Белгилүү болгариялык көзү ачык Ванга. Архивдик сүрөт

2021-жылы адамзатты эмне күтөт? Ванганын айткандары

1433
(жаңыланган 14:44 13.12.2020)
Телеканал Ванганын жакшы жаңылыктар тууралуу айтканын да жарыялаган. Көзү ачык аялдын алдын ала айтканы боюнча, адамзат ракты жеңет. Ал онкология ооруларына каршы дары жасалганын, бирок өндүрүштөн чыга электигин билдирген.

БИШКЕК, 13-дек. — Sputnik. Белгилүү болгариялык көзү ачык Ванга 2021-жылы Россияны демографиялык кризис күтүп турарын айтып, АКШда акыркы президент шайланып, жаратылыш кырсыктары болорун божомолдогон. Бул тууралуу "Пятый канал" телеканалы билдирди.

Көзү ачык Россиядагы демографиялык кризис биринчи жарым жылдыкта болот деп боолгологону айтылды. Эксперттер белгилегендей, бул коронавирус инфекциясы менен байланышта болуусу толук ыктымал. Жылдын экинчи жарымында кырдаал жакшырышы керек.

Маалыматта Ванга АКШда эмне болорун да алдын ала көргөнү айтылат. Анда "акыркы президент" жөнүндө кеп болууда. Маалым болгондой, ноябрда аталган мамлекетте президенттик шайлоо өтүп, азыркы президент Дональд Трамп жеңилгенин мойнуна албай жатат. Ал Жо Байдендин жеңишине ишенбей, ага кызматты өткөрүп берүүнү каалаган жок.

Ванганын айтымында, Трамп акыркы президент болуп калат. АКШда эмне болору азырынча белгисиз.

Көзү ачык аял Кошмо Штаттар ички көйгөйлөрүнөн улам дүйнөлүк аренадан четтеп калышы мүмкүн экенин да айткан. Алардын ордун "күчтүү ажыдаар" ээлейт деген. Кеп Кытай жөнүндө гана эмес, Россия менен Индия тууралуу да болуп жатат. Ванга эл "кызыл акчаларды" колдонуп каларын белгилеген. Эскерте кетсек, 100 юань менен 5000 рубль кызыл түстө.

Ванга 2021-жылы АКШдагы жаратылыш кырсыктары катталарын да айткан. Анда Калифорния штаты жаан көп жаагандан улам суунун алдында калышы ыктымал. Ал эми Лос-Анжелес, Сан-Франциско жана Сан-Диего шаарлары бороон-чапкындан улам жок болуп кетүү коркунучунда турары айтылды.

Телеканал Ванганын жакшы жаңылыктар тууралуу айтканын да жарыялаган. Көзү ачыктын айтымында, адамзат ракты жеңет. Ал онкология ооруларына каршы дары жасалганын, бирок өндүрүштөн чыга электигин билдирген.

1433
Белгилер:
Россия, АКШ, жаратылыш, кырсык
Тема боюнча
Билл Гейтс: бизди коронавирустан дагы чоң алаамат күтүп турат
Венгриялык балбан Тамаш Лёринц

Акжол алтын үчүн ким менен күрөшөт? Венгриялык Тамаш Лёринцтин таржымалы

836
(жаңыланган 21:20 02.08.2021)
Кыргызстандык балбандын атаандашы дүйнө чемпионатын утуп, Олимпиаданын күмүш медалын тагынган. Дүйнөлүк рейтингде алдыңкы сапта турат.

БИШКЕК, 2-авг. — Sputnik. Грек-рим күрөшү боюнча 77 килограмм салмакта Олимпиадага катышып жаткан кыргызстандык балбан Акжол Махмудов финалда венгриялык Тамаш Лёринц менен кез келет.

Тамаш Лёринц 35 жашта. Бириккен күрөш дүйнөсү (United World Wrestling) уюмунун рейтингинде 77 килограмм салмак даражасында экинчи сапта турат.

Олимпиада оюндарынын байге ээси. 2012-жылы Лондондо өткөн Олимп оюндарында 66 килограмм салмакта финалга чыгып, күмүш медаль тагынган.

2019-жылы Казакстандын Нур-Султан шаарында өткөн дүйнө чемпионатын утуп Олимпиадага жолдомо алган. 2014, 2017 жана 2018-жылдары өткөн дүйнө чемпионаттарында байгелүү орундарга жетишкен. Төрт жолку Европа биринчилигинин жеңүүчүсү болуп саналат.

Лёринц жарым финалда ирандык, чейрек финалда япониялык, ал эми баштапкы этапта марокколук балбандарды уткан.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

Акжол Олимпиада-2020 мелдешинин финалына чейин Армения, Азербайжан жана Тунис өлкөлөрүнүн балбандарын жеңген.

Балбандар грек-рим күрөшү боюнча 77 килограмм салмакта Олимпиаданын алтын байгеси үчүн таймашат. Финалдык беттеш эртең, 3-августта, болот.

836
Белгилер:
Акжол Махмудов, таржымал, Олимпиада-2020
Тема:
2021-жылы Токиодо өтө турган Олимпиада оюндары
Тема боюнча
Атаандашын ай-буйга келтирбей жыккан Акжол. Жарым финалдагы жүрөк толкуткан видео
Былтыр 14:0 менен жеңилген. Айсулуунун алгачкы каршылашынын таржымалы

Жаалданган куруучу өнбөгөн карызы үчүн өзү курган тамды талкалап салды. Видео

284
Германияда көп кабаттуу үйдү салган адам акчасын төлөбөй койгондугу үчүн тамдын айнектерин жана балкондорун экскаватордун сузгучу менен талкалап салды. Муну ал өч алуу деп атаган.

Немец басылмалары окуя Блумберг шаарында болгонун жазышты. Имараттын жана анын жанындагы гараждардын чыгымы жарым миллион еврого бааланууда.

47 жаштагы "өч алгыч" субподрядчы болгон. Анын айтымына караганда, анын компаниясына 5 миллион евролук жумуштун акысын төлөп бербей коюшкан. Үй куруу үчүн башка техникаларды ижарага алып иштеткендиктен аларга да карыз болуп кеткен.

Экскаватор менен "өч алуу процессин" бүтүргөндөн кийин автоунаасына отуруп алып, полиция тилкесине барып, окуяны төкпөй-чачпай айтып берген. Тартип сактоочулар кийинчерээк ал адамдын бөтөн мүлктү талкалаганы үчүн жооп бере тургандыгын билдиришкен. Анткен менен ФГРдин мыйзамдары боюнча, ал адамдын иштери кылмыш жоопкерчилигине тартууга жол бербейт.

284
Белгилер:
Германия, курулуш, өч алуу, полиция
Тема боюнча
Иштен бошотулган киши Mercedes заводунда 50 автоунааны талкалап салды. Видео
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео