Коронавируска каршы вакцина алып аткан Нью-Дели жашоочусу. Архивдик сүрөт

Жер жашоочуларынын 10%ында гана COVID-19га каршы антитело бар

(жаңыланган 09:51 01.03.2021)
Сваминатан жаматтык иммунитеттин пайда болуусуна себепчи боло турган ыкма вакцина алуу экендигин эскерткен.

БИШКЕК, 1-мар. — Sputnik. Дүйнө жүзүндөгү элдин 10 пайызында коронавируска каршы антитело пайда болду, ал эми вакцина алуу жамааттык иммунитетти калыптандырууга ээ боло турган бирден бир ыкма. Бул туурасында Дүйнөлүк саламаттык сактоо уюмунун (ДССУ) илимий кызматкери Сумия Сваминатан айткандыгын РИА Новости жазды.

Сваминатан айым Twitter аркылуу берип жаткан маегинде ДССУ дүйнөнүн бир катар шаарларындагы оорунун очоктору изилденип жаткандыгын баяндап берген. Жыйынтык шаар жашоочуларынын жарымынан азыраагында антитело пайда болгондугун көрсөткөнү менен жамааттык иммунитетке ээ болгон көрсөткүч жөнүндө сөз кылууга али эрте.

"ДССУ мындай изилдөөлөргө байкоо салып келе жатат. Акыркы эпидемиялык абал боюнча эсептөөлөргө караганда алардын саны 500гө жетти. Эгерде бардыгын бирге алып карасак, дүйнө жүзүндөгү элдин 10 пайызында коронавируска каршы антитело бар деп эсептегенге болот", — деген Сваминатан.

Ал калк жыш жайгашкан шаарлардын райондорунда аталган ооруга жашоочулардын 50-60 пайызы чалдыкканын, аларда антитело пайда болгондугун айтып берген.

"Анткен менен мындан улам эле шаардын, провинциянын, штаттын же өлкөнүн бардыгы жамааттык иммунитетке жетишип калды деп айта албайбыз ", — деген эксперт.

Муну менен ал антителосу жок жашоочулары сыртка чыкканда баары бир ооруну жугузуп алуу тобокелдигине кабыларын айткан.

Сваминатан жаматтык иммунитеттин пайда болуусуна себепчи боло турган ыкма вакцина алуу экендигин эскерткен.

Белгилер:
планета, жер, антитело, коронавирус, Дүйнөлүк саламаттыкты сактоо уюму
Тема:
Дүйнөгө жайылган коронавирус (1369)
Тема боюнча
ДССУ коронавирус пандемиясы качан бүтөрүн айтты
Россияда коронавируска каршы үчүнчү вакцина каттоодон өттү
Эркиндик айкелинин дубалга тартылган сүрөтү. Архивдик сүрөт

АКШ санкциялары менен дүйнөгө болгон үстөмдүгүн кыйратууда

(жаңыланган 19:03 11.04.2021)
Батышта Россияга каршы санкциялар иши өз нугунда жүрүүдө: бири аларды иштеп чыгып киргизип жатса, башкалары жаңы санкциялардын кесепетин болушунча азыраак тартуунун жолун издөөдө.

Айрым учурда ролдору бири-бирине дал келбейт, башкача айтканда, адегенде чектөөлөр киргизилет. Кийин демилгечилер өздөрү ошол "саздан" чыга албай чабалактайт. Ал эми Россия элитасын улутташтыруудан технологиялык автономдуулукка дейре өзү пландагандай жаңы, бирок өз пайдасы үчүн бир өңчөй чараларды пайдаланат. Дал ушул жагдайга баам салган Ирина Алкснистин макаласы РИА Новости агенттигине жарыяланды.

Ушул тапта Вашингтон "Түндүк агым – 2" долбоорунун тагдыры боюнча сүйлөшүүлөрдү жетектей турган атайын өкүлдүн талапкерлиги аныкталат. Politico басылмасы америкалык Юстиция министрлиги курулуп жаткан газ түтүгүнө каршы кезектеги дагы эки санкцияны жактырганын жазып чыкты. Анын алкагындагы кара тизмеде газ түтүгүнүн курулушу жана кийинки пайдаланылышына жооп бере турган швейцариялык Nord Stream 2 AG компаниясы, анын жетекчиси Матиас Варниг да бар.

Чектөөлөрдүн долбоору келерки айда конгресстин кароосуна коюлуп, бекитилиши күтүлөт. Ачыгы бул так эмес, анткени газ түтүгүнө каршы жаңы чаралар боюнча акыркы чечим азырынча кабыл алына элек. Ал түздөн-түз сүйлөшүүлөргө жараша экени ачык. Бирок ал Россия менен эмес, Европа менен жүргүзүлмөкчү. Байдендин администрациясы үчүн башкы көйгөй дал ушунда. Конгрессте эки партиянын өкүлдөрү тең "Түндүк агым – 2" долбоорун эмне болсо да токтотууну талап кылып, ал эми Берлин айтканынан кайтпай газ түтүгүн коргоп көшөрүүдө. Сүйлөшүүлөрдүн натыйжасында Вашингтон стратегиялык объектисин коргогон Батыш Европанын бул маселеде жумшарышына үмүттөнөт. Анткен менен журналисттер улам эскертип тургандай, газ түтүгүнүн курулушу 96 пайызга аяктап калды.

Дээрлик бул менен катар эле Politico Bloomberg шайлоого кийлигишүү жана хакердик чабуулдар үчүн Россияны жазалоонун жаңы чараларынан баян салды. Кезектеги кара тизменин "Россиянын президенти Владимир Путинге жакын адамдар" менен толтуруудан тышкары, администрация "АКШда дипломатиялык вазийпаны жамынып иштеп жүргөн россиялык чалгынчыларды" өлкөдөн чыгаруу мүмкүнчүлүгүн кароодо. Ошентсе да Вашингтон үчүн анын "кыйыр таасирлери" да жок эмес. Жакында эле Россиянын АКШдагы элчиси Анатолий Антонов айткандай, Кошмо Штаттар РФ дипломаттарына каршы визалык согушту баштап, анын айынан эки миссия тең кызматкерлердин, анын ичинде техникалык адистердин тартыштыгына кабылууда. Анткен менен россиялык элчиликтин кызматкерлери бардык кыйынчылыктарга туруштук берүүдө.

Пандемия маалында видеоконференция кызматын көрсөтүп, иши өргө чыккан Zoom компаниясы Россия жана КМШ өлкөлөрүнүн мамлекеттик мекемелери жана компанияларын тейлөөгө тыюу салган. Бирок бир нече саат өткөн соң Zoom компаниясынын өкүлү "мамлекеттик, ошону менен бирге эле жаңы жана азыркы пайдалануучулар таратуучулар аркылуу эмес, сайт аркылуу түз кайрылып аккаунт сурай алышарын" тактаган. Компаниянын мындай кетенчиктегенин да түшүнүүгө болот, себеби былтыр россиялык мамлекеттик мекемелер, атап айтканда, жогорку окуу жайларына байланышкан кардарлары кыйла көп киреше алып келип турган. Эми алар жапырт жана шашылыш түрдө альтернативдик аянтчаларга кетүүдө.

Акыркы жылдары санкция темасы Россиянын ичиндеги процесстер да, эл аралык алакалар үчүн да кадыресе көрүнүшкө айланган. Глобалдык бир полярдуу дүйнөдө санкциялар – чындап эле азыркы тутумду бекемдөө инструменти.

Эң катаал чектөөлөр менен да жашоого болот, муну Иран да, Корея элдик-демократиялык республикасы тастыктап келет. Тек гана мунун куну чоң, калктын турмуш сапаты начарлайт, улуттук экономиканын жоготуулары көбөйөт, технологиялык жактан артта калат.

Санкциялар ал убакта өлкөнү заманбап өнүккөн цивилизациядан чийип салууну түшүндүргөн. Мейли бул жогорку технологиялык долбоорду ишке ашыруудагы кыйынчылык болсун, ал түгүл жөнөкөй эле жагдай, мисалы, SWIFT тутуму өчүрүлгөндүктөн жарандар дүкөндө да карта менен төлөй алышпайт. Жети жыл мурунку РФке каршы санкциялар да өлкөнү ушундай эле залалга батырган. Бирок бара-бара санкциялар батыш биримдигин да, АКШ үстөмдүк кылган жалпы дүйнөлүк тутумга да таасир этпей койбоду. Ал убакта өгөйлөнгөн өлкөлөрдү технологиялык жактан солгундатуу механизми болсо, азыр санкциялар, тескерисинче, алардын өнүгүшүнө өбөлгө болчу инструментке айланып отурат. Муну түшүнүп турса да, дүйнөдө Кошмо Штаттардын үстөмдүгүн кыйратып бүтүрсө да Вашингтондогулар бул кадамдан артка кайта албай турушат.

Белгилер:
экономика, КМШ, чектөө, санкциялар, Европа, АКШ, Россия
Тема боюнча
Батыш жаңы санкциялар менен темир көшөгөнү тартууда. Сереп
Климатты бетке кармап... АКШ кантип жашаш керектигин үйрөтүүгө өтчүдөй
Clubhouse тиркемеси. Архив

Clubhouse колдонгон 1,3 млн. кишинин маалыматы ачыкка чыгып кетти

(жаңыланган 14:17 11.04.2021)
Clubhouse жаңы социалдык тармак. Ага башка бир катталуучу чакыруу жөнөткөндө гана кирүүгө болот. Сервис кыска убакытта эле 5,3 миллион кишини топтой алды.

БИШКЕК, 11-апр. — Sputnik. Интернеттеги кылмышкерлер Clubhouse социалдык тармагындагы 1,3 миллион катталуучунун жеке маалыматын ачыкка чыгарып жиберди. Бул тууралуу Cybernews порталы жазды.

Сайттагы маалыматка ылайык, Clubhouse катталуучуларынын маалыматы беделдүү хакердик форумда акысыз түрдө жеткиликтүү болуп турат. Жарыяланып кеткен маалыматта колдонуучунун аты-жөнү, Twitter менен Instagram тармагы аркылуу сервиске каттоосу, катталуучулар менен катталгандардын саны, аккаунттун түзүлгөн күнү жана башка маалыматтар бар.

Бирок ачыкка чыгып кеткендердин арасында насыялык картанын жашыруун маалыматы жок. Анткен менен кийинки чабуулдарды жасоого оңой жол ачылганы айтылат.

Clubhouse жаңы социалдык тармак. Ага башка бир катталуучу чакыруу жөнөткөндө гана кирүүгө болот. Сервис кыска убакытта элге тарап, 5,3 миллион кишиге кызмат көрсөтүүдө. Колдонуучулардын арасында SpaceX компаниясынын негиздөөчүсү Илона Маск дагы бар.

Белгилер:
Clubhouse, Чабуул, сервис, колдонуучу, маалымат, хакерлер, интернет
Тема боюнча
Кыргызстандагы кайсы банктарда мобилдик банкинг бар? Оң жана терс жактары
Быйылкы жылдын эң мыкты смартфондору аталды
Forbes: байлардын сап башын кайрадан Жефф Безос менен Илон Маск ээледи
Вице-премьер Улукбек Кармышаков. Архив

Вице-премьер Улукбек Кармышаков шайлоо ийгиликтүү өткөнүн жарыялады

(жаңыланган 21:43 11.04.2021)
Вице-премьердин айтымында, бардык шайлоо участкаларында орой эреже бузуулар катталган жок.

БИШКЕК, 11-апр. — Sputnik. Вице-премьер Улукбек Кармышаков референдум менен жергиликтүү кеңештерге шайлоо ийгиликтүү өткөнүн брифингде жарыялады.

"Биз жергиликтүү кеңештерге шайлоо жана жаңы Конституция боюнча референдумду ийгиликтүү өткөрүп алдык. Алдын ала маалымат боюнча, референдумда 30 пайыздан ашык шайлоочу добуш берди. Бардык шайлоо участкаларында орой эреже бузуулар катталган жок", — деди аткаминер.

Кармышаков мындай көрүнүш мамлекет шайлоо процессин ийгиликтүү өткөрүп алганынан кабар берерин кошумчалаган.

Белгилер:
референдум, Улукбек Кармышаков, шайлоо, Кыргызстан
Тема:
Жергиликтүү кеңештерди шайлоо
Тема боюнча
Ош шаардык кеңешине шайлоо: алдыда 4 партия баратат
Бишкек шаардык кеңешинде мандаттар кандай бөлүштүрүлүп жатат. Болжолдуу эсеп
Референдумдун алдын ала жыйынтыгы чыгып, жаңы Конституция колдоо тапты