Роспотребнадзор коронавирустун "британиялык" штаммын аныктоочу тест жасады
(жаңыланган 10:33 01.03.2021)
Жаңы жасалган тест-система бардык клиникалык сыноодон өткөрүлүп, Россияда колдонуу үчүн каттоого алынган.БИШКЕК, 1-мар. — Sputnik. Роспотребнадзор мекемесинин окумуштуулары коронавирустун "британиялык" штаммын аныктоо үчүн дүйнөдөгү биринчи тест-системасын каттоого алышты. Бул тууралуу "Популярная механика" басылмасы жазды.
Ага ылайык, "АмплиСенс" SARS-CoV-2-UK-IT реагенттеринин топтому дал ошол коронавирустун мутация болгон штаммын аныктайт.
Жаңы жасалган тест-система бардык клиникалык сыноодон өткөрүлүп, Россияда колдонуу үчүн каттоого алынган. Мындан тышкары, ал коронавирустун жаңы штаммын так аныктай ала турганы айтылды.
Портал коронавирустун мутацияланган штаммы вирустун өзүнө салыштырмалуу жеңилирээк өтөрүн билдирген. Жаңы штамм деле аба аркылуу жугат. Ооруну алдын алуу үчүн буга чейин айтылган эрежелер аткарылышы керектиги белгиленди. Алсак, вирус жуктургандар изоляцияланышы шарт. Ошондой эле аралыкты сактоо, бет кап тагынуу, эмдөө жүргүзүү зарыл.
Кыргызстанда кылмыш жасап изин сууткандар Москвадан табылды
(жаңыланган 18:04 13.04.2021)
Учурда шектүүлөрдү Кыргызстанга өткөрүп берүү аракеттери жүрүүдө. Алардын бири 2012-жылдан бери табылбай жаткан.БИШКЕК, 13-апр. — Sputnik. Кыргызстандын Ички иштер министрлигинин Россиядагы өкүлчүлүгү мекенинде мамлекеттик издөө жарыяланган жарандарды колго түшүрүү боюнча көрүлгөн аракеттердин негизинде РФтин аймагында жашынган үч шектүүнү кармады.
Ага ылайык, 2011-жылы 1990-жылкы Э.О. эки шериги менен Сокулук районундагы үйлөрдүн бирине кирип үй ээлерин сабап туруп 100 миң сомун алып кеткен. 2012-жылы шектүүгө мамлекеттер аралык издөө жарыяланган.
©
Фото / Pexels / Sora Shimazaki
Мындан сырткары, 2020-жылдан бери балдарына алимент төлөбөгөндүгү үчүн Талас райондук ички иштер бөлүмү тарабынан изделип жаткан 1979-жылкы М.Э. дагы кармалган.
Учурда шектүүлөрдү Кыргызстанга өткөрүп берүү аракеттери жүрүүдө.
Болбогон жерден жем болду… Чалынып кетип арстанга кармалган эликтин видеосу
(жаңыланган 16:18 13.04.2021)
Далбас уруп арстандан качкан элик жырткычты кыйла артта калтыргандай болгон. Бирок капыстан аңга түшүп кетип жем болгону видеого түшүп калган.Кадр Кениянын түштүк-батышындагы Масаи-Мара коругунда тартылганын National Geographic жазды. Бул жаратылыш паркы арстандары менен белгилүү. Анда бул жырткычтын саны 900гө жакын. Аңчылыкка ургаачылары гана чыгат.
Видеодон жаш арстан эликтин артынан түшүп, бирок аны кармоого кокустук гана жардам бергенин көрүүгө болот.
Белгилер:
Эртең Бишкектин бир нече көчөсүндө жарык болбойт. Тизме
Шаршемби күнү тиешелүү адистер подстанциялардагы электр жабдыктарын оңдоп, бутактарды кыйышат.
БИШКЕК, 13-апр. — Sputnik. Эртең, 14-апрелде, Бишкек шаарынын бир нече жеринде электр жарыгы өчүрүлөт. Бул тууралуу "Түндүк электр" ачык акционердик коомунан кабарлашты.
Ал күнү адистер подстанциялардагы электр жабдыктарын оңдоп, бутактарды кыйып жана башка жумуштарды жасамакчы.
Жарык берүү үзгүлтүккө учурай турган аймактар:
- 9:00дөн 13:00гө чейин — Дэн Сяопин, Алыкулов, Астрахань, Белгород, Камчатка көчөлөрүнүн кесилишинде;
- 9:00дөн 17:00гө чейин — Каховский көчөсүндөгү №37 үйдө жана Абдымомунов, Фрунзе, Осмонкул көчөлөрүнүн кесилишинде;
- 9:00дөн 18:00гө чейин — Лев Толстой, Леваневский, Профсоюз, Фучик жана Арча-Бешик жаңы конушунун кээ бир бөлүгүндө (Ак-Түз, Кызыл-Адыр, Садыбакасов көчөлөрүндө);
- 9:30дан 17:00гө чейин — Жибек жолу жана Манас проспектилеринин кесилишинде, Осипенко, Тюмень, Күрөңкеев, профессор Зима, Ананьев жана Ташкент көчөлөрүнүн кесилишинде;
- 9:30дан 18:40ка чейин — Фере көчөсүндө;
- 9:30дан 19:00гө чейин — Жогорку Төкөлдөш жаңы конушунда жана Литов, Кийизбаев, Октябрь, Армейская көчөлөрүнүн кесилишинде;
- 9:40тан 18:00гө чейин — Байтик баатыр, Үсөнбаев, Абдрахманов көчөлөрүнүн кесилишинде.
Белгилер: