АКШ президенти Дональд Трамп. Архивдик сүрөт

Дональд Трампка импичмент жарыяланды

364
(жаңыланган 10:13 14.01.2021)
Эл өкүлдөр палатасынын спикери Нэнси Пелоси (Демократиялык партия) Дональд Трампка жарыяланган импичмент өлкөдө мыйзам баарынан жогору турарына далил болгонун айткан.

БИШКЕК, 14-янв. — Sputnik. АКШ конгрессинин өкүлдөр палатасы Дональд Трамптын импичменти үчүн добуш берди. Бул тууралуу РИА Новости кабарлады.

Ага ылайык, мындай чечим үчүн 232 конгрессмен импичментке макул болгон. Анын ичинде 10 республикачы бар. Ал эми 192 өкүл каршы пикирин билдирген.

Импичмент бир гана "козголоңго башкаларды үндөгөн" деген берене менен жарыяланып жатат. Резолюцияда өлкө башчынын бул аракети Конституциядагы "Оор кылмыштар жана жоруктар" деген беренесине туура келери айтылган.

Мындай жол менен Трамп АКШнын тарыхында төмөнкү палата эки жолу импичмент жарыялаган президент болуп калды.

Демократтардын пикири

Эл өкүлдөр палатасынын спикери Нэнси Пелоси (Демократиялык партия) Дональд Трампка жарыяланган импичмент өлкөдө мыйзам президенттен да жогору турарына далил болгонун айткан.

Ал Трамп АКШга коркунуч жаратып жатканын белгилеп, парламент өкүлдөрү өлкө элин жана Конституцияны коргоого убада беришкенин кошумчалаган.

Трамптын ою

Палатанын чечиминен кийин АКШ президенти Дональд Трамп билдирүү жасаган. Ал зомбулукту талкуулап, элдешүүгө чакырып, бирок импичмент тууралуу үн каткан эмес. Трамп өлкө кызыкчылыгы үчүн америкалыктарды биригүүгө чакырган. Ошондой эле ал Капитолийдеги башаламандыкка күнөөсү бар адамдар жоопкерчиликке тартылат деп убадалаган.

Трампты бийликтен мөөнөтүнөн мурда кетирүү үчүн сенат дагы импичмент жарыялаш керек. Бирок жогорку палатанын спикери республикачы Митч Макконнелл сенаторлор мындай кадамга өлкө башчынын мөөнөтү аяктаганга чейин, тагыраагы, 20-январга чейин барбай турганын билдирген.

Эске салсак, 7-январга караган түнү Вашингтондо Трамптын тарапташтары Капитолийди басып алып, полиция менен башаламандык уюштургандардын ортосунда кагылышуу болгон. Жыйынтыгында төрт адам каза тапкан.

Башында Трамп Капитолийдин алдынан тарапташтарына анын добушу уурдалып кеткенин айтса, кийин башаламандыкта аларды тарап кетүүгө чакырган.

Эске салсак, АКШда президенттик шайлоо аяктап, добуш берүүнүн жыйынтыгы менен демократ Жо Байден уткан. Бирок Дональд Трамп жеңилгенин мойнуна албай келген.

Өлкө башчынын тарапташтары Ак үйгө кирип баргандан кийин конгресс мүчөлөрүн коопсуз жайга алып чыгышкан. Алар бир нече саат бою тар жерде отурууга аргасыз болушкан.

364
Белгилер:
мыйзам, сенат, конгресс, импичмент, Дональд Трамп, АКШ
Тема боюнча
Трампты мөөнөтү аяктаганга чейин алып түшүшөбү. Импичмент кадамы башталды
Трамп: Капитолийдеги мыйзамсыздыкка жана башаламандыкка ачууланып жатам
Метронун станциясында бараткан беткапчан киши. Архивдик сүрөт

Россияда "британиялык" штамм мартта күч алары болжолдонууда

9
(жаңыланган 11:40 19.01.2021)
Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган.

БИШКЕК, 19-янв. — Sputnik. COVID-19дун британиялык штаммы Россияда март айында кенен жайылышы мүмкүн. Бул тууралуу Жорж Мейсон университетинин Системалык биология мектебинин профессору Анча Баранова билдиргенин РИА Новости жазды.

Анын айтымында, жаңы штамм буга чейин аныкталган вируска караганда жугуу мүмкүнчүлүгү бир кыйла жогору.

"АКШда "британиялык" штамм менен катталган бейтаптардын саны көбөйүүдө. Америкалык Ооруну көзөмөлдөө жана алдын алуу борбору АКШда март айында дал ушул штамм негизги көйгөй болорун болжолдоду. Мен Россияда да ушундай эле көрүнүш болот деген ойдомун", — деген Баранова.

Биологдун айтымында, узак убакытка чейин шарттуу түрдө коопсуз делген байланыштардан эми оору жугушу мүмкүн.

"Мурда сиз коронавируска кабылган бейтап менен 15 мүнөткө чейин сүйлөшсөңүз да илдет жукчу эмес. "Британиялык" штаммда бул көрүнүш жок дегенде беш мүнөткө чейин кыскарат. Так убакытты эч ким эсептей элек, бирок эски вирусту жаңысына алмаштыруу процесси ушундай болуп жатат. "Британиялык" штаммды алып жүрүүчүлөрдөн башкалар жугузуп алышат. Ал эми жаңы штамм эски вируска караганда тез жайылат. Вакцина ооруну кубалап чыгат деген үмүт бар", — деп белгиледи ал.

Профессор белгилегендей, Россияда жаңы штамм аныкталган бир учур катталып, бейтап обочолонгон. Бул аныкталган гана учур, аба каттамдары толук токтотулган эмес. РФке "британиялык" штамм катталган көптөгөн өлкөлөрдөн адамдар учуп келүүдө.

"Россияда жаңы штамм менен катталган бир эле учур бар. Өлкөгө үч айдан бери илдет жуктурган бир эле киши келген деп айтууга болбойт", — деп белгиледи Баранова.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган.

9
Белгилер:
Россия, илдет, коронавирус
Тема:
Дүйнөгө жайылган коронавирус
Тема боюнча
КР калкынын канчасында коронавируска каршы антитело бар? Изилдөөнүн жыйынтыгы
Коронавирустун жаңы штаммы. Кыргызстанга келчүлөр кандай тартип менен кирет?
Бир суткада 90 кишиден коронавирус табылып, үч бейтап көз жумду
Россияда курулушта иштеген мигранттар. Архивдик сүрөт

Путин мигранттарды курулушка жумушка алуу тартибин жеңилдетүүнү тапшырды

34
(жаңыланган 11:08 19.01.2021)
Чет элдик жарандар ишке бардык санитардык талаптарды сактоо менен, бирок кыйынчылыгы жок алынышы керек. Россия өкмөтү бул боюнча өз сунуштарын 1-мартка чейин берет.

БИШКЕК, 19-янв. — Sputnik. Россия президенти Владимир Путин өкмөт менен Мамлекеттик кеңештин профилдик комиссиясына мигранттарды курулуш тармагына жумушка алуу боюнча талаптарды жөнөкөйлөтүү талабын койду. Мамлекеттик кеңеш менен РФ президентинин алдындагы стратегиялык өнүгүү жана улуттук долбоорлор кеңешине берилген тапшырмалар жыйындысы Кремлдин сайтына жайгаштырылды.

Документте айтылганына караганда, кеп КМШга кирген айрым өлкөлөрдүн жарандары тууралуу болууда.

Мигранттар курулуш тармагына бардык санитардык талаптарды сактоо менен алынышы керек. Өкмөт бул боюнча өз сунуштарын 1-мартка чейин бермекчи.

"КМШнын айрым өлкөлөрүнүн жарандарын жумушка алууда COVID-19 инфекциясынын тарап кетишин алдын алуу үчүн бардык чаралар аткарылышы керек. Ошол эле учурда жумушка алуу жолдору жеңилдетилсин", — деп айтылат тапшырмада.

Жыйында Россиянын вице-премьери Марат Хуснуллин учурда курулуш тармагында жумушчу күч жетпей жаткандыктан, айрым долбоорлорду убагында бүтпөй калуу коркунучу бар экенин айтты. Ал эми Татарстандын президенти Рустам Минниханов Владимир Путинге ар кайсы объектилерге атайылап мигранттарды алып келүүнү сунуштады.

34
Белгилер:
курулуш, миграция, КМШ, Россия
Тема боюнча
ЕАЭБ пенсиясын кимдер кандай шартта алышат? 7 суроого жооп
Маразыков: айыл калкы менен бийлик ортосуна эмгек мигранттары көпүрө болот
Ош шаардык спорт комитетинин мурдагы төрагасы Кылычбек Саркарбаев. Архивдик сүрөт

Сот Кылыч Саркарбаев үй камагына чыгарылганын тастыктады

0
(жаңыланган 11:44 19.01.2021)
Өткөн жылдын 21-декабрында Саркарбаевдин баш коргоо чарасы тандалып, эки айга тергөө абагына киргизилген болчу.

БИШКЕК, 19-янв. — Sputnik. Ош шаардык спорт комитетинин мурдагы төрагасы Кылычбек Саркарбаев соттун чечими менен үй камагына чыкты. Маалыматты Ош облустук сотунун маалымат катчысы Назгүл Исманова тастыктады.

Билдирүүгө ылайык, шаардык сот 16-январда Саркарбаевдин бөгөт чарасын үй камагына өзгөрткөн. Чечимдин негизинде ага соттун уруксатысыз Ош шаарынан башка аймакка чыгууга тыюу салынды, ошондой эле кечки 22:00дөн таңкы 6:00гө чейин үйүндө болушу шарт.

Ушул эле шаардык сот 21-декабрда Саркарбаевдин баш коргоо чарасын тандап, эки айга тергөө абагына киргизген.

Кылыч Саркарбаев паспортун жасалмалаган жана криминалдык иштерге аралашкан деген кине менен өткөн жылдын 27-декабрында кармалган.

УКМКнын маалыматына караганда, ал "Дженго" каймана аты бар уюшкан кылмыштуу топтун лидери Кадыр Досонов менен жакын мамиледе болгон.

Бул окуяга байланыштуу ал Ош шаардык спорт комитетинин жетекчиси кызматынан бошотулган.

Саркарбаев жыйынтыгы жокко чыгарылган 4-октябрдагы парламенттик шайлоого "Мекеним Кыргызстан" партиясы менен катышканы маалым.

0
Белгилер:
Кылычбек Саркарбаев, УКМК, өзгөртүүлөр, чара, сот
Тема боюнча
Ош шаардык спорт комитетине жаңы жетекчи дайындалды
Транспорт министрлигинин статс-катчысы 2,5 млн. сом төлөп абактан чыкты