AstraZeneca вакцинасы. Архивдик сүрөт

Францияда AstraZeneca вакцинасын алгандан кийин 8 адам каза болду

65
(жаңыланган 11:54 17.04.2021)
2-8-апрель аралыгында дарыгерлер вакцина алгандардын арасынан тогуз адамда тромб пайда болуп, дагы эки адамда кандын айлануусу начарлаганын байкаган.

БИШКЕК, 17-апр. — Sputnik. Францияда коронавируска каршы AstraZeneca вакцинасын алган соң тромбоз илдети пайда болуп, сегиз адам каза болду. Бул тууралуу Дары каражаттарынын коопсуздугу боюнча улуттук агенттикке шилтеме берип РИА Новости жазды.

8-апрель күнкү маалыматка караганда, бул өлкөдө 2,72 миллион киши AstraZeneca вакцинасы менен эмделген.

2-8-апрель аралыгында дарыгерлер вакцина алгандардын арасынан тогуз адамда тромбоз пайда болуп, дагы эки адамда кандын айлануусу начарлаганын байкаган.

Францияда аталган препарат колдонула баштагандан бери жалпысынан 23 адам тромбозго кабылган.

65
Белгилер:
AstraZeneca, тромбоз, вакцина, коронавирус, Франция
Тема:
Коронавируска каршы эмдөө (96)
Тема боюнча
Британияда AstraZeneca менен эмделген 7 киши тромбдон улам көз жумду
ЖМК: АКШда AstraZeneca вакцинасынын өндүрүшү токтотулду
Адис: Кыргызстанга AstraZeneca вакцинасы май айында келиши мүмкүн
Тажикстандын футболчулары Япон футболчулары менен беттеш учурунда

Тажикстандын командасы Дүйнө чемпионатынын тандоо туруна өтпөй калды. Себеби

15
(жаңыланган 13:20 16.06.2021)
Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген.

БИШКЕК, 16-июн. — Sputnik. Тажикстандын футбол боюнча курама командасы 2022-жылы өтө турчу Дүйнө чемпионатынын үчүнчү тандоо раундуна өтпөй калды. Бул тууралуу Тажикстандын Футбол федерациясы кабарлады.

Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген. Үчүнчү раундга сегиз топтун жеңүүчүлөрү чыккан. Ошондой эле аталган раундда экинчи орунду алган мыкты беш команда да ойномок.

"Тажикстандын улуттук курама командасы 2022-жылы өтө турган Дүйнөлүк чемпионаттын тандоо турнирине катышпай калды. Дүйнөлүк чемпионаттын тандоо турунун үчүнчү раундуна чыгып, 2023-жылы өтө турчу Азия кубогуна жолдомо алуу үчүн курама команда үчүн төрт гол жетпей калды", — деп жазылат федерациянын маалыматында.

Кийинки этапка Сирия, Австралия, Иран, Сауд Аравиясы, Япония, БАЭ жана Түштүк Корея чыкты.

Экинчи орунду алган командалардын көрсөткүчтөрү:

  • Кытай — 13 упай;
  • Оман — 12;
  • Ирак — 11;
  • Вьетнам — 11;
  • Ливан — 10 (өз дарбазасына жана атаандашка кирген топтун айырмасы +3);
  • Тажикстан — 10 (өз дарбазасына жана атаандашка кирген топтун айырмасы — 1);
  • Өзбекстан — 9;
  • Кувейт — 8.
15
Белгилер:
тандоо, футбол, дүйнө чемпионаты, Тажикстан
Тема боюнча
КРдин футбол командасы өз тайпасынан экинчиге илинбей калды. Эми эмне болот?
Новосибирск жарылуу болгон автогаз куюучу жайы

Кыргызстандыктар жабыркаган жарылуу: Новосибирскте АЗСтин директору кармалды

35
(жаңыланган 12:49 16.06.2021)
14-июнда аталган калаада автогаз куюучу жайда жарылуу болуп, анда жабыркагандардын арасында үч кыргызстандык бар экени айтылган.

БИШКЕК, 16-июн. — Sputnik. Новосибирск соту жарылуу болгон автогаз куюучу жайынын директорун эки айга камакка алды. Бул тууралуу РИА Новости жазды.

"Кырсыкка себепкер катары автогаз куюу жайынын директору менен инженери тергөө учурунда эки айга камакка алынды. Алдын ала маалыматтарга караганда, газ ташып келген атайын автоунаа газды куюу учурунда коопсуздук эрежелерин сактабай койгону себеп болушу мүмкүн", — деп айтылат маалыматта.

Эске салсак, 14-июнда жергиликтүү убакыт менен саат 18:00дөр чамасында Новосибирск шаарындагы автогаз куюучу жайда жарылуу болуп, анда жабыркагандардын арасында үч кыргызстандык болгон. Буга чейин Тышкы иштер министрлиги алардын экөө ооруканада, бири үйүндө дарыланып жатканын, өмүрүнө коркунуч жок экенин айткан.

Ошондой эле өрттүн жана жарылуунун натыйжасында Кыргызстандын жараны ижарага алып иштетип жүргөн кафе жана кыргыз жараны иштеген дөңгөлөк алмаштыруучу жай күйүп кеткендиги аныкталган. Дагы бир кыргызстандыктын документтери күйүп кеткен.

35
Белгилер:
камоо, директор, жарылуу, Новосибирск, Россия
Тема боюнча
Сузакта шахта урап, ичинде калып калган эки киши көз жумду
Унаа экиге бөлүнүп кеткен. Түптөгү жол кырсык эки кишинин өмүрүн алды. Сүрөт
Тамчы аэропортундагы учак. Архив

Ысык-Көлдөн кайсы шаарларга учуп кетсе болот? Тизме жана график

0
(жаңыланган 13:28 16.06.2021)
Россиянын шаарларына баруу үчүн түрдүү авиалиниялардын чартердик каттамдары бар. Алардын учактары дээрлик күн сайын каттайт.

БИШКЕК, 16-июн. — Sputnik. "Манас" эл аралык аэропорту Ысык-Көлдөгү аэропорттон кайсы шаарларга учса болору тууралуу маалымат берди.

Бул аба терминалынан Россиянын шаарларына чартердик рейстер менен учуп кетсе болот. Компаниядан өзгөрүүлөр болушу мүмкүн экенин эскертишти.

  • Москва — Тамчы — Москва, "S7 Airlines", "Урал авиалиниялары" (шейшемби, шаршемби);
  • Санкт-Петербург — Тамчы — Санкт-Петербург, "Nordwind Airlines" (дүйшөмбү);
  • Минеральные Воды — Тамчы — Минеральные Воды, "Урал авиалиниялары" (шейшемби);
  • Ростов-на-Дону — Тамчы — Ростов-на-Дону, "Nordwind Airlines", "Урал авиалиниялары" (дүйшөмбү, жума);
  • Уфа — Тамчы — Уфа, "Урал авиалиниялары" (жума);
  • Екатеринбург — Тамчы — Екатеринбург, "Урал авиалиниялары" (ишемби);
  • Новосибирск — Тамчы — Новосибирск, "S7 Airlines" (жекшемби).
0
Тема боюнча
Кыргызстандан Кувейтке эми түз учууга болот. Убактысы