Тоолуу Карабахтын Чанахчи айылындагы аскерлер

Карабахтагы кошуундар Азербайжанга караган аймактан чыгып кетип жатат

291
(жаңыланган 20:01 15.11.2020)
Азербайжан менен Армениянын ортосундагы келишимге ылайык, элдик кошуундардын мүчөлөрү Бакунун көзөмөлүнө өткөн аймактан чыгып кетиши керек.

БИШКЕК, 15-ноя. — Sputnik. Тоолуу Карабахтагы элдик кошуундар Азербайжанга тиешелүү аймактан чыгып кетүүсүн улантууда. Бул туурасында РИА Новости тынчтык орнотуучулардын штабынан билдиргенин кабарлады.

Учурда аба ырайы бузулгандыктан алардын чыгып кетүүсү бир аз жайлап калган.

"Кыйын кырдаалга карабай Тоолуу Карабхтагы Агдам, Кельбажар жана Лачин райондорунан алардын бөлүктөрүн чыгаруу уланууда. Азыр аба ырайынын бузулушунан жана коюлган миналарды зыянсыздандыруу иштеринен улам иш жайлап калды. Өзгөчө тоолуу жерлерде ушундай абал жаралды", — деп айткан маалымат берген адам.

Белгилей кетсек, Армения, Азербайжан жана Россиянын лидерлери Тоолуу Карабахтагы куралдуу тирешти токтотуу боюнча келишимге кол коюп, ал 10-ноябрда күчүнө кирген.

Ага ылайык, Тоолуу Карабахка россиялык тынчтык орнотуучулар барган.

Буга чейин Кыргызстан эки тарапты тең сабырдуулукка чакырган. Ошондой эле аймактын бүтүндүгү жана эгемендүүлүк принциптерин сактоо менен тынчтыкта, сүйлөшүү жолу аркылуу жаңжалды жөнгө салуусун жактай турганын билдирген.

291
Белгилер:
тынчтык, Чыр-чатак, Россия, Тоолуу Карабах, Армения, Азербайжан
Тема:
Тоолуу Карабахтагы жаңжал (52)
Тема боюнча
Чынара Эсенгул: Карабахтагы чатак тынчтык жолуна түштү деп айтууга эрте
Кыргызстан Карабахтагы тирешти токтотуу келишими боюнча позициясын билдирди
Манас аэропорту. Архив

Евразия өнүктүрүү банкы "Манас" аэропорту жана Темир жол долбоорун карап жатат

19
(жаңыланган 13:34 04.12.2020)
Өлкөдөгү долбоорлор тууралуу ушул күндөрү Москвада өтүп жаткан Биринчи Евразия конгрессинде айтылды.

БИШКЕК, 4-дек. — Sputnik. Кыргызстанда "Манас" аэропорту жана Кыргыз темир жолу боюнча эки долбоор иштелип жатат. Бул туурасында Евразия өнүктүрүү банкынын төрагасынын орун басары Амангелды Исенов журналисттерге билдирди.

Ал ушул күндөрү Москвада өтүп жаткан Биринчи Евразия конгрессинин талаасында журналисттердин алдында сүйлөдү.

"Азыркы тапта Кыргызстан боюнча долбоорлордун саны мактанарлык деп айтууга болбойт. Биз "Манас" аэропортунун инфрастуруктурасы жана Кыргыз темир жолу боюнча маселени карап жатабыз. Алар биздин контрагенттер менен биргеликте иштеп чыгуу этабында турат. Азыр долбоордун документациясы аягына чыга элек болгондуктан суммасын айта албайм", — деди Исенов.

Ошондой эле ал темир жолу модернизация болорун, долбоор татаал жана капиталы чоң экенин айтты.

Мындан сырткары, энергетикалык долбоорлорду Евразиялык турукташтыруу жана өнүктүрүү фонду тарабынан каржылоо маселеси каралышы мүмкүн экенин кошумчалады.

19
Белгилер:
Евразиялык өнүктүрүү банкы, энергетика, "Манас" эл аралык аэропорту, Кыргыз темир жолу
Тема боюнча
Саркисян: мигранттар үчүн сонун долбоор бар, бирок Кыргызстан кызыкпай жатат
ЕАЭБ жана Кытай бажы ташуулары боюнча маалымат алмашууну баштайт
Чек ара жайы. Архивдик сүрөт

Өзбекстан эреже бузган жок! Өкмөт Дейрес айылына жакын жердеги кырдаал тууралуу

103
(жаңыланган 12:32 04.12.2020)
Өзбекстан тараптан пландаштырылып жаткан инженердик жумуштар, келишимге ылайык, кошуна өлкөнүн аймагында 10 метрден 30 метрге чейин жүргүзүлөт.

БИШКЕК, 4-дек. — Sputnik. Өкмөт Жалал-Абад облусунун Аксы районундагы кыргыз-өзбек чек арасындагы кырдаалга түшүндүрмө берди.

Өкмөттүн маалымат кызматынан кабарлашкандай, Аксынын Авлетим айыл аймагынын Дейрес айылынын тургундары Өзбекстандын аскер кызматкерлери чек арага жакын жерге инженердик курулмаларды орнотуп жатканын маалымдап, тынчсызданышкан.

"Бул участок Кыргызстан менен Өзбекстандын ортосундагы 2017-жылдын 5-сентябрындагы келишимине ылайык, делимитация процедурасынан өткөн. Буга байланыштуу аймактагы инженердик иштердин аткарылышы Кыргызстандын бүтүндүгүн бузууга жатпайт", — дешти өкмөттөн.

Өзбекстан тараптан пландаштырылып жаткан инженердик жумуштар, келишимге ылайык, кошуна өлкөнүн аймагында 10 метрден 30 метрге чейин жүргүзүлөт.

Мамлекеттик органдар менен жергиликтүү бийликтин өкүлдөрү биргеликте 2-декабрда Аксы районунун Авлетим айыл аймагындагы Дейрес айылынын тургундары менен жолугушуу өткөрүп, кырдаал боюнча түшүндүрүү ишин жүргүзүшкөн.

Калкка маалыматтык-түшүндүрүү иштери мындан ары дагы туруктуу жүргүзүлүп турары, учурда айылда абал туруктуу экени белгиленди.

103
Белгилер:
Өзбекстан, чек ара, Жалал-Абад, Аксы
Тема боюнча
Жапаров: Чек ара кызматында иштегендердин айлыгы көтөрүлөт
Чек ара кызматы УКМКнын курамына киргизилди
Мурдагы ЖК депутаты Самат Ибраев. Архив

БШК талапкерлердин бири 30 миң кол чогултпаганын аныктап, жарыштан четтетти

0
(жаңыланган 14:20 04.12.2020)
БШК түндө тийиштүү документтерди 21 талапкер тапшырганын билдирген, анын арасында Ибраев дагы бар эле.

БИШКЕК, 4-дек. — Sputnik. Борбордук шайлоо комиссиясына кол топтоп, шайлоо күрөөсүн төктү делген президенттикке талапкерлердин бири Самат Ибраев жарыштан четтетилди.

Кечээ, 3-декабарда, саат 23:59да президенттикке аттангандардын 30 миң адамдын колун чогултуп, шайлоо күрөөсүн төгүү мөөнөтү аяктаган. БШК бул документтерди 21 талапкер тапшырганын билдирген. Арасында Ибраев дагы бар эле.

"БШКнын документтерди кабыл алуу боюнча жумушчу тобу Самат Ибраев 15 033 кол чогултканын аныктады. Ошондой эле шайлоо күрөөсүн төккөн маалым каты жок болуп чыкты. Буга байланыштуу тапшырган документи талапкердин өкүлүнө кайтарып берилди", — деп айтылат билдирүүдө.

БШКнын жумушчу тобу кол чогултуу барактарын сегиз күндүн аралыгында текшерип бүтүп, 10-декабрга чейин талапкер катары катташы шарт. Президенттик шайлоо кийинки жылдын 10-январына белгиленген.

0
Белгилер:
БШК, документ, шайлоо, Самат Ибраев, талапкер
Тема:
Кыргызстандагы президенттик шайлоо – 2021
Тема боюнча
Дагы алты киши президенттикке талапкерлигин алып салды
Күрөө тапшырып, 30 миңден ашуун кол чогулткан талапкерлер. Тизме