Вакцинацияга кезекте турган адамдар. Архив

Коронавирус: ДССУ быйылкы жыл былтыркыдан да оор болорун айтты

239
(жаңыланган 10:27 14.01.2021)
Дүйнөлүк саламаттык сактоо уюмунун өкүлү акыркы эки аптадагы маалыматтар оору кайрадан күчөгөнүнөн кабар берерин белгилеген.

БИШКЕК, 14-янв. — Sputnik. Пандемиянын экинчи жылы мурункусуна караганда да оор болушу ыктымал. Бул тууралуу Дүйнөлүк саламаттык сактоо уюмунун чукул кырдаалдар программасынын директору Майкл Райан билдиргенин РИА Новости жазды.

ДССУнун өкүлү акыркы эки аптада уюмга келип жаткан маалыматтар оору кайрадан күчөгөнүнөн кабар берерин белгилейт.

"Пандемия менен күрөштүн экинчи жылын баштан кечирип жатабыз. Коронавирустун жайылуу динамикасын жана бизге байкалып жаткан айрым көйгөйлөрдү эске алсак, быйылкы жыл өткөн жылдан да оор болушу мүмкүн", — деген ал.

Райандын айтымында, илдет Түндүк жарым шарын, айрыкча Европа жана Түндүк Американы каптаганы байкалат. Ал аймактарда кескин суук болуп, адамдар бир үйгө топтолуп алганы, ошондой эле коронавирустун жаңы штаммдарынын чыгышы инфекциянын жайылышына алып келген факторлор болгонун белгиледи.

ДССУнун маалыматына ылайык, дүйнө жүзү боюнча илдетке кабылгандардын саны 90 миллиондон ашкан. Эки миллиондой киши көз жумган. Өткөн суткада дүйнөдө COVID-19дун 546 016 жаңы учуру катталган болсо, анын ичинен 9 884 бейтап каза болгону айтылды.

2020-жылдын 11-мартында ДССУ COVID-19 инфекциясынын жайылышын пандемия деп жарыялаган.

239
Белгилер:
Дүйнөлүк саламаттыкты сактоо уюму, коронавирус
Тема:
Дүйнөгө жайылган коронавирус (1252)
Тема боюнча
Коронавирусту дарылоодо колдонууга болбой турган дары-дармектер аталды
Коронавирус жылдардын өтүшү менен кантип өзгөрөт
Россияда курулушта иштеген мигранттар. Архивдик сүрөт

Путин мигранттарды курулушка жумушка алуу тартибин жеңилдетүүнү тапшырды

21
(жаңыланган 11:08 19.01.2021)
Чет элдик жарандар ишке бардык санитардык талаптарды сактоо менен, бирок кыйынчылыгы жок алынышы керек. Россия өкмөтү бул боюнча өз сунуштарын 1-мартка чейин берет.

БИШКЕК, 19-янв. — Sputnik. Россия президенти Владимир Путин өкмөт менен Мамлекеттик кеңештин профилдик комиссиясына мигранттарды курулуш тармагына жумушка алуу боюнча талаптарды жөнөкөйлөтүү талабын койду. Мамлекеттик кеңеш менен РФ президентинин алдындагы стратегиялык өнүгүү жана улуттук долбоорлор кеңешине берилген тапшырмалар жыйындысы Кремлдин сайтына жайгаштырылды.

Документте айтылганына караганда, кеп КМШга кирген айрым өлкөлөрдүн жарандары тууралуу болууда.

Мигранттар курулуш тармагына бардык санитардык талаптарды сактоо менен алынышы керек. Өкмөт бул боюнча өз сунуштарын 1-мартка чейин бермекчи.

"КМШнын айрым өлкөлөрүнүн жарандарын жумушка алууда COVID-19 инфекциясынын тарап кетишин алдын алуу үчүн бардык чаралар аткарылышы керек. Ошол эле учурда жумушка алуу жолдору жеңилдетилсин", — деп айтылат тапшырмада.

Жыйында Россиянын вице-премьери Марат Хуснуллин учурда курулуш тармагында жумушчу күч жетпей жаткандыктан, айрым долбоорлорду убагында бүтпөй калуу коркунучу бар экенин айтты. Ал эми Татарстандын президенти Рустам Минниханов Владимир Путинге ар кайсы объектилерге атайылап мигранттарды алып келүүнү сунуштады.

21
Белгилер:
курулуш, миграция, КМШ, Россия
Тема боюнча
ЕАЭБ пенсиясын кимдер кандай шартта алышат? 7 суроого жооп
Маразыков: айыл калкы менен бийлик ортосуна эмгек мигранттары көпүрө болот
Спутник V менен эмдөө. Архивдик сүрөт

Казакстанда "Спутник V" менен эмдөөнү эртерээк баштамай болушту

14
(жаңыланган 11:04 19.01.2021)
1-февралдан тарта коңшу өлкөдө элдин вакцина алышы керек деген катмарына препарат сайыла баштаары белгилүү болду.

БИШКЕК, 19-янв. — Sputnik. Казакстан жарандарын "Спутник V" менен эмдөөнү эртерээк, тагыраагы, февралда баштай турган болду. Бул тууралуу Sputnik Казакстан саламаттык сактоо министри Алексей Цойго таянып жазды.

Мурдараак Медициналык жана фармацевтик көзөмөл боюнча комитет жетекчисинин орун басарынын милдетин аткарып жаткан Нурлыбек Асылбеков коронавируска каршы эмдөө февралдын аягында башталарын айткан эле.

Ошентип 1-февралдан тарта элдин вакцина алышы керек деген катмарына препарат сайыла баштаары белгилүү болду.

Министрдин айтымында, биринчи жарым жылдыкта 2 миллион жаран, экинчи жарым жылдыкта 3-4 миллион казакстандыктын коронавируска каршы эмдөөдөн өтүшү пландалууда.

Биринчи этапта жугуштуу илдеттер боюнча ооруканада, Тез жардамда иштегендер, санитардык эпидемиологиялык жана медициналык ар кыл кызматтагылар, педагогдор, студенттер, өнөкөт оорусу барлар вакцина алмакчы.

14
Белгилер:
эмдөө, вакцинация, коронавирус, Спутник V, Казакстан
Тема:
Дүйнөгө жайылган коронавирус (1252)
Тема боюнча
Коронавируска каршы эмделгенден кийин эмнелерди кылбаш керек. Кеңештер
КР калкынын канчасында коронавируска каршы антитело бар? Изилдөөнүн жыйынтыгы
Штаб: коронавирустун жайылуу темпи боюнча Кыргызстан жашыл зона
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

0
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

0
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды