АКШ президенти Дональд Трамп митинг өткөрүп жатат

Трамп: Капитолийдеги мыйзамсыздыкка жана башаламандыкка ачууланып жатам

166
(жаңыланган 12:22 08.01.2021)
АКШнын учурдагы президенти Капитолийге кол салууну айтыптап чыгып, митингчилерди кууп чыгуу үчүн күч түзүмдөрүнө өзү буйрук бергенин кошумчалаган.

БИШКЕК, 8-янв. — Sputnik. АКШ президенти Дональд Трамп 6-январдагы Капитолийде жасалган зомбулукту айыптап чыкты. Бул тууралуу РИА Новости жазды.

Трамптын эки мүнөттүк видео түрүндөгү кайрылуусу Twitter баракчасына жарыяланган. Анда ал Капитолийди басып алууга катышкандар мыйзам бузганы үчүн акчалай айыпка жыгыла турганын да билдирген.

"Бардык америкалыктардай эле мен дагы зордук-зомбулукка, мыйзамсыздыкка жана башаламандыкка ачууланып жатам", — деп жазган АКШ президенти.

Ал муну менен бирге коопсуздукту камсыздоо жана митингчилерди кууп чыгуу үчүн Улуттук гвардия менен Федералдык коопсуздук кызматына токтоосуз буйрук бергенин кошумчалаган.

Буга чейин полиция менен Улуттук гвардиянын кызматкерлери АКШнын вице-президенти Майк Пенстин буйругу менен Капитолийди басып алгандарды кууп чыкканы айтылган.

Шаршемби күнү Дональд Трампты колдоо үчүн Вашингтонго чогулган тарапташтары шайлоонун жыйынтыгын бекитүү үчүн чогулган сенаттын жыйынын үзгүлтүккө учуратып, Капитолийди басып киришкен. Тартип сакчылары көздөн жаш чыгаруучу газ жана кулак тундуруучу граната колдонууга аргасыз болгон. Борбор калаага өзгөчө кырдаал режими жарыяланган болчу. Башаламандык учурунда 4 адам каза болгону кабарланган.

166
Белгилер:
Капитолий, Дональд Трамп, президенттик шайлоо, башаламандык, кол салуу, АКШ
Тема боюнча
Трамп бийликти Байденге ирети менен 20-январда өткөрүп берүүнү убадалады
Президенттин милдетин аткарып жаткан Жогорку Кеңештин төрагасы Талант Мамытов. Архив

Сиздерге таазим! Мамытов Ленинградды курчоодон бошотуу күнүнө карата кайрылуу жасады

40
(жаңыланган 11:30 27.01.2021)
Мамытов 27-январда белгилене турчу маанилүү дата — Ленинградды фашисттердин курчоосунан толук бошоткон күнгө карата жасаган кайрылуусунда советтик аскерлердин эрдигин өзгөчө белгилеген.

БИШКЕК, 27-янв. — Sputnik. Президенттин милдетин аткарып жаткан Жогорку Кеңештин төрагасы Талант Мамытов Ленинград шаарынын фашисттик курчоодон толук бошотулган күнүнө карата элге кайрылуу жолдоду. Бул тууралуу бүгүн, 27-январда, президенттин маалымат кызматынан билдиришти.

Кайрылууда советтик аскерлер тарабынан Ленинград шаарынын фашисттик курчоодон толук бошотулган күнү белгиленип жатканы айтылды.

"Ленинградды курчоого алуу — Улуу Ата Мекендик согуштун эң кайгылуу окуяларынын бири. Ленинград — дүйнөлүк тарыхта 900 күндүк курчоого туруштук берген жападан жалгыз шаар, ошол күндөрү миллиондогон балдар, аялдар, улгайган адамдар жана аскерлер каза болгон", — деп жазылат Мамытовдун кайрылуусунда.

Ленинградды курчоодон бошотуудагы салгылашууларда башка боордош элдер менен бирдикте 4,5 миңден ашуун мекендештерибиз баатырларча курман болушкан.

Ленинград курчоосунун алынгандыгынын 78 жылдыгы Бишкекте белгиленди
© Фото / представительство Россотрудничества в КР
"Курчоодо калып, аны баатырдык менен жеңип чыккан Ленинграддын каарман коргоочулары көрсөткөн эрдик өлбөс-өчпөс болуп калды. Алардын эрдиги биздин жүрөгүбүздө бекем сакталат. Урматтуу ардагерлер, сиздерге терең таазим! Курман болгон баатырлар түбөлүк эсибизде", — деген президенттин милдетин аткаруучу.

Улуу Ата Мекендик согуш учурунда курчоого алынган Ленинграддан Кыргызстанга 16 миңге жакын адам эвакуацияланган. Алардын 3,5 миңи балдар болгон.

40
Белгилер:
Талант Мамытов, кайрылуу, Кыргызстан, Улуу Ата Мекендик согуш, Ленинград, курчоо, фашизм
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Россиянын башчысы Владимир Путин. Архив

Путин Байден менен телефон аркылуу сүйлөштү. Эмне тууралуу кеп болду?

55
(жаңыланган 10:38 27.01.2021)
Путин жана Байден эл аралык эки тараптуу маселелерди талкуулап, коронавирус менен күрөшүү жана башка тармактарда кызматташуу мүмкүнчүлүктөрүн да карап чыгышкан.

БИШКЕК, 27-янв. — Sputnik. Россиянын башчысы Владимир Путин АКШнын жумушка жаңы кирише баштаган президенти Жозеф Байден менен телефон аркылуу сүйлөштү. Бул тууралуу РИА Новости кабарлады.

Кремлдин маалымат кызматына таянып, агенттик Путин кесиптешин алгач жумушунун башталышы менен куттуктагандыгын жазды.

Путин белгилегендей, Россия менен АКШнын ортосундагы мамилени жөнгө салуу эки мамлекеттин тең кызыкчылыктарына жооп бермек.

Россия менен АКШ лидерлери Стратегиялык чабуул жасалуучу курал боюнча келишимди (СНВ-3) узартууда дипломатиялык нота менен "алмашууга канааттанганы" кабарланды. 

Путин жана Байден эл аралык, эки тараптын маанилүү маселелерин талкуулап, коронавирус менен күрөшүү жана башка тармактарда кызматташуу мүмкүнчүлүктөрүн да карап чыгышкан.

"Эл аралык темалардын ичинен АКШнын "Ачык асман" боюнча келишимден бир тараптуу чыгуу темасы козголгон. Ошондой эле Иран өзөктүк программасы, Украинадагы кырдаал жана БУУ Коопсуздук кеңешинин туруктуу мүчөлөрүнүн саммитин өткөрүү боюнча Россия тараптын демилгеси тууралуу сөз болгон", — деп айтылат Кремлдин маалыматында.

Президенттин маалымат кызматы сүйлөшүү ачык жана иштиктүү болгонун белгилеген.

Өз кезегинде Ак үйдүн маалымат катчысы Жен Псаки журналисттерге өткөргөн брифингде Путин менен Байден дагы эмне тууралуу сүйлөшкөнүн айткан.

"Байден СНВ-3 келишимин беш жылга узартуу каалоосун талкуулоо үчүн бүгүн күндүн экинчи жарымында Путинге чалган. Мындан сырткары, ал Украинанын эгемендүүлүгүн колдой турганыбызды тастыктап, SolarWinds компаниясына жасалган киберчабуул, Алексей Навальныйдын ууланышы, 2020-жылдагы шайлоолорго аралашуу жана тынчтык митингине чыккандарга Россиянын коопсуздук күчтөрүнүн кайрылуусу боюнча маселелерди көтөрүп чыгуу үчүн Россия президентине байланышка чыккан", — деди ал.

Россия буга чейин жогоруда айтылган айыптоолордун баарын четке каккан.

55
Белгилер:
телефон, Владимир Путин, Жо Байден, АКШ, Россия
Тема боюнча
Путин Байденди шайлоодогу жеңиши менен куттуктады
Улуттук гвардиянын маршы. Архив

Генералдык штаб кайрадан Коргоо министрлигине айланышы ыктымал

25
(жаңыланган 12:08 27.01.2021)
Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Куралдуу күчтөр бул мекемеге 2014-жылы бириккен.

БИШКЕК, 27-янв. — Sputnik. Кыргызстандын Куралдуу күчтөрүнүн Генералдык штабын кайрадан Коргоо министрлиги деп өзгөртүү маселеси каралып жатат. Бул тууралуу маалыматты Генштабдын маалымат кызматы тастыктады.

Мекеменин Facebook баракчасында "Жарандар министрликти түзүүгө кандай карайт?" деген сурамжылоо жүргүзүлгөн. Анда элдин көбү бул идеяны колдогон.

"Өлкөгө жаңы жетекчинин келиши менен эски системага кайтуу планы бар. Тагыраагы, мыйзамга өзгөртүүлөр киргизилиши мүмкүн", — деп белгилеген Генералдык штаб.

Учурда КМШ мамлекеттеринин ичинен Кыргызстанда эле аскердик тармактын башкы командалык органы Генералдык штаб экени белгиленди. Коргоо министрлигине кайтуу менен өлкөнүн аскердик доктринасы өзгөрөт.

Эске салсак, Куралдуу күчтөр Генералдык штабга 2014-жылы бириккен.

2018-жылы Жогорку Кеңеште Коргоо министрлигин кайтаруу маселеси көтөрүлгөн. Анда депутат Алмамбет Шыкмаматов Генштабдын генералдары чет мамлекеттерде таанылбай жатканын, анткени мындай орган сыртта анча маанилүү мекеме эместигин белгилеген.

25
Белгилер:
өзгөртүүлөр, мыйзам, реформа, Коргоо министрлиги, Генералдык штаб, Куралдуу күчтөр, Кыргызстан