1-апрелге карата тамаша Брюсселде массалык башаламандык жаратты. Видео

© REUTERS / CLEMENT ROSSIGNOLБрюсселдеги полиция менен жарандардын кагылышуусу
Брюсселдеги полиция менен жарандардын кагылышуусу - Sputnik Кыргызстан, 1920, 02.04.2021
Жазылуу
Белгисиз адамдар социалдык тармактарга 1-апрель күнү Буа де ля Камбр сейил багында музыкалык фестиваль өтө турганын жарыялаган. Буга ишенип алып паркка 5 000 адам чогулган.
БИШКЕК, 2-апр. — Sputnik. Брюсселде борбордук сейил бакта укмуштуудай концерт болот деген 1-апрелге карата айтылган тамаша массалык башаламандык жана полиция менен жарандардын кагылышуусуна алып келди. Бул тууралуу Вrussels Тimes жазды.
​Маалыматка караганда, марттан бери бельгиялык социалдык тармактарда 1-апрель күнү Буа де ля Камбор сейил багында La Boum музыкалык фестивалы өтө турганы, ага Европанын булуң-бурчунан 200 диджей келери тууралуу жарыя таркаган. "Уюштуруучулар" концертке кирүү акысыз болорун жана Париж, Лондон, Амстердамдан автобустар келерин убадалашкан.
​Аталган жарыяда маалымат тамаша экенин кыйыткан белгилер болгон. Мисалга, "фестивалдын" датасынын 1-апрелге туш келишин, диджейлердин ысымы бельгиялык саясатчылардыкына окшоштугун алса болот. Тизмеде Alexander 2-Kraux деген адам болгон — бул Бельгиянын премьер-министри Александер де Крону кыйыткан.
1-апрелге жакын "уюштуруучулардын" баракчасында жарыя болгону тамаша экени боюнча билдирүү жарыяланган. Бирок ал маалымат кырдаалдан куткара алган эмес. Түштөн кийин сейил бакка 5 000 адам чогулган. Фестиваль башталбай калганда жаштар өз алдынча музыка жаңыртып бийлеп башташкан.
​Полиция кызматкерлери элден тарап кетүүнү суранганда топтолгондор тартип коргоочуларды көздөй бөтөлкө ыргыткан. Кийин атчан полиция өкүлдөрү дагы келишкен. Топтолгондорду суу менен атып кубалап, кээ бирлерин кармашкан.
​Окуянын кесепетинен 15 адам кармалып, ондон ашык укук коргоочу жаракат алган.
Жаңылыктар түрмөгү
0