АКШ сенаты Трампты импичмент боюнча процессте актады. Байдендин реакциясы

© REUTERS / Carlos BarriaПрезидент США Джо Байден
Президент США Джо Байден - Sputnik Кыргызстан, 1920, 14.02.2021
Жазылуу
АКШнын жаңы шайланган башчысы импичмент үчүн добуш берген 57 сенатордун ичинен жетөө республикачылардан экенин да эскерткен.
БИШКЕК, 14-фев.— Sputnik. АКШнын сенаты экс-президент Дональд Трампты импичмент боюнча процессте актады. Американын азыркы башчысы Жозеф Байден сенаттын бул чечимине карабай Трампка каршы айыптоолор эч күмөн санатпай турганын билдирди. Бул тууралуу Ак үйдүн маалымат кызматынын релизинде жазылган.
Конгресстин жогорку палатасы мурдагы өлкө башчысына импичмент жарыялоо үчүн толук добуш топтой алган эмес. Мыйзам боюнча, 100 сенаттын 67синин добушу керек болчу.
"Акыркы добуш берүү Трампка импичмент жарыялоого алып келбесе дагы айыптоолор эч күмөн санатпайт", — деп жазылат Байдендин кат түрүндөгү билдирүүсүндө.
АКШнын президенти Жозеф Байден. Архив - Sputnik Кыргызстан, 1920, 05.02.2021
Үй-бүлөмөн бирөө да мамлекеттик ишке аралашпайт! АКШ президенти Байдендин убадасы
Байден Капитолийди басып алуу АКШнын тарыхында кара тамга менен жазылып каларын айтып, бул окуя демократия коргоого муктаж аяр нерсе экенин көрсөттү деп белгилеген. Мындан сырткары, азыркы президент Америкада зомбулук менен экстремизге жол берилбей турганын эстей жүрүүгө чакырган.
АКШнын жаңы шайланган башчысы мурунку ажо Трамптын импичменти үчүн добуш берген 57 сенатордун ичинен жетөө республикачы болгонун да эскерткен.
"Трампка импичмент жарыялоого добуш бербеген азчылыктын арасындагылар деле, мисалы, (Митч) Макконнелл "Капитолийди басып алууда экс-президентти өзүнүн милдетин аткарган эмес жана чагымчылдыкка моралдык жактан жооптуу" деп эсептейт", — деген Байден.
Ак үйдүн башчысы улуттун жүрөгүн тазалоого убакыт келгенин белгиледи.
Ал эми Трамп ишке ашпай калган импичмент процессин "бакшыларга мергенчилик" деп атап, алдыда жасай турчу жумуштары көп экенин айткан.
Эске салсак, буга чейин АКШ конгрессинин өкүлдөр палатасы Дональд Трамптын импичменти үчүн добуш берген.
Жаңылыктар түрмөгү
0