Базарда жашылча алып аткан адамдар. Архивдик сүрөт

Өмүрдү узарта турчу азыктар аталды

227
Медиктер санаган жашылчалар залалдуу шишиктин пайда болуу коркунучун азайтып, эрте өлүмдү алдын алышы ыктымал.

БИШКЕК, 6-янв. — Sputnik. АКШдагы Кливленд клиникасынын медиктери организм үчүн пайдалуу жана өмүрдү узартууга жардам берген азыктарды аташкан. Бул тууралуу РИА Новости жазды. 

Адистердин айтымында, капустанын түрлөрү организмдеги зыян заттарды тазалап чыгуу жөндөмүнө ээ. Эгер бул азыктарды тынбай жеп турса, организм өзүнөн-өзү тазаланып калат.

Медиктер белгилегендей, брокколи, брюссель капустасы, мангольд (кызылчанын жалбырагына окшош өсүмдүк), васаби, брюква пайдалуу азыктардын катарын толуктайт.

Аталган жашылчалар залалдуу шишиктин пайда болуу коркунучун азайтып, эрте өлүмдү алдын алышы ыктымал.

Натыйжа жакшы болуш үчүн адистер мындай жашылчадан күнүнө беш порциядан жеп турууну сунушташкан.

227
Белгилер:
медик, ден соолук, узак жашоочу
Тема боюнча
Жашоону он жылга узарта турган 4 адат аталды
Эртең мененки төшөк кумары эркектин өмүрүн узартат. Сексологдун аныктамасы
Лаборатория кызматкери иш учурунда. Архив

Россияда COVID-19ду бир саатта аныктай турган тест-система жасалды

4
(жаңыланган 11:03 16.01.2021)
Россиялык окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

БИШКЕК, 16-янв. — Sputnik. Роспотребнадзор мекемесинин Эпидемиология институту COVID-19ду 60-90 мүнөттүн ичинде аныктап берчү тест-система иштеп чыкты. Бул тууралуу аталган институттун директору Василий Акимкиндин сөзүнө таянып РИА Новости жазды.

"Биз вирусту аныктоо убактысын үч-төрт эсеге кыскарта алдык. Мунун негизинде тест-система иштеп чыктык. Эффективдүүлүгү жагынан кадимки ПЦР-тесттерден калышпайт. Жакынкы күндөрү аны COVID-19дун Улуу Британияда табылган жаңы штаммын аныктап көрүү үчүн жөнөтөбүз", — деди Акимкин.

Окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

Ошондой эле адистер жаңы тест-система вирустун мутация болгонун же болбогонун дагы так көрсөтүп берерин кошумчалашты.

4
Белгилер:
тест, коронавирус, Россия
Тема:
Дүйнөгө жайылган коронавирус
Тема боюнча
Кыргызстанда дагы бир менчик лабораторияга ПЦР-тест жүргүзүүгө уруксат берилди
Финпол ПЦР-тесттин жасалма жыйынтыгын саткан кылмыштуу топту кармады. Сүрөт
Россияда COVID-19га каршы массалык эмдөө башталат

Арстандар үйдү "ээлеп алганда". Түштүк Африкадан тартылган видео

27
Түштүк Африканын Худспрут шаарында жашаган жубайлар Дэвид жана Маришка Де Бир туугандарынын бош турган үйүнө көз салып коюу үчүн келип, арстандардын үйүрүнө туш болгон.

Daily Mail аял-күйөөсүн күтүүсүз коноктор "тосуп алгандыгын" жазды.

Алар бош үйүндөгү "конокторду" видеого тартып алышкан. Кадрдан айнек терезенин алдында жайбаракат күн чубактап жаткан алты арстанды көрүүгө болот.

Жырткычтар эшикти акырын ачып кирип келе жаткан кишини алгач байкаган эмес. Качан гана кыймылды сезип калганда үркүп кетип, жапырт тура калышкан. Жубайлардын айтымында, айланчыктаган арстандар алгач дароо эле кетип калган эмес.

Маалыматта үй улуттук Крюгер паркынын жанына жайгашып, Дэвиддин атасына тиешелүү экендиги жазылган. Адатта ал тегеректен ээн-эркин жүргөн жырткычтарды көп кездештирүүгө болот.

Там сатыкка коюлуп, бир нече мезгилден бери бош турган. Адам жыты келбегендиктен, жырткычтар ал жерди байырлай баштаган.

27
Белгилер:
арстан, Түштүк Африка Республикасы
Тема боюнча
Жыра тартып... Крокодилдердин олжосун илип кеткен бегемоттордун видеосу