Ашык салмагы бар аял. Архивдик сүрөт

100 килограммга арыктаган аял салмак таштоонун жолдорун айтып берди. Сүрөт

(жаңыланган 10:18 30.11.2020)
Америкалык Жеки Робертс жүз килограмм салмактан арылган соң өзүн кадимкидей сергек сезип калгандыгын айтып берген. Эми ал дагы 45 килограммга арыктоону максат кылып турат.

БИШКЕК, 30-ноя. — Sputnik. АКШдагы Мичиган штатынын 38 жаштагы жашоочусу Жеки Робертс 97 килограммга арыктагандыгын РИА Новости жазды.

​Мындай жыйынтыкка ал бир нече жылдык эмгегинин артында жеткен. Аял арыктоо туурасында кичинекей тууганы жарыкка келгенден кийин ойлоно баштаган. Себеби өтө толуктугу баланы колуна алып же аны ойнотууга мүмкүнчүлүк бербей турганы айтпаса да түшүнүктүү эле. Жеки Робертстин салмагы ал учурда 250 килограммга жетип калган.

Ошентип аял арыктоо камын көрө баштаган. Алгач кадимки тамактардан баш тартууга туура келген. Тагыраагы, эт менен таттууну такыр жебей калган. Тамакты ташытып ичкен адатты таштаган. Үч жылда аял 56 килограммга арыктаган. Андан соң жегендеринин көлөмүн азайып, сууну көп ичкенге өткөн. Мындан сырткары, спорт жашоосунун ажырагыс бөлүгүнө айланат да, мунун аркасынан дагы 37 килограмм салмагын таштайт. Ошентип баш-аягы 97 килограммга арыктайт. Жеки Робертс мынчалык салмактан арылган соң өзүн жеңил жана сергек сезип калгандыгын айтып берген. Эми ал дагы 45 килограммга арыктоону максат кылып турганын кошумчалаган.

"Мендеги холестерин менен гликогемоглобиндин деңгээли ылдыйласын деп жатам. Кеп сенин сырткы көрүнүшүңдө эмес, кеп андан да маанилүү болгон — ден соолуктун чың болушунда", — деген Робертс.

Бул каарман аял негизи адамдын өз күчүнө ишениши өтө маанилүү экендигин айткан. Ал спорттук машыгууну өткөрүп жиберсе же ашыкча азык жеп алса, өзүн эч качан жемелеп, урушпаш керектигин белгилеген. Мындан сырткары, арыктоо үчүн убакыт керек дейт.

Белгилер:
ишеним, аял, ден соолук, спорт, арыктоо, АКШ
Тема боюнча
Диетолог организмге пайдалуу деп жүргөн азыктардын зыянын айтып берди
Бишкектик жигит бир жылда 60 килограммга арыктады! Шыктандырган видео

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн
Электр линиясы. Архив

Кыргызстан Өзбекстандан электр кубатын кандай шартта алып жатканы айтылды

(жаңыланган 09:52 23.04.2021)
Министрдин айтымында, Өзбекстандан электр энергиясы азыр эле импорттоло баштады. Бул иш быйыл жана кийинки жылдын биринчи кварталына чейин уланат.

БИШКЕК, 23-апр. — Sputnik. Кыргызстан Өзбекстандан 750 миллион киловатт-саат алуу боюнча сүйлөшүү жүргүзүп, электр энергиясы өлкөгө импорттоло баштады. Бул тууралуу Sputnik Кыргызстан агенттигине энергетика жана өнөр жай министри Кубанычбек Турдубаев билдирди.

Эске салсак, бүгүнкү күндө Токтогул суу сактагычындагы суу былтыркыга салыштырмалуу 3 миллиард куб метрге аз. Бул өлкөгө электр энергиясын сырттан алып келүү зарыл дегенди түшүндүрөт.

"Товар алмашуу шарты менен биз Өзбекстандан 750 миллион киловатт-саат алуу тууралуу сүйлөштүк. Электр энергиясы импорттоло баштаган. Бул иш быйыл жана кийинки жылдын биринчи кварталына чейин уланып, жай мезгилинде тыныгуу болуп турат. Электр энергиясын кайтарып берүү жайында башталып, карызды үч жылдын ичинде берип бүтүп калабыз", — деди Турдубаев.

Буга чейин министр Кыргызстан менен Казакстан электр кубатын алмашуу макулдашылганын айткан.

Ал быйыл Казакстан Кыргызстандын энергосистемасына 900 миллион киловатт-саат бере турганын белгилеп, коңшуларга кайра Токтогул суу сактагычына эквиваленттик көлөмдө суу топтоп, камсыздап бере турганын кошумчалаган. Муну менен Кыргызстан үч жылдын ичинде миллион киловатт-сааттык сууну коё берип, ошону менен кутулат.

Белгилер:
импорт, электр энергиясы, суу, Өзбекстан, Кыргызстан
Тема боюнча
"Кудайга шүгүр" жашаган элдин санын кантип билебиз? Абоненттердин статистикасы
Эртең Бишкектин 56 көчөсүндө электр кубаты болбойт. Тизме
Юридикалык клиникалар ассоциациясынын жетекчиси, илимдин кандидаты Артур Бакиров

Бакиров: үч же андан көп балага кирешенин 50%ы алимент катары төлөнөт

(жаңыланган 11:19 23.04.2021)
Юридикалык клиникалар ассоциациясынын жетекчиси, илимдин кандидаты Артур Бакиров алимент төлөө кандайча аныктала турганын айтып берди.

Жубайлар ажырашып кеткен учурда ортодо үч же андан көп бала болсо атанын же эненин тапкан кирешесинин 50 пайызы алимент катары төлөнөт. Бул тууралуу Артур Бакиров Sputnik Кыргызстан радиосунун "Онлайн адвокат" рубрикасында билдирди.

Бакиров: үч же андан көп балага кирешенин 50%ы алимент катары төлөнөт

Анын айтымында, үлүштүн өлчөмү тараптардын материалдык, үй-бүлөлүк абалын же көңүлгө алынуучу жагдайларын эске алуу менен сот аркылуу аныкталат.

"Ата-эне өздөрүнүн жашы жетпеген балдарын багууга милдеттүү. Анын тартиби Кыргызстандын Үй-бүлө кодексинин 85-беренесине ылайык, ата-эне тарабынан аныкталат. Жашы жетпеген балдарды багууга каражат берилбесе, сот тарабынан өндүрүлөт. Бир балага ата-эненин кирешесинин төрттөн бири, эки балага үчтөн бири, ал эми үч же андан көп бала болсо, тапканынын жарымы бөлүнөт. Алименттин орду жагдайга жараша азык-түлүк менен да толтурулушу ыктымал. Ата-эненин кирешесинин жоктугу аларды алимент төлөө милдетинен бошотпойт. Кыймылсыз же кыймылдуу мүлктү менчигине өткөрүп берип, алименттин белгилүү бир суммасынан кутулушу керек", — деди Бакиров.

Юрист ата же эне жашы жеткен, бирок эмгекке жөндөмсүз, кайсы бир дартына байланыштуу жардамга муктаж балдарга жардам берүүгө милдеттүү экенин кошумчалады.

Белгилер:
ата-эне, алименты, юрист, Артур Бакиров
Тема боюнча
Документи жок мүлк жубайлар ажырашканда кантип бөлүнөт? Юристтин кеңеши