АКШнын президенти Жо Байден

Эки держава дүйнөдөгү туруктуулук үчүн жооптуу. Байдендин Россия тууралуу сөзү

169
(жаңыланган 10:52 16.04.2021)
Саясатчы россиялыктар менен америкалыктарды "намыскөй, патриот эл" деп атап, бардыгы келечектин тынч жана коопсуз болушуна кызыкдар экенине токтолгон.

БИШКЕК, 16-апр. — Sputnik. АКШ президенти Жо Байден Россияга арнап сөз сүйлөп, анда Вашингтон менен Москванын ортосундагы мамилеге келечеги бар деген баасын берди. Бул тууралуу РИА Новости билдирди.

Өз сөзүндө америкалык лидер апта башында Путин менен телефондон сүйлөшкөнүн эске салып, Россия президенти менен сый жана ачык баарлашканын белгилеген.

"Биз эки улуу державанын өкүлүбүз. Дүйнөдөгү туруктуулук үчүн бул эки мамлекеттин жоопкерчилиги чоң. Президент Путин экөөбүз эки өлкөнүн ортосундагы мамилени сактоо үчүн жооптуубуз", — деген Байден.

Саясатчы россиялыктар менен америкалыктарды "намыскөй, патриот эл" деп атап, бардыгы келечектин тынч жана коопсуз болушуна кызыкдар экенине токтолгон.

Байден "АКШдагы шайлоого кийлигишкени үчүн" Россияга каршы санкция киргизилгенин мойнуна алды. Кырдаал ушул нугун сактап калса болмоктугун, бирок ал башка багытты тандап алганын кошумчалаган.

"АКШ эскалациянын кезектеги циклин баштагысы келген жок, Россия менен чырдашууну каалабайт. Биз туруктуу мамилеге кызыкдарбыз. Бирок эгер Россия ички иштерибизге аралашууну уланта берсе, мен ага жооп катары жаңы кадамдарга барууга даярмын",— деген АКШ лидери.

Байден Путин менен жеке сүйлөшүүнүн маанилүүлүгүн белгилеп, ал эки мамлекеттин ортосундагы мамилени жакшыртууга түрткү болушу керектигин кошумчалаган.

АКШ президенти Вашингтон менен Москва дүйнөдөгү бир катар көйгөйлөр боюнча чогуу иштей аларын айткан. Алардын катарында курал-жаракты көзөмөлдөө, коопсуздук бар. Байден СНВ-3 келишимин беш жылга узартууну мисал катары келтирген.

Эске салсак, апта башында Жо Байден менен Владимир Путин экөө телефон аркылуу сүйлөшүп, эки тарап тең Россия менен АКШнын гана кызыкчылыгы эмес, бүткүл дүйнө коомчулугуна пайда алып келүү үчүн мындан ары дагы диалогду улантууга даяр экенин билдиришкен. Сүйлөшүүдө Байден Путинди үчүнчү өлкөдөн жолугууга чакырган.

169
Белгилер:
мамиле, Владимир Путин, Россия, АКШ, Жо Байден
Тема боюнча
Үчүнчү өлкөдө жолугалы. Байден Путин менен телефондон сүйлөшүп, сунушун айтты
Оорукананын бөлүмүндөгү медициналык кызматкер

Пандемия мындан 23 жыл мурдагы Азия кризисинен кем калышкан жок

57
(жаңыланган 17:40 18.06.2021)
Статистика боюнча бардык адистер пандемиянын экономикалык жана социалдык көрсөткүчтөргө тийгизген терс таасирин чагылдырганга аракет кылып жатышат. Муну менен БУУнун бир уюму да иштей баштаган.

БИШКЕК, 18-июн. — Sputnik. Пандемиянын дүйнөлүк экономикага жана социалдык багытка тийгизген таасири 1998-жылы болгон Азия кризиси менен бир деңгээлге коюлуп жатат. Бул тууралуу КМШнын Статистика боюнча мамлекет аралык комитетинин башчысы Владимир Соколин Экономикалык кеңештин жүрүшүндө айтты.

Анын пикирине караганда, статистика боюнча иштеген бардык адистер пандемиянын экономикалык жана социалдык көрсөткүчтөргө тийгизген терс таасирин чагылдырганга аракет кылууда. БУУнун бөлүктөрүнүн бири муну изилдеп, ал үч том болду.

"Үчүнчү томдо эксперттер пандемия 1998-жылы болгон Азия кризиси сыяктуу эле өзгөчө социалдык багытка катуу таасир эткендигин айтышууда. Эске сала кетсем, ал каатчылык Россияга чейин жетип, дефолт жарыяланган эле", — деди Соколин.

Азия финансылык кризиси 1997-1998-жылы дүйнөлүк экономиканы аңтар-теңтер кылып кеткен. Ага "Азия арстандарынын" экономикасынын ыкчам өсүшү жана корпоративдик, мамлекеттик карыздардын арбышы себеп болгон. Жыйынтыгында бир катар мамлекеттердин валюталарынын куну түшкөн. Кризистин кесепети 2001-жылдан тартып азая баштаган.

57
Белгилер:
пандемия, кризис, Азия, Россия, КМШ
Тема:
Дүйнөгө жайылган коронавирус
Тема боюнча
КМШ өлкөлөрүнүн ортосундагы өз ара соода калыбына келе баштады
Пандемия Европа үчүн бороон-чапкынга айланууда. Туруштук бере алабы?
Заводдо сагыз өндүрүү линиясынын жумушчусу. Архив

ЖМК: Россиянын Коргонуу министрлиги вакцинаны сагыз түрүндө чыгарууга киришти

65
(жаңыланган 17:37 18.06.2021)
Колдонуу үчүн ыңгайлуу формада чыгарылган препарат коронавирус инфекциясы менен күрөшүүдө жакшы натыйжа берет деген ишенич бар экени айтылды.

БИШКЕК, 18-июн. — Sputnik. Россиянын Коргонуу министрлиги коронавируска каршы жаңы препарат даярдоого киришти. Ал сагыз түрүндө болмокчу. Бул тууралуу РИА Новости агенттиги ишенимдүү маалымат булагына таянып жазды.

Агенттиктин маектеши иш № 48 Борбордук илимий-изилдөө институтунда жүрүп жатканын билдирген.

"Колдонуу үчүн ыңгайлуу формада чыгарылган препарат коронавирус инфекциясы менен күрөшүүдө жакшы натыйжа берет", — деген ал.

Белгилей кетсек, 2020-жылы Коргонуу министрлиги Гамалея атындагы эпидемиология жана микробиология улуттук изилдөө борбору менен биргеликте "Спутник V" вакцинасын чыгарган.

65
Белгилер:
вакцина, коронавирус, Коргоо министрлиги, Россия
Тема:
Дүйнөгө жайылган коронавирус
Тема боюнча
Собянин: Москвада мигранттарды эмдөө июлда башталышы мүмкүн
Өткөн суткада 653 киши COVID-19 жуктуруп, 4 бейтап акка моюн сунду
 Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту

Жапаров Нарын шаарынын тургундарына жолугуп, көйгөйлөрүн укту. Сүрөт

0
(жаңыланган 22:48 18.06.2021)
Президент менен кезиккен эл электр энергиясына болгон тарифтик саясат жана банктагы насыялардын жогорку пайыздагы коюмдары тууралуу оюн айткан.

БИШКЕК, 18-июн. — Sputnik. Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту. Бул тууралуу өлкө башчынын маалымат кызматы кабарлады.

  • Жители города Нарын на встрече с президентом КР Садыром Жапаровым, находящимся с рабочей поездкой в Нарынской области
    Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту
    © Пресс-служба президента КР / Султан Досалиев
  • Жители города Нарын на встрече с президентом КР Садыром Жапаровым, находящимся с рабочей поездкой в Нарынской области
    Жолугушууда жергиликтүү эл электр энергиясына болгон тарифтик саясат, социалдык жөлөкпулдар жана банктардагы насыялардын жогорку пайыздагы коюмдары тууралуу оюн айтышкан
    © Пресс-служба президента КР / Султан Досалиев
  • Президент Кыргызстана Садыр Жапаров во время встречи с жителями города Нарын в рамках рабочей поездки в Нарынскую область
    Ошондой эле миграция боюнча көйгөйлөрү жана жеке мүнөздөгү маселелери менен бөлүшүшкөн
    © Пресс-служба президента КР / Султан Досалиев
  • Жители города Нарын на встрече с президентом КР Садыром Жапаровым, находящимся с рабочей поездкой в Нарынской области
    Жапаров өлкөнүн стратегиялык максаттары менен милдеттерине дал келе турган экономикалык реформаларды жүргүзүү пландары менен бөлүшкөн.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту

Жолугушууда жергиликтүү эл электр энергиясына болгон тарифтик саясат, социалдык жөлөк пул жана банктагы насыялардын жогорку пайыздагы коюмдары тууралуу оюн айткан. Ошондой эле миграция боюнча көйгөйлөрү жана жеке мүнөздөгү маселелери менен бөлүшкөн.

Жапаров өлкөнүн стратегиялык максаттары менен милдеттерине дал келе турган экономикалык реформаларды жүргүзүү пландары менен бөлүшкөн.

Анын айтымында, жакында жыл сайын "Кумтөр Голд Компани" ЖАКнын эсебинен Нарын облусун өнүктүрүү фондун түзүү пландалууда. Жергиликтүү тургундардын макулдугу менен Ат-Башы районуна индустриалдык соода-логистикалык борбор курулушу мүмкүн. Анда 30 миң жаңы жумуш орундары түзүлмөкчү.

Ошондой эле президент мамлекеттик органдар менен жергиликтүү өз алдынча башкаруу органдарынын жетекчилери ишкерлерге жана инвесторлорго ар тараптуу жардам көрсөтүшү керектигин белгилеген.

Жолугушуунун жыйынтыгында Садыр Жапаров көтөрүлгөн маселелердин бардыгы көзөмөлгө алынат деп ишендирген. Аларды тез арада чечүү үчүн тиешелүү тармактык министрликтерге жана мекемелерге тапшырмалар берилген.

0
Белгилер:
көйгөй, эл, жолугушуу, Садыр Жапаров, Нарын
Тема боюнча
Жапаров "Торугарттан" жүк кантип өтүп жатканын көрдү. Сүрөттөр