Муз кошулган мөмө жемиш. Архивдик сүрөт

Адис иммунитетти чыңдоонун жаңы жолун айтып берди

146
Адамдын организмине вирус жана бактериялар дем алуу жана тамактануу органдары аркылуу жугат. Иммунитет күчтүү болсо вирус лимфоэпителиалдык шакекчеден эле жок болот.

БИШКЕК, 10-янв. — Sputnik. Тамакты чыңдоонун маанилүүлүгү тууралуу врач-отоларинголог, медицина илимдеринин кандидаты Владимир Зайцев айтып бергенин РИА Новости жазды. 

Адис билдиргендей, организмге вирус жана бактериялар дем алуу жана тамак ичүү органдары аркылуу жугат. Жутууда алар палатин бадамчаларынан, аденоиддерден, тилдин тонзилдери менен түтүк кыркаларынан турган лимфоэпителиалдык шакекчени айланып өтөт. Эгер иммунитет күчтүү болсо, бардык инфекциялар ошол шакекчеден эле жок болот.

Зайцев тамакты скандинав ыкмасынын жардамы менен чыңдоону сунуштаган.

"Тандооңузга жараша манго, апельсин, лимон же грейпфрут ширесин алыңыз. Жаңы сыгылган шире да жарайт. Аларды атайын идишке куюп, тоңдургучка салабыз. Шире музга айлангандан кийин күнүнө бир-эки жолу бирден соруп жүрө беребиз. Цитруста С витамини көп, ал былжыр челди бекемдейт. Ал эми муз менен кекиртектин арты, лимфоиддик тканды жатыктырабыз", — деп түшүндүрдү дарыгер.

Бул ыкманы күнүнө эки жолудан кайталоо зарыл. Муздардын диаметри беш сантиметрден ашык болбошу керек. Бир муз бир жолку процедурага жарайт.

Ошондой эле кышында сейилдөөгө чыгып, муздак аба менен ооз жана мурун аркылуу дем алуу да өтө пайдалуу экенин белгиледи.

Зайцевдин айтымында, бул эксперименттерди өнөкөт тамак оорулары (субатрофия, атрофия) барлар, дем алуу органдарына суук тийгизип алгандар жана вирус жугузгандарга жасоого болбойт.

146
Белгилер:
суук, тамак
Тема боюнча
Психолог: жомок угуп чоңойгон баланын иммунитети бекем болот
COVID-19га иммунитетиң болбосо иш таппайсың. Эмгек рыногундагы жаңы талап
Бишкек шаары. Архив

Шейшембиге карата аба ырайы

67
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

67
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы
Россияда көк бөрү боюнча эл аралык мелдеш

Россиядагы көк бөрү турнирин Москва командасы утуп алды. Сүрөт

79
(жаңыланган 16:46 14.06.2021)
Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты.

БИШКЕК, 14-июн. — Sputnik. Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды.

Баш байгеге Айтматовдун кубогу ойнотулуп, аны Москва командасы утуп алды.

  • Команды во время международного турнира по кок-бору в России на кубок Чингиза Айтматова. 14 июня 2021 года
    Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды
    © Фото / пресс-служба Федерации кок-бору Кыргызстана
  • Команда из Московской области  выигравшая международный турнир по кок-бору в России на кубок Чингиза Айтматова. 14 июня 2021 года
    Баш байгеге Айтматовдун кубогу ойнотулуп, аны Москва командасы утуп алды
    © Фото / пресс-служба Федерации кок-бору Кыргызстана
  • Команды во время международного турнира по кок-бору в России на кубок Чингиза Айтматова. 14 июня 2021 года
    Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты
    © Фото / пресс-служба Федерации кок-бору Кыргызстана
1 / 3
© Фото / пресс-служба Федерации кок-бору Кыргызстана
Россияда кыргыздын атактуу жазуучусу Чыңгыз Айтматовдун элесине арналган көк бөрү боюнча эл аралык мелдеш жыйынтыкталды

Турнир Москва облусунун Сергиев Пасад шаарындагы Благовещенский талаасында болуп, Кыргызстан менен Россиядан төрт команда катышты. Көк бөрүнүн маанисин эл аралык аренада көрсөтүп берүү үчүн Москва, Иркутск жана Подольск шаарларындагы командалардын ар бирине экиден кыргызстандык көк бөрүчү кошулуп ойноду.

Жарым финалда Подольск командасы "Атуул" (Кыргызстан) менен беттешип, 12:2 эсеби менен 3-орунду ээледи. Ал эми финалдык беттеште Москва облусунун командасы Иркутскинин улакчыларын 4:1 эсебинде утуп, баш байгеге ээ болду.

Мындан тышкары, Москва командасынан Бообек Шекербек уулу турнирдин мыкты оюнчусу, Иркутскинин "Бойка" аттуу аргымагы мыкты ат наамына татыды.

Сыйлоо аземине Көк бөрү федерациясынын президенти Искендер Кадыркулов, Спорттун улуттук түрлөрү боюнча дирекциянын директору Айбек Ажигулов жана Россия элдеринин ассамблеясынын аткаруу комитетинин төрагасынын орун басары Назиржон Абдуганиев катышкан.

Спорттун улуттук түрлөрү боюнча дирекция аталган турнирге катышуу үчүн 12 улакчыны Москвага жөнөткөн.

Белгилей кетсек, спорттук иш-чара Россия жана Евразия элдеринин "Русский мир" дене тарбия фестивалынын алкагында өткөрүлдү. Аны Спортту жана тынчтык маданиятын өнүктүрүүгө көмөктөшүү боюнча региондор аралык коомдук фонду, Россиянын Элдер ассамблеясы жана Кыргызстандын Көк бөрү улуттук федерациясы уюштурган.

79
Белгилер:
турнир, мелдеш, Көк бөрү, Россия
Тема боюнча
Россияда Айтматов атындагы эл аралык көк бөрү мелдеши башталды
"Русский мир" фестивалында көк бөрү мелдеши өтөт