2020-жылы Демократиялык партиядан президенттикке талапкер Джо Байден

COVID-19га карабай. АКШда президенттик инаугурацияны толук кандуу өткөрүү пландалууда

69
(жаңыланган 11:58 09.11.2020)
Инаугурация келерки жылдын 20-январь күнү болмокчу. Уюштуруучулар иш-чарага жаңы шайланган президент Жо Байден гана эмес, учурдагы мамлекет башчы Дональд Трамп дагы келет деп үмүт артышууда.

БИШКЕК, 9-ноя. — Sputnik. АКШ Конгресси президенттик инаугурацияны коронавирустун жайылып жатканына карабай, толук кандуу жана салтанаттуу түрдө өткөрүүнү пландап жатат. Бул тууралуу сенатор-республикачы Рой Блантка шилтеме берип РИА Новости жазды.

"Биз президенттин ант берүү аземин кадимкидей, салтанаттуу түрдө өткөрөлү деп пландап жатабыз. Иш-чара ачык асман алдында болот", — деди Блант.

Анын айтымында, бул боюнча комитет келерки жумада пикирин билдирет. Азырынча ал иш-чарага жаңы шайланган президент Жо Байден гана эмес, учурдагы мамлекет башчы Дональд Трамп дагы келет деп үмүт артууда.

Баса, АКШ коронавирустун жайылышы боюнча дагы алдыңкы орундарда келе жатат. Ушул тапта бул өлкөдө оору жуктургандардын саны 10 миллионго жетип калды.

ЖМК: Трамптын кеңешчиси аны шайлоодо жеңилгенин мойнуна алууга чакырды

"Кимиси ант берери маанисиз, бирок экөө тең эл алдына чыгышы керек, бул өтө маанилүү", — деди сенатор.

Инаугурация келерки жылдын 20-январь күнү болмокчу.

Эске салсак, 3-ноябрь күнү АКШ өзүнүн 46-президентин шайлады. Добуш берүүнүн жыйынтыгы менен мурдагы вице-президент Жо Байден жеңишке жетти. Ага 538 тандоочунун 290у өз добушун берген.

69
Белгилер:
инаугурация, Жо Байден, АКШ
Тема:
Дүйнөгө жайылган коронавирус (1167)
Тема боюнча
ЖМК: Мелания Трамп жолдошу президенттиктен кетсе эле ажырашканы жатат
ЖККУнун  жыйыны. Архив

ЖККУнун коргоо министрлеринин отуруму өттү. Талкууланган маселелер

34
(жаңыланган 19:43 01.12.2020)
Кыргызстандын атынан Генералдык штабдын жетекчиси Таалайбек Өмүралиев катышты. Отурумдун аягында бир топ документтер кабыл алынды.

БИШКЕК, 1-дек. — Sputnik. Бүгүн Жамааттык коопсуздук келишими уюмуна кирген өлкөлөрдүн коргоо министрлеринин кеңешинин жыйыны өттү. Бул тууралуу Генералдык штабдын маалымат кызматынан кабарлашты.

Кыргызстандын атынан Генералдык штабдын жетекчиси Таалайбек Өмүралиев катышты. Иш-чара Россиянын коргоо министри Сергей Шойгунун төрагалыгы алдында өттү.

Жыйын видеоконференция форматында уюштурулду.

"Иш-чаранын жүрүшүндө ЖККУнун БУУ менен өз ара кызматташуусу, аталган уюмдун алдында тынчтык орнотуучу иштерге катышуу боюнча маселелер талкууланып, пикир алмашуу болду", — деп айтылат маалыматта.

Андан сырткары, жыйындын соңунда ЖККУнун Жамааттык күчтөрүн материалдык-техникалык жана медициналык жактан биргелешип камсыздоо боюнча бир нече документтер макулдашылган. Буга авиациялык тармактын өнүгүшү жана аны изилдөө маселелери, аскердик кызматташууну өнүктүрүүнүн планын кароо кошулган.

Келерки жылы төрагалык кылуу Тажикстанга өтмөкчү.

34
Белгилер:
кызматташуу, ЖККУ, Кыргызстан
Тема боюнча
Кооптуулуктун таасири талкууланды. Мусаев ЖККУ жыйынына катышты
Өсүмдүк майы. Архив

ЕАЭБ өсүмдүк майынын зыяндуулугун азайтуу үчүн атайын норма иштеп чыгат

40
(жаңыланган 16:41 01.12.2020)
Техникалык регламент боюнча бизнес өкүлдөрүнөн сунуштар түшүп, эксперттер тарабынан иштелип жатканы айтылды.

БИШКЕК, 1-дек. — Sputnik. ЕАЭБдин аймагында өндүрүлгөн кошулмасында глицидил эфири бар өсүмдүк майын жана андан жасалган азыктарды жөнгө салуучу документ коомдук талкуу стадиясынан өттү. Бул тууралуу ЕЭКтин Аккредитациялоо жана техникалык жөнгө салуу департаментинин бөлүм башчысы Андрей Полозков Sputnik Кыргызстандын маалымат борборунда өткөн видеокөпүрөдө билдирди.

Тропикалык майлардын айрым түрлөрүнүн жана анын ичинде пальма майынын кооптуулугу боюнча билдирүүлөр талкууга алынган. Полозковдун айтымында, техникалык регламент боюнча бизнес өкүлдөрүнөн сунуштар түшүп, эксперттер тарабынан иштелип жатат.

Ошондой эле ал бул боюнча макулдашууларга көп убакыт талап кылынарын, андыктан регламент ЕАЭБде 2023-жылдын биринчи жарымында күчүнө кире турганын кошумчалады.

Ал эми ЕЭКтин Санитардык, фитосанитардык жана ветеринардык департаментинин директору Наталья Жукова Евразиялык экономикалык комиссия 2019-жылы августта тамак-аш азыктарындагы глицидил эфиринин нормага ылайыктуу деңгээлинин чегин аныктаганын билдирди. Бүгүнкү күндө өндүрүшчүлөр бул норманы ыктыярдуу түрдө колдоно алат. Ошондой эле бул нормативдер Евросоюздун талаптарына дагы дал келери кошумчаланды.

"Майдын өзү зыян эмес, аны кайра иштетүүдөгү продукция зыян болушу мүмкүн. Мисалы, эгер өндүрүүдө, ташып келүүдө жана сактоодо нормалар сакталса, пальма майын пайдалуу азык катары карасак болот. Башка өсүмдүк майларында дагы ушул өңүттөгү техникалык процесстер бузулса, кооптуу продукцияга айланып кетет. Негизги фактору — глицидил кычкылтегинин көп кошулушу", — деди Жукова.

Техникалык регламент ЕАЭБдин бардык мүчөлөрү менен макулдашылып жана кабыл алынган соң аны көзөмөлдөө өлкөлөрдүн тиешелүү органдарына берилет. Аны сактабагандарга ар бир өлкөнүн ички мыйзамдарына ылайык жоопкерчилик каралмакчы.

40
Белгилер:
техникалык регламент, норма, Евразиялык экономикалык биримдик, Өсүмдүк майы
Тема:
ЕАЭБдеги Кыргызстан
Тема боюнча
Россияда бекер дарыланат. ЕАЭБ ичинде мигранттарга каралган жеңилдиктер
Арча-Бешик конушуна асмандан көрүнүш. Архивдик сүрөт

Шаршембиге карата аба ырайы

0
2-декабрга караган түнү өлкөнүн тоолуу райондорунда кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 1-дек. — Sputnik. 2-декабрь, шаршембиде, күндүз республиканын көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй облусунда -1…+4, Талас жергесинде 0…-5, Ош, Жалал-Абад, Баткен аймактарында +4…+9, Ысык-Көлдө жана Нарында 0…+5 градусту түзөт.

Ош жана Бишкек шаарларында жаан-чачын күтүлбөйт. Күндүн табы борбордо 0…+2, Ош шаарында +7…+9 градус жылыйт.

0
Белгилер:
Кыргызстан, аба ырайы
Тема боюнча
Дагы кар жаайбы? Бир жумага карата аба ырайы