Ооруканадагы дарыгерлер. Архив

Коронавирус илдетинин жашыруун коркунучтары айтылды

370
(жаңыланган 23:11 15.11.2020)
Дарыгер коронавирус уйку безине терс таасирин тийгизерин, андыктан COVID-19дан айыкандарда кант диабетине чалдыгуу коркунучу жогору экенин белгилейт.

БИШКЕК, 15-ноя. — Sputnik. Россиялык эндокринолог-дарыгер Марина Шестакова коронавирус инфекциясы кандай жашыруун коркунучтарды алып келерин тизмектеди. Бул тууралуу РИА Новости жазды.

Адис коронавирус уйку безине терс таасирин тийгизерин, андыктан COVID-19дан айыкандарда кант диабетине чалдыгуу коркунучу жогору экенин белгиледи.

"SARS-CoV-2 вирусунун рецепторлору уйку безинин бета-клеткаларында кездешет, демек, бул биринчи типтеги диабеттин өнүгүшүнө түз жол. Кандагы канттын көбөйүшү менен коштолгон диабет коронавирус инфекциясынын оор түрүнүн тобокелдиги боюнча кооптуу оору болуп саналат", — деген Шестакова.

Эндокринолог пандемия учурунда кыймылдын чектелишинен улам семирүү коронавирустун дагы бир жашыруун коркунучу экенин атайт.

"Салмак кошуу, тоё тамактануу, кыймылдын чектелиши — бул экинчи типтеги кант диабетине түз жол", — деп эскертет дарыгер.

Деген менен адис бул арык адамдар COVID-19га чыдамкай болот дегендикке жатпасын белгилейт.

"Денеси бардык жагынан чапчаң адамдарга караганда, арыктыктан жана ашыкча салмактан жабыркагандарда коронавирус инфекциясынын оор түрүн жугузуп алуу коркунучу жогору болот", — деген дарыгер.

Шестакова, ошондой эле, коронавирус кандагы канттын деңгээли жогору болгон учурда организмге активдүү кирерин айтты. Мындан тышкары, COVID-19 менен ооруган адамдын стресске түшүшү кант диабети жокторду гипергликемияга (кандагы глюкозанын деңгээлинин жогорулашы) алып келерин белгилейт.

"Адатта, адам коронавирустан айыккандан кийин мындай гипергликемия дагы өтөт. Бирок ал адамда бир нече айдан кийин кант диабетине чалдыгып калуу коркунучу бар. Бул абал кадимки диабетке караганда коронавирус менен ооруган бейтаптын калыбына келүү болжолунан да жаман болгон", — деп белгилейт Шестакова.

Кыргызстанда соңку суткада 551 кишинин коронавирус жуктуруп алганы аныкталды. Ооруканада илдет менен алышып жаткандардын үчөө көз жумду.

370
Белгилер:
адис, кесепет, илдет, коронавирус
Тема:
Дүйнөгө жайылган коронавирус (1164)
Тема боюнча
Кимдер коронавирустун оор формасына кабылбайт? Адистин пикири
Портфель менен киши. Архив

Беш кредитор Кыргызстандын карызын төлөө мөөнөтүн жылдырып берди. Тизме

248
(жаңыланган 23:57 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

248
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

218
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

218
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

0
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

0
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео