Индиянын Уттаракханд штатындагы мөңгүнүн козголушу

Индиядагы мөңгүнүн көчүшүнөн каза болгондор 14кө жетти. Кырсыктын видеосу

2061
Учурда издөө иштерин улуттук жана жергиликтүү куткаруучулар, Индо-тибет полициясы жана аскерлер жүргүзүп жатат.

БИШКЕК, 8-фев. – Sputnik. Индиянын Уттаракханд штатындагы мөңгүнүн козголушунан каза болгондордун саны 14кө жетти. Бул тууралуу Чамоли округунун полициясына шилтеме берип РИА Новости жазды.

Жаратылыш кырсыгы 7-февралда болуп, 150 киши дайынсыз жоголгон.

"Учурда туннелде калып кеткендерди куткаруу иштери уланып жатат. 15 киши тирүү табылды. Тилекке каршы, каза болгондор дагы бар. Ар кайсы жерден 14 адамдын сөөгү табылды", — деп полиция Twitter каналы аркылуу жарыялаган.

Маалыматка караганда, мөңгүнүн чоң-чоң бөлүктөрү Алакнанда жана Дхаулиганга дарыяларына түшкөн. Жыйынтыгында андагы суу көтөрүлүп, ылдый жакта жайгашкан Сринагар, Ришикеш жана Харидвар гидроэлектр станцияларына коркунуч жараткан. Дал ошол маалда алар суу сактагычтардагы сууларды шашылыш түрдө агызууга аргасыз болушкан.

Учурда издөө иштерин улуттук жана жергиликтүү куткаруучулар, Индо-тибет полициясы жана аскерлер жүргүзүп жатат.

Куткаруучулар "Тапован" гидроэлектр станциясын куруп жаткан 15 кишини туннелден алып чыгышкан. Азыркы тапта дагы бир туннелден жумушчуларды куткаруу аракети жүрүп жатат. Алдын ала маалымат боюнча, анда 30-35 адам бар.

2061
Белгилер:
көчкү, кырсык, Мөңгү, Индия
Тема боюнча
Индияда мөңгү козголуп, 150 киши дайынсыз болуп жатат
Эл аралык аэропорттогу жүргүнчү. Архив

Кыргызстандын жарандары Россияга негиздемеси жок кириши мүмкүн

16
(жаңыланган 17:24 02.03.2021)
Биринчи вице-премьер Артём Новиков РФ өкмөтүнүн төрагасынын орун басары Алексей Оверчук менен "COVID жок саякатта" программасын талкуулашкан.

БИШКЕК, 2-мар. — Sputnik. Кыргызстандыктар Россиянын аймагына негиздемеси жок кириши мүмкүн. Бул тууралуу өкмөттүн маалымат кызматы кабарлады.

Президент Садыр Жапаровдун 26-февралда Россияга жасаган иш сапарынын жыйынтыгы боюнча биринчи вице-премьер Артём Новиков РФ өкмөтүнүн төрагасынын орун басары Алексей Оверчук менен жолугушкан.

Тараптар Россиянын "COVID жок саякатта" программасына Кыргызстандын катышуусун талкуулашкан. Ага катышууга өлкөнүн медициналык лабораторияларынын Россиянын керектөөчүлөр көзөмөлүнүн талаптарына шайкештигин баалоону макулдашкан.

"Бул чечим кыргыз жарандарынын Россия Федерациясынын аймагына кирүүсү үчүн негиздеме алуу зарылчылыгын жокко чыгарууга мүмкүндүк берери күтүлүүдө", — деп айтылат маалыматта.

Тараптар билим берүү жаатында кызматташууну тереңдетүү маанилүү экендигин айтышкан. Буга байланыштуу кыргызстандык студенттердин Россиянын ЖОЖдорунда билим алуусуна акысыз квоталарды көбөйтүү жана "Россиянын мугалими чет өлкөдө" программасы боюнча РФтин мугалимдеринин санын жогорулатуу жөнүндө макулдашылган.

Кечээ Саламаттык сактоо жана социалдык өнүктүрүү министрлиги Кыргызстан "COVID-19 жок саякатта" санариптик платформага кошулганын билдирген.

16
Тема боюнча
20 жылга кесилет! ИИМдин РФтеги өкүлчүлүгү курьер кызматына жамынгандарга кайрылды
Кыргызстандын президенти Садыр Жапаров Казакстандын мамлекет башчысы Касым-Жомарт Токаев менен болгон сүйлөшүүлөрдүн жыйынтыгы боюнча ЖМКга жасаган билдирүү учурунда

Жапаров Казакстанга жасаган сапары жемиштүү болгонун айтты

146
(жаңыланган 15:45 02.03.2021)
Жапаров Казакстан менен бардык багыттарда өз ара пайдалуу жана жемиштүү кызматташууну өнүктүрүүгө азыркы бийликтин саясий эрки бар экенин белгиледи.

БИШКЕК, 2-мар. — Sputnik. Кыргыз делегациясы Казакстандын жогорку жетекчилиги менен болгон сүйлөшүүлөрдүн жыйынтыгына канааттанат. Мындай билдирүүнү өлкө президенти Садыр Жапаров бүгүн, 2-мартта, Казакстандын мамлекет башчысы Касым-Жомарт Токаев менен болгон сүйлөшүүлөрдүн жыйынтыгы боюнча ЖМКга жасаганын президенттин маалымат кызматынан билдиришти.

Ал сүйлөшүүлөр эки мамлекеттин кызматташтыгынын ырааттуу мүнөздө өнүгөрүн айтты.

Жапаров кыргыз-казак кызматташтыгынын дээрлик бардык багыттары боюнча актуалдуу маселелер кеңири талкууланганын, эки өлкө үчүн маанилүү келишимдер түзүлүп, бир катар чечимдер кабыл алынгандыгын белгиледи.

"Биз мамлекеттердин ортосундагы союздук мамилелерди жана стратегиялык өнөктөштүктү, интеграцияны жана эл аралык бирикмелердеги өз ара байланыштарды мындан ары өнүктүрүүгө жана тереңдетүүгө өзгөчө көңүл бурдук", — деген ал.

Мамлекет башчы казакстандык өнөктөшү Касым-Жомарт Токаевди Кыргызстанга иш сапар менен келип кетүүгө чакырган.

Президент эки өлкөнүн жана эки элдин улуттук кызыкчылыктарын илгерилетүүдө кыргыз-казак жогорку мамлекеттер аралык кеңешке, парламенттер аралык кеңешке жана өкмөттөр аралык кеңешке, жакынкы келечекке пландалган кезектеги жолугушууларды өткөрүүгө чоң үмүт артылганын кошумчалады.

"Казакстан Кыргызстандын негизги соода өнөктөштөрүнүн бири жана көрсөткүчтөрү боюнча Россия менен Кытайдан кийинки, үчүнчү орунда турат. Биз мындан ары дагы зарыл шарттарды түзүп, өз ара сооданы өркүндөтөбүз деп макулдаштык. Сүйлөшүүлөрдө биз тарыхый, маданий, тил жана каада-салт жагынан тамыры бир болгон эки боордош элдин ортосундагы маданий кызматташуу маселелерин талкууладык. Үстүбүздөгү жылы Кыргызстанда Казакстандын маданият күндөрү, ал эми 2022-жылы Казакстанда Кыргызстандын маданият күндөрү өтөт", — деп белгилеген Жапаров.

Ал ошондой эле эки тарапты тең кызыктырган регионалдык жана эл аралык маселелер боюнча пикир алмашып, көп тараптуу кызматташуу форматында биргелешкен иш-чаралар пландаштырылып, ЕАЭБдин алкагындагы өз ара алака маселелери талкууланганына токтолду.

"Жалпысынан кыргыз делегациясы Казакстандын жогорку жетекчилиги менен болгон сүйлөшүүлөрдүн жыйынтыгына канааттанды. Сүйлөшүүлөр кызматташтыгыбыздын ырааттуу мүнөздө өнүгөрүн белгилеп кетким келет. Ошол эле учурда алдыда жасала турган дагы көп иш бар. Бул үчүн бизде Казакстан менен бардык багыттарда өз ара пайдалуу жана жемиштүү кызматташууну өнүктүрүүгө каалоо, умтулуу жана саясий эрк бар", — деген Жапаров.

Президенттин Казакстанга болгон мамлекеттик иш сапарынын алкагында кыргыз-казак эки тараптуу кызматташтыгын мындан ары тереңдетүүгө багытталган бир катар документтерге кол коюлган.

146
Белгилер:
Касым-Жомарт Токаев, иш сапар, Казакстан, Садыр Жапаров
Тема:
Жапаровдун Казакстанга болгон иш сапары
Тема боюнча
Казакстан менен чектешкен жерге логистикалык борбор ачуу пландалууда
Министрликтер тыгыз кызматташат. Жапаров Казакстанда кол койгон документтер