Самын. Архив

Вирусолог кайсыл самын COVID-19дан коргонууга жардам берерин айтты

395
(жаңыланган 11:38 17.11.2020)
Окумуштуу атайын өзгөчөлүгү бар кымбат турган самындарды сатып алуунун зарылчылыгы жок экенин белгилейт.

БИШКЕК, 17-ноя. — Sputnik. Москва мамлекеттик университетинин (ММУ) окумуштуусу Алексей Аграновский коронавирус инфекциясынан коргонууда кандай самынды пайдалануу керектигин сунуштады. Бул тууралуу ал "Радио 1" маалымат каражатына билдиргенин РИА Новости жазды.

Биология илимдеринин доктору атайын өзгөчөлүгү бар кымбат самындарды сатып алуунун зарылчылыгы жок экенин белгилейт.

"Кымбат самынды сатып алуунун зарылчылыгы жок. Бул жөн гана акча жасоонун амалы. Самын сөзсүз түрдө "бактерияга каршы" болушу зарыл эмес. Анын үстүнө бактерияга каршы самын ден соолукка терс таасирин тийгизиши мүмкүн, анткени терини кургатып же организмге пайдалуу нерсени жок кылат", — деп белгилейт ал.

Анын айтымында, колду кадимки балдар самыны менен жууса да болот. Муну менен окумуштуу суюк самын кадимки самын сыяктуу вирусту жана бактерияны кетире албасын белгиледи.

Аграновский колду жууганда суунун температурасы маанилүү эмес экенин, негизгиси адам үчүн жагымдуу болгону жакшы экенин кошумчалаган.

Буга чейин Роспотребнадзордун маалымат кызматы дайыма колду самындап жууп туруу коронавирустун жугуу мүмкүнчүлүгүн 36 пайызга азайтарын, бул алдын алуу чарасы COVID-19га каршы күрөштө чечүүчү ролду ойноорун РИА Новостиге билдирген.

395
Белгилер:
коргонуу, коронавирус
Тема:
Дүйнөгө жайылган коронавирус (1164)
Тема боюнча
Коронавируска каршы вакцина семиз адамдар үчүн натыйжалуу болбой калышы мүмкүн
Портфель менен киши. Архив

Беш өлкө Кыргызстандын карызын төлөө мөөнөтүн жылдырып берди. Тизме

59
(жаңыланган 22:03 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

59
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

150
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

150
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз