Иркутск шаарына асмандан көрүнүш. Архивдик сүрөт

Монголияда күчү 8,7 баллга жеткен жер титирөө болуп, Иркутскиде да сезилген

265
(жаңыланган 10:57 12.01.2021)
Монголияда жер төрт ирет силкинген. Иркутск облусунда жаратылыш кырсыгынан кыйроолор жана жабыркагандар катталбагандыгын ӨКМ билдирди.

БИШКЕК, 12-янв. — Sputnik. Монголияда күчү 8,7 баллга жеткен жер титирөө катталып, ал Россиянын Иркутск облусунда да сезилген. Бул тууралуу аталган аймактын ӨКМ башкы башкармалыгынын сайтында жазылды.

Жер титирөө Москва убактысы боюнча саат 00:32де катталган. Ал учурда Иркутск облусунда таң атып саат 05:32 болуп калган.

Жер силкинүүнүн очогу Монголиядагы Түрк деп аталган калк жашаган аймактан 34 чакырым алыс жерде болгону кабарланды. Очогунда жердин термелүү күчү 8,7 баллга жеткен.

Иркутск облусунда жер титирөөнүн күчү 4-5 баллга чейин жеткен. Аталган аймакта кыйроолор жана жабыркагандар жок экени айтылды.

ӨКМдин маалыматына ылайык, Монголияда жер силкинүү төрт жолу: саат 06:02де, 06:44тө, 07:02де, 07:13тө кайталанган. Ал эми Иркусткиде саат 07:34тө кайталанган.

265
Белгилер:
ӨКМ, кырсык, жер титирөө, Россия, Монголия
Тема боюнча
Баткендеги жер титирөөдөн 20дан ашык мекеме жабыркады
Эмне үчүн жер титирөөлөр болот
Кыргызстандын Өзбекстан менен чектешкен аймагында кайрадан жер титиреди
Тажикстандын президенти Эмомали Рахмон жана анын уулу, Душанбе шаарынын мэри Рустам Эмомали тажик улуттук университетинде улут лидеринин музейин ачышты.

Тажикстандын лидери Эмомали Рахмон өзүнүн атындагы музей ачты

25
(жаңыланган 13:48 23.01.2021)
Музей Рахмондун 80-жылдары окуган улуттук университеттин жаңы корпусунда ачылган. Анда студенттер экономика жана финансы багытында билим алышат.

БИШКЕК, 23-янв. — Sputnik. Тажикстандын президенти Эмомали Рахмон жана анын уулу, Душанбе шаарынын мэри Рустам Эмомали тажик улуттук университетинде улут лидеринин музейин ачышты. Бул тууралуу Sputnik Өзбекстан агенттиги жазды.

Ага ылайык, Эмомали Рахмон 1977-1982-жылдары ушул окуу жайдын экономика факультетинде окуган. Учурда ал өлкөнүн алдыңкы университети.

Жума күнү Рахмон уулу менен университеттеги жети кабаттуу жаңы окуу корпусунун ачылышына катышкан. Анда студенттер экономика жана финансы багытында билим алышат.

Ушул эле корпуста өлкө президенти — улут лидери Эмомали Рахмондун музейинин ачылышы болгон.

Музей Тажикстандын улуттук университетинин окумуштуулар кеңешинин чечими менен мамлекет башчысынын эмгегин жаштарга эске салып туруу үчүн түзүлгөнү айтылат.

25
Белгилер:
музей, Эмомали Рахмон, Тажикстан
Тема боюнча
Караандаткан жок. Тажикстанда Рахмон президенттик шайлоонун жеңүүчүсү болду

Эртең кармашат! UFC Макгрегордун укмуштуу нокауттарын бир видеого сыйдырды

40
UFC уюму эки башка салмак категориясындагы экс-чемпион, ирландиялык атактуу мушкер Конор Макгрегордун октагондогу эң мыкты нокауттарын топтоду.

Макгрегор UFC уюмунда 2013-жылдан тарта күч сынаша баштаган. Алгачкы беттешинде эле америкалык Маркус Бримеджди нокаутка кетирген. Конор акыркы ирет АКШлык Дональд Серроне менен кармашып, аны да сулата чапкан.

Белгилей кетсек, Макгрегордун уюмдагы 22 жеңишинин 19у нокаут менен аяктаган. Конорду башка мушкерлер төрт жолу уткан, бирок бирөөсү да нокаут менен жеңишин майрамдаган эмес.

Видеодо 2014-жылы Дастин Порьенин нокаутка кеткен видеосу бар. Эртең, 24-январда, мушкерлер кайрадан октагондо кезиккени турат.

Абу-Дабидеги "Мушкерлер аралы" спорттук жайындагы турнир Бишкек убактысы боюнча саат 9:00дөн өтүп башталат.

40
Белгилер:
видео, нокаут, беттешүү, Конор Макгрегор, UFC
Тема боюнча
UFC Макгрегор менен Порьенин беттешине карата проморолик жарыялады
Жыргап күлүп, кучакташып... Макгрегор менен Порьенин көз караштар таймашы
Упаковки с вакциной Спутник-V в Мурманском областном центре специализированных видов медицинской помощи.

Кыргызстан Россиядан 500 миң доза "Спутник V" вакцинасын сурады

8
(жаңыланган 14:01 23.01.2021)
Министрдин айтымында, 500 миң доза вакцина 250 миң кишиге жетет. Тиешелүү кат өлкө президентинин милдетин аткаруучу Талант Мамытовдун атынан РФ башчысына жиберилген.

БИШКЕК, 23-янв. — Sputnik. Кыргызстан Россиядан коронавируска каршы "Спутник V" вакцинасынан 500 миң доза сурады. Бул тууралуу Sputnik агенттигине саламаттык сактоо министри Алымкадыр Бейшеналиев билдирди.

Анын айтымында, тиешелүү кат өлкө президентинин милдетин аткаруучу Талант Мамытовдун атынан РФ башчысы Владимир Путинге жиберилген.

"Азырынча Россиядан жооп келе элек. Россиянын саламаттыкты сактоо министри маселени жогорку деңгээлде чечүү үчүн кат жөнөтүүнү өтүнгөн. Өзүм Москвага иш сапары менен барганда да муну чечип берүүнү сурангам", — деди Бейшеналиев.

Министр 500 миң доза вакцина 250 миң кишиге жетерин кошумчалады.

Кечээ ЖККУнун Кыргызстандагы "Кант" базасына COVID-19 вакцинасынын биринчи партиясы жеткирилген болчу.

8
Белгилер:
вакцина, Алымкадыр Бейшеналиев, Кыргызстан, Россия
Тема:
Коронавируска байланыштуу Кыргызстандагы кырдаал
Тема боюнча
COVID-19га каршы россиялык вакцинаны түзгөн адис Кыргызстанда туулган
Кыргызстанда коронавируска каршы эмдөө үч этап менен жүрөт