Флакон с вакциной AstraZeneca COVID-19 в Париже. 11 марта 2021 года

Тромб пайда кылат. AstraZeneca вакцинасын колдонууну токтоткон өлкөлөр көбөйдү

(жаңыланган 10:05 16.03.2021)
AstraZeneca компаниясы вакцина коопсуз экенин, кан тамырларында тромб пайда болгон адамдардын саны алар божомолдогондон алда канча төмөн экенин айтууда.

БИШКЕК, 16-мар. — Sputnik. Латвия, Австрия, Эстония, Литва, Люксембург, Дания, Болгария, Норвегия, Исландия, Словения, Кипр, Италия, Франция, Германия жана Испания сыяктуу бир катар өлкөлөр COVID-19га каршы AstraZeneca компаниясы иштеп чыккан вакцинаны колдонууну токтотуп коюшту. Бул тууралуу РИА Новости жазды.

Ал эми Венесуэла мамлекетинин вице-президенти Делси Родригес препаратка өз аймагында уруксат бербей турганын билдирди.

FOCUS порталынын жазганына караганда, Германиянын Саламаттык сактоо министрлиги аталган препарат сайылгандан кийин кан тамырдын бүтөлүп калышы (тромбоз) тууралуу билдирүүлөр түшкөн соң вакцинаны дагы тереңдеп изилдеп көрүүнү чечкен.

Ал эми Франциянын президенти Эммануэль Макрон Европанын Дары-дармектер агенттиги (ЕМА) вакцинанын коопсуздугу тууралуу пикирин айтмайынча өз өлкөсүндө аны пайдалануу токтотулганын билдирди.

Ушундай эле билдирүүнү расмий Рим таратты. Италия бийлиги дагы ЕМА уюмунун расмий жыйынтыгын күтүүнү туура көрүп жатат.

Ал эми AstraZeneca компаниясы вакцина коопсуз экенин, кан тамырларында тромб пайда болгон адамдардын саны алар божомолдогондон алда канча төмөн экенин айтууда.

Вакцинаны британ-швед фармацевтикалык AstraZeneca компаниясы Оксфорд университети менен биргеликте жасаган.

Эске салсак, саламаттык сактоо министри Алымкадыр Бейшеналиев Кыргызстанга март айында коронавируска каршы даярдалган AstraZeneca компаниясынын вакцинасы 504 миң дозада алып келинерин айткан эле.

Белгилер:
AstraZeneca, коронавирус, вакцина, Европа
Тема:
Дүйнөгө жайылган коронавирус (1374)
Тема боюнча
Ашказан-ичеги оорусу барлар вакцина алса болобу? Адистин жообу
Марипов Кытай элчиси менен авиакаттам, вакцина, жүк ташуу тууралуу сүйлөштү
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус (1374)
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат
Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы

360°. РФ окумуштуулары космостун интерактивдүү картасын түзүп чыгышты

Рентгендик картадан квазарларды, активдүү галактикалардын өзөгүн, Күндөн миң эсе жарык жылдыздарды жана башка объектилерди көрүүгө болот.

БИШКЕК, 14-апр. — Sputnik. Россия илимдер академиясынын жана Роскосмостун космосту изилдөө институту асмандын интерактивдүү рентгендик картасын түздү. Бул тууралуу мамлекеттик корпорациядан билдиришти.

Билдирүүдө панорамалык картадан 360 градустук көрүнүш менен квазарларды, активдүү галактикалардын өзөгүн, рентгендик пульсарларды, Күндөн миң эсе жарык болгон таажылуу жылдыздарды көрүүгө боло тургандыгы айтылат.

Посмотреть эту публикацию в Instagram

Публикация от Роскосмос // Roscosmos (@roscosmosofficial)

Карта "Спектр-РГ" россиялык-германиялык орбиталык обсерваториясында жайгаштырылган телескоптун жардамы менен түзүлгөн. Ал жакында объектилерди белгилөө функциясы менен толукталмакчы.

Белгилер:
күн, карта, жылдыз, космос
Тема боюнча
Аалам кооздугу кадрларда. 14 сүрөткө сыйган космос жаңылыктары
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн