re:Store магазининдеги сатып алуучу. Архивдик сүрөт

Дүйнө жүзүндөгү эң популярдуу смартфонду аныкташты

235
(жаңыланган 10:50 11.11.2020)
Дүйнө жүзү боюнча 2020-жылдын үчүнчү кварталында 348 миллион смартфон сатылган. Бул өткөн жылдын ушул мезгилине салыштырганда 1 пайызга аз.

БИШКЕК, 11-ноя. — Sputnik. iPhone 11 смартфону 2020-жылдын үчүнчү кварталынын жыйынтыгы менен дүйнөдө эң көп сатылган телефон аппараты болду. Бул тууралуу аналитиканы Canalys компаниясы даярдаганын РИА Новости жазды.

Apple популярдуу смартфондор рейтингинде биринчи жана экинчи орундарды ээлөөгө жетишти — iPhone 11 (16 миллион даана) жана iPhone SE 2020 (10 миллион даана). Үчүнчү орунду Samsung Galaxy A21s ээледи, анын 10 миллионго чукулу сатылган. Алдыңкы ондуктагы калган жети орунга Samsung жана Xiaomi чыккан.

Кубаттуулугу эң күчтүү смартфон аталды

Ал эми жалпы сатылгандардын саны боюнча Samsung алдыга чыккан. Үчүнчү кварталда бул үлгүдөгү 80 миллиондон ашык телефон сатылган. Экинчи орунду Huawei ээледи. Андан 51,7 миллион смартфон сатылып алынган. Xiaomi үчүнчү тепкичте калды.

Дүйнө жүзү боюнча 2020-жылдын үчүнчү кварталында 348 миллион смартфон сатыкка кеткен. Бул 2019-жылдын ушул мезгилине салыштырганда 1 пайызга аз.

235
Белгилер:
Apple, сатуу, смартфон
Тема боюнча
Аидланова: смартфонубуз биз жөнүндө маалыматтын 90 пайызына ээ
Кубаттуулугу эң күчтүү смартфон аталды
Россия президенти Владимир Путин. Архив

Путин мигранттар боюнча жарлык чыгарды. РФ элчилиги кыргызстандыктарга кайрылды

278
(жаңыланган 00:23 22.06.2021)
Россияда жүрүү мыйзамын бузган мигранттар 30-сентябрга чейин каттоого туруп, патент алуу үчүн миграция бөлүмдөрүнө кайрылышы керек.

БИШКЕК, 21-июн. — Sputnik. Россия элчилиги Владимир Путиндин коронавирустун тарап кеткен кесепеттерин жоюу маалында чет элдик жарандардын же жарандыгы жок жүргөн адамдардын укуктук абалын жөнгө салуу үчүн убактылуу чараларды караган жарлыгы боюнча кыргызстандыктарга кайрылды.

15-июнда президенттин мигранттардын Россияга келүүсү боюнча чыгарган жарлыгынын мөөнөтү бүтөт. Кеп мигранттардын эпидемиологиялык кырдаалдан улам РФте жүрүү боюнча документтерин узартууга болбой турган буйрук тууралуу болуп жатат. Аталган жарлык 2020-жылдын апрель айында күчүнө кирип, 2021-жылдын 15-июнуна чейин иштеген.

Жарлык күчүндө турган учурда Россиядан чет элдиктерди миграциялык мыйзамдарды бузганы үчүн депортация кылынбайт. Бул учурда мигранттарга өлкөдө убактылуу жүргөнү үчүн документтерди (анын ичинде визаны) узартып зарылдыгы жок. Келген жерге каттоого туруу жана туруктуу жашап жатканы боюнча да кагаздарды узартуу ашыкча.

Россияда орнотулган тартипти бузган мигранттар 30-сентябрга чейин каттоого туруп, патент алуу үчүн миграция бөлүмдөрүнө кайрылышы керек.

Ал эми мурда башка бир максат менен келген чет элдиктер арызына жаңы максатты көрсөтүп, анысы менен Россияга чындыгында эмнеге келген себебин билдире алышат деп белгилеген элчилик.

Миграциялык каттоого туруу үчүн берген арызында иш берүүчү менен түзүлгөн расмий эмгек же укуктук-жарандык келишим болушу керек.

Эгерде мигранттын бул документи жок болсо, ага айып пул салынат. Эгерде эки ирет айыпка жыгылып, ал өлкөдөн чыгарыла турган болсо, анда өзү эле эртерээк, 30-сентябрда, Россиядан кетип калганы оң.

Уруксаты бар деген статуска ээ чет элдик жарандар жана туруктуу жашоого уруксат кагаз алгандар 2020-жылдын 15-мартына чейин чыгып кеткендер 2021-жылдын 30-сентябрына чейин келип, аны узартып алуусу керек.

Элчилик кыргызстандыктарды Россияда мыйзамдуу жүрүүгө жол ачкан бардык процедураларды 30-сентябрга чейин бүтүрүп алууну суранган.

278
Белгилер:
мыйзам, айып пул, жарлык, Мигрант, Владимир Путин, Кыргызстан, Россия
Тема боюнча
Путин Россияда мигранттардын убактылуу жүрүү мөөнөтүн узартып берди

Адамдын боорукерлиги: суу каптаган апааттан кирпини сактаган кишинин видеосу

102
(жаңыланган 12:17 21.06.2021)
Крымдын аймагын каптаган кубаттуу циклон түйшүк жаратып, элди бир топ чыгымга кириптер кылды. Аймактарды каптаган суу киши боюна жакындаган. Чыгыш-Крым тарыхый-маданий музей-коругу суу ташкында кирпини алардын кызматкери куткарган видеону жарыялады.

Кадрдан сууга түшүп кетпегенге аракет кылып жаныбардын калкыган темирге бекем жабышып турганын көрүүгө болот. Эгерде ирим бир аз эле күчтөнсө, колдун башындай болгон кирпини суу жууп кетери турган иш эле. Жаныбарды байкап калган корук кызматкери аны аярлап алып, "жай" издеп жүргөнү тартылып калган.

Адатта адамдын колуна келгенде качканга аракет кылып, буттарын тыбырчылатып жиберчү кирпи чечендин каршылык кылбай, көздөрүн тостойткон тейде тынч турганы кадрга түшүп калган.

Ал суу биринчи кабатына бир аз жетпей калган үйлөрдүн бирине барып, жашоочусу менен сүйлөшүп, кирпини коопсуз колго тапшырган. Улгайган адам балкондон жипке байлап баштык түшүрүп, ага салынган жаныбарды кайра өзүнө тартып алган.

Маалыматта суу кечип, кирпиге жаңы кожоюн издеп жүргөн ак пейил адам Анатолий Щербак аттуу кызматкер экени айтылган.

Видеонун аягында интернет-колдонуучулардын куткарылган кирпи үчүн ага ыраазылык билдиргенин окууга болот.

102
Белгилер:
суу ташкыны, суу, кирпи, Крым
Тема боюнча
Томпоңдоп чуркап, жыт алып качкан бала аюу. Сары-Чат—Ээр-Таштан тартылган видео
Канттагы аскердик базада Улуу Ата Мекендик согуштун башталганына эскерүү

Улуу Ата Мекендик согуштун башталганына 80 жыл. Канттагы аскердик базада эскеришти

0
(жаңыланган 00:21 22.06.2021)
Бул тарыхый датага арналган иш-чарага чоңдор менен кошо кичинекейлер да катышып, согуш жөнүндө ырларды көркөм окушту.

БИШКЕК, 22-июн. — Sputnik. Улуу Ата Мекендик согуштун башталган күнү, 22-июнду эскерүү иш-чараларынын алкагында Кыргызстандагы россиялык биргелешкен аскердик базанын командачылыгы бир нече иш-чараларды уюштурду. Бул туурасында аталган базанын маалымат кызматынан кабарлашты.

Военнослужащие российской военной базы в Канте провели Матч памяти. 21 июня 2021 года
© Фото / пресс-служба авиабазы ОДКБ "Кант"
Алардын бири "эскертүү матчы" — футболдук беттеш болду

Алардын бири "эскертүү матчы" — футболдук беттеш болду. Спорттук бул иш-чарага аскер кызматкерлери, алардын үй-бүлөсү, жаш жоокерлер, Кыргызстандагы билим берүү жайларынын тарбиялануучулары менен жергиликтүү эл катышты.

Военнослужащие российской военной базы в Канте провели Матч памяти. 21 июня 2021 года
© Фото / пресс-служба авиабазы ОДКБ "Кант"
Спорттук бул иш-чарага аскер кызматкерлери, алардын үй-бүлөсү, жаш жоокерлер, Кыргызстандагы билим берүү жайларынын тарбиялануучулары менен жергиликтүү эл катышты

Оюн талаасында Россиялык аскерлер менен Кант шаарынын курама командасы беттешти. Футболдук беттеш аза күтүү мүнөтүнөн соң башталды. Ал эми келген коноктор үчүн Улуу Ата Мекендик согуштун биринчи күндөрүн чагылдырган көргөзмө уюштурулду.

Анын соңунда мыкты спортчулар аныкталып, биримдиктин командиринин атынан Ардак Грамота менен сыйланды.

Булардан сырткары жаш жоокерлер менен Канттагы аба базанын аскерлеринин балдары аталган тарыхый күнгө арналган чыгармачыл сынактарга катышты.

  • Юнармейцы и дети военнослужащих российской военной базы в Канте приняли участие в конкурсе, посвящённом Великой Отечественной войне. 21 июня 2021 года
    Булардан сырткары жаш жоокерлер менен Канттагы аба базанын аскерлеринин балдары аталган тарыхый күнгө арналган чыгармачыл сынактарга катышты
    © Фото / пресс-служба авиабазы ОДКБ "Кант"
  • Юнармейцы и дети военнослужащих российской военной базы в Канте приняли участие в конкурсе, посвящённом Великой Отечественной войне. 21 июня 2021 года
    "Согуш жөнүндө ырларда" окуучулар көркөм окуу боюнча чеберчилигин көрсөтсө, "Менин баатырымдын баяны" жарышында өзүнүн чоң аталарынын, алардын аталарынын Мекен үчүн салгылашкан эрдиктерин айтып беришти
    © Фото / пресс-служба авиабазы ОДКБ "Кант"
1 / 2
© Фото / пресс-служба авиабазы ОДКБ "Кант"
Булардан сырткары жаш жоокерлер менен Канттагы аба базанын аскерлеринин балдары аталган тарыхый күнгө арналган чыгармачыл сынактарга катышты

"Согуш жөнүндө ырларда" окуучулар көркөм окуу боюнча чеберчилигин көрсөтсө, "Менин баатырымдын баяны" жарышында өзүнүн чоң аталарынын, алардын аталарынын Мекен үчүн салгылашкан эрдиктерин айтып беришти. Соңунда жеңүүчүлөр Ардак Грамота жана эстелик белектер менен сыйланышты.

Канттагы Россиялык биргелешкен аскердик база Тез аракетке келүүчү жамааттык күчтөрдүн бир бөлүгү. Ал ЖККУ мамлекеттеринин коопсуздугун абадан коргоп, камсыздап турат. Аларда штурм жасоочу Су-25 учактары менен Ми-8 тик учактары бар.

0
Белгилер:
аскердик база, эскерүү, Улуу Ата Мекендик согуш, ЖККУ, Кыргызстан
Тема боюнча
Улуу Ата Мекендик согушка 80 жыл. Путиндин макаласы немец басылмасына жарыяланат
Бишкекте согуш ардагерлеринин кыздарына аталарынын сыйлыгы тапшырылды