Кытай лидери Си Цзиньпин. Архив

Си Цзиньпин: АКШ менен Кытайдын кагылышуусу ааламга апаат алып келет

550
(жаңыланган 11:27 11.02.2021)
Кытай Эл Республикасынын төрагасы Си Цзиньпин АКШнын жаңы президенти Жо Байден менен алгачкы жолу телефон аркылуу сүйлөштү.

БИШКЕК, 11-фев. — Sputnik. Кытай менен АКШнын кагылышуусу бүткүл дүйнөгө катастрофа алып келет. Бул тууралуу Кытай лидери Си Цзиньпин АКШнын президенти Жо Байден менен алгачкы жолу телефон аркылуу сүйлөшүүсүндө айтканын РИА Новости жазды.

"Кытай менен АКШнын кызматташуудан башка аргасы жок. Эки өлкөнүн араздашуусу бүткүл дүйнөгө катастрофа алып келет. Андыктан Пекин менен Вашингтон Азия-Тынч океан регионунда тынчтык менен туруктуулукту биргеликте сакташы керек", — деди Си Цзиньпин.

Ал эми Байден Пекиндин аракеттерине тынчсызданып, АКШнын кызыкчылыктарын коргой турганын билдирди.

"Президент Байден Пекиндин экономикалык жактан мажбурлоо саясатына башынан эле тынчсызданарын айтты. Ошондой эле Гонконгдогу куугунтук, Синьцзяндеги адам укуктарынын бузулушу жана Тайвань маселеси ойлондурары кошумчаланды", — деп айтылат Ак үйдүн билдирүүсүндө.

Буга Кытай башчысы Тайвань, Гонконг жана Синьцзян маселеси Кытайдын ички иши экенин жана АКШ анын кызыкчылыктарын сыйлашы керектиги айтып, жооп кайтарды.

Кытай тараптын билдирүүсүнө караганда, эки лидер тең бул сүйлөшүү бүткүл дүйнөгө позитивдүү белги берди деп эсептөөдө.

550
Белгилер:
сүйлөшүүлөр, мамиле, АКШ, Кытай, Жо Байден, Си Цзиньпинь
Тема боюнча
Юань менен евро долларды кысмакка алууда. АКШ санкциянын азабын тартабы
Ким Чен Ын АКШны душман деп атап, Россия менен достошкусу келгенин айтты
АКШдагы Улуттук баскетбол лигасынын (NBA) мурдагы оюнчусу, атактуу Шакил О'Нил. Архив

Шакил О'Нил рестлингдеги дебютунда рингден кулап, Тез жардам алып кетти. Видео

86
Бул NBA легендасынын аталган шоудагы дебюттук кармашы болгон. Таймаштан соң аны тез жардам унаасы ооруканага алып кеткен.

БИШКЕК, 5-мар. — Sputnik. АКШдагы Улуттук баскетбол лигасынын (NBA) мурдагы оюнчусу, атактуу Шакил О'Нил All Elite Wrestling рестлинг-промоушенине чыгып рингден кулап түштү. Бул тууралуу Eurosport маалымат булагы жазып, окуянын видеосун чыгарды.

NBA легендасы дебюттук кармашында Жэйд Кэргилл менен биргеликте Коди Родес менен Рэд Велветке каршы турган.

Таймаштын жүрүшүндө Родес күүлөнгөн бойдон тулку бою менен секирип, рингдин сыртында турган Шакилге урунган. Баскетболчу атаандашын кучактаган бойдон кулап, жердеги столдун таш-талканын чыгарышкан.

​Таймаштан соң алп баскетболчуну тез жардам унаасы менен ооруканага алып кетишкен.

​Калыстардын чечими менен жеңиш О'Нил менен шериги Кэргиллге ыйгарылган.

Рестлинг — бул театрлаштырылган спорттук шоу болуп саналат. Анын сценарийи шоу учурунда иштелип чыгат же алдын ала ойлонуштурулат.

Шакил О'Нил — Улуттук баскетбол лигасынын төрт жолку чемпиону. Анын бою 2 метр 16 сантиметр болсо, салмагы 147 килограмм. Ал NBA мелдешинин тарыхында эң көп упай алган алты спортчунун бири болуп эсептелет.

86
Белгилер:
Шакил О'Нил, оорукана, тез жардам, жаракат, окуя, дебют
Тема боюнча
Тай бокс чебери атаандашын санга тээп нокаутка кетирди. Видео
Кыргызстандык окумуштуу Асел Сартбаева. Архив

Кыргызстандык окумуштуу Асел Сартбаевага Британияда беделдүү сыйлык ыйгарылды

85
(жаңыланган 12:04 05.03.2021)
Сынактын калыстары кыргызстандык илимпозду "технология тармагында революция жасаган феноменалдуу аял" деп атаган.

БИШКЕК, 5-мар. — Sputnik. Кыргызстандык окумуштуу Асел Сартбаева беделдүү FDM Everywoman in technology академиялык сыйлыгына татыды. Бул туурасында Everywoman уюмунун сайтына жарыяланды.

Аталган уюм илим, технология, инженерия жана математика менен алектенген көрүнүктүү аялдарга жыл сайын наам ыйгарат. Быйыл калыстар тобу Сартбаеваны "Жылдын мыкты айымы" номинациясынын жеңүүчүсү деп тапты. Кыргызстандыктын новатордук эмгеги технология тармагында карьера жасаган аялдарды шыктандырып, үлгү болгону белгиленген.

"Анын иштеп чыккан технологиясы сыйлыкка татыды. Бул вакцинаны жеткирүү жана сактоо алда канча жөнөкөйлөтүлгөнүнөн кабар берет. Ал технология тармагында революция жасаган феноменалдуу аял", — деп жазган уюм.

Асел Сартбаева Бат университетинин химия боюнча профессору жана Улуу Британиянын Королдук илимий коомчулугунун мүчөсү болуп иштейт. Ал вакциналарды ар кандай температурада сактоонун коопсуздугун камсыздоо жаатында новатордук изилдөө менен алектенет.

Буга чейин Сартбаева курамына кирген Улуу Британиянын окумуштуулары жылуу температурада чектөөсүз сактоого шарт түзгөн кургак учуктун белок компонентиндеги вакцинасы үчүн таңгактын жаңы түрүн иштеп чыгышкан.

Учурда ал Кембридж жана Оксфорд университеттеринде эмгектенет. 2019-жылы "Вакциналар: кансыз согуштун аякташы" деген эмгеги үчүн Англияда Хансон атындагы медаль алган.

85
Белгилер:
Асел Сартбаева, сыйлык, Улуу Британия, окумуштуулар
Тема боюнча
Кыргызстандык инженер Англияда химия боюнча абройлуу сыйлыкка татыды
Колл-центрдин оператору иш учурунда. Архив

Ишкерлерге басым болсо чалыңыз. Прокуратуранын аймактык бөлүмдөрүнүн номери

5
(жаңыланган 15:43 05.03.2021)
Эми ишкерлер жеке бизнеске укук коргоо, фискалдык жана көзөмөл органдары негизсиз кийлигишсе түз арыздана алышат.

БИШКЕК, 5-мар. — Sputnik. Башкы көзөмөл органы аймактардагы прокуратура бөлүмдөрүнүн ишеним телефондору иштей баштаганын маалымдады.

Анын максаты жеке бизнеске укук коргоо, фискалдык жана көзөмөл органдары негизсиз кийлигишип, ошондой эле ишкерликке тоскоолдук жаратып жатса түз арыздануу үчүн шарт түзүүгө багыттталганы белгиленет. Ага ишкерлер күнү-түнү чала алышат.

"Мамлекет башчы Садыр Жапаровдун "Менчикти коргоо жана ишкерлер менен инвесторлорду колдоо жөнүндөгү" жарлыгын аткаруу максатында аймактарда дагы ишеним телефону иштеп баштады. Буга чейин Башкы прокуратуранын дагы  ишеним телефону (0312) 88-90-33, 0500 19-20-54) ачылганын эскертет", — деп айтылат маалыматта.

Аймактык прокуратура органдарынын номери:

  • Баткен облусу — 0777 41-77-45, 0999 04-77-77;
  • Жалал-Абад облусу — 03722 5-54-00, 03722 5-30-29;
  • Нарын облусу — 03522 5-15-64, 0706 01-92-53;
  • Ош облусу — 03222 4-84-04, 0995 01-10-10;
  • Талас облусу — 03422 5-31-83, 0555 088408;
  • Чүй облусу — 0312 60-31-10;
  • Ысык-Көл облусу — 03922 5-12-93;
  • Бишкек шаары — 0312 32-34-15, 0552-20-20-02;
  • Ош шаары — 03222 7-05-18, 0771 45-05-96;
  • Транспорт прокуратурасы — 0312 56-78-99 (кошулуу номери 2209), 0553 21-07-62.
5
Белгилер:
ишеним телефону, колдоо, ишкер, Башкы прокуратура
Тема боюнча
Марипов: бизнесмендер менен күнү-түнү байланышууга даярмын. Сүрөт
Башкы прокуратура ишкерлер үчүн күнү-түнү жооп берген ишеним номерлерин жарыялады