Антарктида деңизиндеги муз катмарларынын астынан губкага окшош белгисиз жаныбарлар

Окумуштуулар Антарктидада муз астынан башкача жаныбарларды табышты

330
Окумуштуулар буга чейин Антарктиданын жээгиндеги муз менен чулганган деңиз түбүндөгү караңгылыкта бентос жаныбарлары жок деп келишкен.

БИШКЕК, 16-фев. — Sputnik. Британиялык окумуштуулар Антарктида деңизиндеги муз катмарларынын астынан губкага окшош белгисиз жаныбарды табышты. Бул тууралуу Frontiers in Marine Science илимий журналы жазды.

Окумуштуулар буга чейин Антарктида жээктериндеги деңиз түбүндө бентос (суу түбүндө жашаган организмдер) жаныбарлары жок деп келишкен. Алар Фильхнера муз катмарларын бургулоо учурунда белгисиз жандыктарга күбө болушканы айтылат.

Деңиз үстүндө калкыган муз катмарлары Антарктиданын жээгинен тартып 1,5 миллион чарчы чакырым аянтты ээлейт. Муз каптаган бул деңиз мейкиндиги жер жүзүндө изилдене элек бирден-бир аймак.

Британдык изилдөөчүлөр теннис аянтчасындай көлөмдөгү сегиз жерди бургулашкан, жыйынтыгында бир катар ачылыштар жасалган.

Жээктен 260 чакырым алыстыкта бургуланган жерден деңиз түбүнө чейинки аралык 900 метр болгон. Атайын кабелдин учуна орнотулган видеокамера деңиз түбүндөгү таштарга жабышкан губкага окшош жаныбарларды көрсөткөн.

Жарыксыз аймакта жашай алган организмдердин бул түрү окумуштуулар үчүн күтүүсүз ачылыш болду.

Буга чейин илимпоздор калкып жүргөн муз катмарларынын астындагы -2,2 градус муздактагы караңгылыкта балык, медуза жана криль болушу мүмкүн деп божомолдоп келишкен.

330
Белгилер:
ачылыш, жаныбарлар, окумуштуулар, Антарктида
Тема боюнча
Марстан алынган кадрларды кытай аппараты Жерге жиберди
Окумуштуулар өлүм тобокелчилигин жогорулаткан азыкты аташты
UFC чемпиону, кыргызстандык Валентина Шевченко. Архив

Валентина Шевченконун жаңы атаандашы. Беттеш жазында болот

33
(жаңыланган 00:50 25.02.2021)
Валентина Шевченко өзүнүн титулун 24-апрелде коргойт. ESPNMMA бул тууралуу Дана Уайт кабарлагандыгын жазды.

БИШКЕК, 25-фев. — Sputnik. UFC чемпиону, кыргызстандык Валентина Шевченко кезектеги беттешин Жессика Андраде менен өткөрөт. Бул тууралуу спорттук беделдүү ESPNMMA порталы билдирген.

Посмотреть эту публикацию в Instagram

Публикация от ESPN MMA (@espnmma)

"Ок" кайтып келе жатат! Валентина Шевченко өзүнүн титулун эң жеңил салмакта 24-апрелде Жессика Андрадеге каршы чыгып коргойт. Бул UFC 261 турниринин алкагында болорун Дана Уайт @bokamotoespn билдирди", — деп айтылат андагы маалыматта.

Андраде өзүнүн спорттук карьерасында 29 беттеш өткөрсө, анын 21ин жеңген. Акыркысында Кэтлин Чукагянга жеңилүү ызасын тарттырган.

33
Белгилер:
Жессика Андраде, беттешүү, Валентина Шевченко
Тема боюнча
Нурмагомедов менен Шевченко UFC уюмунун мыкты мушкерлери деп табылды
Үч жашар Валентина менен жети жаштагы Антонина. Мушкерлердин сейрек сүрөтү
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Жапаров Москвадагы кыргызстандыктарга жолукту. Сүрөт

110
(жаңыланган 23:22 24.02.2021)
Жапаров Путин менен болгон жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

БИШКЕК, 24-фев. — Sputnik. Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда. Бул тууралуу мамлекет башчынын маалымат кызматынан кабарлашты.

  • Кыргызстанцы проживающие в России на встрече с президентом КР в рамках его рабочего визита в РФ
    Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда
    © Пресс-служба президента КР / Султан Досалиев
  • Президент КР Садыр Жапаров на встрече с кыргызстанцами, проживающими в России в рамках рабочего визита в РФ
    Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген
    © Пресс-служба президента КР / Султан Досалиев
  • Кыргызстанцы проживающие в России на встрече с президентом КР в рамках его рабочего визита в РФ
    Жапаров сыртта иштеп жүргөн кыргызстандыктардын алдына сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

Жапаров сыртта иштеп жүргөн кыргызстандыктардын алдында сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.

"Менин максатым — элибиздин көйгөйлөрүн чечүү, Кыргызстандын бардык жарандарын жумуш орундары менен камсыздап, татыктуу жашоого алып келүү. Ошондой эле чет өлкөлөрдө иштеп жүргөн мекендештердин Мекенге кайтып келүүсү үчүн жагымдуу шарттарды түзүү", — деген Жапаров.

Кыргызстан турак жай ээлери салык төлөөдөн качып, чет элдик жарандарды каттоого тургузуудан баш тартышкандыгынын натыйжасында келип чыккан мигранттарды каттоо көйгөйлөрүнө көңүл бурган.

"Казакстанда бул багытта "кабарлоо тартиби" деген жакшы тажрыйба бар: жарандар мамлекеттик органга келген жана иштеген жери жөнүндө билдирүү гана жөнөтөт, андан кийин ал каттоого турат. Ушундай эле жол-жобону ЕАЭБдин алкагында киргизүүнү сунуштайбыз", — деген Жапаров.

Эске салсак, бүгүн Жапаров Россияга иш сапары менен барып, Россия лидери Владимир Путин менен жолуккан.

110
Белгилер:
мигранттар, иш сапар, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

0
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

0
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды