Кениядагы медициналык кызматкерлер. Архив

Кениядан коронавирустун 16 түрү табылды. Эксперттер тынчсызданууда

289
(жаңыланган 15:42 14.01.2021)
Кенияда бул күндөрү коронавирустун мутацияланган 20га жакын түрү айланып жүрүшү мүмкүндүгү, алардын төртөө пандемиянын башында, март айында табылганы айтылды.

БИШКЕК, 14-янв. — Sputnik. Кениянын медициналык илим-изилдөө институтунан аталган өлкөдө июндан октябрга чейин коронавирустун 16 түрү тарады деген бүтүмгө келишкендигин айтып беришкен. Бул туурасында РИА Новости жергиликтүү басылмага таянып жазды.

Ар кыл вирустардын тарашы боюнча шектенүү эң кеминде сегиз округда жашаган 200 кишинин анализдерин алып изилдей келгенде чыккан.

Маалыматта өлкөдө коронавирустун мутацияланган 20га жакын түрү айланып жүрүшү мүмкүндүгү, алардын төртөө пандемиянын башында, март айында табылганы айтылат.

Окумуштуулар Кенияда табылган инфекциялык вирустар "британиялык" жана "түштүк африкалык" штаммдардан кескин айырмаланарын айтып беришкен. Бирок Кенияда табылган түрү саламаттык сактоо тармагындагы эксперттерди бир топ тынчсыздандырууда.

Дүйнөлүк саламаттык сактоо уюмунун аймактын өкүлү Кенияда COVID-19 жуккан адамдардын саны 98 миңден ашкандыгын, инфекциядан 1 700дөн ашык бейтап көз жумгандыгын айтты.

289
Белгилер:
Окумуштуулар, штамм, коронавирус, Кения
Тема:
Дүйнөгө жайылган коронавирус (1250)
Тема боюнча
Япония британиялык жаңы штаммдан улам өлкөгө кирип-чыгууга тыюу салды
Спутник V вакцинасы. Архивдик сүрөт

"Россия акчанын артынан куубайт". Европадагы ЖМКлар "Спутник V" тууралуу

17
(жаңыланган 16:41 18.01.2021)
Журналист Федерико Куско орустардын медицинасынан кабары жок болгондуктан "Спутник V" вакцинасынын чыгышын Батыш кайдыгерлик жана сындаган ар кыл пикирлери менен тосуп алды деген пикирде.

БИШКЕК, 18-янв.— Sputnik. Россия пандемиянын мизин кайтара турган препарат тапты. Батышта россиялык илимге наадандык менен мамиле кылуу бар деп жазган Sputnik франциялык Monde diplomatique басылмасына шилтеме кылып.

Макаланын автору Федерико Кусконун пикирине таянсак, Батыш орустардын медицинасынан кабары жок болгондуктан "Спутник V" вакцинасынын чыгышын кайдыгерлик жана сындаган ар кыл пикирлери менен тосуп алды.

"Маданий, саясий, тилдик абдан эле чоң айырмачылыктан улам алар россиялык демилгелерди шектенүү менен кабылдашат", – деп белгиледи журналист.

Ал препаратты иштеп чыгуу Россиядагы олуттуу илимий тарыхый чынжырчанын жыйынтыгы болгондугун айткан. Анткен менен батыштык "жомокчулар" россиялык илимий жетишкендиктерди жылдап танып келишкен, эми вакцинанын жасалышына да таң калып турган кези.

"Фармацевтик лабораториялар өзүнүн дарыларын асмандаган баада таңуулаган АКШдан, Евробиримдиктен айырмаланып, Россия акчанын артынан куубайт", – деп жазган Куско.

Журналисттин пикирине караганда, азыр ар кыл мамлекеттерде жайылтылып жаткан "Спутник V" дарегине болгон шектенүүлөрдү 50 жылдан кийин эч ким эстебейт.

17
Белгилер:
журналист, Батыш, Спутник V, вакцина, Россия
Тема:
Дүйнөгө жайылган коронавирус (1250)
Тема боюнча
Bloomberg "Спутник V" вакцинасына ишенүүгө жүйөлүү себептерди атады
"Спутник V" Африкага жетти. Россиялык вакцинага эмнеге мынча ишеним артылууда
Кишилер маскачан метродо бара жатат. Архив

ДССУ: пандемия токтобойт жана вирус жок болуп кетпейт

84
(жаңыланган 14:29 18.01.2021)
Адис бир катар өлкөлөр массалык эмдөөгө өтүп жатканын белгилеп, дале болсо гигиеналык-санитардык эрежелерди сактоо маанилүү экенин айткан.

БИШКЕК, 18-янв. — Sputnik. Дүйнөлүк саламаттык сактоо уюмунун өкүлү Мелита Вуйнович коронавирус пандемиясы качан басаңдашы мүмкүндүгүн айтканын РИА Новости жазды.

Анын билдиришинче, быйыл COVID-19 оорусуна байланыштуу кырдаал кандайча өнүгө тургандыгы боюнча так пикир жок. Бирок пандемия токтобойт жана вирус жок болуп кетпейт.

Вуйнович вакциналар тууралуу акыркы жаңылыктар келечекке үмүт берип, адистерди шыктандырганын белгилеген.

Ал бир катар өлкөлөр массалык эмдөөгө өтүп жатканын белгилеп, дале болсо гигиеналык-санитардык эрежелерди сактоо маанилүү экенин айтты.

Ошондой эле Россияда коронавирус кырдаалы аз-аздан турукташканы байкалганын кошумчалаган.

84
Белгилер:
божомол, пандемия, коронавирус, Дүйнөлүк саламаттыкты сактоо уюму
Тема:
Дүйнөгө жайылган коронавирус (1250)
Тема боюнча
ЖМК: Pfizer вакцинасын жарактуу деп тапкан агенттик кысымга учураган
Өткөн суткада үч киши көз жумуп, 69 адам ооруп калды. COVID боюнча статистика