Америкалык ишкер, Tesla жана SpaceX компанияларынын негиздөөчүсү Илон Маск. Архивдик сүрөт

Илон Маск Путинге орус тилинде кайрылып, баарлашууга чакырды

339
(жаңыланган 11:58 14.02.2021)
Маск Путинге Clubhouse социалдык тармагы аркылуу сүйлөшүүнү сунуш кылган. Аталган соцтармак 2020-жылдын жаз мезгилинде Alpha Exploatation Co. компаниясы тарабынан түзүлгөн.

БИШКЕК, 14-фев. — Sputnik. Америкалык ишкер, Tesla жана SpaceX компанияларынын негиздөөчүсү Илон Маск Россиянын президенти Владимир Путинди Clubhouse социалдык тармагында жолугушуу өткөрүүгө чакырды. Орус тилинде жазылган мындай кайрылуусун ал Twitter баракчасына жарыялап, Владимир Путиндин расмий аккаунтун белгилеп койгон.

​"Сиз менен баарлашуу мен үчүн чоң сыймык болор эле", — деп жазган Маск.

РИА Новости билдиргендей, Clubhouse социалдык тармагы 2020-жылдын жаз мезгилинде Alpha Exploatation Co. компаниясы тарабынан түзүлүп, коронавирус пандемиясы, карантин чектөөлөрүнөн улам тез эле эл арасында популярдуу болгон.

Аталган соцтармакта баарлашуу аудиобилдирүү форматында болот. Ал жакка катышуучулардын бири чакырганда гана кирүү мүмкүн. Адатта колдонуучулар өздөрү түзүп алган виртуалдуу бөлмөлөрдө сүйлөшөт.

339
Белгилер:
социалдык тармак, кайрылуу, Владимир Путин, Илон Маск
Тема боюнча
Илон Маск дүйнөнүн эң бай адамы болду
Илон Маск адам баласын Марска качан жөнөтөрүн айтты
Британиялык канзаада Гарри жана Меган Маркл Опра Уинфриге берген маегинде

Меган Маркл Букингем сарайынын абийирин ачып, кызуу талкуу жаратты

110
(жаңыланган 14:57 09.03.2021)
Меган Маркл Опра Уинфриге падышалык сарайдан кысымга учураганын, анын кара терилүү экенине асылгандар болгонун айтып берген.

БИШКЕК, 9-мар. — Sputnik. Сассекс герцогу Гарри менен анын жубайы Меган Маркл америкалык белгилүү алып баруучу Опра Уинфриге берген ачык маеги коомчулукта кызуу талкуу жаратты.

Падышалык үй-бүлө мүчөлүгүнөн баш тарткан Гарри менен Мегандын Си-Би-Эс каналына берген интервьюсун Euronews жазган.

Меган Маркл Опра Уинфриге падышалык сарайдан кысымга учураганын, анын кара терилүү экенине асылгандар болгонун айтып берген.

"Кош бойлуу кезимде абдан көп сөз айтылды. Мисалы, ымыркайдын коопсуздугу үчүн шарт түзүлбөстүгү, ага титул берилбей турганы, керек болсо баланын түсү канчалык кара болуп төрөлөрү дагы талкууланып жатты. Алгач мунун баарын Гарриге айтуудан коркуп жүрдүм. Себеби ага үй-бүлөсү канчалык маанилүү экенин түшүнчүмүн. Жолдошума айта албай, ошол эле учурда мындай кептерди көтөрө албай ортодо абдан чайналдым", — деди герцогиния.

Маркл анын түсү тууралуу үй-бүлө мүчөлөрүнүн кимиси талкуу жаратканын ачык айткан эмес. Ошол эле учурда канайым Елизавета II башкаларга салыштырмалуу ага эң сонун мамиле жасаганын белгилеген.

Ал эми анын жолдошу Гарри жакындары тарабынан түшүнүү жана колдоо болбогондугуна байланыштуу падышалык үй-бүлө мүчөлүгүнөн баш тартууга туура келгенин билдирген. Канзааданын айтымында, анын үй-бүлөсү Мегандын расасын талкуулаган британиялык басылмаларды сындабай койгону абдан капаланткан.

"Үй-бүлөмдөгү бир дагы адам үч жыл ичинде бир ооз сөз айтып койгонго жараган жок. Оор тийди", — деди Гарри.

Меган Маркл үлпөт тойдон кийин эле анын паспорту, айдоочулук күбөлүгү, банктык картасы алынганда барымтага түшкөндөй болгонун айтып бергенин BBC жазды.

"Падышалык үй-бүлөнүн мүчөсү болуп турган кезде жашагым келбей, суицид тууралуу көп ойлонуп калгам", — деген ал.

Учурда жубайлар экинчи ымыркайын күтүп жатышат. Алар АКШнын Калифорния штатындагы Санта-Барбара шаарында жашашат.

Маркл Лос-Анджелесте төрөлүп-өскөн. Атасынын түбү голландиялык болгону менен Ирландияда чоңойгон. Энеси — афроамерикалык.

Учурда британиялык бир катар ЖМКлар падышалык үй-бүлө Меган Маркл менен канзаада Гарринин чуулуу интервьюсуна кандай жооп берүү керектиги боюнча сүйлөшүүлөрдү жүргүзүп жатканын жазышууда.

110
Белгилер:
Канзада Гарри, Меган Маркл, Улуу Британия
Тема боюнча
Forbes дүйнөдөгү эң таасирдүү аялдарды атады
Ханзаада Гарри жана келинчеги Меганга окшош жубайлар ишсиз калды. Түгөйлөрдүн сүрөтү
Түркиянын тышкы иштер министри Мевлют Чавушоглу. Архив

Түркиянын ТИМ башчысы Кыргызстанга келип Жапаров менен жолугат

51
(жаңыланган 14:22 09.03.2021)
Сапардын алкагындагы сүйлɵшүүлɵрдүн жүрүшүндɵ эки өлкө ортосундагы саясий, соода-экономикалык, маданий-гуманитардык маселелер талкууланары айтылды.

БИШКЕК, 9-мар. — Sputnik. Эртең, 10-мартта, Түркиянын тышкы иштер министри Мевлют Чавушоглу расмий сапар менен Кыргызстанга келет. Бул тууралуу КР Тышкы иштер министрлигинин маалымат кызматы кабарлады.

Сапардын алкагында эки мамлекеттин тышкы иштер министрлеринин сүйлɵшүүлɵрү жана Кыргызстан менен Түркиянын ортосундагы биргелешкен стратегиялык пландаштыруу тобунун төртүнчү жыйыны ɵтөрү айтылды. Мындан сырткары, Чавушоглунун Кыргызстандын президенти Садыр Жапаров менен жолугары дагы пландалууда.

"Алдыда боло турган жолугушуулардын жана сүйлɵшүүлɵрдүн жүрүшүндɵ саясий, соода-экономикалык, маданий-гуманитардык чөйрөлөрдөгү эки тараптуу кызматташтыкты мындан ары ɵнүктүрүү жана бекемдɵɵ боюнча мурда жетишилген келишимдерди, кыргыз-түрк мамилелери үчүн актуалдуу маселелерди талкуулоо пландаштырылууда", — деп жазылат маалыматта.

Түрк кеӊешинин алкагында түрк тилдүү мамлекеттердин ортосунда кызматташтыкты кеӊейтүү жана аталган эл аралык уюмдун күн тартибинин актуалдуу маселелери боюнча да пикир алмашуу болору кошумчаланды.

51
Белгилер:
Мевлют Чавушоглу, Садыр Жапаров, жолугушуу, ТИМ, иш сапар
Тема боюнча
Садыр Жапаров Казакстандан кийин Кытай, Түркияга иш сапар менен барат

22 жаштан 75 жашка чейинки ирмемдер. Самара Токтакунованын сүрөттөрү

0
(жаңыланган 16:01 09.03.2021)
  • Самара Токтакунова 1945-жылы 9-мартта Чүй облусунун Кемин районундагы Кызыл-Суу айылында туулган
  • Самара Токтакунова залкар комузчу болорун алгачкылардан болуп кийин өмүрлүк жубайы болуп калган Чалагыз Исабаев байкагандыгын өзү да айтып берген жайы бар. Сүрөт 1980-жылы тартылган.
  • 22 жаштагы Самара Токтакунова. Кыргызстандык артисттердин сүрөтү 1967-жылы Канадада тартылган. Биринчи катарда солдон үчүнчү турган концертмейстер Евгения Баялинова, төртүнчүсү — балерина Рейна Чокоева, бешинчи — ырчы Ирина Деркембаева, алтынчы — Самара Токтакунова. Экинчи катарда солдон биринчи турган композитор Насыр Давлесов, экинчи — балетмейстер Берик Алымбаев, акыркы турган — ырчы Асек Жумабаев.
  • 29 жаштагы Самара Токтакунова. Кинорежиссер Геннадий Базаровдун Искусство жөнүндө баян фильмине тартылуу учурунда. 1974-жыл
  • Комузчулар ансамбли. Солдон биринчи Самара Токтакунова
  • Самара Токтакунованын космонавт Юрий Гагарин менен түшкөн сүрөтү. Комузчу бул ирмемдер 1962-жылы Москвада тартылганын айтып берди.
  • Комузда кол ойнотуп кыргыздын музыкасын дүйнөгө тааныткан чыгармачыл инсандардын сүрөтү 1984-жылы Фрунзе шаарында репетиция учурунда тартылып алынган. Анда Чалагыз Исабаев — 47, Самара Токтакунова — 39, Айша Базарбаева 34 жашта эле.
  • Самара Токтакунованын ооз комузчулук да өнөрү болгон. Солдо турган Кыргыз ССРинин эл артисти Нуржамал Таабалдиева, ортодо СССРдин эл артисти Самара Токтакунова жана оң жагындагы Кыргыз Республикасынын эмгек сиңирген артисти Айша Базарбаева. 1981-жыл, Фрунзе (азыркы Бишкек) шаары.
  • Самара Токтакунова Sputnik Кыргызстанга маек берип жаткан учуру. Жаман сөз укпай, айың кепти артымдан ээрчитпей 60 жыл бою таптаза иштеп келдим. Ушунун өзү да бакыт деп ойлойм, — дейт залкар комузчу.
  • Самара Токтакунованын соңку сыйлыгы — II даражадагы Манас орденин алган учуру. Аны мурдагы президент Сооронбай Жээнбеков тапшырган. 2019-жыл, 19-сентябрь
  • Мындан туптуура бир жыл мурда тартылган сүрөт. Комузда кол ойноткон Самара Токтакунова
  • Самара Токтакунова быйыл 76 жашка чыкты. Кыргыз искусствосу менен маданиятына колубуздан келген салымыбызды кошуп жатабыз. Тагдырыма ыраазымын, — деди ал бизге берген маегинде.
Бүгүн СССРдин эл артисти, КРдин эл артисти, Токтогул атындагы мамлекеттик сыйлыктын лауреаты, III жана II даражадагы "Манас" орденинин ээси, залкар комузчулардын бири Самара Токтакунованын туулган күнү. Ардактуу инсан 76 жашка чыкты.

Мындан улам Sputnik Кыргызстан сүрөт түрмөк даярдады.

Самара Токтакунова 1945-жылы 9-мартта Чүй облусунун Кемин районундагы Кызыл-Суу айылында туулган. Учурда ал Калый Молдобасанов атындагы Кыргыз улуттук консерваториясынын элдик ырдоо кафедрасынын профессору. Чыгармачылык потенциалын шакирттерин тарбиялоого жумшап келет. Эки уулдун апасы, бир нече неберенин чоң энеси.

"Өмүр бою элге кызмат кылдым, мактаныч, кубаныч сезим менен бактылуу кишимин деп айтсам жарашат. Жаман сөз укпай, айың кепти артымдан ээрчитпей 60 жыл бою таптаза иштеп келдим. Ушунун өзү да бакыт деп ойлойм", — дейт залкар комузчу.

Токтакунова Sputnik Кыргызстан агенттигине кеңири интервью берип, өмүрүнүн кызыктуу учурлары, учурда аны кубанткан ирмемдер жана түйшөлткөн маселелер туурасында ой бөлүшкөн.

 

0
  • Самара Токтакунова 1945-жылы 9-мартта Чүй облусунун Кемин районундагы Кызыл-Суу айылында туулган
    © Sputnik / Александр Федоров

    Самара Токтакунова 1945-жылы 9-мартта Чүй облусунун Кемин районундагы Кызыл-Суу айылында туулган

  • Самара Токтакунова залкар комузчу болорун алгачкылардан болуп кийин өмүрлүк жубайы болуп калган Чалагыз Исабаев байкагандыгын өзү да айтып берген жайы бар. Сүрөт 1980-жылы тартылган.
    © Sputnik / Александр Поготов

    Самара Токтакунова залкар комузчу болорун алгачкылардан болуп кийин өмүрлүк жубайы болуп калган Чалагыз Исабаев байкагандыгын өзү да айтып берген жайы бар. Сүрөт 1980-жылы тартылган.

  • 22 жаштагы Самара Токтакунова. Кыргызстандык артисттердин сүрөтү 1967-жылы Канадада тартылган. Биринчи катарда солдон үчүнчү турган концертмейстер Евгения Баялинова, төртүнчүсү — балерина Рейна Чокоева, бешинчи — ырчы Ирина Деркембаева, алтынчы — Самара Токтакунова. Экинчи катарда солдон биринчи турган композитор Насыр Давлесов, экинчи — балетмейстер Берик Алымбаев, акыркы турган — ырчы Асек Жумабаев.
    © Фото / из личного архива Рейны Чокоевой

    22 жаштагы Самара Токтакунова. Кыргызстандык артисттердин сүрөтү 1967-жылы Канадада тартылган. Биринчи катарда солдон үчүнчү турган концертмейстер Евгения Баялинова, төртүнчүсү — балерина Рейна Чокоева, бешинчи — ырчы Ирина Деркембаева, алтынчы — Самара Токтакунова. Экинчи катарда солдон биринчи турган композитор Насыр Давлесов, экинчи — балетмейстер Берик Алымбаев, акыркы турган — ырчы Асек Жумабаев.

  • 29 жаштагы Самара Токтакунова. Кинорежиссер Геннадий Базаровдун Искусство жөнүндө баян фильмине тартылуу учурунда. 1974-жыл
    © Sputnik / Александр Федоров

    29 жаштагы Самара Токтакунова. Кинорежиссер Геннадий Базаровдун "Искусство жөнүндө баян" фильмине тартылуу учурунда. 1974-жыл

  • Комузчулар ансамбли. Солдон биринчи Самара Токтакунова
    © Sputnik / Александр Поготов

    Комузчулар ансамбли. Солдон биринчи Самара Токтакунова

  • Самара Токтакунованын космонавт Юрий Гагарин менен түшкөн сүрөтү. Комузчу бул ирмемдер 1962-жылы Москвада тартылганын айтып берди.
    © Фото / из личного архива Самары Токтакуновой

    Самара Токтакунованын космонавт Юрий Гагарин менен түшкөн сүрөтү. Комузчу бул ирмемдер 1962-жылы Москвада тартылганын айтып берди.

  • Комузда кол ойнотуп кыргыздын музыкасын дүйнөгө тааныткан чыгармачыл инсандардын сүрөтү 1984-жылы Фрунзе шаарында репетиция учурунда тартылып алынган. Анда Чалагыз Исабаев — 47, Самара Токтакунова — 39, Айша Базарбаева 34 жашта эле.
    © Sputnik / Мамадалиев

    Комузда кол ойнотуп кыргыздын музыкасын дүйнөгө тааныткан чыгармачыл инсандардын сүрөтү 1984-жылы Фрунзе шаарында репетиция учурунда тартылып алынган. Анда Чалагыз Исабаев — 47, Самара Токтакунова — 39, Айша Базарбаева 34 жашта эле.

  • Самара Токтакунованын ооз комузчулук да өнөрү болгон. Солдо турган Кыргыз ССРинин эл артисти Нуржамал Таабалдиева, ортодо СССРдин эл артисти Самара Токтакунова жана оң жагындагы Кыргыз Республикасынын эмгек сиңирген артисти Айша Базарбаева. 1981-жыл, Фрунзе (азыркы Бишкек) шаары.
    © Sputnik / Мамадалиев

    Самара Токтакунованын ооз комузчулук да өнөрү болгон. Солдо турган Кыргыз ССРинин эл артисти Нуржамал Таабалдиева, ортодо СССРдин эл артисти Самара Токтакунова жана оң жагындагы Кыргыз Республикасынын эмгек сиңирген артисти Айша Базарбаева. 1981-жыл, Фрунзе (азыркы Бишкек) шаары.

  • Самара Токтакунова Sputnik Кыргызстанга маек берип жаткан учуру. Жаман сөз укпай, айың кепти артымдан ээрчитпей 60 жыл бою таптаза иштеп келдим. Ушунун өзү да бакыт деп ойлойм, — дейт залкар комузчу.
    © Sputnik / Жоомарт Ураимов

    Самара Токтакунова Sputnik Кыргызстанга маек берип жаткан учуру. "Жаман сөз укпай, айың кепти артымдан ээрчитпей 60 жыл бою таптаза иштеп келдим. Ушунун өзү да бакыт деп ойлойм", — дейт залкар комузчу.

  • Самара Токтакунованын соңку сыйлыгы — II даражадагы Манас орденин алган учуру. Аны мурдагы президент Сооронбай Жээнбеков тапшырган. 2019-жыл, 19-сентябрь
    © Пресс-служба президента КР / Султан Досалиев

    Самара Токтакунованын соңку сыйлыгы — II даражадагы "Манас" орденин алган учуру. Аны мурдагы президент Сооронбай Жээнбеков тапшырган. 2019-жыл, 19-сентябрь

  • Мындан туптуура бир жыл мурда тартылган сүрөт. Комузда кол ойноткон Самара Токтакунова
    © Фото / Данияр Жаркынбаев

    Мындан туптуура бир жыл мурда тартылган сүрөт. Комузда кол ойноткон Самара Токтакунова

  • Самара Токтакунова быйыл 76 жашка чыкты. Кыргыз искусствосу менен маданиятына колубуздан келген салымыбызды кошуп жатабыз. Тагдырыма ыраазымын, — деди ал бизге берген маегинде.
    © Фото / Данияр Жаркынбаев

    Самара Токтакунова быйыл 76 жашка чыкты. "Кыргыз искусствосу менен маданиятына колубуздан келген салымыбызды кошуп жатабыз. Тагдырыма ыраазымын", — деди ал бизге берген маегинде.

Белгилер:
артист, устат, комузчу, Чалагыз Исабаев, Самара Токтакунова, Кыргызстан
Тема боюнча
Атасын ыйлаткан Самара Токтакунова. Залкар комузчу тууралуу 6 факты
Көчөрбаев: Самара Токтакунова баспаган кызыл килемден кимдер гана баспады
Кийинки кезде концертке чыккандан тартынчу болдум. Самара Токтакунова менен маек