Япония Олимпиадага карата кошумча чектөөлөрдү киргизмей болду

© REUTERS / ISSEI KATOТокио шаарынын улуттук сатионундагы Олимпиада шакекчелери. Архив
Токио шаарынын улуттук сатионундагы Олимпиада шакекчелери. Архив - Sputnik Кыргызстан, 1920, 14.03.2021
Жазылуу
Алдын ала чечимге ылайык, чет мамлекеттин башчысын коштоп жүргөндөр 11 адамдан ашпайт, ал эми министрди коштоп жүргөн адамдардын саны төрт кишиден көп болбошу керек.
БИШКЕК, 14-мар. — Sputnik. Япония өкмөтү жай айында өтүүчү Олимпиада оюндарына келген чет элдик лидерлерди коштоп жүргөн адамдардын санын чектөөнү карап жатат. Мындай аракет коронавирустун жайылып кетүү коркунучунан улам болгонун Киодо агенттигине таянып Р-Спорт жазды.
Агенттик билдиргендей, бул тууралуу ар бир өлкөнүн элчиликтеринин өкүлдөрү кабардар болгон. Тактап айтканда, чет мамлекеттин башчысын коштоп жүргөндөр 11 адамдан ашпайт, ал эми министрди коштоп жүргөн адамдардын саны төрт кишиден көп болбошу керек.
Перенос даты Олимпийских игр в Токио - Sputnik Кыргызстан, 1920, 22.12.2020
Токио Олимпиадасынын бюджети 16 миллиард долларга чукулдады
Келген ардактуу (VIP) коноктор катаал карантинден өтүшпөйт, бирок алар өлкөгө кирерден 72 саат мурун коронавируска каршы ПЦР-анализ тапшырып, аэропортко келгенден кийин кайрадан тесттен өтүшөт.
Мындан тышкары, алардын спортчулар менен байланышуусуна чектөө коюлат. Бөлүнгөн гана транспорт менен жүрүшү зарыл.
Коронавируска каршы чаралар боюнча акыркы чечимди бийлик башка мамлекеттердин реакцияларын, ошондой эле Япониядагы жана чет өлкөлөрдөгү эпидемиологиялык кырдаалды эске алуу менен кабыл алары айтылат.
Киодо агенттиги буга чейин Япония Олимпиада оюндарын COVID-19 илдетинин тарап кетишине, чек аралардагы чектөөлөргө байланыштуу көрүүчүлөрсүз өткөрүүнү чечкенин айткан. Кийинчерээк Эл аралык Олимпиада комитетинин президенти Томас Бах Токиодогу оюндарга чет элдик күйөрмандарды кабыл алуу боюнча акыркы чечим кабыл алына электигин билдирген болчу.
Жаңылыктар түрмөгү
0