолугушууга даярбыз", — деген Бирдиктүү улуттук кыймылдын лидерлеринин бири Ника Мелия.

БШК башчысы кызматынан кетпесе оппозиция кандай чараларды көрөрүн ачык айткан эмес. Болгону кечинде оппозициянын жаңы планы жарыяланары белгиленген.

Башкаруучу партиянын өкүлү буга чейин "Грузинская мечта" айтылган талаптарды аткарууга макул болбой турганын билдирген. Ал арада Батумиде демонстранттар бийликке баш ийбестигин жар салышты.

122
Белгилер:
оппозиция, митинг, Грузия
Тема боюнча
Грузиядагы шайлоо: бийликтин партиясы алдыда, оппозиция митингге кам көрүүдө
Футболчу Диего Марадона кесипкөй бокстун эки салмак боюнча дүйнө чемпиону Сантос Ласьяр менен 1996-жылы бокс беттеши учрунда. Архив

Соцтармак Марадонанын бокстагы дебютун эскерди. Видео

50
Беттештен бир күн мурда мушкерлер салт катары таразага түшүшүп, Марадона атаандашынан 14 килограммга оор болгон.

БИШКЕК, 27-ноя. – Sputnik. Диего Марадона 1996-жылы бокс спортунда өз күчүн сынап, досу, кесипкөй бокстун эки салмак боюнча дүйнө чемпиону Сантос Ласьяр менен рингге чыккан. Бул тууралуу World Boxing Council (Дүйнөлүк бокс кеңеши) уюму футболчунун бокстагы дебютун эскерип, анын беттешиндеги үзүндүлөрүн Instagram баракчасына жарыялады.

Посмотреть эту публикацию в Instagram

Публикация от World Boxing Council (@wbcboxing)

Марадона ошол кезде өзү ойногон "Бока Хуниорс" футбол командасынын кийимине түспөлдөш көк-сары түстөгү чолок шымчан мушташкан. Атаандашы Ласьяр WBA (Дүйнөлүк бокс ассоциациясы) уюмунун титулу үчүн түштүк африкалык Питер Матебуланы уткандан кийин 15 жылдан соң рингге чыккан.

Маалыматтарга ылайык, беттештен бир күн мурда мушкерлер салт катары таразага түшүп, Марадона (75,3 килограмм) атаандашынан (61,45 килограмм) 14 килограммга оор болгон.

Тамашалуу маанайдагы беттеш үч раундга созулуп, айрым жеринде боксчулар бири-бирине эмес, калыска чабуул жасап, соккулашкан. Беттештин соңунда легендарлуу футболчу топту бут менен ойноонун керемет ыкмаларын жасап, көрүүчүлөрдүн көңүлүн көтөргөн.

Эске салсак, Диего Марадона 25-ноябрда 60 жаш курагында Буэнос-Айрес шаарынан анча алыс эмес жайгашкан Тигре шаарындагы жашап жаткан үйүндө жүрөк кемтиги оорусунан улам көз жумган.

Аргентинанын президенти бул кайгылуу окуяга байланыштуу үч күндүк аза күтүү күнүн жарыялаган.

50
Белгилер:
эскерүү, бокс, Диего Марадона
Тема боюнча
Легендарлуу футболчу Диего Марадона көз жумду
Көчөдө бараткан адамдар. Архив

COVID-19га кабылган эркекте кийин төшөк маселесинде көйгөй жаралышы мүмкүн

118
Адистин айтымында, коронавирус аялдарга караганда эркектерге көбүрөөк кыйынчылыктарды жаратат.

БИШКЕК, 27-ноя. — Sputnik. Эркектин тукум улоо органдарындагы ACE2 деп аталган рецепторлор организмге коронавирустун кирип кетишине көбүрөөк себепкер болот. Мындан улам COVID-19дан сакайгандан кийин эркектердин жыныстык жашоосунда көйгөйлөр жаралышы мүмкүн экенин Sputnik радиосунун эфиринде эндокринолог Зухра Павлова билдирди.

"Коронавирус аялдарга караганда эркектерге көбүрөөк кыйынчылыктарды жаратары байкалууда. Бир нече иликтөөлөрдүн жыйынтыгын карап көрсөк, коронавирустан айыккан соң эркектерде тестостерон гормонунун бөлүнүшүндө көйгөйлөр жаралат экен. Мындан улам алардын тукум улоо функцияларында түйшүк жаралышы ыктымал", — деди дарыгер.

Тестостерон гормонунун эркектин жашоосунда мааниси чоң. Бул гормон жетиштүү кезде эркектин энергиясы ашып-ташып, кандай иш баштабасын майын чыгара жасайт. Тестостерондун жардамы менен эркекке сакал-мурут өсөт, булчуң эт толот, кандын курамы жакшырат. Эң негизгиси — эркектин бел суусунун иштелип чыгышына, тагыраагы, тукум улоосуна шарт түзүлөт.

Ошондой эле тестостерон акыркы изилдөөлөр боюнча вирустук инфекцияларга туруштук берүүдө маанилүү роль ойнойт. Анын деңгээлинин төмөн болушу респиратордук инфекция, сасык тумоо, сезгенүү, жүрөк-кан тамыр ооруларынан жана кан басымдын көтөрүлүшүнөн улам өлүм коркунучу жогорулашы мүмкүн экени айтылып келет.

118
Белгилер:
кесепет, коронавирус, эркек, тестостерон
Тема:
Дүйнөгө жайылган коронавирус
Тема боюнча
Коронавирус эркектин сексуалдык каалоосун жок кылат. Жаңы изилдөө
Адис: коронавирус сасык тумоо менен грипптин катарына кошулуп келе жатат
Ош шаары. Архив

Эртең менен Ошто жер титиреди

0
Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

БИШКЕК, 27-ноя. — Sputnik. Бүгүн эртең менен Ош облусунда очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлиги КРдин Сейсмология институтуна таянуу менен билдирди.

Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

Жер титирөөдөн жабыркагандар жана кыйроолор катталган жок.

0
Белгилер:
ӨКМ, жер титирөө, Ош облусу, Кыргызстан
Тема боюнча
Кыргызстанда катуу жер титиреди