Россиянын Су-35С истребители. Архив

Россия менен Кытайдын бомбалоочу учактары Тынч океанды эмнеге айланды?

293
Россия менен Кытай Тынч океандын батыш бөлүгүндө өз кызыкчылыктарын жана мүмкүнчүлүктөрүн технологиялык жактан учкай белгилеп кетишти.

Азиялык-Тынч океан аймагындагы аба мейкиндигин РФ жана КЭРдин стратегиялык бомбалоочуларынын биргелешкен күзөтүүсү АКШ жана анын союздаштарынын аскердик базаларынын өтө чабалдыгын көрсөттү.

Россиянын Аба-космостук күчтөрүнө таандык эки Ту-95МС жана Кытайдын Аскердик-аба күчтөрүнүн төрт "Хун-6К" учагынан турган авиатоп 22-декабрда Япония жана Чыгыш Кытай деңиздеринин акваториясынын үстүндө 10 саатка созулган аба күзөтүн ийгиликтүү аякташты. Абада аларды башкаруу учактардын радиолокациялык байкоо жана А-50У мээлөөсүнүн эсептери менен жүргүзүлдү.

"Стратегдердин" багыттарынын айрым тилкелеринде РФтин Космостук-аба күчтөрүнүн Су-35С, ошондой эле тревога боюнча асманга көтөрүлгөн япониялык Аскер-аба күчтөрүнүн F-15 истребителдери коштоп жүрүштү.

Коюлган тапшырманы аткарууда учактар эл аралык укуктун алкагында иштеп, коңшу мамлекеттердин аба мейкиндигине киришкен жок. РФ Коргоо министрлиги миссия пландык мүнөздө экенин, үчүнчү өлкөлөргө каршы багытталбаганын, эки мамлекеттин куралдуу күчтөрүнүн өз ара аракеттешүүсүнүн деңгээлин жогорулатууга өбөлгө болорун баса белгиледи.

Мындай операциялар эки өлкөнүн ортосундагы кызматташтыктын сапаттуу жаңы деңгээлин айгинелейт. Биргелешкен миссия мурдагы, тагыраак, 2019-жылдын июль айындагы эки Ту-95МС жана эки "Хун-6К" учактарынын алгачкы чогуу күзөтүндөй эле эл аралык чоң резонанс жаратты.

Түштүк Кореянын Куралдуу күчтөрүнүн штабдарынын жетекчилеринин бириккен комитети авиатоп "абадан коргонуу идентификация зонасына" бир нече ирет киргенин маалымдады. 19 россиялык жана кытайлык аскердик учактын абадан коргонуунун аныкталган аймагына "аяк басышына" жооп катары Түштүк Кореянын Аскердик-аба күчтөрү да өз истребителдерин чыгарган. Батыш державалары россиялык-кытайлык аскердик кызматташтыктын өрчүшүн "коопсуздукка олуттуу коркунуч" деп атаса, АКШ Тынч океандын батыш бөлүгүндөгү аймакта күчтөрдүн тең салмактуулугу алардын пайдасына өзгөрбөгөнүн билдиришти.

Күзөтүүнүн өзгөчөлүктөрү

Биргелешкен россиялык-кытайлык миссия 22-декабрдын таңында башталды. Төрт кытай бомбалоочу учагы "абадан коргонуу идентификация зонасына" Йодо аралы (Чыгыш-Кытай деңизи) тараптан киргенде операция аймагында 15 россиялык учак болгон. Алар Япониялык деңиздеги Такэсима аралына (Лианкур) жанынан түндүктөн түштүккө карай андан мурда өтүп алышкан.

Түштүк Кореянын Куралдуу күчтөрүнүн жетекчилеринин штабдарынын бириккен комитетинин РФ менен КЭРдин "абадагы армадасына" карата тревогасына карабай Абадан коргонуу адистери улуттук аба мейкиндигинин эрежелерин аныктаган эмес.

Сеул тарабынан 2013-жылы бир тараптуу орнотулган "абадан коргонуунун идентификация зонасы" юридикалык жактан ага кирүү тууралуу алдын ала кабарлоого эч кимди милдеттендирбейт. Бирок ошентсе да кытай тарап биргелешкен машыгуулар тууралуу алдын ала эскерткен.

Авиатоптун өзгөчө курамы стратегиялык маанилүү милдеттерди аткарууга буталарды көрсөтүү тутумдарынын, сокку уруучу куралдын жана истребителдик калкалоонун жогорку деңгээлдеги даярдыгын көрсөттү. Албетте, ошол таңда россиялык жана кытайлык ракета ташуучуларга жапжакын (Такэсима аралдарынан 700 чакырымчалык) турган АКШнын Йокосука ири аскердик-деңиз базасында да тревога жасалды. Бирок 22-декабрда Россиянын Аба-космостук күчтөрү жана Кытайдын Аскер-аба күчтөрүнүн "стратегдери" болгону болжолдуу аскердик аракеттердин театрын пландуу түрдө баалашты. Азия-Тынч океан регионунда өз эрежелерин таңуулоо далалатындагы америкалык өнөктөштөрүнө белгилүү бир сигнал жолдошту. Айтор, операциялык мейкиндик кыйла кең.

Америкалыктардын пикиринде, стратегиялык бомбалоочулар жана Россия менен Кытайдын деңизде чалгындоо каражаттары Түндүк Американын Аба-космостук күчтөрүнүн командачылыгынын (NORAD) мүмкүнчүлүктөрүн изилдеп, АКШнын чек араларында өздөрүн ишенимдүү сезишет.

Мурда The National Interest аналитикалык басылмасы: "Ыраак аралыктагы, "аба – аба" тибиндеги россиялык жана кытайлык ракеталардын жаңы мууну АКШ авиациясынын аракеттерин тескөө тармагынын маанилүү түйүндөрүнө кооптуулук жаратышы ыктымал. Бул түйүндөрдүн арасында АВАКС алыскы радиолокациялык кармоо жана эскертүү системасы, чалгындоо жана байкоонун ар кыл учактары, май куюучу учактар жана радиоэлектрондук басаңдатуучу авиациялык каражаттары бар", - деп жазат.

"Согуш кудайы" же кытайча "акесин таанытчу" учак

Кытайдын стратегиялык бомбалоочу "Хун-6К" учагы (шарттуу белгиси "Согуш кудайы") – эң заманбап модификация, ал Ту-16А учагын негиз катары алган (1950-жылдардын аягында КЭРге бир нече учак жана техникалык документация берилген).

"Стратег" мурдагы версияларынан "акылдуу" электроникасы жана акыркы үлгүдөгү куралдары менен айырмаланат. Миң чакырым аралыктан өзөктүк сокку ура алат. Ыраактан кармоочу радиолокациялык тутумга, тоскоол коюучу системага, түзөтүүчү авиациялык бомба жана "аба – жер" классындагы ракеталарды мээлөө үчүн чалгындоо жана бута көрсөткүч оптикалык-электрондук станцияга ээ. Булар өзү мээлөөчү лазердик куралдар менен жабдылган.

Кытайдын абадагы "Узун кылыч-10К" (AKD-20) канаттуу ракеталарын кое берүүнүн максималдуу ыраактыгы ар кандай маалыматтарга ылайык 1600 чакырымдан 2500 чакырымга чейин. Душмандын жердеги объектилерин жок кылуу үчүн "аба – жер" классындагы KD-88 ракетасы да пайдаланышы мүмкүн. Ал инерциялык, телевизиондук жана мээлөөчү инфракызыл каналдар, ошондой эле учак-ташуучуга буталардын сүрөтүн өткөрүү үчүн эки каналдуу байланыш тутуму менен жабдылган.

Арсеналында үндөн ыкчам "Инцзи-12" жана "Инцзи-100" кемеге каршы ракеталары (кое берилгенде 400 жана 700 чакырымга чейин учат) бар, мисалы, авиаташуучу душмандын абадан коргонуу зонасына кирбей туруп кыйратуу мүмкүнчүлүгүнө ээ болот. Америкалык эксперттер берген баага ылайык, "Стандрат-2" зениттик тескөөчү ракетасы "Инцзи-12 жана 100" кемеге каршы ракеталарын кармоого кепилдик бербейт.

"Хун-6К" бомбалоочу учагы кубаттуулугу 12 миң кгс/см болгон россиялык турбовентилятордук Д-30КП-2 кыймылдаткычы менен жабдылган. Планердин конструкциясына 30 пайыз композиттик материалдар киргизилген. Орто жолдо май куйбастан 5000 чакырымга чейин уча алат. Кыскасы, бул кытайча "акесин таанытуу" деп койсок болот. Россиялык "Медведь" менен аскердик шериктештикте "Хун-6Кнын" күчү бир топ эсе артат.

Континенттер аралык Ту-95 МС "Медведь" бомбалоочу ракета ташуучу учагы 5000 чакырымдан ашуун аралыктан сокку уруу жөндөмү менен дүйнөдө кеңири белгилүү.

Бейтарап суулардын үстүндө мындай машиналарды чет элдик "коштоо" потенциалдуу душмандын абийирин жууш үчүн гана кызмат кылышы мүмкүн. Согуштук кырдаалда "эскорт" жакындоого үлгүрбөйт. Зарыл болсо Ту-95МС алыстан, балким, РФтин аба мейкиндигинен ракеталык сокку урат.

Ыраактыгы боюнча Ту-95МС учагынын аскердик күзөтүү зонасына чек жок. Машина кошумча май куюусуз 15 миң чакырым аралыкка дейре уча алат. 2010-жылы "Медведдин" жолдо май куюу менен үч океандын үстүнөн учканда койгон рекорду 30 миң чакырымды түзгөн.

Алыскы аскердик-географиялык райондордо маанилүү буталарды кыйратуу үчүн "стратег" 5500 чакырымга чейинки эсептик ыраактыктагы Х-101 жана Х-102 канаттуу ракеталарына, ошондой эле 3500 чакырымга чейинки аралыктагы бир нече модификациядагы Х-55 ракеталарына, анын ичинде 200 килотонналык кубаттуулуктагы компактылык термоөзөктүк ок бөлүгү бар предметтерге ээ. "Тишине чейин" куралданганы Ту-95МС-16 болуп саналат. Ал бортунда 16 канаттуу ракетаны ташый алат, белгилей кетсек, "Медведдин" максималдуу аскердик жүгү – 12 тонна.

Ыраакка багытталган россиялык авиация 2020-жылы заманга ылайыкташтырылган алты Ту-95МС стратегиялык ракета ташуучу менен толукталган. Заманга бапташтырууда машинага акыркы үлгүдөгү авионика, борттук радиоэлектрондук комплекс жана башка жабдуулар орнотулат.

Алыскы авиациянын командачысы генерал-лейтенант Сергей Кобылаш мурдараак Ту-95МСнын заманбап башкаруу тутуму жана куралданышы буталарын бомба, тескелүүчү жана канаттуу ракеталар менен кыйратуунун так мүнөздөмөлөрүн кыйла жакшыртканын маалымдаган.

РФтин коргоо министри Сергей Шойгу 2020-жылы россиялык чек араларга жакын жерлерде америкалык учак жана кемелердин чалгындоо жана демонстрациялык аракеттеринин интенсивдүүлүгү 15 пайызга өскөн. Россиянын батыш, түштүк жана чыгыш чек араларында бирдей өткөрүлгөн НАТОнун машыгуулары улам кайталанчу болду. Август-сентябрь айларында эле андай машыгууларга 55 аскердик учак, анын ичинде стратегиялык бомбалоочулар жана таамай атчу куралдарды ташуучу 12 кеме катышкан. Андай көрүнүшкө төп келе турган чара көрүү зарыл, ал эми 22-декабрдагы машыгуу буга татыктуу жооп болду көрүнөт.

293
Белгилер:
учак, бомба, стратегия, Россия, Кытай
Тема боюнча
Жылдын машыгуусу: РФ стратегиялык өзөктүк күчтөрүнүн ракеталары кандай иштейт?
Тоолуу Карабахтагы жаңжалда Азербайжанга кайсы курал көмөкчү болду?

Дүйнөдө биринчи жолу бейтаптын колун ийини менен кошо салып беришти. Видео

146
(жаңыланган 15:35 25.01.2021)
Исландиялык киши 20 жыл мурда электр тогуна урунуп эки колунан тең ажырап калган. Бейтап 2013-жылы эле операция жасатмак, бирок донорду издөөгө убакыт кеткен.

Франциянын Лион шаарында дүйнөдө биринчи жолу бейтаптын колун ийини менен кошо салып беришти. Бул тууралу The Guardian басылмасы жазды.

Трансплантация 13-январда Эдуард Эррио атындагы клиникада жүргүзүлдү. Операцияга даярдык көрүүгө 50 ак халатчан тартылса, аны жасоого медиктердин төрт бригадасы катышып, колдорду "жамоо" 15 саатка созулган.

48 жаштагы исландиялык Феликс Гретарсон 20 жылы мурда электр тогуна урунуп, эки колунан тең ажырап калган. Андан бери ондогон операция жасаткан. Бейтап Лионго 2013-жылы операция жасатууга уруксат алгандан кийин көчүп келген. Бирок донорду издөөгө бир нече жыл кеткен. 

Операциядан кийин оң колу сол колуна караганда батыраак калыбына келерин айтышкан. Себеби сол жак ийиндин бардыгын калыбына келтирүүгө туура келген.

Азырынча Феликс Гретарсон колдору менен өз алдынча кыймылдай албайт.

Тогуз күндөн кийин исландиялык киши клиникадан биринчи видео кайрылуусун жасап, дарыгерлердин бул керемет ишине эбегейсиз ыраазылыгын айткан.

Ролик оорукананын YouTube-канале каналына жүктөлгөн.

146
Белгилер:
кол, бейтап, трансплантация, операция, Франция
Тема боюнча
Баш тынбай ооруйт. Онколог мээдеги рактын алгачкы белгилерин атады
Sputnik агенттигинин логотиби. Архив

Sputnik Telegram тармагынан англис тилинде жаңылыктар каналын чыгарды

27
(жаңыланган 14:48 25.01.2021)
Канал окурманга дүйнөдөгү эң маанилүү жаңылыктарды жеткирүү максатында текст түрүндөгү маалыматтарды, фото жана  графикалык сүрөттөрдү, видео, аудио, статистика жана графикаларды жарыялайт.

БИШКЕК, 25-янв. — Sputnik. Sputnik маалымат агенттиги Telegram тармагы аркылуу англис тилинде жаңылыктардын жаңы каналын ишке киргизди. Sputnik саясатты, бизнести, дүйнөлүк экономикалык тенденцияларды, коргонуу, коопсуздук, космос, саламаттык сактоо жана элдин калың катмарына пайдалуу болгон башка темадагы маалыматтарды чагылдырат. Бул үчүн ал Telegram тармагынын мультимедиалык мүмкүнчүлүктөрүнүн жардамы менен өзүнүн жаңылыктар кызматынын сапатын өнүктүрөт.

Канал окурманга дүйнөдөгү эң маанилүү жаңылыктарды жеткирүү максатында текст түрүндөгү маалыматтарды, фото жана графикалык сүрөттөрдү, видео, аудио, статистика жана графикаларды жарыялайт. Күндүн башкы кабарлары, Россиянын жаңылыктары, кызыктуу окуялар, ошондой эле дүйнөлүк окуялардын күнгөй-тескейине баш багат.

"Биз окурманга ар кайсы өлкөлөрдүн жогорку мамлекеттик кызмат адамдары, бизнес өкүлдөрү, саясатчылар, коомдук пикирдин лидерлер, талдоочулар жана эксперттер менен болгон кызыктуу, эксклюзивдүү маектерибиздин үзүндүлөрүн сунуштайбыз", — деп айтылат билдирүүдө.

Sputnik каналынын кабарчылары окурмандарга 24 саат бою дүйнө жүзүндөгү ири окуялар, мамлекеттик расмий иш сапарлардан тарта нааразычылык акциялары, террордук актылар, инфекциянын жайылышы сыяктуу окуялар тууралуу түз эфирден маалыматтарды берип турат.

Сиз Sputnik каналын Telegram тармагынан таап, аккаунтка @sputniknewsint дареги аркылуу каттала аласыз.

Sputnik агенттиги Россиянын ири "Россия сегодня" ЖМКсынын бир бөлүгү. Англис, орус, араб, кытай, испан жана фарсы тилдеринде чыгарылган жаңылыктар түрмөгү дүйнөлүк аудиторияга уникалдуу мүмкүнчүлүктөрдү берет.

Sputnik өзүнүн жеке мультимедиалык контентин даярдап, 30дан ашык тилде обого алып чыгат. Мындан сырткары, Sputnik радиосу күн сайын 800 сааттан ашык радиопрограммаларды обого чыгарып, ал 34 өлкөдөгү 130 шаарда уктурулат.

Вашингтон, Каир, Пекин жана Монтевидеодогу регионалдык бөлүмдөр (медиаборборлор) жаңылыктар түрмөгү үчүн эксклюзивдүү материалдарды камсыз кылышат.

27
Белгилер:
англис тили, Telegram, Sputnik
Тема боюнча
Sputnik Кыргызстан көзү азиз Дастандын кыялын орундатты
Кыздын силуэти. Архив

Кочкордо киши колдуу болгон келиндин сөөгү табылды. Шектүү изделүүдө

0
(жаңыланган 17:11 25.01.2021)
Келиндин өлүмүнө шектелип Кочкордогу жергиликтүү тургундун малын багып жүргөн чабан изделүүдө. Маркум Сокулук районунун 23 жаштагы тургуну болгон.

БИШКЕК, 25-янв. — Sputnik. Кочкор районундагы сарайлардын биринен киши колдуу болгон 23 жаштагы келиндин сөөгү табылды. Бул тууралуу Нарын ОИИБнын маалымат кызматы кабарлады.

Аялдын каза болгону тууралуу 23-январь күнү 30 жаштагы К.Б. аттуу жергиликтүү тургун кабарлаган. Ал ошол күнү Тынай-Булак кыштоосунда малын багып жаткан 26 жаштагы чабандан кабар алганы барып, кашардагы үйдөн келиндин сөөгүн көргөнүн айткан.

"Окуя болгон жерге барган ыкчам-тергөө тобу келиндин киши колдуу болуп өлтүрүлгөндүгүн аныктаган. Маркум Чүй облусунун Сокулук районунун 1998-жылы туулган тургуну К.К. экени такталган. Учурда К.Бнын малын багып жаткан малчынын өздүгүн тактоо жана кармоо боюнча ыкчам иликтөө иштери жүргүзүлүүдө", — деп жазылат милициянын маалыматында.

Факты Жазык кодексинин 130-беренеси ("Адам өлтүрүү") менен сотко чейинки өндүрүш иши башталып, тергөө иштери жүргүзүлүп жатканы кошумчаланды.

0
Белгилер:
келин, Кочкор, шектүү, кылмыш, өлүм
Тема боюнча
Арактын айынан... Токмок шаарында үч адам киши колдуу болду