Германиянын канцлери Ангела Меркель. Архивдик сүрөт

Forbes дүйнөдөгү эң таасирдүү аялдарды атады

181
(жаңыланган 10:14 10.12.2020)
Коронавируска каршы натыйжалуу күрөшкөнү үчүн бир нече аял рейтингге киргизилгени белгиленди. Тизмеде жалпысынан 30 мамлекеттин өкүлү бар.

БИШКЕК, 10-дек. — Sputnik. Абройлуу делген Forbes журналы дүйнөдөгү эң таасирдүү аялдардын 17-рейтингин чыгарды.

Быйыл жалпысынан тизмеге 30 мамлекеттеги аялдар кирди. Алардын арасында 10 президент, 38 компаниянын башкы директорлору жана көңүл ачуу тармагынын беш өкүлү бар.

Биринчи сапты он жыл катары менен Германиянын канцлери Ангела Меркель ээлеп келет. Экинчи катарда былтыркыдай эле Европанын Борбордук банкынын башчысы Кристин Лагард турат. Үчүнчү орун АКШнын келечектеги вице-президенти Камала Харриске тийди. Европа комиссиясынын башчысы Урсула фон дер Ляйен төртүнчү орунда, ал эми Microsoft компаниясынын негиздөөчүсүнүн жубайы Мелинда Гейтс алдыңкы бештикти толуктады.

Ошондой эле тизмеге YouTube каналынын башчысы Сьюзен Войжитски (13-орун), Улуу Британиянын ханышасы Елизавета II (46-орун), планетанын эң бай адамы Жефф Безостун мурдагы жубайы Маккензи Скотт (67-орун), ырчылар Рианна (69-орун), Бейонсе ( 72-орун) жана Тейлор Свифт (82-орун) кирди.

Коронавируска каршы натыйжалуу күрөшкөнү үчүн бир нече аял рейтингге киргизилгени белгиленди. Арасында катуу карантиндик чараларды көргөн Жаңы Зеландиянын премьер-министри Жасинда Ардерн, оорудан өлгөндөргө тыкыр иликтөөнү жүргүзүүнү тапшырган Тайвань администрациясынын башчысы Цай Инвэнь бар.

181
Белгилер:
рейтинг, аялдар, Камала Харрис, Ангела Меркель, Forbes
Тема боюнча
Кардашьянды туураган РФтин эң сулуу стюардессасы элдин көз жоосун алды. Сүрөт
Президент Садыр Жапаров Россиянын Мамлекеттик Думасынын Төрагасы Вячеслав Володин менен жолугушту

Садыр Жапаров Россиянын Мамдумасынын төрагасы менен жолукту

22
(жаңыланган 15:32 25.02.2021)
Садыр Жапаров жаңы тарыхтагы кыргыз-орус мамилелери бардык чөйрөлөрдө кызматташууну тереңдетүүдө кең келечекке ээ экендигин белгилеген.

БИШКЕК, 25-фев. — Sputnik. Кыргызстандын президенти Садыр Жапаров Россиянын Мамлекеттик Думасынын төрагасы Вячеслав Володин менен жолукту. Бул тууралуу президенттин аппаратынан билдиришти.

Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан.

  • Кыргызстандын президенти Садыр Жапаров Россиянын Мамлекеттик Думасынын төрагасы Вячеслав Володин менен жолукту
    Кыргызстандын президенти Садыр Жапаров Россиянын Мамлекеттик Думасынын төрагасы Вячеслав Володин менен жолукту
    © Пресс-служба президента КР / Султан Досалиев
  • Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан
    Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан
    © Пресс-служба президента КР / Султан Досалиев
  • Мамдума төрагасы Башмыйзамдын долбоорунда орус тилинин расмий статусу сакталып калгандыгын канааттануу менен белгилеген
    Мамдума төрагасы Башмыйзамдын долбоорунда орус тилинин расмий статусу сакталып калгандыгын канааттануу менен белгилеген
    © Пресс-служба президента КР / Султан Досалиев
  • Ал эми президент Садыр Жапаров жаңы тарыхтагы кыргыз-орус мамилелери бардык чөйрөлөрдө кызматташууну тереңдетүүдө кең келечекке ээ экендигин белгилеген
    Ал эми президент Садыр Жапаров жаңы тарыхтагы кыргыз-орус мамилелери бардык чөйрөлөрдө кызматташууну тереңдетүүдө кең келечекке ээ экендигин белгилеген
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Кыргызстандын президенти Садыр Жапаров Россиянын Мамлекеттик Думасынын төрагасы Вячеслав Володин менен жолукту
"Володин Садыр Жапаровду жылуу кабыл алып, бул иш сапары эки тараптуу алакаларга, анын ичинде эки өлкө парламенттеринин ортосундагы мамилелерге жаңы дем берет деген ишенимин билдирди. Вячеслав Володин Кыргызстан менен Россия стратегиялык өнөктөш болгондуктан диалогду парламенттер аралык платформаларда гана эмес, эки парламенттин тармактык комитеттеринин алкагында да өнүктүрүү өзгөчө маанилүү экендигин баса белгиледи", — деп айтылат маалыматта.

Мамдума төрагасы Баш мыйзамдын долбоорунда орус тилинин расмий статусу сакталып калгандыгын канааттануу менен белгилеген.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Орус тили окутулган жана расмий тил катары колдонулган өлкөлөрдүн жарандарына Россиянын аймагында бир катар жеңилдиктер каралган. Мындай мүмкүнчүлүктөр Кыргызстан менен Беларустун жарандары үчүн жеткиликтүү", — деген Володин.

Ал эми президент Садыр Жапаров жаңы тарыхтагы кыргыз-орус мамилелери бардык чөйрөлөрдө кызматташууну тереңдетүүдө кең келечекке ээ экендигин белгилеген. Ал өз ара пайдалуу жана ишенимдүү союздаштыкка жана стратегиялык өнөктөштүккө эки тарап тең эч качан шек келтирбегенин кошумчалаган.

"Мамлекет башчысы эки өлкөнүн ортосундагы парламенттер аралык диалог натыйжалуу экенин, ал саясий, соода-инвестициялык, маданий-гуманитардык жана башка тармактардагы алакаларды өнүктүрүүгө кошумча дем берерине бекем ишенерин билдирди", — деп айтылат маалыматта.

Президент Садыр Жапаров жаңы чакырыктар менен коркунучтарга, анын ичинде вирус коркунучуна карата, ошондой эле эл аралык терроризм менен экстремизмге каршы күрөшүүдө жана коопсуздукту камсыз кылууда эки өлкөнүн парламенттеринин күч-аракетин бириктирүү маанилүү экенин кошумчалаган.

22
Белгилер:
Мамлекеттик Дума, Вячеслав Володин, Садыр Жапаров, Кыргызстан, Россия
Тема:
Садыр Жапаровдун Россияга сапары
Тема боюнча
Байланышты өнүктүрөлү. Жапаров Татарстан президенти Минниханов менен жолукту. Сүрөт
Жапаров Москвадагы кыргызстандыктарга жолукту. Сүрөт
Бразилиялык мурдагы чемпион Жессика Андраде. Архивдик сүрөт

Шевченконун баш оорусу болом. Чемпиондун жаңы атаандашы тууралуу эмне белгилүү

145
(жаңыланган 12:12 25.02.2021)
Андраде Шевченко үчүн оңой атаандаш эмес. Бразилиялык спортчу эки жыл мурда 52 килограмм салмактагылар арасында чемпиондук титулду алган.

БИШКЕК, 25-фев. — Sputnik. Кечээ кыргызстандык мушкер, UFC уюмунун 57 килограмм салмактагылар арасындагы чемпиону Валентина Шевченко бразилиялык мурдагы чемпион Жессика Андраде менен кармашары белгилүү болду.

Мушкерлер 24-апрелде UFC 261 турниринин алкагында беттешерин уюмдун президенти Дана Уайтка таянуу менен чет элдик басылмалар жазды.

Посмотреть эту публикацию в Instagram

Публикация от ESPN MMA (@espnmma)

Кармашта кыргызстандык спортчу наамын бешинчи ирет коргомокчу. 52 килограмм салмакта мурда чемпион болгон Андраде жакында эле Шевченконун салмагына — 57 килограммга өттү. Бул дивизиондун чемпиондукка талапкерлеринин тизмесинде бразилиялык спортчу биринчи орунду ээлеп турат.

UFC башчысы Дана Уайт мушкер кыздардын апрелдеги кармашы ушул жылдагы супер беттештердин бири болорун белгиледи.

"Бул беттешти чыдамсыздык менен күтүп жатам. Валентина бир кездеги Тайсон (Майк) сыяктуу жеңилбес болуп турган чагы. Жакында эле анын дивизионуна Андраде которулуп, Чукагянды (Кетлин) нокаутка кетирип жеңди. Бул өтө кызыктуу кармаш болмокчу", — деген Уайт.

Кечээ жакында Валентина Instagram баракчасына кезектеги беттешине даярданып жаткан видеосун жүктөп, "Максат коюлду" деп жазган.

Посмотреть эту публикацию в Instagram

Публикация от Valentina Shevchenko (@bulletvalentina)

Жессика Андраде деген ким?

Андраде 30 жашта, Бразилиянын Умуарама шаарында төрөлгөн. Мектепте дзюдо менен алектенип, алгачкы профессионалдык беттешин 2011-жылы өткөргөн. Аралаш мушташка чейин дарыканада, туристтер балык кармаган көлдө, ошондой эле оор жүк ташуучу унаанын айдоочусу болуп иштеген.

ММА спортуна 2013-жылы аралашып, ушул кезге чейин 29 беттештин 21ин уткан. Анын жетөөсүндө жеңишин нокаут менен майрамдаган. Жиу-жутсу, тай боксу боюнча да категориялык курлары бар.

Андраде октагондо чагылгандай тез иштеп, күтүүсүз чабуулдарга өтүп, атаандаштарын бүк түшүргөн соккулары менен айырмаланып келет. Кыргызстандык спортчудан бою кичинекей болгону менен сөөктүү.

2019-жылы жазында америкалык чемпион Роуз Намаюнасты UFC 237 турниринин алкагында өзгөчө нокаут менен утуп, чемпиондук наамга ээ болгон. Анда Роузду өйдөрөөк көтөрүп туруп, башы менен жерге сая жыгып, андан соң сокку узаткан.

Посмотреть эту публикацию в Instagram

Публикация от ufc (@ufc)

Бирок ошол эле жылы күзгө жуук Андраде кытайлык Вэйли Жанг менен күч сынашып, бир мүнөткө жетпеген убакытта нокаут менен утулуп, наамынан ажыраган.

Андраде Шевченко менен беттеши тууралуу комментарий берип жатып, ага оңой атаандаш эмес экенин айткан.

"Мен Шевченкону аябай сыйлайм. Аны жеңүү оор экенин да билем, бирок менин беттештеги стилим ага баш оору жаратат", — деген бразилиялык кыз.
Посмотреть эту публикацию в Instagram

Публикация от Jessica Andrade “Bate Estaca” (@jessicammapro)

Андраде супер беттешке жан үрөп даярданып, күн сайын үч жолудан машыгып жатканын кошумчалаган.

145
Белгилер:
атаандаштык, беттешүү, Жессика Андраде, Валентина Шевченко, UFC
Тема боюнча
UFC мушкер аялдарга жаңы дивизион кошкону жатат
Саясатчы Өмүрбек Текебаев. Архив

Текебаев Кыргызстандын Бельгиядагы элчиси болобу? Саясатчынын жообу

0
(жаңыланган 16:15 25.02.2021)
Депутат мурунку бийликтин жана азыркы бийликтин учурунда дагы элчилик кызмат тууралуу сунуш түшпөгөнүн айтып, учурда узакка созулган соттук иштери менен алек экенин белгиледи.

БИШКЕК, 25-фев. — Sputnik. Саясатчы Өмүрбек Текебаев аны Кыргызстандын Бельгиядагы элчиси болот деген кептер чындыкка дал келбей турганын Sputnik агенттигинин кабарчысына билдирди.

Эске салсак, акыркы күндөрү социалдык тармактарда жана айрым ЖМКларда Текебаев элчилик кызматты аркалай турганы жөнүндө маалыматтар тараган.

"Мага мурунку бийликтин учурунда дагы, азыркы бийликтин учурунда дагы андай сунуш түшкөн эмес. Бул фейк жаңылык. Ошондуктан талкууга алуунун зарылдыгы жок. Ким эмне себептен жайылтканын билбейм", — деди Текебаев.

Саясатчыдан алдыдагы пландары тууралуу да сурадык.

"1,5 жылдан бери бүтпөй жаткан сот иштери менен алекмин. Алгач сот иштерин бүтүрүшүм керек, пландарым ошондон көз каранды болот", — деди Текебаев.

Былтыр "Ата Мекен" партиясынын лидери Өмүрбек Текебаев кайрадан Жогорку Кеңештин депутаты мандатын алган.

Текебаевдин иши

2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш-жаза кодексинин 303-беренесинин 1-бөлүмү ("Коррупция") жана 166-беренесинин 4-бөлүмүнүн 2-3-пунктуларында ("Алдамчылык") камтылган белгилер боюнча кылмыш ишин козгогон.

Козголгон кылмыш иштин алкагында Текебаев менен Чотонов кармалган. Россиялык бизнесмен Леонид Маевский Текебаев "Альфа Телеком" (Megacom) компаниясынын башкармалыгына кирүүгө мүмкүнчүлүк берүү үчүн бир миллион доллар алды деп айтып, депутаттын үстүнөн арыз жазган. 16-августта Бишкек шаарынын Биринчи май райондук соту Текебаевди коррупция боюнча күнөөлүү деп таап, сегиз жылга эркинен ажыраткан. Шаардык сот жана Жогорку сот өкүмдү күчүндө калтырган.

Кийин жаңы жагдайлардан улам Текебаев менен Чотоновдун ишин Жогорку сот кайра кароого жөнөтүп, фемида өкүлдөрү өткөн жылдын 29-августунда эки саясатчыны үй камагына коё берген. Ошентип ал соттолгон деген статустан кутулган.

0
Тема боюнча
Шайлообек Атазов менен Бурун Аманова Жогорку Кеңешке депутат болуп келет
Максим Бакиевден коркуп Москвага качкан. Россиядагы жаңы элчи тууралуу 9 факты
Зыңкыйышат! Таанылгыс болуп өзгөргөн саясатчылардын армиядагы сүрөттөрү