Дональд Трамп жана Twitter соцтармагы. Архивдик сүрөт

ЖМК: Twitter аккаунтун жаап салгандан кийин Трамп катуу каарданды

155
(жаңыланган 11:20 09.01.2021)
Буга чейин Twitter зордук-зомбулукка чакырыктарды алдын алуу үчүн президенттин аккаунтун жаап салууга аргасыз экенин айткан. Көп өтпөй Трамп Twitter анын оозун жаба албасын айтып чыккан.

БИШКЕК, 9-янв. — Sputnik. Twitter тармагы аккаунтун жаап салгандан кийин АКШ президенти Дональд Трамп катуу кыжырланып, "өзүнөн чыгып кетти". Бул тууралуу Politico гезитине шилтеме берип РИА Новости жазды.

Маалыматка караганда, Трамп баракчасынын иштебей калганын уккандан кийин катуу жинденип, башка варианттарды издей баштаган.

Буга чейин Twitter зордук-зомбулукка чакырыктарды алдын алуу үчүн президенттин аккаунтун жаап салууга аргасыз экенин жарыялаган. Трамп Twitter анын оозун жаба албасын айтып чыккан, бирок бул публикациясы өчүрүлгөн.

Көп өтпөй Трамптын штабынын баракчасына кызыл фондо Twitter компаниясынын логотиби жана орок-балка коюлган сүрөт жарыяланып, ага Трамптын жогоруда айтылган билдирүүсү кайра коюлган. Мындай аракеттен кийин баракча заматта өчүрүлгөн.

Буга чейин деле Twitter, Facebook, Youtube жана Instagram Трамптын аккаунттарын убактылуу жаап келишкен. Анткени ал 6-октябрда Вашингтондогу башаламандык боюнча эки анжы оюн айтып келген. Бир жагынан Капитолий имаратын басып киргендерди тарап кетүүгө чакырса, экинчи жагынан аларды патриот деп атаган.

155
Белгилер:
чектөө, аккаунт, Дональд Трамп, Twitter, АКШ
Тема боюнча
Конгресс 270тен ашык добуш менен Байденди АКШ президенти деп бекитти
Трамп бийликти Байденге ирети менен 20-январда өткөрүп берүүнү убадалады
Трамп: Капитолийдеги мыйзамсыздыкка жана башаламандыкка ачууланып жатам
Кыргызстандын жана Япониянын желектери. Архив

Юристтерге Японияда билимин тереңдетүү үчүн программа жарыяланды

22
Программага катышууну каалагандар сөзсүз түрдө англис тилин билиши керек. Документтер 12-февралга чейин кабыл алынат.

БИШКЕК, 21-янв. — Sputnik. Кыргызстандагы Япония элчилигинин MIRAI-2021 сынагына катышуучулар кабыл алынат. Бул тууралуу Билим берүү жана илим министрлигинин сайтына жарыяланды.

Программа 20 жаштан 30 жашка чейинки жаш, иштеп жаткан юристтерге (юрист, жактоочу, мамлекеттик кызматкер же укуктук тармактагы документтер менен иштеген бизнесмендер) сунушталат. Ошондой эле сынакка юридикалык адистикке кызыкдар болгон студенттер жана аспиранттар, мамлекеттик жана бизнес тармагындагы юриспруденцияга кызыккандар катыша алат.

Документтерди 2021-жылдын 12-февралына (саат 16:00) чейин Мамлекеттик кадр кызматына тапшыруу керек. Катышуучуларды япон тарап тандап алат.

"Сынактан өткөн жарандар Японияда 8-июндан 16-июнга чейин болушат. Бирок бул болжолдуу дата, ал өзгөрүп кетиши дагы ыктымал", — деп айтылат маалыматта.

Программа боюнча толук маалыматты Япониянын Кыргызстандагы элчилигинин сайтынан окууга болот.

22
Белгилер:
сынак, окуу, юрист, Япония, Кыргызстан
Тема боюнча
Түркиянын ЖОЖдоруна тапшырууну каалагандардан документтерди кабыл алуу башталды
Арыктаган кыз. Архив

Дарыгерлер диетасыз арыктоонун жолун айтышты

90
Улуу Британиянын Улуттук саламаттык сактоо кызматы ден соолукка пайдалуу болгон адаттарга жана арыктоого көмөкчү болгон 12 эрежени карманууну сунуштайт.

БИШКЕК, 21-янв. — Sputnik. Дарыгерлер атайын диеталарды колдонбостон эле тез арада ашыкча салмактан арылууга мүмкүндүк берген ыкмаларды тизмектешти. Бул тууралуу РИА Новости жазды.

Улуу Британиянын Улуттук саламаттык сактоо кызматы ден соолукка пайдалуу болгон адаттарга жана арыктоого көмөкчү болгон 12 эрежени карманууну сунуштайт.

  1. Жеңил түрдө аз күч жумшалуучу активдүү аракеттерди жасоо керек. Тишиңизди жууганда отуруп-туруу, сыналгы көрүп жатканда дубалдан түртүнүп көнүгүү жасап, чай кайнатып жатканда ордуңузда чуркап көрүңүз.
  2. Алкоголдук ичимдиктерге чектөө коюңуз.
  3. Түштөн кийин кофе ичпеңиз, түнкүсүн жакшы уктайсыз.
  4. Мөмө-жемиш ширесин, таттуу суусундуктарды кадимки таза суу, сүт, чай менен алмаштырыңыз.
  5. Ар бир күндү он мүнөттүк эртең мененки сейилдөө менен баштаңыз.
  6. Тамактанууга отурганда жакшылап тоюп алыңыз. Кийин улам-улам жегенге туура келбейт.
  7. Эгерде таттууну жакшы көрсөңүз, сүттүү же ак шоколаддын ордуна 70 пайызы кара шоколад жегениңиз жакшы.
  8. Апта сайын жемиштердин жаңы түрлөрүнөн даам татыңыз.
  9. Супермаркетке барардан мурда ала турган азыктардын тизмесин түзүп алыңыз.
  10. Шеригиңиз менен жумасына эки жолу сейилдөөнү адатка айлантыңыз.
  11. Пайдалуу эмоция алуунун башкача жолдорун издеңиз (тамактануудан башка). Баш катырмаларды чечмелеп, подкасттарды угуп же досуңуз менен сүйлөшүүгө аракет кылыңыз.
  12. Өзүңүз үчүн кандайдыр бир тамакка чектөө койбоңуз. Эгер бир азыкты аябай жегиңиз келсе, баш тартпаңыз, жөн гана шашпай жеңиз.
90
Белгилер:
салмак, азык, кеңеш, диета, ден соолук
Тема боюнча
Ачка болбой эле арыктоонун жолу. Диетологдун кеңештери
Алтын куймалары. Архив

Кыргызстандын алтын валюта кору күн сайын 2 млн. долларга азаюуда

0
(жаңыланган 09:51 21.01.2021)
Август айынын аягында алтын валюта резерви үч миллиард доллардан ашып, рекорддук көрсөткүчкө жеткен. Мындан улам Улуттук банк сомдун курсун колдоо үчүн каражатты кенен колдонгон.

БИШКЕК, 21-янв. — Sputnik. Кыргызстандын алтын валюталык резерви төртүнчү ай удаасы менен кыскарып жатат. Бул тууралуу Улуттук банктын маалыматтарында айтылат.

Эскерте кетсек, алтын валюталык резерв август айында рекорддук көрсөткүчкө жетип, анан төмөндөй баштаган:

  • август — 3 миллиард 71,2 миллион доллар;
  • сентябрь — 2 миллиард 994,6 миллион;
  • октябрь — 2 миллиард 944,2 миллион;
  • ноябрь — 2 миллиард  817 миллион 160 миң;
  • декабрь — 2 миллиард 808 миллион 110 миң.

Август айынан декабрга чейин (112 күн) кордун көлөмү 263 миллион долларга (суткасына эки миллиондон ашык) кыскарган.

Белгилеп кетсек, бул мезгил аралыгында Улуттук банк 246,3 миллион, анын ичинде декабрда 21 миллиондон ашык доллар саткан.

Ушул эле убакытта дүйнөлүк рынокто алтындын унциясы 96 долларга төмөндөгөн. Бул баалуу металл Кыргызстандын резервинин олуттуу бөлүгүн түзөт.

0
Белгилер:
төмөндөө, Улуттук банк, валюта, алтын
Тема боюнча
Кыргызстандын алтын корунун баасы абсолюттук рекорд койду
2020-жылы экономикасы өсүштө болгон жалгыз өлкө аныкталды