Кара моюл. Архивдик сүрөт

Витаминдерге бай. Организмге пайдалуу деген 10 азык тизмектелди

Тизменин сап башында киноа деп аталган дан турат. Бул дандын курамында белок, аминокычкыл, кальций, темир, магний, калий жана башка микроэлементтер бар.

БИШКЕК, 14-дек. — Sputnik. Кытайдагы Sohu порталынын колдонуучусу адамдын ден соолугу үчүн пайдалуу деген 10 азыкты атады. Бул тууралуу РИА Новости жазды.

Ага ылайык, тизменин сап башында киноа деп аталган дан турат. Бул дандын курамында белок, аминокычкыл, кальций, темир, магний, калий жана башка микроэлементтер бар.

Ошондой эле анда Омега-3 майлуу кычкылы да көп. Ал жүрөк-кан тамыр системасын бекемдөөгө жардам берет.

Экинчи орунда кара моюл турат. Бул азык А, В жана Е витаминдерине бай. Ошондой эле мээнин клеткаларын коргоп, эс-тутумду жакшырткан антиоксиданттардан турат.

Ошол эле учурда бул жемишти этияттык менен колдонуу керек. Себеби анын курамында кумшекер көп экени айтылды.

Брокколи да тизменин алдыңкы сабынан орун алган. Капустанын бул түрү минерал, азыктандыруучу заттарга мол келет. Мындан сырткары, анда С витамини, каротин, фосфор, темир, калий жана марганец бар. Брокколи клетчатканын булагы. Ал канда глюкозанын деңгээлин төмөндөтүүгө жардам берет. Жашылча кант диабети менен жабыркагандарга миңдин бири.

10 мыкты азыктын катарына эти кызыл балыктын түрү (лосось), чычырканак, шпинат, мисте, авокадо, сулу жана кулпунай кирген.

Белгилер:
азык, ден соолук, жемиш
Тема боюнча
Немец диетологдору ачкарын жегенге болбой турган азыктарды атады
Кант диабети менен ооругандар арзандатылган тесттерди сатып алса болот
Бразилиялык атлет кыз Жессика Андраде

Жессика Андраде атаандашы Валентина Шевченконун алсыз жактарын атады

(жаңыланган 13:22 20.04.2021)
Шевченко бразилиялык спортчу менен UFC 261 мелдешинде кез келет. Кыргызстандык мушкер кыз бешинчи ирет UFC уюмунун жеңил салмактагы чемпиондук наамын коргоо үчүн кармашат.

БИШКЕК, 20-апр. — Sputnik. Бразилиялык атлет кыз Жессика Андраде атаандашы Валентина Шевченкону грэпплинг (күрөш) жагынан алсыз деп атады. Бул тууралуу ал Globo Esporte телеканалына берген маегинде айтты.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилль шаарында өтүүчү UFC 261 турниринде беттешет.

"Шевченко грэпплинг жагынан алсыз деп ойлойм. Мен атаандашымды тордо кармаганда өзүмдүн канчалык күчтүү экенимди жана өз мүмкүнчүлүгүмө канчалык ишенимдүү экенимди дайыма айтып келем", — деген ал.

Эң жеңил салмактын экс-чемпиону беттеш учурунда Шевченконун "алсыз жагын пайдалана турганын" белгилеген.

"Мен атаандашымды бир канча ыкма менен жерге жыга алам. Жыгып алсам, анда ал тура албайт", — деп белгилеген Андраде.

Анын айтымында, Шевченконун ыкчам соккулары, өзгөчө бутка тепкени кооптуу болуп саналат.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Белгилер:
маек, беттешүү, Жессика Андраде, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири
Россиянын президенти Владимир Путин жана АКШнын мурдагы президенти Дональд Трамп. Архив

Дональд Трамп: Путин мага, мен ага жакчумун

(жаңыланган 12:56 20.04.2021)
АКШнын экс-президенти убагында Россиянын лидери менен жакшы мамиледе болгонун айтып, бул жаман эмес көрүнүш экенин белгилеген.

БИШКЕК, 20-апр. — Sputnik. АКШнын мурдагы президенти Дональд Трамп Россиянын лидери Владимир Путин менен болгон мамилеси жөнүндө айтып бергенин РИА Новости жазды.

Трамп Путинге жагарын белгилеген.

"Менин Путин менен мамилем абдан жакшы болчу. Мен ага, ал мага жакчу. Бул нерсе жаман эмес, тескерисинче, жакшы көрүнүш", — деген Трамп.

Москва менен Вашингтондун мамилеси 2016-жылдын соңунда, Дональд Трамп президент болуп шайлангандан кийин начарлаган. Себеби шайлоонун жүрүшүнө Москва кийлигишти делген маалыматтар тарап кеткен. Прокурор Роберт Мюллер "Россиянын кийлигишүүсү" жөнүндөгү божомолду эки жыл бою иликтеген. Кийин ал "кийлигишүү" болгонун билдиргени менен расмий Москва менен Вашингтон аны төгүндөгөн.

Белгилер:
Дональд Трамп, президент, АКШ, Россия
Тема боюнча
Байден Путиндин фамилиясын туура эмес айтып алды