Россия лидери Владимир Путин, Азербайжандын президенти Ильхам Алиев жана Армениянын башчысы Никол Пашиняндын Москва шаарындагы жолугушуусу

Тоолуу Карабах: Путин, Алиев жана Пашиняндын сүйлөшүүсү дээрлик 4 саатка созулду

472
(жаңыланган 22:39 11.01.2021)
Россия лидери Владимир Путиндин демилгеси менен дүйшөмбү күнү Москвада Азербайжандын президенти Ильхам Алиев жана Армениянын башчысы Никол Пашинян кезикти.

БИШКЕК, 11-янв. — Sputnik. Москва шаарында Россия лидери Владимир Путин, Азербайжандын президенти Ильхам Алиев жана Армениянын башчысы Никол Пашинян жолугуп, дагы бир жолу Тоолуу Карабах боюнча сүйлөшүүлөрдү жүргүздү. Маектешүү 3 саат 45 мүнөткө созулганын RT телеканалы билдирди.

Путин буга чейинки тынчтык келишиминин негизинде бүгүн Тоолуу Карабахта турмуш акырындык менен калыбына түшүп келе жатканын айтты. Сүйлөшүүлөр аяктаганга чейин эмне тууралуу кеп болуп жатканы белгисиз болду.

"Аймактагы абалды жакшыртуу боюнча келишимдерге кол коюлду. Тагыраагы, экономика, курулуш, инфраструктуралык долбоорлор боюнча макулдаштык. Эми үч мамлекеттин вице-премьерлери жетектеген жумушчу топ түзүлүп, иштей баштайт”, — деди Путин.

Ошондой эле Путин бул келишимдер Азербайжан менен Армения элине пайдасын гана тийгизет деп ишенерин билдирди.

Азербайжандын президенти Ильхам Алиев транспорттук коммуникациялардын жанданышы эки өлкөгө тең пайдалуу болуп, бул процесске аймактагы коңшулар кошулат деген пикирин айтты.

Ал эми Армениянын өкмөт башчысы Никол Пашинян Карабахтагы конфликт дагы деле жөнгө салына элек деп эсептээрин айтып, бирок Ереван бардык сүйлөшүүлөргө даяр экенин кошумчалады.

Эске салсак, Россия лидери Владимир Путиндин демилгеси менен дүйшөмбү күнү Москвада Азербайжандын президенти Ильхам Алиев жана Армениянын башчысы Никол Пашинян кезикти.

Путин, Алиев жана Пашинян Тоолуу Карабахтагы чыр-чатакты жөнгө салып, аймактагы көйгөйдү чечүүнүн жолдорун талкуулоого чакырган. Ошондой эле аскердик аракеттерден жабыр тарткан жашоочуларга жардам берүү жагы да кеп болду.

Тоолуу Карабахтагы кырдаал былтыр 27-сентябрда курчуган. Согуштук чырдын башталышына Армения менен Азербайжан бири-бирин айыпташат. Россия, АКШ жана Франция лидерлери каршылаш тараптарды кагылышууларды токтотууга жана тез арада сүйлөшүүлөрдү баштоого чакырышкан.

472
Белгилер:
Владимир Путин, келишим, Тоолуу Карабах, Азербайжан, Армения, Россия
Тема:
Тоолуу Карабахтагы жаңжал (55)
Тема боюнча
Путин демилгелеп. Пашинян менен Алиев Москвада жолугуп сүйлөшүүдө
Лаборатория кызматкери иш учурунда. Архив

Россияда COVID-19ду бир саатта аныктай турган тест-система жасалды

4
(жаңыланган 11:03 16.01.2021)
Россиялык окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

БИШКЕК, 16-янв. — Sputnik. Роспотребнадзор мекемесинин Эпидемиология институту COVID-19ду 60-90 мүнөттүн ичинде аныктап берчү тест-система иштеп чыкты. Бул тууралуу аталган институттун директору Василий Акимкиндин сөзүнө таянып РИА Новости жазды.

"Биз вирусту аныктоо убактысын үч-төрт эсеге кыскарта алдык. Мунун негизинде тест-система иштеп чыктык. Эффективдүүлүгү жагынан кадимки ПЦР-тесттерден калышпайт. Жакынкы күндөрү аны COVID-19дун Улуу Британияда табылган жаңы штаммын аныктап көрүү үчүн жөнөтөбүз", — деди Акимкин.

Окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

Ошондой эле адистер жаңы тест-система вирустун мутация болгонун же болбогонун дагы так көрсөтүп берерин кошумчалашты.

4
Белгилер:
тест, коронавирус, Россия
Тема:
Дүйнөгө жайылган коронавирус
Тема боюнча
Кыргызстанда дагы бир менчик лабораторияга ПЦР-тест жүргүзүүгө уруксат берилди
Финпол ПЦР-тесттин жасалма жыйынтыгын саткан кылмыштуу топту кармады. Сүрөт
Россияда COVID-19га каршы массалык эмдөө башталат

Арстандар үйдү "ээлеп алганда". Түштүк Африкадан тартылган видео

25
Түштүк Африканын Худспрут шаарында жашаган жубайлар Дэвид жана Маришка Де Бир туугандарынын бош турган үйүнө көз салып коюу үчүн келип, арстандардын үйүрүнө туш болгон.

Daily Mail аял-күйөөсүн күтүүсүз коноктор "тосуп алгандыгын" жазды.

Алар бош үйүндөгү "конокторду" видеого тартып алышкан. Кадрдан айнек терезенин алдында жайбаракат күн чубактап жаткан алты арстанды көрүүгө болот.

Жырткычтар эшикти акырын ачып кирип келе жаткан кишини алгач байкаган эмес. Качан гана кыймылды сезип калганда үркүп кетип, жапырт тура калышкан. Жубайлардын айтымында, айланчыктаган арстандар алгач дароо эле кетип калган эмес.

Маалыматта үй улуттук Крюгер паркынын жанына жайгашып, Дэвиддин атасына тиешелүү экендиги жазылган. Адатта ал тегеректен ээн-эркин жүргөн жырткычтарды көп кездештирүүгө болот.

Там сатыкка коюлуп, бир нече мезгилден бери бош турган. Адам жыты келбегендиктен, жырткычтар ал жерди байырлай баштаган.

25
Белгилер:
арстан, Түштүк Африка Республикасы
Тема боюнча
Жыра тартып... Крокодилдердин олжосун илип кеткен бегемоттордун видеосу