Instagram соцтармагы. Архивдик сүрөт

2020-жылда Instagram тиркемесиндеги эң популярдуу посттор аталды

148
(жаңыланган 10:54 04.01.2021)
Жыл ичинде колдонуучулардын "жакты" деген билдирүүлөрүн чогулткан посттордун лайктары 19 миллиондон ашкан.

БИШКЕК, 4-янв. — Sputnik. Instagram тиркемесинин аналитиктери 2020-жылдагы эң көп лайк чогулткан популярдуу постторду аныктады. Бул тууралуу Billboard маалымат булагына шилтеме берип РИА Новости жазды.

Биринчи орунга футболчу Криштиану Роналду чыкты. Анын ноябрда легендарлуу футболчу Диего Марадонанын каза болгону тууралуу чыгарган постун 19,7 миллион киши "жакты" деп белгилеген. 

Посмотреть эту публикацию в Instagram

Публикация от Cristiano Ronaldo (@cristiano)

Өткөн жылы популярдуулугу боюнча экинчи катарга актер Чедвик Боузмандын расмий баракчасына анын 43 жашында рак илдетинен каза болгону тууралуу жазылган пост чыгып, 19,1 миллион лайк чогулткан. 

Посмотреть эту публикацию в Instagram

Публикация от Chadwick Boseman (@chadwickboseman)

Алдыңкы үчтүккө футболчу Лионель Месси да кирген. Испаниянын "Барселона" клубунун капитаны да Диего Марадонанын каза болгонун эскерип, аны менен чогуу түшкөн сүрөтүн койгон пост чыгарган. Бул билдирүүнү 16,4 миллион киши "жакты" деп белгилеген. 

Посмотреть эту публикацию в Instagram

Публикация от Leo Messi (@leomessi)

Эң популярдуу посттордун тизмесине теле жылдыз Кайли Дженнер да кирген. Анын рэпер ырчы Трэвис Скотт экөө биргеликте өстүрүп, тарбиялап жаткан кызы Сторми менен түшкөн сүйкүмдүү сүрөтү 16 миллион кишиге жаккан. 

Посмотреть эту публикацию в Instagram

Публикация от Kylie 🤍 (@kyliejenner)

Баскетболчу Леброн Жеймс бешинчи сапка чыкты. Анын легендарлуу оюнчу Коби Брайантты эскерген постун 15,4 миллион колдонуучу "жакты" деп баалаган. 

Посмотреть эту публикацию в Instagram

Публикация от LeBron James (@kingjames)

Ырчы Ариана Гранде тизмеде алтынчы орунга жайгашты. Анын элиталык кыймылсыз мүлк боюнча агенти Далтон Гомес менен сүйүшкөнүн жарыялаган посту 15,3 миллион кишиге жаккан.
Посмотреть эту публикацию в Instagram

Публикация от Ariana Grande (@arianagrande)

Калган жетинчи, сегизинчи, тогузунчу жана онунчу орундарды Кайли Женнер менен Криштиану Роналду экөө ээлеген.
148
Белгилер:
Instagram, пост
Тема боюнча
TC Candler версиясы боюнча 2020-жылдагы эң сулуу жүздөр
Forbes дүйнөдөгү эң таасирдүү аялдарды атады
Дүйнөдөгү эң бышык автоунаалар аталды. Рейтинг
Москванын көчөлөрүнүн биринде беткапчан бара жаткан адамдар. Архивдик сүрөт

РФте жүргөн мигранттар 15-мартка чейин документтерин иретке келтириши керек

10
(жаңыланган 18:29 20.01.2021)
Эгер Россияда туруктуу же убактылуу жүргөн кыргыз жарандары коюлган талаптарды аткарбаса, өлкөдөн чыгарылып, кайра кирүүгө тыюу салынмакчы.

БИШКЕК, 20-янв. — Sputnik. Кыргызстандын Россияда иштеп жүргөн жарандары ушул жылдын 15-мартына чейин документтерге байланыштуу иштерин бүтүрүп алышы керек. Бул тууралуу Кыргызстандын РФтеги элчилигинен билдиришти.

Маалыматка караганда, Россия президенти "COVID-19 инфекциясынын андан ары жайылуу коркунучуна байланыштуу чет өлкөлүк жарандардын укуктук абалын жөнгө салуу боюнча убактылуу чараларды узартуу жөнүндө" жарлыкка кол койгон. Документтеги талаптарга ылайык, төмөнкүлөрдү аткаруусу зарыл:

  • ID-card же жалпы жарандык паспортту жарактуу мөөнөтү бүткөн соң өз убагында алмаштыруу;
  • Россиянын аймагында жүрүү үчүн документтерин (убактылуу жашоого уруксат, мөөнөтү бүткөндүгү тууралуу белгиси менен миграциялык карта, каттоосу) Россиянын мыйзамдарына ылайык калыбына келтирүү;
  • зарыл болгон учурда жумуш берүүчүлөр менен эмгек келишимдерин жана контрактыларын узартуу;
  • административдик укуктарды бузгандыгы үчүн салынган айыптарын жоюу;
  • Россиянын аймагынан өз эрки менен чыгып кетүү (эгер мурда өлкөдөн чыгаруу боюнча чечим кабыл алынган болсо).

Эгер Россияда туруктуу же убактылуу жүргөн кыргыз жарандары жогорудагы талаптарды аткарбаса, өлкөдөн чыгарылып, кайра кирүүгө тыюу салынмакчы.

10
Белгилер:
документ, мыйзам, талап, Кыргызстан, Россия
Тема боюнча
Россия Кыргызстанга кезектеги гумжардамын жөнөттү
Путин мигранттарды курулушка жумушка алуу тартибин жеңилдетүүнү тапшырды
Россиянын курулуш компаниялары мигранттарга муктаж болууда
Кыргызстан менен Россиянын желектери. Архивдик сүрөт

Россия Кыргызстанга кезектеги гумжардамын жөнөттү

16
(жаңыланган 18:06 20.01.2021)
Аталган гумжардам Саламаттык сактоо министрлигинин Ооруларды алдын алуу жана мамлекеттик санитардык-эпидемиологиялык департаментине бериле турганы айтылды.

БИШКЕК, 20-янв. — Sputnik. Коронавирус менен күрөшүү үчүн Россия Кыргызстанга кезектеги гуманитардык жардамын жөнөттү. Бул тууралуу РФтин КРдеги элчилигинен кабарлашты.

Ага ылайык, Роспотребнадзор COVID-19ду лабораториялык диагностика кылуучу 20 000 реагентин алып, ошол эле күнү жүк Кыргызстанга жиберилген.

Аталган гумжардам Саламаттык сактоо министрлигинин Ооруларды алдын алуу жана мамлекеттик санитардык-эпидемиологиялык департаментине бериле турганы айтылды.

Кыргызстан Россияга көрсөткөн жардамы жана колдоосу үчүн ыраазычылык билдирген.

16
Белгилер:
коронавирус, реагент, гуманитардык жардам, Россия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Россия Кыргызстанга 200 миң ПЦР-тест система берди