Германиядагы Висмар портундагы газ түтүгүн куруучу кеме. Архив

Соңку аракет: АКШ кайрадан "Түндүк агым-2" долбоорун "эрмектөөдө"

140
(жаңыланган 16:49 16.01.2021)
"Түндүк агым – 2" долбооруна катышкан даниялык Ramboll компаниясы Вашингтондун санкцияларынан чочулаган. Бул туурасында маалымат каражаттары жазып чыкты.Чындап эле 1-январдан тарта долбоорго байланышкандардын баарына чара көрүүнү күчөткөн. Бирок курулуш уланууда.

Европада бул боюнча кайрадан кырдаал кызып барат, немецтер фондду санкциялардан коргоп калууга камынып, британиялыктар америкалыктардан үлгү алгысы бар. Ал эми шведдер "газ согушунун" тутанып кетишинен кооптонуп жатышат. Газ түтүгү соңунда эмне болоруна сереп салган Наталья Дембинскаянын макаласы РИА Новости сайтына жарыяланган.

Баягы эле аракетин баштап...

"Түндүк агым – 2" долбоорунун чет жердеги кургак бөлүгү ийгиликтүү курулуп бүттү. Азыр Германиядагы сууларда түтүктөрдү коюп жатышат, кийинки кезек – Данияда. Долбоор аягына чыгайын деп калды. Бирок Вашингтондогулар муну тааныгысы жок. 1-январда коргоо бюджети жөнүндөгү жаңы мыйзам күчүнө кирди. Анда россиялык газ түтүгүнө каршы кошумча санкциялар камтылган. Атап айтканда, санкциялар тестирлөөчү, инспекция жана сертификация кызматтарын көрсөткөн уюмдарга тиешелүү.

Норвегиялык DNV GL компаниясы газ түтүгүн текшерүү боюнча бардык ишин токтоторун жана аны сертификациялай албай турганын билдирди.

АКШ сенатындагы республикалык көпчүлүктүн лидери Митч Макконнелл билдиргендей, коргоо бюджети жөнүндөгү мыйзам мамлекеттик коопсуздук жана "Кытай, Россия сымал күчтүү держава-атаандаштарды ооздуктоо" үчүн чечүүчү мааниге ээ. Бул документ АКШнын "деңизде, кургакта, кибер мейкиндикте жана космосто" артыкчылыгын бекемдейт.

"Газпром" дагы 150 чакырымдын тегерегиндеги түтүк коет, 120 чакырымы — Данияда, 30дан бир аз ашыгыраагы Германиянын сууларына түтүк жаткыруу иши гана калды. Газ түтүгү 94 пайызга даяр.

Вашингтондун европалык беш энергетикалык ири компания тарабынан каржыланып жаткан долбоорду бүтүрүүгө жолтоо болуу аракетине карабастан, 11-январда Германиянын аймактык сууларында бир жылдан бери токтоп турган иш кайра жанданды. 15-январдан тарта Даниянын жээктеринде түтүк коюла баштайт.

"Фортуна" түтүк тартуучу компаниясына Россиянын Деңизде куткаруу кызматындагы "Мурман" жана "Балтиялык изилдөөчү", ошондой эле бир катар кеме камсыздоочулар көмөктөшөт. Деңизде түтүк коюучу чийиндин эки тарабынан тең 200 метр аралыктагы аймак убактылуу жабылат. "Газпром экспорттун" башкы директору Елена Бурмистрова деңиз тилкесиндеги курулуштун аяктоо мөөнөтү бир катар шарттарга, атап айтканда аба ырайына жараша болорун маалымдаган.

Коргонуу механизми

Ал ортодо АКШдагылар кайрадан европалык компанияларды коркутууда. Вашингтондун пикиринде, алар аталган долбоордо Россияга кол кабыш кылууда. "Биз аларга тобокелдиктерди эске салып, кеч болуп кала электе кызматташуудан баш тартууга чакырууга тырышып жатабыз", — деп билдирген Reuters агенттигине Мамлекеттик департаменттеги булагы. Ушул эле агенттиктин билдирүүсү боюнча жакынкы күндөрү Ак үй да көңүлүнө толбогон уюмдардын тизмесин жарыялайт.

РФ Тышкы иштер министрлигиндегилер Вашингтон "Газпромдун" батыш европалык өнөктөштөрүнө канчалык кысым кылганына карабастан, Москва "Түндүк агым – 2" долбоорунун ийгилигинен шек санабай турганын белгилейт.

Германияда долбоорду дале экономикалык деп атап, АКШнын экстерриториялык санкцияларын кабыл албай келет. Жакында эле бул жөнүндө ФРГнын министрлер кабинетинин расмий өкүлүнүн орун басары Ульрике Деммер эске салды. Анын үстүнө январдын башында Мекленбург-Алдыңкы Померания (Mecklenburg-Vorpommern) германиялык федералдык жеринин парламенти "MV климатын жана айлана-чөйрөсүн коргоо" экологиялык фондун түзүү боюнча регионалдык өкмөттүн демилгесин көп добуш менен жактырды.

Бул фондду америкалык санкциялардан буйтоо үчүн ойлоп табышкан. Уюм курулуш үчүн зарыл жабдууларды сатып алат. Биринчи кезекте түтүктү экология үчүн маанилүү деп тааныйт.

Германиялык Bild басылмасы билдиргендей, бул "Түндүк агым – 2" долбоорун жаратылышты коргоонун "принципиалдуу элементи" деп кароого мүмкүндүк берет.

Фонд тек гана ушул долбоор менен алектенген коммерциялык ишкананы каттоону пландайт. Ал эми америкалык санкциялардан кооптонгон компаниялар россиялык тарап менен ушул ишкана сунуштаган экономикалык инструменттер аркылуу иштешет.

Үлгүрбөй калышат

Немецтер өздөрүн санкциялардан коргой алабы? Бул боюнча байкоочулардын ойлору бир кылка эмес. Бир жагынан фонд Вашингтондун аракеттерине туруштук берүүгө жетишерлик инвестиция жана ыйгарым укуктарга ээ болгонун белгилейт ТМТ компаниясынын директору Даниил Ростовцев.

"Бирок фонд түзүү демилгеси коомдо, айрыкча "жашылдар" коомчулугунда нааразылык жаратты. Экологдор өз пикирлеринде "жашыл" эмес, тескерисинче айлана-чөйрөгө кооптуу долбоорго мындай өбөлгө болуу этикага жатпайт жана кыжыр келтирет деп эсептешет", — дейт талдоочу.

Эми баары "Түндүк агым – 2нин" тарапташтары коомчулук менен кандай тил табышарына жараша. Ошол эле учурда өнөр жай боюнча көз карандысыз эксперт Леонид Хазанов Берлин баары бир Вашингтондун санкцияларына баш ийбестигин айтат. Айтымында, Германияга америкалык суюлтулган газга караганда кыйла арзан россиялык көгүлтүр от керек. Анан да Россия менен экономикалык алакаларды сактап калуу абзел: бул – германиялык компаниялар үчүн стратегиялык рынок.

"Албетте, фонд санкцияларга кабылат, бирок алар жыйынтык бербейт. Ал эми анын подрядчиктерине каршы жаңы мыйзам долбоорун даярдоого, аны конгресс аркылуу өткөрүп, президент кол койгончо күтүүгө туура келет.

Бул жарым жылга жакын убакыт алат, ага чейин "Түндүк агым – 2" курулушу аяктап да калат, — деген оюн билдирет эксперт. Бирок пайдаланууга киришүүдө дал АКШнын коргоо бюджетинде камтылган санкциялардан улам кыйынчылыктар болбой койбой турганын кошумчалайт ал.

Коркунуч жана жек көрүү

Америкалыктарды англичандар да туурагысы бар. Британиялык парламентарий-консерватор Дэниел Кочински россиялык газ түтүгү "НАТО өлкөлөрүнүн аймагында жайгашкан бардык газ жана мунай түйүндөрүн айланып, түз Россияга алпарышы менен өтө кооптуу" деп эсептейт. Анын айтымында, британиялыктар Европа биримдигине эми мүчө эмес. Ошондуктан америкалык достордой "Түндүк агым – 2" курулушуна тартылган кандай гана компания болбосун санкция киргизүү керек. Швециядагылар Жо Байдендин президенттикке келиши менен "газ согушу" тутанып кетеби деп чочулашат.

Svenska Dagbladet белгилегендей, америкалык демократ – долбоордун Дональд Трамптан да катаал каршылашы. Ал эми скандинавдык королдук үчүн маселе эбак чечилген, өкмөт швед экономикалык аймагы аркылуу түтүк жаткырууну колдогон.

Байдендин президенттикке келишинин "Газпром" үчүн терс аспекти – анын жашыл багыт деп аталган энергетикалык саясаты. Демократтар 2035-жылга чейин экологиялык таза энергетикага өтүү үчүн эки триллион доллар сарпташат. Ал эми 2050-жылга таштандысыз кирүүгө умтулушат. Анткен менен жашыл энергетика да Россияга пайдалуу, ал "Түндүк агым – 2" боюнча жаратылыш газын гана тургай, суутекти да алышат. Европада суутектүү отунга да суроо-талап абдан жогору.

Кошмо Штаттардын өзүндө да долбоорго карата Ак үйдүн убадалары аткарыларынан шек санашат. Виргиния штатынан мурда сенатор болгон Ричард Блэктин пикиринде, Байден долбоорду аягына чыгаруу жөнүндө Москва менен жай тил табышууну ылайык көрөт, анын ордуна Вашингтон үчүн кандайдыр пайда алуу үчүн соодалашууга тырышат.

140
Белгилер:
газ, түтүк, долбоор, Россия, АКШ, Түндүк агым - 2, нефть
Тема боюнча
Нефтини кайра иштетүү боюнча Кытай АКШдан озуп баратат. Мындан Россия утабы?
Президент Садыр Жапаров жана Россиянын президенти Владимир Путин Кремлдеги жолугушуу учурунда

Садыр Жапаровдун чет өлкөгө жасаган биринчи сапарынын жыйынтыгы. Сереп

66
(жаңыланган 00:30 26.02.2021)
Президент Садыр Жапаровдун чет өлкөгө жасаган биринчи иш сапары жыйынтыкталды. Материалдан жолугушуулардын урунттуу учурларын окуңуздар.

Садыр Жапаров Бишкектен Москвага 24-февралда учуп кеткен. Делегация дээрлик чоң эле болду. Курамына президенттин аппаратынын жетекчиси, эки вице-премьер, жети министр, эки ведомствонун жетекчилери жана Бишкек шаарынын мэринин милдетин аткаруучу дагы кирди.

Жапаров Россияга учуп кетер алдында Кыргызстан менен Россиянын өз ара мамилелери жана байланыштары жөнүндө "Союздук байланыштар" аттуу макаласын жарыялады. Анда мамлекет башчы тарыхта кыргыз-орус элинин алысташына өбөлгө түзгөн көйгөй жаралбагандыгын белгилеген.

Кийин Россиянын ири маалымат агенттиктеринин бири болгон РИА Новостиге орус-кыргыз мамилесинин абалын, кызматташууда биринчи басым эмнеге жасала тургандыгын айтып берген.

Пандемияга байланыштуу сапар расмий эмес, жумушчу болду. Мындан улам Москванын аэропортунда оркестр жана башка шаан-шөкөт уюштурулган жок.

Кремлден белгилешкендей, жумушчу сапардын программасы мазмундуу болду. Садыр Жапаров Москвага учуп келери менен Россиянын президенти, андан соң Татарстандын башчысы менен жолукту. Кийинки күнгө Россия парламентинин эки палатасынын төрагалары жана өкмөт башчысы менен жолугушуу пландалган.

Бул иш сапар Кыргызстандын жетекчилиги үчүн башкы өнөктөштүн ишенимине кирип, жакшы байланыш түзүүгө жол ачты. Ал эми Россияга алдыда ким менен иштешерин билүүгө мүмкүнчүлүк жаралды.

Владимир Путин

Россиянын лидери эки мамлекет достук гана эмес, союздук мамиле түзө алганын белгиледи. Ал ошондой эле Россия Кыргызстандагы ички саясий кырдаалын жөнгө саларына үмүт артарын айтты.

Пандемия боюнча дагы маселе козголду. Путин Россия Кыргызстанга буга чейин жардам берип келгенин, мындан ары дагы колдоо көрсөтүү үчүн болгон аракетин жасай турганын билдирди. РФ президенти КР өкмөтүнүн вирусту ооздуктоого күчү жетип жатканын канааттануу менен белгиледи. Путин эки өлкөнүн эриш-аркак жылына пандемия жолтоо болгонун эске салып, абал жакшырса орду толтуруларын айтты.

РФ лидери Кыргызстандын Конституциясына киргизилгени жаткан өзгөртүүлөр боюнча дагы кеп козгоду. Ал алдыга коюлган пландар республикадагы кырдаалды турукташтырып, КРдин өнүгүүсүнө шарт түзүп, Россия менен байланышты бекемдээрине үмүт кыларын билдирди. Мындан сырткары, ал Кыргызстан орус тилинин расмий статусун Конституцияда сактаганы Россия үчүн дагы, кыргызстандыктар үчүн дагы маанилүү экенин кошумчалаган.

Ал эми Садыр Жапаров өтө кыйын болуп турган мезгилде жана пандемия учурундагы көрсөткөн колдоого өзгөчө ыраазычылыгын билдирди. Ошондой эле ЕАЭБ, КМШ, ЖККУ жана ШКУнун алкагында кызматташуу ниетинде экенин айтты. Ал ошондой эле коронавируска каршы россиялык вакцинанын майнаптуулугун жана коопсуздугун дүйнө коомчулугу таанып жаткандыгын белгилеп, жакынкы арада Кыргызстан дагы эмдөө кампаниясын баштайт деген үмүттө экенин кошумчалады.

Рустам Минниханов

Андан кийин Жапаров Татарстандын президенти Рустам Минниханов менен жолукту. Жолугушуу таанышуу мүнөздө өттү. Президенттер эки элдин ортосундагы экономикалык жана маданий байланышты күчөтүү зарылдыгын айтышты.

Президент Кыргызстана Садыр Жапаров во время встречи с президентом Татарстана Рустамом Миннихановым в рамках визита в РФ
© Пресс-служба президента КР / Султан Досалиев
Андан кийин Жапаров Татарстандын президенти Рустам Минниханов менен жолукту

Парламенттик деңгээл

Кийинки күнү Жапаров Федералдык кеңештин (парламенттин жогорку палатасы) төрайымы Валентина Матвиенко менен көрүштү. Анда кыргыз-орус кызматташтыгы тууралуу пикир алышуу болду. Матвиенко Жапаровдун чет өлкөгө жасаган алгачкы эле сапарында Россияга келишин эки мамлекеттин мамилеси жогорку деңгээлде экенин айгинелегенин белгиледи. Путин сыяктуу ал дагы Кыргызстанда орус тилинин расмий макамынын сакталышынын маанилүүлүгүн айтты.

Ага чейин Кыргызстандын өлкө башчысы Россиянын Мамлекеттик Думасынын (парламенттин төмөнкү палатасы) төрагасы Вячеслав Володин менен жолуккан. Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан. Володин ошондой эле Кыргызстанда жакында эле өткөн президенттик шайлоо тууралуу кеп салып, АКШдагы шайлоого караганда бир кыйла ачык өткөнүн айтты.

Михаил Мишустин

Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү. Россия өкмөтүнүн башчысы эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин айтты.

Өз кезегинде Жапаров пандемия учурунда гуманитардык, каржылык жана техникалык жардам көрсөткөн колдоосу үчүн Россия өкмөтүнө ыраазычылыгын билдирди. Ошондой эле эки мамлекеттин ортосундагы бардык потенциалды толук ачып берүүгө умтулаарын кошумчалады.

Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
© Пресс-служба президента КР / Султан Досалиев
Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү

Мигранттар менен жолугушуу

Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти. Ал мигранттардын Кыргызстандын экономикасына кошкон салымы чоң экенин белгилеп, аларды мекенге кайтаруу үчүн шарт түзүүгө убада берди.

Президент сүйлөп жатып, үй ээлери салык төлөөдөн качып мигранттарды каттоодон баш тартышаарын, мындан улам келип чыккан миграциялык каттоонун көйгөйү жөнүндө билерин айтты. Президент маселени чечүү жолдорун да атады.

Кыргызстанцы проживающие в России на встрече с президентом КР в рамках его рабочего визита в РФ
© Пресс-служба президента КР / Султан Досалиев
Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти

Россиянын бизнес өкүлдөрү менен жолугушуу

Россиядан инвестиция алып келүү иш сапардын маанилүү милдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты. Президент ишкерлерди тигүү, айыл чарба продукцияларын кайра иштетүү, логистикалык борборлорду куруу сыяктуу тармактарга каражат салууга чакырды.

 Президент Кыргызстана Садыр Жапаров встретился с представителями крупного российского бизнеса в Москве в рамках своего визита в РФ
© Пресс-служба президента КР / Султан Досалиев
Россиядан инвестиция алып келүү иш сапардын маанилүү млдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты

Жыйында болгон сүйлөшүүлөр тууралуу конкреттүү маалыматтар айтылган жок. Деген менен президент жана өкмөт мүчөлөрү россиялык ишкерлердин суроолоруна жооп берди.

Эки күндүк иш сапардын соңунда кыргызстандык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү.

© Пресс-служба президента КР / Султан Досалиев
Эки күндүк иш сапардын соңунда кыргызстадык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү

Кандай документтерге кол коюлду?

Иш сапардын аякташы менен Кыргызстандын тышкы иштер министри Руслан Казакбаев кесиптеши Сергей Лавров менен жолукту. Алар төрт документке кол коюшту:

  • КР өкмөтү менен РФ өкмөтүнүн ортосундагы Кыргызстандагы идентификациялоо каражаттары менен товарларды маркировкалоо системасын түзүү максатында Россия тарабынан Кыргызстанга кайтарылгыс техникалык жардам көрсөтүү жөнүндө макулдашуу;
  • КР Коргоо министрлиги менен РФ Коргоо министрлигинин ортосундагы Кыргызстандын аймагында пилотсуз учуучу аппараттарды колдонуу жөнүндө протокол;
  • КР менен РФтин 2021-2025-жылдарга карата коргоо ведомстволорунун башчыларынын ортосундагы аскер жаатындагы стратегиялык өнөктөштүгүн өнүктүрүү программасы;
  • КР Айыл, суу чарба жана аймактарды өнүктүрүү министрлиги менен РФ Айыл чарба министрлигинин ортосундагы айыл чарба продукциясын жеткирүү жаатында кызматташуу жөнүндө өз ара түшүнүшүү меморандуму.
66
Белгилер:
Вячеслав Володин, Михаил Мишустин, Валентина Матвиенко, Владимир Путин, кызматташуу, документ, Москва, иш сапар, Садыр Жапаров, президент, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга экономиканы көмүскөдөн чыгарууга 623 млн. сом берет
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди
АКШ долларлар. Иллюстративдик сүрөт

Стратегиялык кадам: Россия АКШ облигацияларына миллиард салды

48
(жаңыланган 22:32 25.02.2021)
Соңку жылдары Москва бул баалуу кагаздардан пландуу түрдө арылып келгени менен РФ Борбордук банкы өткөн жылдын декабрында Кошмо Штаттардын мамлекеттик карызына салымын дароо миллиард долларга жогорулатты.

Эмне үчүн дал азыркы убакта ушундай кадамга барышты? Ушул тема тегерегинде Наталья Дембинская ой учугун чубаган.

Баалуу кагаздар баяны

АКШ Каржы министрлигинин маалыматына таянсак, дал ушул тапта Россиянын 6,011 миллиарддык америкалык мамлекеттик облигациялары бар. Алардын ичинен 1,2 миллиарддык облигация – узак мөөнөттүү, ал эми 4,8 миллиарды — кыска мөөнөттүү баалуу кагазга салынган. Декабрда анын запасы миллиард долларга толукталган.

Бул кагаздарды сатуу менен АКШ өкмөтү бюджеттин таңсыктыгын жана башка чыгымдарын жабат. Америкалык мамлекеттик карыз дээрлик 28 триллионго чыккан.

2010-2013-жылдары россиялык салымдын көлөмү 170 миллиарддан ашкан. Москва ири трежерис ээлеринин катарына кирет. Бирок 2014-жылдын апрелинде Вашингтон санкция киргизген соң, аталган мамлекет облигациялардан кутула баштаган.

2018-жылы РФ Борбордук банкы АКШнын казыналык милдеттенмелер топтомун дароо эки эсе кыскартуу менен ири сатыкты уюштурган. Эл аралык резервдердеги америкалык баалуу кагаздардын үлүшү болушунча азайган. Аларга салынган каражатты РФ башкы банкы алтын, евро жана юанга жумшаган.

Диверсификация

Америкалык мамлекеттик карыз АКШнын Каржы министрлиги тарабынан чыгарылган баалуу кагаз болуп саналат. Вексель жана мамлекеттик облигацияларды жеке жана юридикалык тараптар, штат жана мамлекеттердин бийлиги сатып алышат.

Бул кагаздардан түшкөн киреше анчалык жогору эмес, эки жарым – үч пайыздын тегерегинде. Бирок европалык жана япониялык карыздар боюнча киреше дээрлик жок же терс пайдага ээ. Анткен менен кеп башкада: Кошмо Штаттардын мамлекеттик облигациялары дүйнөдөгү эң ынанымдуу жана акчага тез айланчу инструменттердин бири болуп саналат. Аларды сатып алуу жана сатуу жеңил.

"Убактылуу бош (ашыкча болуп) турган каражаттарды АКШнын мамлекеттик карызына салуу пайдалуу. Жылдык эки-үч пайыз – миллиарддар сөз болуп турганда кыйла көлөмдүү акча. Ушул учурда саясат экономикалык чечимдерге таасир этпөөгө тийиш", — дейт РФ Мамлекеттик думасынын каржылык рынок комитетинин мүчөсү Дмитрий Скриванов.

Ошентип, трежеристин көлөмүн көбөйтүү менен Москва рыноктон орун алышын белгилегендей болду. Бул эл аралык резервдерди диверсификациялоо үчүн керек. Азыр Россиянын 590 миллиард доллары бар, анын ичинен алты миллиарды түздөн-түз АКШнын мамлекеттик карызына салынган. Талдоочулар муну Москва жалпы дүйнөлүк тенденциялар менен кадамдаш экендигин түшүндүрөт. Долларга суроо-талап өсүп келет, анткени бул валюта өзгөрүлмөлүүлүккө жана инфляцияга анча дуушар болбойт.

"Миллиард доллар — кыйла ири сумма, муну активдердин кыйла чектелген тобуна салууга болот. Алтынга суроо-талап өтө жогору, евро менен юанда ансыз деле резервдин үлүшү чоң.

Америкалык мамлекеттик карызга салым салуу — бул диверсификациялоо элементи", — деп тактайт Өнөр жайчылар жана ишкерлердин орус-азиялык союзунун президенти Виталий Манкевич.

Кытай варианты

Былтыр декабрдын аягында Кошмо Штаттардын мамлекеттик баалуу кагаздарынын ири көлөмдөгү ээси Япония болгон (1,2 триллион доллар). Андан мурда бул багытта Кытай биринчи орунда эле, азыр Пекин 1,06 триллион доллар менен экинчи сапка түшкөн. Үчтүктү 428,9 миллиард доллар менен Улуу Британия жыйынтыктайт.

Соода согушунун айынан кытайлыктар 200 миллиарддан ашуун көлөмгө кыскартуу менен бул баалуу кагаздардан пландуу түрдө арылып келген. Анткен менен Пекиндин колундагы эбегейсиз америкалык карыз — Вашингтонго кысым көрсөтүүнүн күчтүү рычагы.

Уланып келе жаткан жаңжал кокус АКШнын экинчи ири чет элдик кредитору трежеристи масштабдуу сатууну уюштурушу ыктымал деген чочулоолорду күчөтөт. Андай көрүнүштүн кесепети оңдурбайт. Биринчиден, кыска убакытта 100-200 миллиарддык облигацияларды сатуу алардын баасын түшүрөрү турулуу иш.

Натыйжада Кытайдын өзүнүн тышкы актив жана резервдеринин наркы арзандаган трежеристи сатуудан түшкөн пайда сымал эле бир топ төмөндөйт. Ал аз келгенсип доллардын куну түшөт, ал эми Пекинге андай жагдайдын зарылдыгы жок. Америкалык валютанын чабалдашы кытай экспортун кымбаттатат.

Алтын кору

Бир нече жылдан бери россиялык Борбордук банк доллардан кутулуп, алтынга басым жасап келет. 2020-жылы резервдердеги баалуу металлдардын үлүшү алгач ирет америкалык валюталардын көлөмүнөн ашкан, ал эми февралда монетардык алтын кору 136,7 миллиардга жеткен.

РФтин алтын кору жыл ичинде дээрлик 28 тоннага өстү. Универсалдуу акчалай эквивалент деп эсептелген баалуу металл пайыздык киреше алып келүүчү активдерден да пайдалуулугу артып, санкциялык тобокелдиктердин бардык түрүнөн сактап келет.

Bloomberg белгилегендей, Россия дүйнөгө экономикасы үлкөн жана алтын валюталык резервдери көп өлкө доллардык активден арылып, андан кылы кыйшайып да койбосун көрсөттү.

48
Белгилер:
облигация, кагаз, АКШ, Россия
Тема боюнча
Мунайдын баасы дагы канча убакыт кымбаттайт? Саресеп
"Мындай нерсе жок эле": РФ кандай танк чыгарууга белсенди?