Russia Today агентствосунун #Своихнебросаем аттуу проектиндеги видеодон алынган кадр. Журналист Андрей Яковлев.

Латвия бийлиги басым жасаган журналист: үйүмдү тинтип, буюмдарымды алып кетишти

65
(жаңыланган 18:59 14.01.2021)
Яковлев анын ЖМКсы Латвиянын мыйзамдарына ылайык иштеп келгенин айтып, бирок аны мыйзам чегинде "Россия сегодня" эл аралык агенттигине өткөрүп берген. Яковлев ушул себептен улам ага кылмыш иши козголгонун болжоп жатат.

БИШКЕК, 14-янв. — Sputnik. Латвиялык журналист, Baltnews.lv агенттигинин мурдагы редактору Андрей Яковлев күч органдары аны эмнеге кармаганын жана үйүн кантип тинтүүгө алышканы жөнүндө айтып берди.

Журналисттин баяны Russia Today агенттигинин #Своихнебросаем долбоорунун алкагында чыгарылып жатат. 

Андрей Яковлев 2020-жылдын 3-декабрында Латвияда кармалган орус тилдүү журналисттердин бири. Ал бул өлкөдө Baltnews.lv агенттигин негиздеген.

Журналист Латвиянын Кылмыш-жаза кодексинин 84-беренеси боюнча ("Латвия менен эл аралык уюмдардын бекиткен эрежелерин бузуу) айыпталып жатат. Анын айтымында, ошол күнү бирөөлөр келип эшигин такылдаткан. Журналист аны муниципалдык полиция экен деген ойдо эшигин ачканда үйүнө бет капчан кишилер менен медициналык маска кийген тергөөчү кирип келген. Күч органдарынын өкүлдөрү соттун токтомун көрсөтүп, үйдү тинтүүгө алышкан.

"Кереги бар, кереги жок нерсени дагы алып кетишти. Альбомдорго чейин карашты. Жакында эле модем менен роутерди беришти, себеби анда аларга керектүү маалымат жок болчу", — деди журналист.

Яковлев анын ЖМКсы Латвиянын мыйзамдарына ылайык иштеп келгенин айтып, бирок аны мыйзам чегинде "Россия сегодня" эл аралык агенттигине өткөрүп бергенин белгиледи. Натыйжада россиялык ЖМКларда иштеген журналисттерге латвиялык журналисттердин статусу берилген. Яковлев ушул себептен улам ага кылмыш иши козголгонун болжоп жатат.

"Бул аракеттер кайсы бир россиялык таасирлерди жок кылууга багытталган. Башкача айтканда, маалыматтык талааны тазалап, альтернативдүү пикирди чагылдырган ЖМКларды жолдон алып салгылары келип жатат", — деди ал.

Эске салсак, 2020-жылдын 3-декабрында Латвиянын Мамлекеттик коопсуздук кызматы Sputnik Латвия жана Baltnews агенттиктеринин жети өкүлүн кармаган.

Балтиканын башка мамлекеттеринде да журналисттердин укугу байма-бай бузулуп жатканы белгиленген. Мисалга, 2019-жылы Литванын парламенти Sputnik Литва сайтын жаап салууну сунуштаган. Ал эми агенттиктин башкы редактору кармалып, беш жылга чет өлкөгө куулган. 2019-жылдын соңунда Эстониянын бийлиги Sputnik агенттигинин журналисттери ишинен кетпесе кылмыш иши козголо турганын айтып коркутушкан.

Россия ТИМи мындай көрүнүштөрдү демократиялык коомдун негиздерин тепселөө катары сыпаттады.

Тышкы иштер министрлиги бул көйгөйлөрдү эл аралык аянттарда көтөрүп турмакчы.

65
Белгилер:
басым, журналист, Латвия
Тема боюнча
"Россия сегодня" менен кызматташкан журналист: бийлик бизди коркутуп жатат

UFC: Хабиб Нурмагомедовдун иниси алгачкы беттешинде атаандашын утуп алды. Видео

8
(жаңыланган 00:13 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

8
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу
Жо Байден ант берүү учурунда

Жо Байден ант берип кызматына киришти

34
(жаңыланган 23:21 20.01.2021)
Демократ жана мурдагы вице-президент Жо Байден АКШнын 46-президенти болупк алды. Ал конгресске 36 жыл мүчөлүк кылган.

БИШКЕК, 20-янв. — Sputnik. Жо Байден ант берип АКШнын президенттик кызматына киришти.

"Мен, Жозеф Робинет Байден, салтанаттуу түрдө Америка Кошмо Штаттарынын президенттик кызматын ак ниеттүүлүк менен аткарууга, Конституцияны кайтарууга жана коргоого болгон күчүмдү жумшайм деп ант берем", — деп билдирди.

Байден тарыхтагы эң кары президент. Ал 78 жашта.

Эске салсак, 3-ноябрда АКШда президенттик шайлоо өтүп, жыйынтыгында демократ Жо Байден шайлоочулардын 306 добушун алып жеңишке жеткен. Ал эми анын атаандашы АКШнын учурдагы башчысы Дональд Трамп 232 добуш алган. 7-январда добуш берүүнүн жыйынтыгы толугу менен расмий бекитилген.

34
Белгилер:
инаугурация, АКШ, Жо Байден
Тема боюнча
Тарыхта биринчи ирет… Байден өз командасына трансгендерди алмай болду
Трамп жубайы Меланья менен америкалыктарга акыркы ирет кайрылышты