Түндүк агым-2 газ түтүгүн куруу иштери. Архив

Байденден "Түндүк агым-2" боюнча эмнени күтүүгө болот? Экономисттин пикири

78
(жаңыланган 18:35 19.11.2020)
Эксперттер Жо Байден бийликке келсе "Түндүк агым-2" боюнча АКШнын позициясы жумшарат деген ФГРдин үмүтү акталбайт деп эсептей турганын билдиришкен. Бул боюнча сурамжылоону германдык Bild басылмасы жүргүзгөн.

Экономист Станислав Митрахович Sputnik радиосунун обосунда бул тема боюнча кеп кылды.

Германиялык саясатчылардын АКШнын "Түндүк агым-2" газ кууру боюнча позициясы Байден келгенден кийин өзгөрөт деген ишеними акталбай кала тургандыгын Bild журналисти Юлиан Репке жазган.

Ал азыртадан даярдана берүүнү, Вашингтон жаңы жылдан тарта айрымдардын сазайын бере турганын айткан. Репке мындай түкшүмөлүн россиялык ишканалар, кемелер менен иштешип жаткан камсыздандыруучу жана сертификат жаатындагы компанияларга АКШнын санкция салуу ниетинен кийин айткан.

Макаланын автору азырынча Германия бийлигине каршы чектөөлөр күн тартибинде жоктугун, бирок Байден дээрлик даяр болуп калган "Түндүк агым-2ни" "күм-жам" кылып коюшу мүмкүндүгүн жазган.

Өз кезегинде экс-президент Барак Обаманын мурдагы кеңешчиси Бенжамин Шмитт демократтардын да, республикачылардын да Россиядан Германияга кеткен газ кууруна куйкалары курушуп тургандыгын айтты.

Энергетикалык коопсуздук боюнча адис Алан Райли жаңы башчы Байдендин башкы максаты долбоорду жабуу деп эсептейт.

Россия өкмөтүнүн алдындагы Финансы институту менен Улуттук энергетикалык коопсуздук фондунун экономисти Станислав Митрахович кырдаалды бир тараптуу деп эсептебейт.

"Байденден күтүп жаткан жагдай боюнча айтсам, бул эки ача болуп турат. Бир жагынан алганда анын командасында Россияга карата катаал санкцияны салыш керек дегендер оголе көп. Байдендин өзү деле Россияны сүйүп кеткен жери жок. Экинчи жагынан караганда ал Трампка караганда өзүн эгоист эмес кылып көрсөтүүгө аракеттениши мүмкүн. Эгерде азыраак өзүмчүл болсо, демек, анда, мисалы, европалыктарга "кызматташабыз" деп туруп эле, кайра ошол жерден "келгиле, европалык компаниялар "Газпром" менен иштеп жаткандыктан, аларга америкалык санкцияларды салабыз" дегенге болбойт. Көрө жатарбыз. Андыктан Байдендин кадамдары бир кылка эмес", ‒ деди Митрахович Sputnik радиосунун обосунда.

"Түндүк агым-2" — Балтика деңизи аркылуу Россиядан Европага кеткен, Германияга чейин жеткен газ түтүгүнүн долбоору. Анын кубаттуулугу жылына 55 миллиард куб метр деп боолголонууда. Долбоорго россиялык газдын транзитинен түшкөн кирешеден кол жууп каларынан корккон Украина менен Европага өзүнүн суюлтулган газын жеткирүүгө кызыкдар АКШ каршы чыккан. Алардан тышкары Улуу Британия, Польша жана Балтика өлкөлөрү да курулушту токтотууну бир нече ирет талап кылышкан. АКШ 2019-жылдан тарта ишти алып барып жаткан компанияларга эскертүү берип, процессти токтотууну талап кылып келет.

Швейцариялык Allseas мындай кадамдан кийин газ куурларын жаткырууну аягына чыгарбай, ишин токтотуп койгон болчу.

Октябрдын ортосунда Вашингтон "Түндүк агым-2" долбооруна чыккан каршылыгын экономикалык санкцияларды кеңейтүү менен дагы бир ирет бекемдеди. Чектөөгө кызмат көрсөткөн, модернизациялоо үчүн жабдуу же каржы менен камсыздаган, кемелерди жабдыган компаниялар кабыла турган болгон. ЖМКлардын маалыматына караганда, Вашингтон газ куурларын коюп бүтүү процессинде россиялык кемелер менен иштешип жаткан камсыздандыруучу жана сертификат жаатындагы компаниялардын башына кара булут айлантуу ниетинде турат.

78
Белгилер:
санкциялар, Жо Байден, Германия, Россия, АКШ
Тема боюнча
Путиндин Байденди куттуктоосуна себеп жок
Футболчу Диего Марадона кесипкөй бокстун эки салмак боюнча дүйнө чемпиону Сантос Ласьяр менен 1996-жылы бокс беттеши учрунда. Архив

Соцтармак Марадонанын бокстагы дебютун эскерди. Видео

65
Беттештен бир күн мурда мушкерлер салт катары таразага түшүшүп, Марадона атаандашынан 14 килограммга оор болгон.

БИШКЕК, 27-ноя. – Sputnik. Диего Марадона 1996-жылы бокс спортунда өз күчүн сынап, досу, кесипкөй бокстун эки салмак боюнча дүйнө чемпиону Сантос Ласьяр менен рингге чыккан. Бул тууралуу World Boxing Council (Дүйнөлүк бокс кеңеши) уюму футболчунун бокстагы дебютун эскерип, анын беттешиндеги үзүндүлөрүн Instagram баракчасына жарыялады.

Посмотреть эту публикацию в Instagram

Публикация от World Boxing Council (@wbcboxing)

Марадона ошол кезде өзү ойногон "Бока Хуниорс" футбол командасынын кийимине түспөлдөш көк-сары түстөгү чолок шымчан мушташкан. Атаандашы Ласьяр WBA (Дүйнөлүк бокс ассоциациясы) уюмунун титулу үчүн түштүк африкалык Питер Матебуланы уткандан кийин 15 жылдан соң рингге чыккан.

Маалыматтарга ылайык, беттештен бир күн мурда мушкерлер салт катары таразага түшүп, Марадона (75,3 килограмм) атаандашынан (61,45 килограмм) 14 килограммга оор болгон.

Тамашалуу маанайдагы беттеш үч раундга созулуп, айрым жеринде боксчулар бири-бирине эмес, калыска чабуул жасап, соккулашкан. Беттештин соңунда легендарлуу футболчу топту бут менен ойноонун керемет ыкмаларын жасап, көрүүчүлөрдүн көңүлүн көтөргөн.

Эске салсак, Диего Марадона 25-ноябрда 60 жаш курагында Буэнос-Айрес шаарынан анча алыс эмес жайгашкан Тигре шаарындагы жашап жаткан үйүндө жүрөк кемтиги оорусунан улам көз жумган.

Аргентинанын президенти бул кайгылуу окуяга байланыштуу үч күндүк аза күтүү күнүн жарыялаган.

65
Белгилер:
эскерүү, бокс, Диего Марадона
Тема боюнча
Легендарлуу футболчу Диего Марадона көз жумду
Көчөдө бараткан адамдар. Архив

COVID-19га кабылган эркекте кийин төшөк маселесинде көйгөй жаралышы мүмкүн

137
Адистин айтымында, коронавирус аялдарга караганда эркектерге көбүрөөк кыйынчылыктарды жаратат.

БИШКЕК, 27-ноя. — Sputnik. Эркектин тукум улоо органдарындагы ACE2 деп аталган рецепторлор организмге коронавирустун кирип кетишине көбүрөөк себепкер болот. Мындан улам COVID-19дан сакайгандан кийин эркектердин жыныстык жашоосунда көйгөйлөр жаралышы мүмкүн экенин Sputnik радиосунун эфиринде эндокринолог Зухра Павлова билдирди.

"Коронавирус аялдарга караганда эркектерге көбүрөөк кыйынчылыктарды жаратары байкалууда. Бир нече иликтөөлөрдүн жыйынтыгын карап көрсөк, коронавирустан айыккан соң эркектерде тестостерон гормонунун бөлүнүшүндө көйгөйлөр жаралат экен. Мындан улам алардын тукум улоо функцияларында түйшүк жаралышы ыктымал", — деди дарыгер.

Тестостерон гормонунун эркектин жашоосунда мааниси чоң. Бул гормон жетиштүү кезде эркектин энергиясы ашып-ташып, кандай иш баштабасын майын чыгара жасайт. Тестостерондун жардамы менен эркекке сакал-мурут өсөт, булчуң эт толот, кандын курамы жакшырат. Эң негизгиси — эркектин бел суусунун иштелип чыгышына, тагыраагы, тукум улоосуна шарт түзүлөт.

Ошондой эле тестостерон акыркы изилдөөлөр боюнча вирустук инфекцияларга туруштук берүүдө маанилүү роль ойнойт. Анын деңгээлинин төмөн болушу респиратордук инфекция, сасык тумоо, сезгенүү, жүрөк-кан тамыр ооруларынан жана кан басымдын көтөрүлүшүнөн улам өлүм коркунучу жогорулашы мүмкүн экени айтылып келет.

137
Белгилер:
кесепет, коронавирус, эркек, тестостерон
Тема:
Дүйнөгө жайылган коронавирус
Тема боюнча
Коронавирус эркектин сексуалдык каалоосун жок кылат. Жаңы изилдөө
Адис: коронавирус сасык тумоо менен грипптин катарына кошулуп келе жатат
Ош шаары. Архив

Эртең менен Ошто жер титиреди

35
Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

БИШКЕК, 27-ноя. — Sputnik. Бүгүн эртең менен Ош облусунда очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлиги КРдин Сейсмология институтуна таянуу менен билдирди.

Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

Жер титирөөдөн жабыркагандар жана кыйроолор катталган жок.

35
Белгилер:
ӨКМ, жер титирөө, Ош облусу, Кыргызстан
Тема боюнча
Кыргызстанда катуу жер титиреди