Лаборатория кызматкери. Архив

Эпидемиолог коронавирустун жаңы штаммы балдарга кооптуу экенин айтты

173
(жаңыланган 10:36 04.01.2021)
Коронавирустун жаңы штаммынын жугуу коэффициенти буга чейинки SARS-CoV-2 учуруна салыштырмалуу 1,74 эсеге көп.

БИШКЕК, 4-янв. — Sputnik. Ханыша Мария атындагы Лондон университетинин эпидемиология боюнча улук окутуучусу Дипти Гурдасани Британиядан чыккан коронавирустун жаңы штаммынын коркунучу тууралуу эскертти. Бул тууралуу адис Twitter баракчасына жазганын РИА Новости билдирди.

Анын айтымында, коронавирустун жаңы мутациясы балдарга жана 19 жашка чейинки өспүрүмдөргө бат жугат.

Адис белгилегендей, коронавирустун жаңы штаммынын жугуу коэффициенти буга чейинки SARS-CoV-2 учуруна салыштырмалуу 1,74 эсеге көп. Бул параметр бир адам изоляцияга жатканга чейин эле бир нече адамга оору жугузуп жибере турганын көрсөтүп турат. Башкача айтканда, жаңы штамм буга чейинкиден да бат тарайт.

Гурдасани бул коңгуроо кага турган маалымат экенин айтып, ооруну алдын алуу боюнча чараларды азыртан көрүп баштоого чакырды.

Эпидемиологдун божомолунда, балдарга басымдуулук кылган коронавирустун жаңы түрү чоңдордон да жөн өтүп кетпейт. Вирус аларга да жугуп, жыйынтыгында ооругандар көбөйүп, жаңы өлүмдөргө алып келиши ыктымал.

Дүйнөлүк саламаттык сактоо уюму (ДССУ) Улуу Британияда коронавирустун жаңы штаммы табылып, дүйнөнүн башка өлкөлөрүнө жайылып жатканын жакында эле кабарлаган.

173
Белгилер:
балдар, штамм, коронавирус, оору
Тема:
Дүйнөгө жайылган коронавирус (1259)
Тема боюнча
Инфекционист коронавируска каршы эмдөөнүн терс таасирин айтты
COVID жеңил өткөн бейтаптарда оорунун кесепети оор болору айтылды
Пентагон башчылыгына Ллойд Остиндин бекитилди

АКШ сенаты Пентагон башчылыгына афроамерикалык Ллойд Остинди бекитти

87
(жаңыланган 23:11 22.01.2021)
Жаңы жетекчинин талапкерлигине 93 сенатор макулдугун берген. Жарандык коргоо министри кызмат ордуна пенсияга чыккан, тажрыйбалуу аскер адамдары гана ат салыша алат.

БИШКЕК, 22-янв. — Sputnik. АКШ сенаты Пентагон башчылыгына Ллойд Остиндин талапкерлигин бекиткенин РИА Новости жазды.

Анын талапкерлигине 93 сенатор "макул" болсо, экөө "каршы" добуш берген.

Жарандык коргонуу министри кызмат ордуна жети жыл мурун пенсияга чыккан, тажрыйбалуу аскер адамдары гана ат салыша алат. Алар конгресстин атайын макулдугун алышы керек.

Остин 2016-жылы отставкага кеткен. Анын талапкерлигин сенаттын профилдик комитети колдоп берген.

Ал 67 жашта, төрт жылдыздуу генерал даражасына ээ. Остин коргоо мекемесин жетектеген биринчи афроамерикалык болмокчу. Германия, АКШ, Ирак мамлекеттеринде аскердик кызматын өтөгөн. Вашингтондун "Ислам мамлекети"* тобу менен күрөшүүсүнө салым кошкон.

2016-жылы пенсияга чыккандан кийин ири куралдарды чыгарган Raytheon компаниясынын директорлор кеңешинде иштеп жаткан.

87
Белгилер:
сенат, жетекчи, талапкер, Пентагон, АКШ
Тема боюнча
Тарыхта биринчи ирет… Байден өз командасына трансгендерди алмай болду
Атактуу ирландиялык мушкер Конор Макгрегор. Архив

Жыргап күлүп, кучакташып... Макгрегор менен Порьенин көз караштар таймашы

148
(жаңыланган 22:32 22.01.2021)
Эки белгилүү мушкердин кармашы жекшембиде Абу-Дабидеги "Мушкерлер аралы" спорттук жайында өтөт. Атлеттер жети жыл мурун октагондо кезигишкен.

БИШКЕК, 22-янв. — Sputnik. UFC 257 турниринин алдында атактуу ирландиялык мушкер Конор Макгрегор менен америкалык Дастин Порье көз караштар таймашын өткөрүштү. Видео уюмдун расмий Instagram баракчасына жүктөлдү.

Посмотреть эту публикацию в Instagram

Публикация от ufc (@ufc)

Видеодон Конор Дастинге сес көрсөтүмүш болгону менен акырында экөө тең күлүп, кучакташып, жадагалса тамалашканга да үлгүрүшкөн.

Бул иш-чара спортчулар салмакка түшкөндөн кийин уюштурулган. Таразага түшкөн Макгрегор адатынча кыйкырып алганын көрүүгө болот.

Посмотреть эту публикацию в Instagram

Публикация от ufc (@ufc)

Кармаш 24-январда Абу-Дабидеги "Мушкерлер аралы" спорттук жайында өтөт. Атлеттер жылдызы жанып келе жаткан мезгилде, 2014-жылы беттешип, ирландиялык спортчу биринчи эле раундда техникалык нокаут менен уткан.

Арадан алты жыл өткөндөн кийин алар чыныгы такшалган мушкер катары кайра беттешип жатышат. Жеңүүчү жеңил салмактагы чемпиондук наамга башкы талапкер болот. Ошондуктан утуп чыгуу экөө үчүн тең өтө маанилүү.

148
Белгилер:
видео, кармаш, Дастин Порье, Конор Макгрегор, UFC
Тема боюнча
Макгрегор — Порьенин кармашын кайдан көрүүгө болот? Түз эфирлердин тизмеси
UFC: Хабиб Нурмагомедовдун иниси алгачкы беттешинде атаандашын утуп алды. Видео
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

0
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

0
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда