Автоунаалар. Архив

Кыймылдаткычы эң бекем автоунаалар аныкталды

382
Кыймылдаткычы эң эле ишенимдүү автоунааны аныктоо үчүн изилдөөчүлөр акыркы 25 жылда чыгарылган 15 миллиондон ашык автокөлүктү байкоого алышкан.

БИШКЕК, 25-дек. — Sputnik. Америкалык CarMD компаниясынын эксперттери кыймылдаткычы эң эле ишенимдүү автоунаалардын рейтингин түзүштү. Бул тууралуу РИА Новости жазды.

Адистер 1996-2020-жылдар аралыгында чыгарылган 15,5 миллион темир тулпардын маалыматтарын талдап чыгышкан.

Алар кыймылдаткычтын иштен чыгышы жана аны текшерүү зарылдыгы жөнүндө индикатордун жыштыгын 2019-жылдын 1-октябрынан 2020-жылдын 30-сентябрына чейин салыштырып көрүшкөн.

Изилдөөнүн жыйынтыгы боюнча, Mitsubishi тизменин биринчи сабын ээлеген. Mercedes-Benz рейтингдин экинчи сабына жайгашкан. Алдыңкы үчтүктү Volkswagen жыйынтыктаган.

Ошондой эле алдыңкы бештикке Buick жана Ford кирген. Мындан тышкары, адистер Mazda, BMW, GMC, Subaru жана Cadillac автокөлүктөрүнүн ишенимдүү экендигин айтышкан.

Моделдердин арасында 2018-жылы чыккан Toyota Tacoma лидер болду. Экинчи жана үчүнчү орундарды 2015-жылы чыгарылган Honda CR-V жана 2018-жылы чыгарылган Toyota Camry ээлеген.

382
Белгилер:
рейтинг, кыймылдаткыч, автоунаа
Тема боюнча
Кыргызстанда эң өтүмдүү автоунаалардын баасы. Инфографика
Дүйнөдөгү эң бышык автоунаалар аталды. Рейтинг
Москванын көчөлөрүнүн биринде беткапчан бара жаткан адамдар. Архивдик сүрөт

РФте жүргөн мигранттар 15-мартка чейин документтерин иретке келтириши керек

30
(жаңыланган 18:29 20.01.2021)
Эгер Россияда туруктуу же убактылуу жүргөн кыргыз жарандары коюлган талаптарды аткарбаса, өлкөдөн чыгарылып, кайра кирүүгө тыюу салынмакчы.

БИШКЕК, 20-янв. — Sputnik. Кыргызстандын Россияда иштеп жүргөн жарандары ушул жылдын 15-мартына чейин документтерге байланыштуу иштерин бүтүрүп алышы керек. Бул тууралуу Кыргызстандын РФтеги элчилигинен билдиришти.

Маалыматка караганда, Россия президенти "COVID-19 инфекциясынын андан ары жайылуу коркунучуна байланыштуу чет өлкөлүк жарандардын укуктук абалын жөнгө салуу боюнча убактылуу чараларды узартуу жөнүндө" жарлыкка кол койгон. Документтеги талаптарга ылайык, төмөнкүлөрдү аткаруусу зарыл:

  • ID-card же жалпы жарандык паспортту жарактуу мөөнөтү бүткөн соң өз убагында алмаштыруу;
  • Россиянын аймагында жүрүү үчүн документтерин (убактылуу жашоого уруксат, мөөнөтү бүткөндүгү тууралуу белгиси менен миграциялык карта, каттоосу) Россиянын мыйзамдарына ылайык калыбына келтирүү;
  • зарыл болгон учурда жумуш берүүчүлөр менен эмгек келишимдерин жана контрактыларын узартуу;
  • административдик укуктарды бузгандыгы үчүн салынган айыптарын жоюу;
  • Россиянын аймагынан өз эрки менен чыгып кетүү (эгер мурда өлкөдөн чыгаруу боюнча чечим кабыл алынган болсо).

Эгер Россияда туруктуу же убактылуу жүргөн кыргыз жарандары жогорудагы талаптарды аткарбаса, өлкөдөн чыгарылып, кайра кирүүгө тыюу салынмакчы.

30
Белгилер:
документ, мыйзам, талап, Кыргызстан, Россия
Тема боюнча
Россия Кыргызстанга кезектеги гумжардамын жөнөттү
Путин мигранттарды курулушка жумушка алуу тартибин жеңилдетүүнү тапшырды
Россиянын курулуш компаниялары мигранттарга муктаж болууда
Кыргызстан менен Россиянын желектери. Архивдик сүрөт

Россия Кыргызстанга кезектеги гумжардамын жөнөттү

26
(жаңыланган 18:06 20.01.2021)
Аталган гумжардам Саламаттык сактоо министрлигинин Ооруларды алдын алуу жана мамлекеттик санитардык-эпидемиологиялык департаментине бериле турганы айтылды.

БИШКЕК, 20-янв. — Sputnik. Коронавирус менен күрөшүү үчүн Россия Кыргызстанга кезектеги гуманитардык жардамын жөнөттү. Бул тууралуу РФтин КРдеги элчилигинен кабарлашты.

Ага ылайык, Роспотребнадзор COVID-19ду лабораториялык диагностика кылуучу 20 000 реагентин алып, ошол эле күнү жүк Кыргызстанга жиберилген.

Аталган гумжардам Саламаттык сактоо министрлигинин Ооруларды алдын алуу жана мамлекеттик санитардык-эпидемиологиялык департаментине бериле турганы айтылды.

Кыргызстан Россияга көрсөткөн жардамы жана колдоосу үчүн ыраазычылык билдирген.

26
Белгилер:
коронавирус, реагент, гуманитардык жардам, Россия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Россия Кыргызстанга 200 миң ПЦР-тест система берди
Футбол калысы. Архив

Кыргызстандан үч калыс ФИФАнын абройлуу тизмесине алынды

0
(жаңыланган 18:55 20.01.2021)
Дүйнөлүк уюмда Кыргызстандан жалпысынан 17 калыс бар. Алардын алтоосу футбол калысы, сегизи жардамчы (каптал калысы) жана үч калыс футзалдан.

БИШКЕК, 20-янв. — Sputnik. Кыргызстандын үч калысы Дүйнөлүк футбол федерациясынын (ФИФА) 2021-жылдагы тизмесине киргизилди. Бул тууралуу өлкөнүн футболдук союзунан кабарлашты.

Рефери из Кыргызстана Медербек Тайчиев, Зайниддин Алимов и Нурзат Аскат уулу впервые вошли в список арбитров ФИФА на 2021-й год
Ата мекендик футбол адистери Медербек Тайчиев, Зайниддин Алимов жана Нурзат Аскат уулу алгачкы ирет аталган тизмеге алынган

Ата мекендик футбол адистери Медербек Тайчиев, Зайниддин Алимов жана Нурзат Аскат уулу алгачкы ирет аталган тизмеге алынган. Дүйнөлүк уюмда Кыргызстандан жалпысынан 17 калыс бар. Алардан алтоосу футбол калысы, сегизи жардамчы (каптал калысы) жана үч калыс футзалдан.

Белгилей кетсек, Дайырбек Абдылдаев, Нурзат Аскат уулу, Денис Шалаев, Медербек Тайчиев, Зайниддин Алимов жана Вероника Бернацкая ФИФА тизмесиндеги реферилер. Аталган тизме авторитеттүү болуп саналат.

Сергей Грищенко, Исмаил Талипжанов, Замир Чыныбеков, Элдияр Салыбаев, Рамина Цой, Артем Скопинцев, Хусан Джалалдинов, Канат Мырсабеков реферинин жардамчысы болуп саналат.

Ал эми Нурдин Букуев, Чыңгыз Мустафаев жана Элдияр Келдибеков ФИФАнын футзал калыстарынын катарында.

0
Белгилер:
тизме, ФИФА, калыс, футзал, футбол
Тема боюнча
Азия кубогунда алгачкы голду киргизген футболчу "Алай" клубуна алынды
Кыргызстандык Токабаев АФКнын чемпиондор лигасынын финалына комиссар болду. Сүрөт