Люди во время празднования Нового года на одной из улиц в Пекине.

Эпидемиолог быйыл COVID пандемиясынын аягына чыгар-чыкпасын айтты

(жаңыланган 09:50 01.04.2021)
Окумуштуу азырынча дүйнөдө коронавирус менен ооругандар көбөйүп, Европада илдет азайбай жаткандыгын айтты.

БИШКЕК, 1-апр. — Sputnik. COVID пандемиясы 2021-жылы дүйнө боюнча бүтпөйт, бирок коронавирус сезондук мүнөзгө ээ болгондуктан жайында кадыресе азайышы мүмкүн. Бул туурасында РИА Новости Роспотребнадзордун Эпидемиология боюнча борбордук илим-изилдөө институтунун директорунун илимий иштер боюнча кеңешчиси, академик Виктор Малеевдин айтканына таянып жазды.

Окумуштуу азырынча дүйнөдө коронавирус менен ооругандар көбөйүп, Европада илдет азайбай жаткандыгын айтты. Ал эми тестирлөө аз болгон Африка жана Азия мамлекеттериндеги абал түшүнүксүз бойдон калууда деп кошумчалаган.

"Дүйнөдөгү абал кандайча өнүгүп жатканына көз салып турушубуз керек. Себеби ал биздин өлкөгө да таасирин тийгизиши мүмкүн. Негизи эле коронавирус бизге биринчи ирет Европадан келген эмеспи", — деген Малеев.

Эксперттин айтымына караганда, коронавирус пандемиясы калктын 70 пайызынын иммунитети пайда болуп калган аймактарда гана акырындап азая баштайт. Бирок муну менен кошо эле СOVID-19 мутация болуп кеткен учурда вакцина андан коргой алабы деген суроону берип, ага көз салып туруу керектигин кошумчалаган.

Белгилер:
божомол, пандемия, коронавирус, Азия, Европа, Африка, Россия
Тема:
Дүйнөгө жайылган коронавирус (1373)
Тема боюнча
Пандемия Европа үчүн бороон-чапкынга айланууда. Туруштук бере алабы?
Бишкекте сегиз айлык бөбөк COVID-19 жуктуруп алды
Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы

360°. РФ окумуштуулары космостун интерактивдүү картасын түзүп чыгышты

Рентгендик картадан квазарларды, активдүү галактикалардын өзөгүн, Күндөн миң эсе жарык жылдыздарды жана башка объектилерди көрүүгө болот.

БИШКЕК, 14-апр. — Sputnik. Россия илимдер академиясынын жана Роскосмостун космосту изилдөө институту асмандын интерактивдүү рентгендик картасын түздү. Бул тууралуу мамлекеттик корпорациядан билдиришти.

Билдирүүдө панорамалык картадан 360 градустук көрүнүш менен квазарларды, активдүү галактикалардын өзөгүн, рентгендик пульсарларды, Күндөн миң эсе жарык болгон таажылуу жылдыздарды көрүүгө боло тургандыгы айтылат.

Посмотреть эту публикацию в Instagram

Публикация от Роскосмос // Roscosmos (@roscosmosofficial)

Карта "Спектр-РГ" россиялык-германиялык орбиталык обсерваториясында жайгаштырылган телескоптун жардамы менен түзүлгөн. Ал жакында объектилерди белгилөө функциясы менен толукталмакчы.

Белгилер:
күн, карта, жылдыз, космос
Тема боюнча
Аалам кооздугу кадрларда. 14 сүрөткө сыйган космос жаңылыктары
Урук банкы. Архив

Бир атадан көп бала туулбасын. Казакстанда бирдиктүү урук банкын түзүү сунушталды

(жаңыланган 13:23 14.04.2021)
Депутаттын айтымында, Казакстанда урук донорлору аз. Андыктан бир эле атадан туулган балдар кийин бири-бирине үйлөнүп калышы мүмкүн. Демек, улуттук генофонд бузулуп, оорулуу балдар көп боло баштайт.

БИШКЕК, 14-апр. — Sputnik. Казакстандын парламенти өлкөдө бирдиктүү урук банкын түзүүнү сунуштап жатат. Бул тууралуу Sputnik Казакстан агенттиги жазды.

Депутат Бекболат Тлеухан бул нерсе келечекте бир атадан туулган балдардын баш кошуусун алдын алат деп эсептейт.

"Статистикага ишенсек, Казактанда урук донорлору абдан аз. Бирок жылына бир эле клиникада донордук урукту пайдалануу менен төрөлгөн балдардын саны 70тен ашат. Демек, бир нече үй-бүлөдө бир эле эркектен төрөлгөн балдар чоңоюп жатышы мүмкүн. Ал балдар кийин бири-бирине баш кошуп калса эмне болот? Биз келечектеги улуттук генофондубузга кам көрүп, бир кандагы адамдардан оорулуу балдардын төрөлүшүн алдын алышыбыз зарыл", — деди эл өкүлү.

Казакстандын мыйзамдарына ылайык, эркек 35 жашка чейин гана урук донору боло алат. Негизги талап — ден соолугу бекем болушу керек.

Эми депутат жогорудагыдай көйгөйлөр жаралбашы үчүн бир эркек бир гана жолу урук тапшырып, ал эки гана аялга колдонулсун деген сунуш киргизип жатат.

Белгилер:
генофонд, сунуш, депутат, банк, урук, Казакстан
Тема боюнча
Уролог Усупбаев: жыныс оорулары күчөдү, генофонд коркунучта!
Төшөк кумары машыгуудай эле арыктатабы? Адистердин пикири
Замначальника отдела Государственной судебно-экспертной службы КР Жийдегуль Семенова на радио Sputnik Кыргызстан

Семёнова: сөз аркылуу жасалган кылмыштар үчкө бөлүнөт

Мамлекеттик соттук-эксперттик кызматтын Диндик экспертиза башкармалыгынын жетекчисинин орун басары Жийдегүл Семёнова сөз менен кылмыш жасоо үч топко бөлүнөрүн айтты.
Семёнова: сөз аркылуу жасалган кылмыштар үчкө бөлүнөт

Соттук-эксперттик мамлекеттик кызматта Диндик экспертиза башкармалыгы болуп түзүлгөнүнө эки жылдын гана жүзү болду. Биз террордук, экстремисттик чакырык, үндөөлөрдү камтыган же улуттар аралык кагылышууларга алып келүүчү, болбосо кайсы бир топтогу адамдардын же жеке инсандын аброюна шек келтирген тексттерди талдап, иликтейбиз. Бул тууралуу Жийдегүл Семёнова Sputnik Кыргызстан радиосуна маек куруп жатып билдирди.

Анын айтымында, сөз аркылуу кылмыш жасоо өлкө аймагында жылдан-жылга көбөйүүдө.

"Сөз менен кылмыш жасоону негизги үч топко бөлүп карайбыз. Алар кептик бейбаштык, кептик алдамчылык жана кептик кылмыш болуп аталат. Мисалы, интернет айдыңында коомго коркунуч жаратпаган, бирок жеке бир адамды же улутту таарынткан текст — бул кептик бейбаштык болуп эсептелет. Ал эми кайсы бир продукцияны эч негизсиз мактап, кымбат сатуу аракетин көргөн сыяктуу тексттер кептик алдамчылыкка кирет. Кептик кылмыш деп биз экстремисттик, террордук чакырыктарды жана башка ушул сыяктуу оор иштерге үндөгөн тексттерди атайбыз. Биздин милдет ошол жерде мыйзам бузуулар бар экенин аныктап берүү гана. Ал эми чечимди сот чыгарат. Аныктоодо биз эч качан бир гана сөзгө же сүйлөмгө басым жасабайбыз. Жазылган жалпы текстке көңүл бурабыз. Ал социалдык тармактагы бирөөнүн жеке баракчасына жазган посту болобу же анын түбүнө жазылган комментарийби, айырмасы жок", — деди Семёнова.

Лингвист 2018-жылы кептик мыйзам бузуу боюнча 86 учур катталса, 2019-жылы 950гө жеткенин кошумчалады.

Белгилер:
Жийдегуль Семенова, талдоо, укук, мыйзам, кеп
Тема боюнча
Бегилерова: адвокаттын телефон сүйлөшүүсүн угууну кысым катары кабыл алабыз