Уктап жаткан кыз. Архивдик сүрөт

Дарыгер батыраак уктап калуунун жолдорун айтып берди

370
Адистин айтымында, турмуш-тиричиликтин тез ыргагы менен тынчсыздануулар уйку режимин бузуп, организмге толгон-токой ооруну чакырат.

БИШКЕК, 9-ноя. — Sputnik. Тезирээк уктап калуу үчүн жөнөкөй эрежелерди эске алуу керектигин РИА Новости кытайлык адис Ши Хуэйге таянуу менен жазды.

Дарыгердин айтымында, турмуш-тиричиликтин тез ыргагы менен тынчсыздануулар уйку режимин бузуп, организмге толгон-токой ооруну чакырат. Бул процессти калыбына келтирүү үчүн жети сааттан кем эмес уктап, эрте жатканга аракет кылуу керек.

Адис кыйналбай эрте туруунун сырын ачты

Мындан тышкары, уктаарга бир саат калганда телефонду колдонбош керек. Анткени экрандын жарыгы мелатониндин синтезин, тагыраагы, уйку гормонун бузуп, эс алганга тоскоол болот.

Бат уктап калуу үчүн демделген чай, кофе жана башка чарчоону убактылуу жаза турчу суусундуктардан баш тарткан оң.

Дарыгер жатар алдында жылуу ваннага түшүп, китеп окуп жана курсак менен дем алууга арналган көнүгүүлөрдү жасоо жакшы жардам берерин кошумчалаган.

370
Белгилер:
эс алуу, организм, уйку
Тема боюнча
Эндокринолог: уйку гормону бузулган адам бат картаят
ЖККУнун  жыйыны. Архив

ЖККУнун коргоо министрлеринин отуруму өттү. Талкууланган маселелер

7
(жаңыланган 19:43 01.12.2020)
Кыргызстандын атынан Генералдык штабдын жетекчиси Таалайбек Өмүралиев катышты. Отурумдун аягында бир топ документтер кабыл алынды.

БИШКЕК, 1-дек. — Sputnik. Бүгүн Жамааттык коопсуздук келишими уюмуна кирген өлкөлөрдүн коргоо министрлеринин кеңешинин жыйыны өттү. Бул тууралуу Генералдык штабдын маалымат кызматынан кабарлашты.

Кыргызстандын атынан Генералдык штабдын жетекчиси Таалайбек Өмүралиев катышты. Иш-чара Россиянын коргоо министри Сергей Шойгунун төрагалыгы алдында өттү.

Жыйын видеоконференция форматында уюштурулду.

"Иш-чаранын жүрүшүндө ЖККУнун БУУ менен өз ара кызматташуусу, аталган уюмдун алдында тынчтык орнотуучу иштерге катышуу боюнча маселелер талкууланып, пикир алмашуу болду", — деп айтылат маалыматта.

Андан сырткары, жыйындын соңунда ЖККУнун Жамааттык күчтөрүн материалдык-техникалык жана медициналык жактан биргелешип камсыздоо боюнча бир нече документтер макулдашылган. Буга авиациялык тармактын өнүгүшү жана аны изилдөө маселелери, аскердик кызматташууну өнүктүрүүнүн планын кароо кошулган.

Келерки жылы төрагалык кылуу Тажикстанга өтмөкчү.

7
Белгилер:
кызматташуу, ЖККУ, Кыргызстан
Тема боюнча
Кооптуулуктун таасири талкууланды. Мусаев ЖККУ жыйынына катышты
Өсүмдүк майы. Архив

ЕАЭБ өсүмдүк майынын зыяндуулугун азайтуу үчүн атайын норма иштеп чыгат

34
(жаңыланган 16:41 01.12.2020)
Техникалык регламент боюнча бизнес өкүлдөрүнөн сунуштар түшүп, эксперттер тарабынан иштелип жатканы айтылды.

БИШКЕК, 1-дек. — Sputnik. ЕАЭБдин аймагында өндүрүлгөн кошулмасында глицидил эфири бар өсүмдүк майын жана андан жасалган азыктарды жөнгө салуучу документ коомдук талкуу стадиясынан өттү. Бул тууралуу ЕЭКтин Аккредитациялоо жана техникалык жөнгө салуу департаментинин бөлүм башчысы Андрей Полозков Sputnik Кыргызстандын маалымат борборунда өткөн видеокөпүрөдө билдирди.

Тропикалык майлардын айрым түрлөрүнүн жана анын ичинде пальма майынын кооптуулугу боюнча билдирүүлөр талкууга алынган. Полозковдун айтымында, техникалык регламент боюнча бизнес өкүлдөрүнөн сунуштар түшүп, эксперттер тарабынан иштелип жатат.

Ошондой эле ал бул боюнча макулдашууларга көп убакыт талап кылынарын, андыктан регламент ЕАЭБде 2023-жылдын биринчи жарымында күчүнө кире турганын кошумчалады.

Ал эми ЕЭКтин Санитардык, фитосанитардык жана ветеринардык департаментинин директору Наталья Жукова Евразиялык экономикалык комиссия 2019-жылы августта тамак-аш азыктарындагы глицидил эфиринин нормага ылайыктуу деңгээлинин чегин аныктаганын билдирди. Бүгүнкү күндө өндүрүшчүлөр бул норманы ыктыярдуу түрдө колдоно алат. Ошондой эле бул нормативдер Евросоюздун талаптарына дагы дал келери кошумчаланды.

"Майдын өзү зыян эмес, аны кайра иштетүүдөгү продукция зыян болушу мүмкүн. Мисалы, эгер өндүрүүдө, ташып келүүдө жана сактоодо нормалар сакталса, пальма майын пайдалуу азык катары карасак болот. Башка өсүмдүк майларында дагы ушул өңүттөгү техникалык процесстер бузулса, кооптуу продукцияга айланып кетет. Негизги фактору — глицидил кычкылтегинин көп кошулушу", — деди Жукова.

Техникалык регламент ЕАЭБдин бардык мүчөлөрү менен макулдашылып жана кабыл алынган соң аны көзөмөлдөө өлкөлөрдүн тиешелүү органдарына берилет. Аны сактабагандарга ар бир өлкөнүн ички мыйзамдарына ылайык жоопкерчилик каралмакчы.

34
Белгилер:
техникалык регламент, норма, Евразиялык экономикалык биримдик, Өсүмдүк майы
Тема:
ЕАЭБдеги Кыргызстан
Тема боюнча
Россияда бекер дарыланат. ЕАЭБ ичинде мигранттарга каралган жеңилдиктер