Британ гезити АКШ менен Кытайдын ортосундагы согуш кооптуулугун божомолдоду
Операцияга Кытайдын Аскер-деңиз күчтөрүнүн 056А тибиндеги "Эньши", "Юнчжоу" жана "Гуанъюань" деп аталган бардык корветтери катышкан.
БИШКЕК, 11-дек. — Sputnik. Британиялык Express басылмасы АКШнын Аскер-деңиз күчтөрүнүн Түштүк Кытай деңизине кирип, аны кытайлык кемелердин машыгуу учурундагы аткылоосунан кийин эки державанын ортосунда согуш оту тутанып кетүү кооптуулугу бар экендигин жазды.
Басылма Пекиндин эскертүүсү бул сапар коңшу турган башка өлкөлөрдүкү менен үндөшкөндүгүн да билдирди. АКШ Кытайдын деңиздеги кызыкчылыгын толугу менен четке каккандыктан, алар дайыма аскер кемелерин аталган деңизге "кемечилик эркиндигине" кайгуулга жөнөтүп турары кабарланган.
Америкалык "Макин Айленд" жана "Сомерсет" десанттык суднолору сууга кирери менен Кытайдын Аскер-деңиз күчтөрү согуштук атуулар коштогон машыгууну баштаган. Алыска деп мелженген кадимки согуштук куралдар колдонулган. Анын "пландалбай" жасалгандыгы айтылууда.
Операцияга Кытайдын Аскер-деңиз күчтөрүнүн 056А тибиндеги "Эньши", "Юнчжоу" жана "Гуанъюань" деп аталган бардык корветтери катышкан.
Newsweek машыгууда шарттуу алынган кемени жоюу жана ракетаны учурбай жолдон кармап калуу маневрлары да киргизилгендигин жазды.
Ал эми кытайлык Global Times басылмасы АКШнын бул аракеттин "булчуңдар менен ойноо" деп атаган.
КМШ парламенттеринин төрагалары биринчи жолу офлайн жыйын өткөрөт
(жаңыланган 22:44 14.04.2021)
КМШнын Парламенттер аралык ассамблеясынын (ПАА) жазгы сессиясы Таврия сарайында болот. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.БИШКЕК, 14-апр. — Sputnik. КМШ өлкөлөрүнүн парламенттеринин төрагалары пандемия жарыялангандан бери биринчи жолу жолугушат. Жыйын 15-апрелде Санкт-Петербургда өтөт.
КМШнын Парламенттер аралык ассамблеясынын (ПАА) жазгы сессиясы Таврия сарайында болмокчу. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.
Катышуучулардын болжолдуу тизмеси:
- Сагиба Гафарова — Азербайжандын Милли мажлисинин төрайымы;
- Арарат Мирзоян — Армениянын парламентинин төрагасы;
- Маулен Ашимбаев — Казакстандын парламентинин сенатынын төрагасы;
- Талант Мамытов — Кыргызстандын Жогорку Кеңешинин төрагасы;
- Зинаида Гречаный — Молдованын парламентинин төрайымы;
- Танзила Нарбаева — Өзбекстандын Олий Мажлисинин төрайымы.
Ал эми видео байланыш менен жыйынга Беларусь менен Тажикстандын парламенттеринин спикерлери кошулат.
Парламент төрагаларынын катышуусундагы конференция "COVID-19 пандемия шартында глобалдык чакырыктар жана коркунучтар. Терроризм жана зомбулук экстремизми" аталышында өтөт.
©
Пресс-служба президента КР / Султан Досалиев
16-апрель күнү ПААнын штабында Ассамблеянын 52-пленардык жыйыны өтөт. Анда өзөктүү тема катары пандемия маалында миграциялык процесстерди мыйзам түрүндө көзөмөлдөө талкууланары айтылды. Ошондой эле парламент жетекчилери Ассамблея тарабынан даярдалган КМШга мүчө мамлекеттер үчүн миграциялык кодексти карашат.
Жыйындын жүрүшү Ассамблеянын сайтында www.iacis.ru жана "Вместе-РФ" vmeste-rf.tv. каналынан түз алып көрсөтүлө турганы маалым болду.
Бүгүн Жогорку Кеңештин төрагасы Талант Мамытов Россияга учат
(жаңыланган 19:46 14.04.2021)
Иш-чаранын катышуучулары коопсуздук, саламаттык сактоо жана экономика маселелерин талкуулай турганы айтылды.БИШКЕК, 14-апр. — Sputnik. Бүгүн, 14-апрелде, Жогорку Кеңештин делегациясы төрага Талант Мамытовдун жетектөөсү менен Санкт-Петербургга учат. Бул тууралуу ЖКнын маалымат кызматынан кабарлашты.
Билдирмеге караганда, төрага КМШнын парламенттер аралык ассамблеясынын (ПАА) жазгы сессиясына катышат.
Пленардык жыйында коопсуздук, саламаттык сактоо жана экономика маселелери талкууланмакчы. Ошондой эле Мамытовдун бир нече эки тараптуу жолугушууларды өткөрөрү күтүлүүдө.
Кер мурут жигит Сүймөнкул Чокморов. Улуттук банктын улуу инсан тууралуу видеосу
(жаңыланган 01:10 15.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.
©
Facebook / Алмас Турдумаматов
Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.
Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.
Белгилер: