Европа биримдигинин Тышкы иштер жана коопсуздук саясаты боюнча жогорку өкүлү Жозеп Боррел

Европа Россия мамилеси: Боррелдин сапары алдын ала чалгындоо беле?

127
(жаңыланган 11:31 14.02.2021)
Февраль Европа үчүн "аптаптуу" болду. Брюссель Россияга кандай мамиле кыларын аныктай албай түйшөлүп, ал эми Берлинде улуттук сыймык баалуубу же россиялык газбы, Навальныйдын элесиби же америкалык президенттин алдында ийилүүбү деген талкуу жүрүүдө.

Европалык дипломатия башчысынын РФке болгон сапары биримдикти бир катар жаңжалдарга кептеди. Серепчи Павел Данилин ЕБдеги акыркы абалга байкоо салган.

Өткөн аптада Москвага келген Европа биримдигинин Тышкы иштер жана коопсуздук саясаты боюнча жогорку өкүлү Жозеп Боррелдин мекенине кайтышы бир катар жагымсыз билдирүүлөр менен коштолду. Россияга карата жаңы санкцияларды демилгелөөнү убада кылып, бул маселе ЕБ ТИМ башчылар кеңешинин жыйынында 22-февралда каралмакчы.

Андан кийин Европарламенттин пленардык жыйынында сүйлөп жатып Боррель Россия "үмүттөрдү актаган жок" жана "заманбап демократияга айлана албады" деп билдирди.

Европалык бюрократтын нааразычылыгынын негизги себеби таарынычтардан улам болгону түшүнүктүү. Анткени алдамчылыкка айыпталып камакка алынган Навальный менен жолугушууга уруксат берилбеди, ошондой эле испаниялык карыянын аны бошотуу өтүнүчү аткарылбады.

Кремль андай асылууларга тез жана кыйла катаал жооп кайтарды. Боррелдин билдирүүсү боюнча: "Биздеги маалыматка караганда, Москвада сүйлөшүүлөр Европада айтылган темадан да алда канча маңыздуу өткөн", — деди РФ президентинин басма сөз катчысы Дмитрий Песков. Навальныйды колдонуу менен Москванын кыжырына тийүү аракетинен майнап чыкпады. Россиянын жетекчилиги европалык аткаминерлерге ылайыкташпады, РФ менен ЕБдин ортосундагы өз ара мамиледеги көйгөй жоктой түр көрсөтпөдү. Баары болушунча ачык өткөн. Россия ТИМ башчысы Сергей Лавров европалык дипломатиянын өкүлүнө Европа биримдиги ынанымсыз өнөктөш экенин бетке айтты. Ага жооп иретинде ЕБ "Навальныйдын командасын колдой турганы" айтылды.

Мындай сапардан кайткан Боррель ар тараптан талоонго калды. Бир жагынан дипломаттын ишине Европарламентте ага тоскоолдуктарды жараткан радикалдардын ичи чыккан жок. Экинчи тарабынан Россия менен тирешүүдөн чарчаган европалык саясатчылар да Боррелге нааразы болушту. Буга Герхард Шредер, Франк-Вальтер Штайнмайер жана Хайко Маастын сөздөрүн мисал келтирүүгө болот. Алардын баары Москванын кыжырына тийүү аракети геосаясий кырсыкка алып келерин билдиришти.

Белгилүү болгондой, саясат – экономиканын уландысы. Боррелдин Москвага болгон сапарын дал ушул өңүттөн караган оң. Навальныйдын иши өңдүү эле европалык аткаминердин сапары — "Түндүк агым – 2" долбоорунун айланасындагы эл аралык жаңжалдын уландысындай болуп калды. Кыскача эске салсак, "Түндүк агым – 2" — Россиядан Балтий деңизи аркылуу Германияга чейинки 1234 чакырымдык узундукта (эки линия боюнча – 2468 чакырым) курулуп жаткан магистралдык газ түтүгү, "Түндүк агым" газ түтүгүнүн кеңейтилиши болуп саналат. Ал беш өлкөнүн, атап айтсак, Германия, Дания, Россия, Финляндия жана Швециянын территориалдык суулары жана экономикалык аймактары гана аркылуу өтөт.

Россиялык тилке үчүн түтүктүн узундугу 118 чакырымга, фин тилкеси — 374, швед тилкеси — 510 чакырым, даниялык тилке — 147 чакырым, ал эми германиялык тилке үчүн 85 чакырымга созулат.

Долбоорго далай жолу тоскоол этүүгө аракет кылышкан, бирок ал азыр бүтө жаздап калды. Кыязы бул океан ар жагындагыларга жакпай калды өңдөнөт. Аларды ушунчалык санаага салганын мындан билиңиз, 2019-жылы АКШ сенатынын куралдуу күчтөрүнүн комитети 2020-жылга аскердик бюджетинин долбоорун жарыялаган. Анда россиялык энергетикага карата санкциялар каралган. Алардын бутасында – дал "Түндүк агым – 2" долбоору. Санкцияга россиялык газ түтүгүн койгон чет элдик кемелер да кабылган. Анткен менен Кошмо Штаттардын бул багыттагы көз карашы Европада кеңири колдоого татыган жок. Айрыкча россиялык газга негизги кызыкдар тарап болгон Германия буга макул эмес.

Америкалык санкциялар киргизилгенден кийин, тагыраак, 2020-жылдын 11-январында РФ президенти Владимир Путин менен сүйлөшүүлөрдүн жыйынтыгы боюнча биргелешкен маалымат жыйынында Германиянын канцлери Ангела Меркель "Берлин "Түндүк агым – 2" долбооруна каршы санкцияларды четке кагарын, долбоор "коммерциялык" жана "туура" экенин белгилеп, "аны бүтүрүү зарыл" деп билдирген.

Американын кысымы жана алардын "Түндүк агым – 2" долбооруна каршы антироссиялык санкцияларга кошулуу талабы – эконокамикадан тышкаркы каражаттар менен жүргүзүлгөн атаандаштык күрөштүн бөлүгү гана экенин немецтер жакшы түшүнөт. Кошмо Штаттар россиялык газды европалык рыноктон сүрүп чыгарып, өздөрүндө өндүрүлгөн суюлтулган газды сатууга даяр. Анын кымбатыраак болору баарына белгилүү, бирок бул ойдун демилгечилеринин пикиринде, Европа Кремль тараптан "газ шантажынан" кутулат. Ошону менен бирге эле америкалыктар Россиянын өзүндө "демократиялык баалуулуктардын коргоочусу" катары көрүнүшөт.

АКШ кайсы шантаж тууралуу айтып жатканы түшүнүксүз, анткени "Газпром" Батыштагы өнөктөштөрүнүн алдындагы өз милдеттенмелерин так, өз убагында, бардык мыйзамдарды жана рынок экономикасынын эрежелерин сактоо менен аткарат. Океан ар жагындагы өнөктөштөрүнүн Берлинди кысмакка алуу боюнча көптөгөн аракеттерине карабастан, былтыр германиялык тараптын позициясы анчалык деле өзгөргөн эмес. Мурдагы немец аткаминерлери бул биргелешкен газ долбоору экономикалык долбоор болуп саналарын баса белгилеп, буга Европа өз саясатын аралаштырууга ниеттенбегенин айтышкан. Бирок күздөн тарта Россияга чабуул күч алып барат. Санкция коркунучунан сырткары "оор артиллерияны" багытташты, анын бир дүрмөтү Навальный иши болду. Кезектеги снаряды – Боррелдин Москвага болгон сапары. Бул визитти Россиянын мүмкүнчүлүктөрүн чектөө жана анын өнүгүшүнө тоскоолдук жаратуу боюнча АКШнын аракеттеринин жалпы өңүтүндө кароо керек. Европада америкалык кызыкчылыктарды коргогон бир далай саясатчы бар. Арасында РФти ийкемдүү кылууга, бардык ыкмалар менен мажбурлоого даярлары да жок эмес. Алексей Навальныйдын окуясы европалык бюрократтардын ушундай тобуна кысым көрсөтүп жана соодалашмай үчүн ыңгайлуу шылтоодой көрүнгөн. Ага Москва кескин жооп кайтарып, Навальныйдын тегерегиндеги окуялар Россиянын ички иши экенин, ушул нукта сырттан көрсөтүлгөн кысымга жол берилбестигин билдирди. Дегеле бул маселеге газ келишимдеринин кандай тиешеси бар? Антсе да Боррелдин сапары "ит үрө берет, кербен жүрө берет" деген макалды тастыктады. Жакында эле газ түтүгүнүн даниялык тилкесин бүткөрүү мөөнөтү ачыкталды. Тийиштүү маалымат Дания деңиз башкармалыгынын сайтында деңизде сүзүүчүлөр үчүн жарыяланган кулактандырууда айтылат.

Январь айында башталган "Түндүк агым – 2" газ түтүгүнүн Даниядагы тилкесиндеги курулушу быйыл апрелде аяктоого тийиш. Ал эми бундестагда Германиянын тышкы иштер министри Хайко Маас Россияга жаалданган парламентарийлерге газ түтүгүнөн баш тартуу геостратегиялык жактан бүлгүн саларын, андан Германиянын атаандаштары пайдаланып кетерин түшүндүрдү.

"Бизден бул курулушту токтотууну талап кылган мамлекеттер бар, ошол эле учурда өздөрү Россиядан газ импорттоону жогорулатууда", — деп белгилейт ал. Долбоор ишке ашырыларына ФРГнын вице-канцлери Олаф Шольц да, Австриянын канцлери Себастьян Курц да көзү жетерин айтышты. Ошентип Боррелдин сапары Евробиримдикте русофобиянын жаңы толкунун жанданта алган жок. Бирок бул алдын ала чалгындоо деп да баалоого болот. 22-февралда Европа биримдигинин ТИМ башчыларынын жолугушуусунда Москваны бардыгына айыптап, марттагы саммитте келишимдерди бекитүүгө тырышат.

Кремлдин ырааттуу катаал позициясы гана батыштагы өнөктөштөрүнө реалдуу коркунучка олуттуу кароого мүмкүндүк берет. Ансыз да муну көптөгөн немец саясатчылары эскертип келе жатпайбы. Европа өлкөлөрү менен РФтин алакасы көптөн бери мынчалык төмөн деңгээлге түшө элек болчу. 1922-жылдагы Раппалого чейинки абалдан түзүгүрөөк, бирок 1975-жылы Европадагы Коопсуздук жана кызматташтык жыйынынан кийинки деңгээлден начар. Экономика менен географияны эч ким, ал түгүл Брюсселдеги аткаминерлер да жокко чыгара алышпайт.

Россия жана Европа коңшу бойдон калышат, ошондуктан экономикалык байланыштарын үзүп салууга болбойт. Андай көрүнүш кансыз согуш доорунда РФтин коңшуларынын эң катаал тирешинде да орун алган эмес. Саясат экономикалык байланыштарга таасир этет, бирок "битке өчөшүп, көйнөгүн отко салуу" принциби боюнча инфантилдик саясат адатта олуттуу мамлекет жана саясатчыларга мүнөздүү эмес.

127
Белгилер:
коопсуздук, Түндүк агым - 2, демократия, стратегия, сапар, санкциялар, Европа, Россия
Тема боюнча
Европа РФ менен мамилесин жана өз келечегин сактоого тырышат. Сереп
Кыргызстан курама командасынын жарым коргоочусу, Казакстандын Кайрат клубунун футболчусу Гүлжигит Алыкулов. Архив

"Кыргызстандык Месси" Казакстанда керемет гол киргизди. Видео

349
(жаңыланган 19:08 03.03.2021)
Гүлжигит Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп гол киргизген.

БИШКЕК, 3-мар. — Sputnik. Кыргызстан курама командасынын жарым коргоочусу, Казакстандын "Кайрат" клубунун футболчусу Гүлжигит Алыкулов кезектеги кооз голу менен өзгөчөлөндү. "Кыргызстандык Месси" Казакстандын кубогу мелдешинде "Тобол" клубу менен беттеште киргизген голунун видеосун КРдин футбол союзу Instagram баракчасына чыгарды. 

Посмотреть эту публикацию в Instagram

Публикация от The Kyrgyz Football Union (@kfu_kg)

Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп, керемет гол киргизген. Дарбазачы кыргызстандык футболчунун соккусуна эч кандай каршылык көрсөтө алган эмес.

Буга чейин ал командалашына ыңгайлуу голдук пас чыгарып берген.

349
Белгилер:
Казакстан, гол, кооз, Гүлжигит Алыкулов, футбол
Тема боюнча
Чимирилип тээп. УЕФАнын Чемпиондор лигасындагы суктанткан голдун видеосу
Эки жылдык тыныгуудан соң Бишкекте футбол боюнча эл аралык мелдеш өтөт
Йемендик козголоңчу-хути Санадагы мечиттин алдында жолдошторун акыркы сапарга узатууда. Архив

АКШ саудиялыктарды жазалоону чечти. Мындан Россия менен Иран утабы?

189
Сауд Аравиясы Кошмо Штаттар менен болгон алакасынын оор дооруна кептелчүдөй. АКШнын Улуттук чалгындоо кызматы 2018-жылы журналист Жамаль Хашукжинин өлтүрүлүшү жөнүндөгү докладын жарыялагандан кийин Ак үй жаңы стратегиясын чыгарды.

Америкалыктар Йемендеги согушту токтотууну жана адам укуктарын коргоону талап кылууда. Вашингтон канчалык чектен ашары жана Эр-Рияд тарабынан ага кандай жооп кайтарыларына Софья Мельничук, Галия Ибрагимова сереп салган.

"Санкцияланбаган" ханзаада

Күтүлгөндөй эле кезектеги билдирүүлөр америкалык бийликтин көз карашын гана толуктады. АКШ Мамлекеттик департаментинин башчысы Энтони Блинкен 76 саудиялык жаранга визалык чектөөлөр боюнча маалымдады. Алар "чет өлкөдөгү диссиденттерди коркутууга, анын ичинде Хашукжинин өлүмүнө катыштыгы бар" деп шектелет. Жеке санкциялар аталган мамлекеттин Жалпы чалгындоо кызматынын жетекчиси Ахмад аль-Асириге да берилген.

АКШнын Чалгын кызматынын докладында саудиялык бийликтин сынчысы, The Washington Post авторунун ырайымсыздык менен өлтүрүүгө мураскер ханзаада Мухаммед ибн Салмандын да тиешеси бар. Анын макулдугу менен журналистти Сауд Аравиясынын Стамбул шаарындагы консулдугунун имаратынан уурдап кетишкен. Кийин анын сөөгүн жиликтеп салышканы айтылат, андан аркысы эч кимге белгисиз. Королдуктун Тышкы иштер министрлиги бул айыптоолорду таптакыр четке какты. Жаңы президент Жо Байден шайлоо убагындагы дебаттарда Эр-Риядды кодулай турганын убада кылганы менен мураскер ханзаадага жеке санкциялар салынган эмес. Бул күдүк ойлорду жаратат.

"Менимче, бир адам менен эмес, бүтүндөй өлкө менен алака артыкчылыктуу экенин түшүнүү зарыл", — дейт Блинкен. Анын айтымында, администрация Сауд Аравиясы менен мамиле кайра каралат, бирок алар баары бир маанилүү, АКШ аларга өзгөчө кызыкдар.

"Биз королдукту коргоону жактайбыз", — деп кошумчалайт Блинкен. Ал түшүндүргөндөй, Эр-Рияд көбүнесе Кошмо Штаттардын көздөгөнү жана баалуулуктарына жооп берчү.

Мамкатчы Эр-Рияддын америкалыктардан алып жаткан жардамын, Йемендеги кырдаалды ажырата билүүсү Ак үй үчүн принципиалдуу экенин баса белгиледи. Саудиялыктар ал жакта хуситтердин шииттик кыймылына каршы президент Абу Рабу Мансур Хадинин өкмөтүн колдоп келет. Вашингтон америкалык куралды үчүнчү өлкөлөрдөгү согуш талаасында колдонулбаганын ырастап алгысы келет.

Чабуулдан коргонуу

Америкалыктардын мунайды королдуктун коргонуу багытын камсыздоо милдеттенмеси менен алат, эки өлкөнүн мамилеси ушуга негизделген. Сауд Аравиясы — америкалык курал-жаракты сатып алуучулардын эң ири өкүлү. Өнөктөштүк эки тараптын тең стратегиялык кызыкчылыктарын камсыз кылат. Бирок демократия, адам укуктары өңдүү баалуулуктар маселесинде мамлекеттер эки башка көз карашта. Барак Обаманын президенттигинин акыркы жылдарында союздаштык "пикирлердин ажырымына" тушуккан. Салмандын жеке кеңешчиси мамилени дал ушундай мүнөздөгөн. Алар Сауд Аравиясынын чөлкөмдөгү негизги атаандашы Иранга болгон АКШнын багытына да тиешелүү эле.

Эки өлкөнүн чалгындоо кызматтары коопсуздук тармагында ийгиликтүү кызматташып келсе да, монархияны сындагандар менен күрөшүүдөгү саудиялык ыкмалар Кошмо Штаттарга жаккан эмес. Ага йемендик көйгөй да кошул-ташыл болду.

Ак үй америкалык курал пайдаланылган деп болжонгон согуштук аракеттердин курмандыктарынын санына тынчсызданган. Бийликке Дональд Трамптын келиши менен мамиле жакшырып калган. Болбосо ал кызматына киришкенче жакынкы чыгыштык өнөктөшүн анчалык жактырбай, королдуктун "күйөрманы эмес экеним анык", "Кошмо Штаттар саудиялык террорчуларга кол кабыш кылбоого тийиш" деп келген. Кандай болсо да, Трамп алгачкы расмий сапарын дал Эр-Рияддан баштаган. Анын мөөнөтү аяктаган АКШ Мамдепартаменти хуситтерди террордук уюм деп тааныган.

Мураскер ханзаада менен экс-президенттин ортосундагы жакын мамиле көбүнесе анын күйөө баласы жана кеңешчиси Жаред Кушнер аркылуу түзүлгөн. Хашукжинин өлүмү жөнүндөгү доклад мурунку администрациянын тушунда эле даярдалган, болгону аны жарыялашкан эмес.

"Трамп Вашингтондун милдеттенмелерин азайтуу үчүн союздаштарын инвестициялоого басым жасаган. Өнөктөштөрү, анын ичинде Сауд Аравиясы дагы көбүрөөк курал сатып алып, чөлкөмдөгү окуяларга жоопкерчиликти алууга тийиш болчу", — деп түшүндүрөт Москва мамлекеттик эл аралык мамилелер институтунун алдындагы Перспективдүү америкалык изилдөөлөр борборунун директору Максим Сучков. Кошмо Штаттар бул вазыйпа үчүн аларды аскердик-саясий жактан калкалап, союздаштарынын маанилүү демилгелерин кубаттап келген.

"Азыр Трампты жектегендер эмне гана дешпесин, мамилелердин ушундай формуласын эки партия тең кабыл алган. Хашукжинин өлүмүнөн кийин демократтар республикачыларды сындап жатып калган. Сауд Аравиясындагы адам укуктарынын бузулушуна көз жумуп, Йеменде саудиялыктардын жана алардын союздаштарынын ырайымсыз операциясын этибарга алышкан эмес деп айыпташкан. Болбосо аны Обаманын тушунда демократтар өздөрү кубаттап, президент Кушнердин күйөө баласы менен мураскер ханзааданын ортосундагы "жылуу мамиле" үчүн жемелешкен эле", — деп эскерет Сучков. Бул Мухаммед ибн Салмандын жазасыз каларына, кандай маселе болбосун Вашингтон менен акча аркылуу чече аларына ишендиргенин белгилешкен демократтар.

Жаңы администрациянын келиши менен бул багыт өзгөрөрүн болжошкон, алар күткөндөй эле биринчи кадамдар жасалды. Байден Йемендеги чабуул коюучу операцияларды колдоону, анын ичинде курал экспорттоо эсебинен кол кабыш кылууну токтоторун кабарлады. Былтыр декабрда кол коюлган макулдашуулар боюнча 290 миллион долларга үч миң GBU-39 таамай тийчү бомбаны, ошондой эле 478 миллион долларга жети миң Paveway IV бомбасы берилери маалымдалган. Ак үйдүн чечими бул келишимдерге да таасир этет.

Вашингтон Йемен жаңжалын дипломатиялык жол менен чечерин жарыялады. Андан тышкары, февралда хуситтерди террордук топтордун тизмегинен чыгарышты.

Жаңы бурулуш

Анткен менен эки өлкөнүн мамилелеринин толук кайра каралышы жөнүндө айтууга болбойт деп боолголошот эксперттер. "Тилдешет, жемелешет, бирок кызматташуу кайра каралбайт", — деп эсептейт Жакынкы Чыгыш боюнча адис Алексей Хлебников. Анын айтымында, стратегиялык планда эч нерсе өзгөрбөйт.

Эл аралык иштер боюнча Россиялык кеңештин жакынкы чыгыштык долбоорлорунун менеджери Руслан Мамедов да ушундай пикирде.

"Обаманын убагынан бери эле америкалыктар энергетика жаатында өстү, дүйнөдө мунай казуу боюнча алдыга чыгып, бул багытта Сауд Аравиясынан мурдагыдан азыраак көз каранды, — дейт эксперт. — Жаңы администрациядагы айрым адамдар АКШнын тышкы саясаты боюнча башкача көз карашта. Алар чөлкөмдөгү бир нече державага таянуу менен бир аз колун бошотуу үчүн тышкы саясатын кайра тең салмактап чыгууну жакташат".

Мамедов аймак ичиндеги абал көбүнесе ирандык өзөктүк келишимдерге жараша болот деп эсептейт. Эр-Рияд — Тегеран менен болгон мамиледе АКШнын негизги өнөктөштөрүнүн бири. Эгер Сауд Аравиясына алар тараптан катаал чара көрүлсө, мындан автоматтык түрдө Иран утат. Хашукжинин өлүмүнө тиешеси барларды жазалоо үчүн Кошмо Штаттар мындай тобокелдикке барбасы анык.

Соңку он жылда чөлкөмдө бир нече окуя болду. Тунис жана Египеттеги толкундоолор, кийин Египеттеги төңкөрүш... Ушундан кийин Каирге америкалык аскердик жардам убактылуу токтотулган. Акыркысы Иран менен түзүлгөн келишим. Мунун баары "королдукту, анын ичинде Сауд Аравиясын, мисалы, Россия жана Кытай өңдүү ири державалар менен дипломатиялык алакаларын диверсификациялоого жана байланышты чыңдоого түрттү" деген пикирде саясат таануучу Алексей Хлебников.

Москва да Эр-Риядга курал-жарак сатат: 2019-жылы алгачкы партиялары берилген. Ал эми бул туурасында эки тарап 2017-жылы макулдашкан. Ошондо королдук Россия менен ТОС-1А оор огнемёттук тутумдары, "Корнет-ЭМ" танкка каршы коргонуучу комплекстери, АГС-30 гранатомёттору жана АК-103 Калашников автоматтарын сатып алуу жана өндүрүштү уюштуруу жөнүндө меморандумга кол коюшкан. 2021-жылдын башында саудиялыктар россиялык С-400 зениттик-ракеталык комплекстерин жана Су-35 истребителин сатып алары мүмкүн экени айтылган.

Эксперт Мамедов: "Эр-Рияддын Москва менен мамилесинде ОПЕК+ келишиминин таасирин да эске алуу кажет. Бул эки тарапка тең көп каражат табууга мүмкүндүк түзгөн. Абдан прагматикалык өңүт, баары өз энчисиндеги пайдасын алат", – дейт. Анткен менен Владимир Путиндин Сауд Аравиясына же король Салмандын Россияга иш сапарлары көп учурда Вашингтон менен оюндарда инструмент катары каралат.

Монархия америкалыктарга чөлкөмдө көйгөй жаратуу мүмкүнчүлүктөрүнө ээ экенин белгилейт Мамедов. Бирок түпкүлүгүндө баары АКШ Эр-Рияд үчүн өтө маанилүү экенин, ал эми мындай аракеттер – көңүл бурдуруунун ыкмасы гана экенин түшүнүшөт. "Сауд Аравиясындагылар Кошмо Штаттар менен болгон мамиле Ак үйдө азыр кимдер отурганына жараша эмес, эки мамлекеттин байланышы фундаменталдуу. Ондогон жылдардан бери түптөлүп келген, кандай солгундоо болбосун туруштук бере алат", — деп бүтүмүн билдирет эксперт.

Өнөктөштүктүн үзүрү да байкалат, саудиялыктардын каймактары дээрлик бүт АКШда билим алат, сауд риалы долларга байланган, курал-жарак жана аскердик билим берүү негизинен америкалык болуп саналат. Булардын баарын өзгөртүүгө бир топ жыл талап кылынат. Ошондуктан тышкы байланыштардын диверсификациясы тек гана көп полярдуу жаңы дүйнөнүн талаптарына жооп берчү тактикалык жүрүш, көп тараптуу багыт болсо керек.

189
Белгилер:
санкциялар, жаза, АКШ, Иран, Россия, Сауд Аравиясы
Тема боюнча
Америкалык Patriot Сауд Аравиясына коюлган чабуулдан коргой албады
Партктагы гүлдөр. Архив

Бейшембиге карата аба ырайы

0
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

0
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео