Тажикистандын президенти Эмомали Рахмон жана Өзбекстандын биринчи президенти Ислам Каримов. Архивдик сүрөт

Ислам Каримовду утуп алган Эмомали Рахмон. КМШ президенттеринин хоббиси

828
(жаңыланган 14:06 14.02.2021)
Эл башында турган адамдар деле карапайым кишилер сыяктуу бир нерсеге кызыгып, бош убактысында көңүл ачууга аракет кылат. Бүгүн КМШдагы президенттердин хоббиси тууралуу кеп кылабыз.

Мамлекеттик жогорку кызматтар адамга сайрандап жүрүүгө көп убакыт калтырбасы белгилүү. Бирок дүйнө лидердери мээ сергитип, энергия топтош үчүн көңүлүнө жаккан иштерди кылууга убакыт табышат.

Ильхам Алиев өз жеңишинен ырахат алат

Президент Азербайджанской Республики Ильхам Алиев c факелом на причале Садко в Приморском национальном парке Баку.
Азербайжандын президенти Ильхам Алиев бош убактысын үй-бүлөсүнө арнап, жакын адамдары менен болуудан энергия аларын айткан

Азербайжанды 18 жылдан бери башкарып келе жаткан Ильхам Алиев өтө берилген хоббиси жок экенин айтат. Бирок маектеринин биринде эмгегинин үзүрүн көргөндө канат байлап, ырахат аларын билдирген. Ал эми бош убактысынын бардыгын үй-бүлөсүнө арнап, жакын адамдары менен болуудан энергия аларын кошумчалаган.

Пашинян тил үйрөнгөндү жакшы көрөт

Премьер-министра Армении Никол Пашинян на встрече с президентом КР Сооронбаем Жээнбековым на полях заседания Высшего Евразийского экономического совета в Сочи
© Пресс-служба президента КР / Султан Досалиев
Армениянын өкмөт башчысы Никол Пашинян чет тилдерди үйрөнгөндү жакшы көрөт. Мекендештерин дагы ушуга үндөп келет. Буга чейин өкмөт башчы аптасына эки ирет орус, англис жана француз тилдерин өздөштүрөрү айтылган.

Арменияда тышкы саясат менен президент Армен Саркисян эмес, өкмөт башчы Никол Пашинян алектенет. Андыктан биз премьердин хоббиси тууралуу сөз кылууну туура көрдүк. Ал чет тилдерди үйрөнгөндү жакшы көрөт. Мекендештерин дагы ушуга үндөп келет. Буга чейин өкмөт башчы аптасына эки ирет орус, англис жана француз тилдерин өздөштүрөрү айтылган. Мунусун жерге калтырбай, ар кандай кызматтык жыйындарда чет элдиктер менен алардын тилинде сүйлөшө калмай жайы бар.

Лукашенко спорттун бир нече түрү менен алектенет

© Sputnik / Михаил Климентьев
Беларусь лидери Александр Лукашенко кышкысын дээрлик күн сайын хоккей ойноп, лыжа тебет. Ал эми жайкысын футбол ойногонду жактырат.

Беларусь лидери спорттун бир нече түрүнө кызыгары айтылат. Маалымат катчысынын билдиргенине караганда, президент кышкысын дээрлик күн сайын хоккей ойноп, лыжа тебет. Ал эми жайкысын футбол ойногонду жактырат.

Ачык булактардагы маалыматтар боюнча, ал жаш кезинде футбол менен олуттуу алектенген, бирок тизесинен жаракат алган соң спорттун бул түрүнөн баш тартууга мажбур болгон.

Касым-Жомарт Токаев теннис ойногонду жактырат

Посмотреть эту публикацию в Instagram

Публикация от Berik UALI (@berikuali)

Хоббиси спорт тармагына тиешелүү президенттердин бири Казакстандын учурдагы лидери Касым-Жомарт Токаев. ЖМКлардагы маалыматтарга караганда, ал жаш кезинен эле тенниске кызыгат. Ал тургай бир нече жыл бою Казакстандын Стол үстүндө ойнолчу теннис федерациясын жетектеген.

Жапаров заманбап технологияларга кызыгат

Исполняющий обязанности президента Кыргызской Республики, премьер-министр Садыр Жапаров сдал экзамен на знание государственного языка в государственном учреждении Кыргызтест. 13 ноября 2020 года
© Пресс-служба президента КР / Султан Досалиев
Кыргызстандын президенти Садыр Жапаров китепти көп окуйт, заманбап технологияларды өздөштүрүүгө кызыгат. Ал эми спорт жагынан футбол менен сууда сүзүүнү жактырат.

КР өлкө башчысынын маалымат кызматынан билдиришкендей, президент Садыр Жапаров китепти көп окуйт, айрыкча тарыхый чыгармаларга басым жасайт. Мындан тышкары, заманбап технологияларды өздөштүрүүгө кызыгат. Ал эми спорт жагынан футбол менен сууда сүзүүнү жактырат.

Сырдуу Майя Санду

Избранный президент Молдавии Майя Санду выступает на пресс-конференции в Кишиневе.
© Sputnik / Михай Карауш
Молдованын жаңы президенти Майя Санду 2020-жылдын декабрында президенттик кызматка киришкен

Молдованын жаңы президенти Майя Санду өзү жеке турмушу тууралуу көп айта бербейт. Андыктан анын хоббиси, бош убактысында алек болгон нерселери тууралуу маалыматтар жокко эсе.

Көп кырдуу Владимир Путин

Президент РФ Владимир Путин во время отдыха в Саяно-Шушенском заповеднике в Республике Тыва
© Sputnik / Алексей Никольский
Россиянын президенти Владимир Путин спорттун бир канча түрүн, балык уулоону, ар түрдүү техниканы башкарганды жакшы көрөт

Россиянын президенти Владимир Путиндин хоббилери тууралуу көпчүлүккө белгилүү. Ал спорттун бир канча түрүн, балык уулоону, ар түрдүү техниканы башкарганды жакшы көрөт.

Мындан тышкары, маалымат катчысы Дмитрий Песковдун айтымында, тарыхый китептерди көп окуйт.

Баса, көпчүлүк президенттерден айырмаланып, Путиндин эс алуусу, көңүл ачуусу боюнча фото жана видеоматериалдар абдан көп. Алардын айрымдарынан президентти башка аткаминерлер коштоп жүргөнүн көрүүгө болот.

Чуркаганды сүйгөн Эмомали Рахмон

КМШдагы эзелки президенттердин бири Эмомали Рахмон чоң теннисти жактырат. Атүгүл бир кезде Өзбекстандын мурдагы президенти Ислам Каримовду утуп алганы айтылат. Ал эми акыркы жылдары чуркоого басым жасап калганы белгилүү. Жыл сайын Чуркоо күнүндө спортчулар менен бир нече чакырымды басып өтөрү дагы маалым.

Өзүн ар тармактан издеген Бердымухамедов

Түркмөнстандын лидери Гурбангулы Бердымухамедов дагы көп нерсеге кызыгып, өзүн ар тармакта көрсөтүп келет. Мисалы, ат мингенди жана китеп жазганды жакшы көрөт. Музыкага дагы абдан жакын. "Улут башы" бир нече жылдан бери гитарада ойноп, диджейлик өнөрү менен таң калтырган. Буга чейин анын калемине таандык ырды бир маалда 4 166 адам аткарып, Бердымухамедов Гиннес китебине да кирген жайы бар.

Үй-бүлөлүк балуулуктарды мамлекеттик саясатка айландырган Мирзиёев

Өзбекстандын президенти Шавкат Мирзиёевдин хоббиси тууралуу ачык булактарда маалымат жокко эсе.

Буга чейин кызы Саида Мирзиёева өзүнүн Facebook тармагындагы баракчасына орозо алдында атасы үй-бүлөсү үчүн палоо басып жаткан сүрөтүн жарыялаган.

Албетте, бул нерсе президент тамак даярдоону жакшы көрөт деп так кесе айтууга жол бербейт. Бирок Мирзиёев бош убактысын жакындарына арнаарын анын өз элине жасаган кайрылуусунан жана жарлыктарынан байкаса болот.

Ушул күнгө чейин өзбек лидери мамлекеттик кызматкерлер үй-бүлөсүнө көбүрөөк көңүл бурушу үчүн дем алыш күндөрү жумушка келүүсүнө тыюу салып, зарылдыгы жок отчет берүү жана маалымат алуулардын санын кыскартууну тапшырган. Жакында эле туугандар менен бирге саякаттоо үчүн жарандарына эмгек өргүүнүн жаңы түрүн мыйзам менен бекитип берди

828
Белгилер:
китеп, спорт, бий, ыр, хобби, президент, КМШ
Тема боюнча
Ыр-күүгө жакын президенттер — Путин, Назарбаев, Бердымухамедов жана Клинтон
Шайлоого катышкан. Канайым Айгүл Асанбаева тууралуу кызыктуу фактылар
UFC чемпиону, кыргызстандык Валентина Шевченко. Архив

Валентина Шевченконун жаңы атаандашы. Беттеш жазында болот

15
(жаңыланган 00:50 25.02.2021)
Валентина Шевченко өзүнүн титулун 24-апрелде коргойт. ESPNMMA бул тууралуу Дана Уайт кабарлагандыгын жазды.

БИШКЕК, 25-фев. — Sputnik. UFC чемпиону, кыргызстандык Валентина Шевченко кезектеги беттешин Жессика Андраде менен өткөрөт. Бул тууралуу спорттук беделдүү ESPNMMA порталы билдирген.

Посмотреть эту публикацию в Instagram

Публикация от ESPN MMA (@espnmma)

"Ок" кайтып келе жатат! Валентина Шевченко өзүнүн титулун эң жеңил салмакта 24-апрелде Жессика Андрадеге каршы чыгып коргойт. Бул UFC 261 турниринин алкагында болорун Дана Уайт @bokamotoespn билдирди", — деп айтылат андагы маалыматта.

Андраде өзүнүн спорттук карьерасында 29 беттеш өткөрсө, анын 21ин жеңген. Акыркысында Кэтлин Чукагянга жеңилүү ызасын тарттырган.

15
Белгилер:
Жессика Андраде, беттешүү, Валентина Шевченко
Тема боюнча
Нурмагомедов менен Шевченко UFC уюмунун мыкты мушкерлери деп табылды
Үч жашар Валентина менен жети жаштагы Антонина. Мушкерлердин сейрек сүрөтү
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Жапаров Москвадагы кыргызстандыктарга жолукту. Сүрөт

70
(жаңыланган 23:22 24.02.2021)
Жапаров Путин менен болгон жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

БИШКЕК, 24-фев. — Sputnik. Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда. Бул тууралуу мамлекет башчынын маалымат кызматынан кабарлашты.

  • Кыргызстанцы проживающие в России на встрече с президентом КР в рамках его рабочего визита в РФ
    Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда
    © Пресс-служба президента КР / Султан Досалиев
  • Президент КР Садыр Жапаров на встрече с кыргызстанцами, проживающими в России в рамках рабочего визита в РФ
    Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген
    © Пресс-служба президента КР / Султан Досалиев
  • Кыргызстанцы проживающие в России на встрече с президентом КР в рамках его рабочего визита в РФ
    Жапаров сыртта иштеп жүргөн кыргызстандыктардын алдына сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

Жапаров сыртта иштеп жүргөн кыргызстандыктардын алдында сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.

"Менин максатым — элибиздин көйгөйлөрүн чечүү, Кыргызстандын бардык жарандарын жумуш орундары менен камсыздап, татыктуу жашоого алып келүү. Ошондой эле чет өлкөлөрдө иштеп жүргөн мекендештердин Мекенге кайтып келүүсү үчүн жагымдуу шарттарды түзүү", — деген Жапаров.

Кыргызстан турак жай ээлери салык төлөөдөн качып, чет элдик жарандарды каттоого тургузуудан баш тартышкандыгынын натыйжасында келип чыккан мигранттарды каттоо көйгөйлөрүнө көңүл бурган.

"Казакстанда бул багытта "кабарлоо тартиби" деген жакшы тажрыйба бар: жарандар мамлекеттик органга келген жана иштеген жери жөнүндө билдирүү гана жөнөтөт, андан кийин ал каттоого турат. Ушундай эле жол-жобону ЕАЭБдин алкагында киргизүүнү сунуштайбыз", — деген Жапаров.

Эске салсак, бүгүн Жапаров Россияга иш сапары менен барып, Россия лидери Владимир Путин менен жолуккан.

70
Белгилер:
мигранттар, иш сапар, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

0
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

0
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды