Ымыркайдын курчагы. Архив

Төрөгөн эгиздерим чарчап калды деп ордуна куурчак ороп... Дагестандагы окуя

252
(жаңыланган 12:20 12.02.2021)
Келин Ставрополь шаарындагы перинаталдык борбордо төрөгөнүн, бирок ымыркайлар чарчап калганын айткан. Кийин алардын сөөгүн жашыруу үчүн күйөөсү үйүнө алып кеткен.

БИШКЕК, 12-фев. — Sputnik. Дагестандык келин күйөөсүн кош бойлуумун деп алдап, кийин "эгиз балдардын" ордуна куурчактарды ороп койгон. Окуянын чоо-жайын жергиликтүү ЖМКларга шилтеме берип РИА Новости жазды.

Маалыматка караганда, келин Ставрополь шаарындагы перинаталдык борбордо төрөгөнүн, бирок ымыркайлар чарчап калганын айткан. Кийин алардын сөөгүн жашыруу үчүн күйөөсү үйүнө алып кеткен.

Качан гана алардын сөөгүн жерге берерде оромолдун ичинде бала эмес, куурчактар экени билинген. Ошондой кийин гана келин төрөбөгөнүн мойнуна алып, боюнда болбой жаткандыгы үчүн күйөөсүн капаланткысы келбегенин айткан.

"Келинимдин акыл-эси жайында, жакшынакай эле адам экенин билем. Мен дагы үч баланы төрөгөн аял катары баары жасалма экенин билбей калганыма таң калып турам. Мага түйүлдүк кыймылдап жатканын көп айтчу. Бирок ал бизде өлгөн кишини көмөрдө бетин ачып коюу салтыбыз бар экенин билбесе керек", — деген аялдын кайненеси.

Маалыматта мындан кийин үй-бүлө кандай чечим кабыл алганы айтылган эмес.

252
Белгилер:
куурчак, бала, келин, Дагестан
Тема боюнча
Үлпөт той үчүн "оорудум" деп анткорлонуп акча чогулткан келин. Британиядагы окуя

Казакстандык жана украиналык футболчулар мушташа кетип, оюн токтоду. Видео

7
(жаңыланган 16:09 01.03.2021)
Казакстандык "Окжетпес" жана украиналык "Верес" футбол клубдарынын беттеши массалык мушташтан улам токтотулду.

Жолдоштук беттеш Түркиянын Белек аймагындагы машыгуу базасында өткөн.

Оюн достук маанайда башталып, казакстандыктар эсепти ачкан. Биринчи бөлүктүн 29-мүнөтүндө украиналыктардын коргоочусу Дмитрий Немчанинов орой ойноп, казакстандык оюнчу ага каршы атырылган. Чырды токтотуунун ордуна алмашууда турган оюнчулар, машыктыруучулар штабы оюн талаасына чуркап чыгып, мушташа кетишкен.

Калыстар оюнду токтотууга аргасыз болушкан. Эсеп 1:1 болчу.

Кийинчерээк "Окжетпес" клубу бул ички чемпионатка карата даярдык иретинде өткөрүлгөн беттеш экенин билдирген.

"Матч бейрасмий экенине карабай орой жана кооптуу өттү. Мындай оюндан кийин жаракат алган оюнчу футболго жараксыз болуп калышы да толук мүмкүн. Беттеш токтотулуп, командалар тарап кетти", — деген казакстандык команда.

Өз кезегинде "Верестин" башкы машыктыруучусу Юрий Вирт мындай чырдын чыкканына казакстандыктардын ашкере орой ойногону себеп болгонун айтты.

7
Белгилер:
мушташ, беттешүү, Түркия, Украина, Казакстан, футбол
Тема боюнча
Бразилия чемпионатынын финалында футболчулар массалык мушташ чыгарышты. Видео
Кыргызстандын президенти Садыр Жапаров Казинформ агенттигине берген маек учурунда

Жапаров: бала кезде Брежневдей болом деп кыялданчумун

23
(жаңыланган 16:06 01.03.2021)
Мамлекет башчы мурдатан эле президент болуу максаты бар экенин, бирок качан ишке ашарын билбегенин ачык айткан.

БИШКЕК, 1-мар. — Sputnik. Бала кезде СССРдин башчысы Леонид Брежневдей болууну кыялдангам. Бул тууралуу президент Садыр Жапаров Казакстандын "Казинформ" маалымат агенттигине берген маегинде билдирди.

Сөз башында эле журналист мамлекет жетекчисинен "жарым жыл мурун кыргыз элин башкарам деп ойлодуңуз беле?" деген суроо узаткан.

"Жарым жыл мурун эле эмес, эгер чынын айтсам, ата-энем КПССтин съездин көрөт эле. Бир тууган эжем Жогорку Кеңешке депутат болчу, КПССтин съезди болгон сайын Москвага кетчү. 4-5-класста болсо керек, мен дагы ата-энеме кошулуп кызыгып телевизор көрөр элем. Брежнев сүйлөп жатса, мен дагы Брежневдей болом дечүмүн. Ичимде ушундай кыялым болгон", — деп жооп берди ал.

Ошондой эле ал мурдатан эле президент болуу максаты бар экенин, бирок качан ишке ашарын билбегенин кошумчалаган. Мындан тышкары, кан төгүүгө жол бербей, тынчтыкты сактап калганына сүйүнөрүн билдирген.

23
Белгилер:
Леонид Брежнев, кыял, президент, Садыр Жапаров
Тема:
Жапаровдун Казакстанга болгон иш сапары
Тема боюнча
Садыр Жапаров Казакстандан кийин Кытай, Түркияга иш сапар менен барат
Жапаров үй-бүлөсүнүн Кытай менен эмне байланышы бар экенин айтып берди