Машыккан кыз. Архивдик сүрөт

Ай чырайлуу мушкер дебюттук кармашында атаандашын оор нокаутка кетирди. Видео

155
Спортчу кыз Bellator уюму менен 2019-жылдын аягында келишим түзгөн. Деген менен коронавирус пандемиясынан улам беттешке чыга албай келген.

БИШКЕК, 11-апр. — Sputnik. Россиялык ММА мушкери Диана Авсагарова Bellator уюмундагы дебюттук таймашында эле кубаттуу соккусу менен атаандашын оор нокаутка кетирди. Бул тууралуу Championat.com сайты жазды.

"Пантера" каймана аты бар суйкайган кыз америкалык атаандашы Тару Граффты 29 секундада сулата чапкан.

22 жаштагы атлет кыз түбү Түндүк Осетиядан болот. Ал жаш кезинде арм-рестлинг, фехтования жана кикбоксинг менен машыккан. Кийин аны эркин күрөшкө киргизишкен.

Посмотреть эту публикацию в Instagram

Публикация от Diana Avsaragova (@pantero_57_)

Ал күрөш менен алты жылдай машыгып, спорт чебери наамын алган. Диана жаштар арасында Россиянын чемпиону жана көптөгөн мелдештерде жеңүүчү болгон. Ал Түндүк Осетияда да, Москвада да машыккан. Спортчу беш жыл бою Россиянын борборундагы мушкерлер үчүн пансионатта болуп, кийин үйүнө барган. Диана үчүн үй-бүлөсүнүн кашында машыгуу ыңгайлуу болгонун белгилеген. 

Посмотреть эту публикацию в Instagram

Публикация от Diana Avsaragova (@pantero_57_)

Осетиялык сулуу кыз белгилүү мушкер, учурда UFC уюмунун өкүлү Лиана Жожуа менен таанышкандан кийин ММА спорту менен машыга баштаган.

Посмотреть эту публикацию в Instagram

Публикация от Diana Avsaragova (@pantero_57_)

Алар тез эле достошуп, өнөрлөрүн өркүндөтүү үчүн бири-бирине жардам бере башташкан. Өзгөчө күрөштү өздөштүрүшкөн. 2017-жылы Лиананын Emir Fighting Championsips уюмунда беттеши пландалган. Ошол учурда Авсагарова курбусунан өзү үчүн да беттеш уюштурууну өтүнгөн. Алар экөө тең таймашка чыгышып, өз атаандаштарын мөөнөтүнөн мурда утушкан. 

Посмотреть эту публикацию в Instagram

Публикация от Diana Avsaragova (@pantero_57_)

Авсагарова көбүнесе кичи мекениндеги Alania Fighting Team клубунда машыгат. Ал эми окуу-машыгууларды өткөрүүдө Грозныйдагы "Ахмат" клубуна барат. Спортчу дал ушул клубдун атынан мелдештерге чыгат.

Посмотреть эту публикацию в Instagram

Публикация от Diana Avsaragova (@pantero_57_)

Диананын ММА спортундагы карьерасы эми гана башталган. Bellator уюмуна чыкканга чейин атлет эки беттеш өткөрүп, экөөндө тең жеңүүчү болгон. Ал Bellator менен келишимди 2019-жылдын аягында түзгөн. Ошол кезде ал лигадан мындай сунуш болорун күткөн эместигин айтат. Диана промоушендеги алгачкы беттешин мурда эле пландаган, бирок коронавирус пандемиясынан улам ал ишке ашпай калган. Жагдай, шарттарга карабастан мушкер өз калыбын жоготпой, беттешти күтүп, үйдө машыгуусун уланткан.

155
Белгилер:
нокаут, мушкер, Россия
Тема боюнча
Үчүнчү ирет! Макгрегор Порье менен качан беттешери так айтылды
Палестиналыктар Иерусалимдеги Акса мечитинде Израилдин коопсуздук күчтөрү менен кагылыш учурунда

Убактылуу баш паанек сурап БУУга 40 миңге чукул палестиналык кайрылды

37
(жаңыланган 12:52 17.05.2021)
Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

БИШКЕК, 17-май — Sputnik. Палестиналык качкындарга жардам берчү БУУнун Жакынкы Чыгыш агенттиги (БАПОР) Газа тилкесинин чек ара аймактарында жашагандардын ичинен 38 миң киши убактылуу баш калкалоочу жай сурап кайрылганын билдирди. Бул тууралуу РИА Новости жазды.

"Газа секторуна Израилдин соккусу токтобой жаткандыктан агенттиктин мектептерине 38 миң палестиналык баш калкалоо үчүн кайрылды", — деп айтылат маалыматта.

Палестинадагы анклавда жайгашкан уюмдун өкүлү Аднан Абу Хасна эгер эскалация улана турган болсо, агенттик качкындар үчүн 50 жай (мектеп) ачуу планын иштеп чыкканын айткан.

Буга чейин БАПОР үй-бүлөлөрдү кабыл алуу үчүн өзүнүн мектептерин ачканын билдирген, ал мектептер дароо эле толуп калган. Палестиналык активист Манар Зааниндин айтымында, Израилге жакын жайгашкан аймактын тургундары үйлөрүн таштап кетүүдө.

Куралдуу кагылышуудан Газа тилкесинде 192ден көп адам каза болгон. Анын 58и балдар.

Ошол эле маалда палестиналыктар да Израилге сокку урууда. Мунун натыйжасында 10 киши көз жумуп, 50дөй адам оор жаракат алган.

Эске салсак, ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Буга палестиналыктар нааразы болуп, 7-майда жарандар (палестиналыктар) менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

37
Белгилер:
жай, качкын, сокку, Израиль, Газа тилкеси
Мексикалык кыз Андреа Меса Аалам сулуусу сынагын жеңип алды

"Аалам сулуусу" сынагын мексикалык кыз жеңди. Чүрөктүн видеосу

85
(жаңыланган 12:15 17.05.2021)
Сулуулар таймашынын финалында Перу, Доминика Республикасы, Бразилия, Индия жана Мексикадан келген кыздар күч сынашты.

БИШКЕК, 17-май — Sputnik. Мексикалык кыз Андреа Меса "Аалам сулуусу" сынагын жеңип алды. Бул тууралуу эл аралык сынактын Twitter тармагындагы расмий баракчасында жазылды.

​Финалда Меса узун, арты ачык, жалтырак кызыл көйнөк кийгенин көрүүгө болот. Таажыны ага 2019-жылы жеңүүчү болгон түштүк африкалык Зозибини Тунци кийгизгенин көрүүгө болот.

​Меса — дүйнөлүк сулуулар сынагын жеңген үчүнчү мексикалык кыз. Буга чейин мекендештери 1991 жана 2010-жылдары биринчиликти багындырышкан.

"Аалам сулуусу" аталган кыз программист, ошондой эле туризмди колдоп, зордук-зомбулуктарга каршы туруп келет.

Сулуулар таймашынын финалында Перу, Доминика Республикасы, Бразилия, Индия жана Мексикадан келген кыздар күч сынашты. Үчүнчү орунду перулук Яник Масета, экинчини бразилиялык Жулия Гама алган.

85
Белгилер:
видео, жеңүүчү, сулуулар сынагы, Мексика
Тема боюнча
Таажыны башынан жулуп алып. Сулуулар сынагындагы чатактын видеосу
Кумтөр алтын кени. Архив

Эл аралык соттордо Centerra Gold Inc. компаниясына кандай доомат коюлууда

0
(жаңыланган 15:16 17.05.2021)
Акылбек Жапаров парламентте депутаттардын суроосуна жооп берип жатып Кыргызстан эл аралык сотторго кайрылууда Centerra Gold Inc. компаниясынан эмнени талап кылып жатканын айтты.

БИШКЕК, 17-май. — Sputnik. "Кумтөр Голд Компани" ишканасынын ишин текшерүү боюнча комиссиянын төрагасы Акылбек Жапаров Кыргызстан эл аралык соттордо Centerra Gold Inc. компаниясына кандай доомат коюп жатканын санап берди.

Ушул тапта парламентте Кумтөрдү сырттан башкарууга алуу маселеси каралып жатат. Мамлекеттик комиссиянын мүчөлөрү депутаттардын суроосуна жооп берүүдө.

Анда депутат Дастан Бекешев Кыргызстан Centerra Gold Inc. компаниясына соттордо утулуп калса кесепети кандай болорун сурады.

Жапаров алгач канадалык ишканага кандай дооматтар коюлуп жатканын айтты.

"Биз азырынча айып пул боюнча гана кайрылып жатабыз. Бул боюнча фактыларды качан гана болбосун далилдеп бере алабыз. Ишкана 183 миллион куб метр мөңгүнү талкалаган. Азыр суулардын булганышы боюнча дагы чыгымдарды карап жатабыз. Юристтер менен экологдор иштөөдө. Бул экология боюнча даярдык", — деди комиссия төрагасы.

Ал эми Нью-Йорк шаарындагы арбитраждык сотко кыргыз бийлиги салыкка байланыштуу кайрылмакчы.

Сөзүнүн аягында Жапаров Кыргызстан кайсы учурда утулуп калышы мүмкүн экенин айтты.

"Өкмөт 2009-келишимде Кумтөргө жактоочу болуп алган. Кимден болсо дагы коргоп турмак. Бирок жакында эле кыргызстандык жарандар компанияны сотко берип, 3 миллиард 86 миллион доллар өндүрүп алды. Эми канадалыктар өкмөткө силер биз тарапта болушуңар керек деген доомат коюп жатат. Бул боюнча дагы юристтер менен даярдануудабыз", — деди ал.

Эл өкүлү Бекешев Кыргызстан сотто утулуп калса кесепети кандай болору туурасында суроосуна жооп ала алган жок.

"Кумтөр Голд Компани" боюнча абал

Эске салсак, 7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. 11-май күнү УКМК "Кумтөр голд компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
сот, Кумтөр, Акылбек Жапаров, Кыргызстан
Тема:
"Кумтөргө" 3 миллиард доллар айып салынышы
Тема боюнча
Башкы эколог Кумтөр тууралуу: бардык соттук процесстерде жеңерибизге ишенем
Кумтөр маселесин чечүү үчүн АКШ менен Канададан алдыңкы юристтер тартылды
Сүйлөшсөк да, ажырашсак да болот. Кыргыз бийлиги "Кумтөргө" кандай шарт коюуда
Кыргызстан Centerra менен соттошууга кайсы компанияларды жалдаганы айтылды