БИШКЕК, 9-янв. — Sputnik. Улун чайынан күнүнө эки чыны ичүү — уктап жатканда да организмдеги майдын эришин стимулдаштырат. Бул тууралуу япониялык Цукуб университетинин окумуштууларынын изилдөөлөрүнө таянуу менен "Известия" басылмасы жазып чыкты.

Окумуштуулар белгилегендей, улунда кара жана көк чайдын курамы камтылган. Мында энергия алмашууга жана жүрөктүн кагышынын жогорулашына таасир этүүчү кофеин бар. Изилдөөгө дени сак ыктыярчылардын тобу катышкан.

Адистер улун чайын ичкен адамдардын майы 20 пайызга тезирээк эригенин жана анын таасири адам уктап жатканда да байкалганын билдиришкен. 

БИШКЕК, 18-янв.— Sputnik. Россия пандемиянын мизин кайтара турган препарат тапты. Батышта россиялык илимге наадандык менен мамиле кылуу бар деп жазган Sputnik франциялык Monde diplomatique басылмасына шилтеме кылып.

Макаланын автору Федерико Кусконун пикирине таянсак, Батыш орустардын медицинасынан кабары жок болгондуктан "Спутник V" вакцинасынын чыгышын кайдыгерлик жана сындаган ар кыл пикирлери менен тосуп алды.

"Маданий, саясий, тилдик абдан эле чоң айырмачылыктан улам алар россиялык демилгелерди шектенүү менен кабылдашат", – деп белгиледи журналист.

Ал препаратты иштеп чыгуу Россиядагы олуттуу илимий тарыхый чынжырчанын жыйынтыгы болгондугун айткан. Анткен менен батыштык "жомокчулар" россиялык илимий жетишкендиктерди жылдап танып келишкен, эми вакцинанын жасалышына да таң калып турган кези.

"Фармацевтик лабораториялар өзүнүн дарыларын асмандаган баада таңуулаган АКШдан, Евробиримдиктен айырмаланып, Россия акчанын артынан куубайт", – деп жазган Куско.

Журналисттин пикирине караганда, азыр ар кыл мамлекеттерде жайылтылып жаткан "Спутник V" дарегине болгон шектенүүлөрдү 50 жылдан кийин эч ким эстебейт.