Контртеррористическая и регулярная полиция обеспечивают безопасность в офисах Независимой национальной избирательной комиссии в Кано, северная Нигерия. 14 февраля 2019 года

ЖМК: Нигерияда мектепке кол салгандар 400дөй баланы уурдап кеткени айтылууда

186
(жаңыланган 15:03 13.12.2020)
Жума күнү шаардын көчөлөрүндө ок чыгарып жүргөн куралчан кишилерди күч органдары кармоого аракет кылышкан. Бирок бир нечеси мектепке барып, имаратты аткылаганы белгилүү болду.

БИШКЕК, 13-дек. — Sputnik. Нигериянын Канкара шаарында куралчан кишилер мектепке кол салып, жүздөгөн балдарды уурдап кетти. Бул тууралуу жергиликтүү Vanguard сайтына шилтеме берип РИА Новости жазды.

Маалыматка караганда, мектепте 800 окуучу билим алчу. Анын 400дөйү куткарылган.

"Жума күнү куралчан кишилер шаардын көчөлөрүндө ок чыгарып жүргөндө күч органдары аларды кармоого аракет кылышкан. Бирок бир нечеси Government Science Secondary School деп аталган мектепке барып, имаратты аткылашкан. Андан соң балдарды алып кетишкен. Полиция 200 баланы куткарган. Ал эми өздөрү качып кеткен окуучулар токойго түнөп, учурда баш-аягы 406 бала табылды", — деп айтылат кабарда.

Полиция мектеп жетекчилиги менен биргеликте жоголгон балдардын санын тактоодо.

Аймактагы бардык мектептер жабылып, өлкө президенти Мухаммад Бухари жоголгон балдарды жана аларды уурдагандарды табуу тапшырмасын койду.

Кечээ түнү аскерлер кол салгандар кайда жашынып жатканын аныктагандыгы боюнча маалымат тараган.

186
Белгилер:
кол салуу, окуучу, мектеп, Нигерия
Тема боюнча
Карантинден качып барып крокодилге жем болду. Африкадагы окуя
Спутник V вакцинасы. Архивдик сүрөт

"Россия акчанын артынан куубайт". Европадагы ЖМКлар "Спутник V" тууралуу

14
(жаңыланган 16:41 18.01.2021)
Журналист Федерико Куско орустардын медицинасынан кабары жок болгондуктан "Спутник V" вакцинасынын чыгышын Батыш кайдыгерлик жана сындаган ар кыл пикирлери менен тосуп алды деген пикирде.

БИШКЕК, 18-янв.— Sputnik. Россия пандемиянын мизин кайтара турган препарат тапты. Батышта россиялык илимге наадандык менен мамиле кылуу бар деп жазган Sputnik франциялык Monde diplomatique басылмасына шилтеме кылып.

Макаланын автору Федерико Кусконун пикирине таянсак, Батыш орустардын медицинасынан кабары жок болгондуктан "Спутник V" вакцинасынын чыгышын кайдыгерлик жана сындаган ар кыл пикирлери менен тосуп алды.

"Маданий, саясий, тилдик абдан эле чоң айырмачылыктан улам алар россиялык демилгелерди шектенүү менен кабылдашат", – деп белгиледи журналист.

Ал препаратты иштеп чыгуу Россиядагы олуттуу илимий тарыхый чынжырчанын жыйынтыгы болгондугун айткан. Анткен менен батыштык "жомокчулар" россиялык илимий жетишкендиктерди жылдап танып келишкен, эми вакцинанын жасалышына да таң калып турган кези.

"Фармацевтик лабораториялар өзүнүн дарыларын асмандаган баада таңуулаган АКШдан, Евробиримдиктен айырмаланып, Россия акчанын артынан куубайт", – деп жазган Куско.

Журналисттин пикирине караганда, азыр ар кыл мамлекеттерде жайылтылып жаткан "Спутник V" дарегине болгон шектенүүлөрдү 50 жылдан кийин эч ким эстебейт.

14
Белгилер:
журналист, Батыш, Спутник V, вакцина, Россия
Тема:
Дүйнөгө жайылган коронавирус
Тема боюнча
Bloomberg "Спутник V" вакцинасына ишенүүгө жүйөлүү себептерди атады
"Спутник V" Африкага жетти. Россиялык вакцинага эмнеге мынча ишеним артылууда
Кишилер маскачан метродо бара жатат. Архив

ДССУ: пандемия токтобойт жана вирус жок болуп кетпейт

81
(жаңыланган 14:29 18.01.2021)
Адис бир катар өлкөлөр массалык эмдөөгө өтүп жатканын белгилеп, дале болсо гигиеналык-санитардык эрежелерди сактоо маанилүү экенин айткан.

БИШКЕК, 18-янв. — Sputnik. Дүйнөлүк саламаттык сактоо уюмунун өкүлү Мелита Вуйнович коронавирус пандемиясы качан басаңдашы мүмкүндүгүн айтканын РИА Новости жазды.

Анын билдиришинче, быйыл COVID-19 оорусуна байланыштуу кырдаал кандайча өнүгө тургандыгы боюнча так пикир жок. Бирок пандемия токтобойт жана вирус жок болуп кетпейт.

Вуйнович вакциналар тууралуу акыркы жаңылыктар келечекке үмүт берип, адистерди шыктандырганын белгилеген.

Ал бир катар өлкөлөр массалык эмдөөгө өтүп жатканын белгилеп, дале болсо гигиеналык-санитардык эрежелерди сактоо маанилүү экенин айтты.

Ошондой эле Россияда коронавирус кырдаалы аз-аздан турукташканы байкалганын кошумчалаган.

81
Белгилер:
божомол, пандемия, коронавирус, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
ЖМК: Pfizer вакцинасын жарактуу деп тапкан агенттик кысымга учураган
Өткөн суткада үч киши көз жумуп, 69 адам ооруп калды. COVID боюнча статистика