АКШ президенти Дональд Трамп. Архив

Facebook жана Instagram Дональд Трампка баракчаларын ачып берди

101
Буга чейин Twitter, Facebook, Youtube жана Instagram Трамптын аккаунттарын убактылуу жаап коюшкан. Буга анын 6-октябрда Вашингтондогу башаламандык боюнча эки анжы оюн айтып келгени себеп болгон.

БИШКЕК, 16-янв. – Sputnik. АКШ президенти Дональд Трампка Facebook жана Instagram социалдык тармактарындагы баракчаларын кайра ачып беришти. Бул тууралуу РИА Новости жазды. 

Буга чейин Twitter, Facebook, Youtube жана Instagram Трамптын аккаунттарын убактылуу жаап коюшкан. Анткени ал 6-октябрда Вашингтондогу башаламандык боюнча эки анжы оюн айтып келген. Бир жагынан Капитолий имаратын басып киргендерди тарап кетүүгө чакырса, экинчи жагынан аларды патриот деп атаган.

Facebook компаниясы анын президенттик мөөнөтү аяктаганга чейин социалдык тармактардагы баракчаларын ачпай турганын айткан. Бул социалдык тармактын негиздөөчүсү Марк Цукерберг өз баракчалары аркылуу туура эмес чакырыктарды таратып коюшу мүмкүн деп кооптонорун билдирген.

Бирок баракчалар эмне себептен бүгүн ачылганы тууралуу айтылган жок.

Эске салсак, АКШда 20-январь күнү Жо Байдендин ант берүү аземи күтүлүп жатат.

101
Белгилер:
аккаунт, Instagram, Дональд Трамп, АКШ
Тема боюнча
Мамлекеттик сырды ачкан, пара алган. Импичментке кабылган президенттер
Трампка импичмент. Өкүлдөр палатасынын чечими аягына чыгабы?
Ит менен сейилдеп жүргөн кыз асман тиреген имараттардын фонунда. Архив

Асман тиреген имаратта жашоо кимдерге кыйынчылык жаратарын дарыгер айтып берди

13
(жаңыланган 10:49 07.03.2021)
Дарыгер кеп үйдүн бийиктигинин өзүндө эмес, андагы шарттар тууралуу болуп жатканын айткан. Мисалы, көп кабаттуу үйгө тепкич менен баруу кимдир бирөөлөр үчүн кыйын.

БИШКЕК, 7-мар. — Sputnik. Асман тиреген имараттарда жашагандар айлананын кооздугуна жакшы көз чаптыра алат, бирок ден соолукка кооптуулук жараларын медицина илимдеринин кандидаты, дарыгер-терапевт Алексей Хухрев Sputnik радиосуна берген маегинде билдирди.

Адис кеп үйдүн бийиктигинин өзүндө эмес, андагы шарттар тууралуу болуп жатканын айткан. Маселен, көп кабаттуу үйлөрдүн лифтиси иштебей калса жүрөк-кан тамыр жана башка оорулары бар адамдарда көйгөй болушу ыктымал.

"Жүрөктүн ишемиялык дарты, ашыкча салмак, таяныч-кыймыл аппаратынын оорулары, астмасы барлар тепкич менен узакка көтөрүлө албай кыйналат", — деген Хухрев.

Ошол эле учурда курч кармаган респиратордук инфекцияга кабылып же кулак тунуп жатса иштеген лифт менен жүрүү дагы оорчулукту жаратышы мүмкүн.

"30-кабат болжол менен 100-110 метрди түзөт. Ага лифт менен 10 секундада көтөрүлгөн адам ыңгайсыздыкты сезет", — деп эскерткен дарыгер.

Бирок адис аллергия менен жабыркагандарга бийик кабатта жашоо бир жагынан пайдалуу экенин айткан. Себеби шамал күчтүү аллерген болуп саналган өсүмдүк чаңчаларын болжол менен 15-кабатка чейин эле көтөрө алат.

13
Белгилер:
жүрөк, аллергия, оору, дарыгер, лифт, тепкич, бийиктик, имарат
Тема боюнча
Ден соолукка пайдалуу шорпо аталды
Адам бир күндө жашылча менен жемишти канча көлөмдө жеш керек
Ооруканадагы бейтап. Архивдик сүрөт

Коронавирустан айыккандар чалдыгышы мүмкүн болгон оорулар. Тизме

53
Коронавирустан кийин адам бир катар илдетке чалдыгып калуусу мүмкүн. Ошол себептен дарыгердин текшерүүсүнөн өтүп туруу абзел.

БИШКЕК, 7-мар. — Sputnik. Адам коронавирус менен ооруп сакайган соң жүрөгүн, өпкөсүн, психикасын текшертип, эндокринологго да көрүнүп коюшу керек. Бул тууралуу "Аргумент и факты" басылмасына таянуу менен РИА Новости жазды.

Терапевт жана физиотерапевт Кирилл Беландын айтымында, коронавирустун күчөп кеткен чеги — бул миокардит, башкача айтканда, жүрөктүн булчуң катмарынын сезгениши. Ал коронавирустун жеңил түрүнөн кийин да пайда болушу ыктымал.

Бул ооруга кабылган адамдын алы кетип, жүрөгү ооруп, жөтөлүп, шишип кетет. Башы айланып, деми кысылат. Дартты аныктоо үчүн кардиолог ЭхоКГ, жүрөккө МРТ, ошондой эле I жана T жүрөк топонимдерине изилдөө жүргүзүшөт.

Бейтап вируска каршы препараттар менен дарыланып, мындан тышкары, төшөктөн турбай жатышы керек. Эгер дарыгердин айткандарын толук аткарбаса, адам жүрөк кемтиги менен жабыркап калышы толук ыктымал.

COVID-19дан кийин дагы бир таралган оору гиперкоагуляция, башкача айтканда, канда тромбдордун пайда болушу. Дарыланууда бейтаптар антикоагулянттарды ичүүсү зарыл. Мындан тышкары, көп эс алып, суюктук ичип, кыймыл көп болушу керек.

Врач-эндокринолог Юрий Потешкин эскерткендей, коронавирус диабеттин өрчүшүн шарттайт. Анын айтымында, COVID-19дан кийин оору жаңыдан башталышы да мүмкүн, ошондой эле диабеттин экинчи тибинин белгилерин да пайда кылат.

"Вирустук инфекция учурунда инсулинге болгон туруктуулук жогорулап, обочолонуу, начар тамактануу, кыймылсыз жашоо образы менен биргеликте тобокелдикти жогорулатат", — деп түшүндүрдү дарыгер.

Ошондуктан алсыздык, бат чарчоо, дайыма тамагы кургап жана көздүн көрүүсү начарлап, арыктап, жарааттын айыгышы жайлап калган учурларда эндокринологго кайрылуу абзел.

Басылма белгилегендей, изилдөөгө ылайык коронавирустан сакайгандардын эске тутуусу начарлап, паникага тез алдырып, маанайы бат-бат өзгөрүп турат. Айрымдары уктай албай кыйналат. Мунун бардыгы вирустун нейротоксиндик таасиринен жана мээ менен нерв системасынын жабыркашынан улам келип чыгат. Ошол себептен көп эс алып, сейилдеп жана сааты менен тамактанып туруу керек. Ошону менен бирге эстутумду калыбына келтирүүгө кроссворддор жана баш катырмалар жардам берет.

53
Белгилер:
дарыгер, дары, нерв, бейтап, коронавирус
Тема:
Дүйнөгө жайылган коронавирус
Тема боюнча
Коронавирус сифилис, сарык, бруцеллез, ичеги-карын ооруларын азайтты. Статистика
ДССУ: коронавирустун ыңгайлашып, көнүшүп кетүүсүнө жол бербейли!
Медициналык кызматкер COVID-19 алынган үлгү менен. Архив

COVID: көз жумгандар болгон жок, айыккандар арбын. 7-марттын статистикасы

9
(жаңыланган 11:09 07.03.2021)
Кыргызстанда соңку суткада COVID-19дан каза тапкандар катталган жок. Ооруну жуктургандарга караганда айыккандардын саны арбын болду.

БИШКЕК, 7-мар. — Sputnik. Кыргызстанда учурда коронавирус жуктурган 14 бейтап ооруканада өтө оор абалда жатса, 44 адамга аталган илдет жуккан. Бул тууралуу республикалык штабдан кабарлашты.

Өткөн суткада COVID-19дан көз жумгандар болгон жок. Аталган илдеттен 46 адам айыгып кетти.

Маалыматтарга таянсак, ооруканаларда учурда коронавирустан 344 адам дарыланууда.

"Стационардагылардын ичинен 88 бейтап оор, 14 киши өтө оор абалда жатат", — деп айтылат штабдын маалыматында.

Амбулатордук дарыланууда 261 бейтап бар экени кабарланды.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек - 21
  • Ош - 2
  • Чүй облусу – 5
  • Нарын облусу - 4
  • Ысык-Көл облусу – 12

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек – 17
  • Чүй облусу – 14
  • Ош облусу – 4
  • Нарын облусу – 1
  • Ысык-Көл облусу – 8
  • Баткен облусу – 2
9
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирустан айыккандар чалдыгышы мүмкүн болгон оорулар. Тизме
"Спутник V" Pfizer вакцинасын озду. Аны дүйнөдө 45 мамлекет жактырды