Стюардесса учакта. Архив

Биринчи тепкенде эле жапты. Стюардессанын таң калтырган видеосу

399
Көптөрү стюардессаны мактаса, алардын ичинен "мойнуңду сындырып алсаң эмне болот эле" деген маанайда жемелегендер да болгон.

БИШКЕК, 12-дек. — Sputnik. Белгисиз стюардесса бош учактын ичинде отургучтарга таяна башын төмөн каратып, эки буту менен жүк салган текчелердин эшиктерин тээп жапкан. Бул видео Instagram социалдык баракчадагы @flight_love деп аталган аккаунтка жарыяланды.

Посмотреть эту публикацию в Instagram

Публикация от aviation love (@flight___love)

Ал баракчадан экипаж мүчөлөрүнүн ар кыл авиакомпаниялардын жашоосун чагылдырган ирмемдерди көрүүгө болот.

Трюк көрсөткөн борт коштоочу кыздын ийкемдүүлүгүнө таң калбай коюуга болбойт.

Жүргүнчүсүз учактын салонунда стюардессанын кыска көйнөгүн кийген кыздын эки бутун асмандатып, отургучтардын үстүндөгү жүк салган текчелерди оңой эле жаап койгондугун көрүүгө болот. Ролик жайылып кеткен чачын артка силккен борт коштоочунун жылмайып, кайра туруп келе жаткан учуру менен аяктаган.

Муну көргөн интернет колдонуучулардын реакциясы да ар кыл болгон. Көптөрү аны мактап, таң калгандыгын жазса, бир даары тынчсызданып "мойнуңду сындырып алсаң эмне болот эле" деген маанайдагы жемелеген пикирлерин калтырган.

399
Белгилер:
стюардесса, көйнөк, учак, трюк
Тема боюнча
Кытайда стюардесса жигити учактан колун сурагандыгы үчүн иштен алынды
Кыргызстандык балбан кыз Мээрим Жуманазарова. Архив

Мээрим Жуманазарова Гран-при мелдешиндеги атаандашы Велиеваны дагы утту

16
(жаңыланган 01:28 04.12.2021)
Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган.

БИШКЕК, 4-дек. — Sputnik. Кыргызстандык балбан кыз Мээрим Жуманазарова "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды. Спортчу кыздардын таймашын Россиянын Спорттук күрөш федерациясынын расмий сайты түз алып көрсөттү.

Эки бөлүккө созулган кыл чайнаш кармаштын жыйынтыгында кыргызстандын балбан кызы жеңишти илип кетти. Кармаштын биринчи эле бөлүгүндө Мээрим адегенде контр чабуул жасап бир упай алды. Көп өтпөй бутка кирип, атаандашын партерге жыгып дагы эки баллга ээ болду. Бөлүк 3:0 менен аяктады.

Экинчи үч мүнөттүктө кыргызстандык балбан кыз эсеп артыкчылыкты сактап калуу тактикасы менен күрөштү. Велиева чабуул жасап Мээримди эки ирет чийин сыртына сүрүп чыгарып эки упай алды. Беттеш 3:2 Мээримдин артыкчылыгы менен жыйынтыкталды.

Мээрим Жуманазарованы мелдешке машыктыруучусу атасы Рахмадил Жуманазаров коштоп барган.

Мелдеш Москва шаарындагы "ВТБ Арена Парк" спорттук жайында өттү.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген.

Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Ал эми 2019-жылы Финляндияда өткөн жаштар арасындагы дүйнөлүк чемпионатта беттешсе, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан.

Ал эми үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган.

16
Белгилер:
Мээрим Жуманазарова, Ханум Велиева, мелдеш
Тема боюнча
Жоламан күрөшкөндө титиреп турам... Легендарлуу Хаким агайдын видеосу
Мелис Турганбаев Күрөш федерациясынын президенти болуп тандалды
Россиянын полиция кызматкери. Архив

Москвада кыргызстандык таксистке ок атылды. Окуя видеого түшүп калган

428
(жаңыланган 00:07 04.12.2021)
Каргаша болгон жерден айдоочу из жашырып кеткени айтылууда. Алдын ала маалыматка караганда, ал травматикалык курал колдонгон.

БИШКЕК, 3-дек. — Sputnik. Москванын чок ортосунда жолтандабастын айдоочусу кыргызстандык таксист менен жаңжалдаша кетип атып жиберди. Бул тууралуу Кыргызстандын Россиядагы элчилиги билдирди.

Россиянын ЖМКлары окуя Чоң Грузин көчөсүндө болгонун жазууда. Алдын ала маалымат боюнча, таксист оң тарапта авариялык жарыкты жандырып турган. Ал жүргүнчүнү күтүп турушу мүмкүн экени айтылууда. Ал эми Cadillac Escalade унаасынын айдоочусу өтө албай калган. Мындан улам экөө айтыша кеткен. Натыйжада жолтандабастын айдоочусу тапанча менен таксистти көздөй бир нече ирет ок чыгарган. 

Окуя болгон жерден айдоочу из жашырып кеткени айтылууда. Алдын ала маалыматка караганда, ал травматикалык курал колдонгон.

Элчилик таксист Кыргызстандын 23 жаштагы Алманбет Абдрахманов аттуу жараны экенин билдирди.

“Мекендеш окуя болгондон кийин ооруканага жаткырылган. Аталган маселе элчиликтин көзөмөлүнө алынды. Кыргызстандын жаранына тиешелүү консулдук жардам берилет”, — деп жазылат релизде.

Шектүүгө карата курал колдонуу менен бейбаштык кылуу беренеси боюнча кылмыш иши козголгон.

Ал эми РЕН ТВ телеканалы жолтандабастын айдоочусу Дмитрий Махалов экенин билдирди. Ал 2009-жылы уурулук ишине фигурант катары соттолгону белгиленет. Эки жыл мурун да жаңжалга аралашканы айтылат.

428
Белгилер:
Москва, таксист, Кыргызстан, элчилик, сатуу
Тема боюнча
Бишкек: ок чыгарган уландын ГБРде иштээри аныкталып, тапанчасын тапшырды
АКШда атылган кыргызстандык. Каргашага чейинки окуянын видеосу тарады